الخميس، 12 فبراير 2009

ما تيجى نجرب

الدنيا كلها بقت شعارات ...شعارات اللى يقولك موضوعنا صريح ، واللى يقول موضوعنا جرئ واللى يقول .... موضوعنا اول مره حد يتناوله... كله بيقول.......... والمشكله ان انا كمان مسمى مدونتى "بصراحه" (شعار برده) طيب ايه العمل؟! وبعدين الموضوع ده ملوش حل ولا ايه؟! ياعم ملناش دعوه. خلينا فى نفسنا احسن. ايوالله .... من تدخل فى مالا يعنيه سمع مالا يرضيه.. وخلى اللى يتكلم يتكلم.. هو الكلام بفلوس. هو حتى دى هنخنق على الناس فيها .... كل حاجه بقت بفلوس , وبقت نار ومحدش عارف لا يشترى ولا حتى يبيع. فخليهم يقولوا زى ما هما عايزين , والله يكرمكم محدش يضايقهم. هما اكيد عندهم حق ... وهما كمان اول ناس تنفرد بالموضوع اللى كل واحد منهم ده بيتكلم فيه. نخلينا فى نفسنا احنا بقى .... ياريت يعنى ماشى؟! طيب احنا ... ايه الموضوع .... اقولكم ايه الموضوع. كل الحكايه ... ان انا عارف ان كل واحد فينا ... متنيل على عينه عنده بلاوى زرقه مخبيها. (منطقه ضلمه يعنى كده ماحدش شايفها) وما يقدرشى حتى يحرك لسانه بيها . واحيانا نفسه نفسها تخاف تحدث نفسها بيها. ليييييييييييييييييييييييييه؟؟!!!!!!! لانه مكسوف من نفسه منها. اه والله . بس طول ما هو كده بيبقى مخنوق خالص ، خالص . واحيانا بيبقى مش عارف يعيش. فعلا مهو يا عينى مش عارف يفضفض لحد .ومش عارف يأنب نفسه بانه يحكى لصاحبه او صاحبتها عن اللى عمله او عملته , لان صاحبه او صاحبتها هيبصلهم بصه مش اللى هيه. علشان كده انا عملت المدونه دى. وعلى فكره المدونه دى مش لحضرتى بس ، اكتب فيها اللى انا عايزه . لا دى هتبقى بتاعتنا كلنا. وانا مشرف بس لانى ماعنديش استعداد اقعد اكتب والناس تقعد تهز دماغها. بتخنق , وبسرعه كمان. علشان كده . انا عايزكم تشاركوني الفكره دى .عايز كل واحد يدخل باسم مستعار او باسمه الحقيقي هوه حر بس ياريت ما يذكرشى اسم حد حقيقى . ويكتب كل اللى فى نفسه . (اى اعتراف نفسه يعترفه من زمان). بس ياريت يبقى الكلام حقيقى وبلاش القصص والافلام اللى الواحد بيقراها دى على المنتديات اليومين دووول. ايه رئيكم ؟!! ما تيجى نجرب.

هناك 3 تعليقات:

غير معرف يقول...

ايه ؟! ما حدش عنده اى حاجه ضالمه؟!
للدرجه دى ابيض.

غير معرف يقول...

والله المنطقة الضلمة اللى انت بتتكلم عنها دى هى موجوودة فعلا
بس انا بحاول اقلل منهاعلى قد ما اقدر
ومش ضرورى اقولها طالما هقدر اخفيها من حياتى
دة بصراحة
موضوعك هايل يا ......
معاك nanna

غير معرف يقول...

لا بالعكس
انت مقرأتش كلامى كويس والا ايه
انا قولت انها موجودة فعلا
ربنا يقدرنى وامحيها من حياتى
ادعيلى انت بس

  قيراط حظ ولا فدان شطارة ... مقوله سمعناها كلنا و حفظناها عن اجدادنا ... ب س لما بدأنا نتعلم و نشوف العلم الحديث و الغرب و تكنولوجيته بدأنا...