اوعى تقولى ...........
"لاااااااااااااااااا ، مش انا ياباشا اللى ياخد على قفاه"
والله بتاخد على قفاك ...
وعلى فكره انا ماجبتش سيرة الحكومه ولا السلطه (ايوه ماحدش يوقعنى فى غلط))
انا اقصد بتاخد على قفاك من ناس تانيييييييييييين خالص (مش الحكومه))
المهم نرجع لقفاك ، سورى اقصد للقفا عموما.
ازاى بقى بتاخد على قفاك ، اقولك انا
دا لو انت قال مش عارف يعنى
نبدأ طبعا باللى مفيش خلاف فيه و قسم الشرطه (اللى طبعا شغال فيه ناس من الشعب) مش حكومه يعنى.
ده مش محتاج منى شرح ولا توضيح .
دا ، انت عارف كويس لو رحته هتاخد فيه ايه بالظبط وفين.
وياعم علشان اوفر عليك انا عارف انك مارحتش قسم قبل كده ولا اخدت اى حاجه (ده اكيد انا عارف ، مش انت اللى تروح القسم)
بس قولى يا فالح، انت عمرك ما وقفت فى طابور عيش (مجازا يعنى) على اساس ان فيه طابور يعنى.
بلااااش الطابور لانى عارف برده انك عندك اشتراك والعيش بيجيلك لغاية عندك, خليها الباص (بلاش الباص دى برده لان اللى بيركب الباص مش بياخد على قفاه ولا حاجه)، اقصد اتوبيس النقل العام ، هاااا ؟!! فاكره ولا افكرك؟؟!!
اكيد انت راجل عامل اشتراك مكيف ومش بتركب الاتوبيس الياي دة برده انا عارف.
طيب الكليه يا فااااااااااااااااااااالح، اتكلم ولا اخلينى ساكت؟؟!!
اقولك : انا هقولك كلمات مفتاحيه وانت هتفهم، ( الدكتور- المذكره – اعمال السنه – الدروس الخصوصيه ) فهمت ولا اوضح اكتر، ان الله حليم ستار.
ايه؟
خلصت جامعه ؟؟!!
ماشى
خلاص يبقى الشغل يا فالح؟!! هتعترف ولا اتكلم؟؟!!!! (دى والله واضحة خالص زى الشمس)
ايه؟!! بتقول ايه؟!!
مظبط مديرك ؟! يابن الايه.
طيب ماشى
مهو انا مش هسيبك
خد عندك طيب:
المروووووووووووووووور
الطرق اللى بتتعور (اقصد بتمشى) عليها.
الضرايب.
المستشفيات.
الصرف الصحى واللى مش صحى.
المصالح الحكوميه (اقصد طبعا اللى بيديرها ناس من الشعب).
البطااااااااااااااله.
اختصر.....
ماشى
يبقى (جمهورية مصر العربيه)
وفى الاخر ،(((( انا اصرح واهيب بكل من قرأ الموضوع انه ما يفمشى ابدا ابدا انى اقصد الحكومه ده كلام مغرض))).
ايوه بلاش توقعونا فى الغلط لحسن انا عارفكم।
وعلى فكره كمان ، مش انا اللى كاتب المقاله دية؟
مع السلامو عليكو
هناك 5 تعليقات:
ربنا يكفينا شرهم ,بصراحة قلبى معاك وخلى بالك من نفسك الااااااااااا تفرقع وتموت من الغيظ .
بسم الله الرحمن الرحيم
هو على مستوى اللى بيحصل دى اوضاع مؤسفه ولا حول ولا قوة الا بالله العلى العظيم اما على مستوى المدونه الاسلوب فى العرض ممتاز جدا شيق ويجذب اى حد انه يقراه وعلى مستوى العمل ربنا يجعله فى ميزان حسناتك يوم القيامه
دمع السجين هناك فى اغلاله ودم الشهيد هنا سيلتقيان, حتى اذا ما افعمت بهم الربا لم يبق غير تمرد الفيضان, ومن العواصف ما يكون هبوبهابعد الهدوء راحة الربان ,ان احتدام النار فى جوف الثرى امر يثير حفيظة البركان, وتتابع الثغرات ينزل بعده سيل يليه تدفق الطوفان, فيموج يقتلع الطغاة مزمجرا اقوى من الجبروت والسلطان.
اللهم ارزقنا العفو والعافيه
شكرا لمرورك يا اخى الكريم واسأل الله العلي القدير ان يعفينا ويعفو عنا وان يصلح ذات بيننا ليصلح لنا حكامنا.
اللهم امين
بص انت كدة دخلت فسكة مش بتاعتنا يبنى ابعد احسن لك وسيب اللى يضرب على قفاة ينضرب
وبالنسبة للمديرين انا اكتشفت حاجة مهمة جدا
فاكر المثل بتاع ( يا مأمنه للرجال يا مأمنة للمية فى الغربال )
ينطبق هذا المثل بالحرف على المديرين فما نقعدتش تنق وتقول مظبط المدير والكلام
ما بناخدش منكم غير النق
وخليك فاكر الراجل اللى نق عليك راحت الرخص مسحوبة منك
وخد بالك من قفالك يا حلو
حسبى الله ونعم الوكيل
ربنا يعافينا ويعافى الجميع ويصلح حالى البلد اللى مش عارفين امتى هتتخلص من الكلاب اللى عايشة فيها
إرسال تعليق