الجمعة، 10 أبريل 2009

حد يفهمنى

حد يفهمنى ، احنا ريحين فين؟؟!! البلد كانت كويسه... وكنا كلنا بنفتخر بيها ... ايه اللى حصل..... افتكر زمان كنت وانا بذاكر .... كنت ديما لما اسرح الاقينى كاتب فى الصفحه اللى قدامى... "مصر التى فى خاطرى" الكلام ده كان فى اعدادى ، وثانوى ، والكليه كمان.... وكمان افتكر انى قريب مره وانا قاعد مع مديرى مره تليفون .... فسرحت شويه...... ولقيت نفسى برده كاتب بالنص " مصر التى فى خاطرى ..... ههههههههههه " وعلى فكره "ههههههههههه" دى بقية الجمله اللى كنت كاتبها... فلما مديرى شاف كلمة "مصر اللى فى خاطرى "، ضحك وقالى : " ايه ياعم ده".... قلتله: ما تستغربش ، شوف انا كاتب ايه جنبها ووريته "هههههههه" فقام اقتنع انى ما اتجننتش ولا حاجه ... خلااااااااااااااااص البلد خلاص مش عارف راحت فين مفيش حد مش مخنوق..... مفيش حد مبسوط ............ الدنيا خربانه لدرجة ان الناس مش فاهمه المفروض يعملوا ايه..... الناس استسلمت ............ فكك من الجماعه اللى كل حبه دووول يعملولك اشى اضراب على وقفه احتجاجيه على وقفه حداد ........... كل دووول هجاصين ، ماعدا الجماعه الصيادله بصراحه ،، الموضوع بتاعهم ده عمللى دماغ ..... قمة الهدوء ، الاخلاق ، العقل ، الرزانه ، الشياكه ، العمل فى صمت ، احراز الهدف .... بجد اساتذه ............ غير كده فكك ،،، كله فى الكلتش ،،،، يا خساره يا وطن .... لا الحكومه نافعه .... ولا الشعب نافع .............. ولا الفهلوه نافعه............. ومفيش وطن خلاص .... الوطن منداس ..... الوطن خلاص احتاس .....وكله فى البلاله يا عم عباس .......... فاكر زمان كانت عايشه ازاى الناس ...... كانت كل حاجه على المقاس .... اما دلوقتى .....فكله منداس ...... وكله محتاس ......اشى هجاص ، واشى خباص ، واشى هلاس ..... عليه العوض يا ناس..... والف خساره يا بلد عليكى وعلى الولد ....... الله يرحمنا برحمته . اشوفكوا فى الحلقه الجايه ، ااعدوا بالعافيه .... امممممممممممممه

هناك 4 تعليقات:

ابو حفص يقول...

يا عم اللى بيضرب مش عارف هو بيضرب ليه و اللى طالع فى المظاهره مش عارف هو رايح فين دا حتى لما عربيه الامن بتيجى كله بيفك
"لف وارجع تانى لف وارجع تانى"
انفد بجلدك ياله

أبو حميد يقول...

هو فيه إيه يا كابتن ، في حاجة ولا ايه، متهايئلي إنك عايز تقول حاجة بس ايه مانتاش عارف ولا أنا عارف، ولو حد عارف هو عارف ولا مش عارف ياريت يتصل على أي حد مش عارف عشان يعرفه.... مع تحيات( واحد مش عارف أي حاجة(يا باشا) )

المفتش كرومبو يقول...

فى البلد دى كل واحد يخلى بالة من قفاااااااااااااااه لانى مش مسئول عنة ساعة الجد . والله ولى الصابرييين وحسبنا الله ونعم الوكيل سلالالام.

غير معرف يقول...

امممممممممممممم
مهما كان بردوا يا ويكا البلد هتفضل بلدنا
واحنا اللى بنحسن وبنصونها منها واحنا بردوا اللى بندوسها
ياريت كل واحد يراعى ربنا فى كل شئ والحياه هتبقى كويسة
ودعوة للتفاؤل بقى
هاه ؟؟؟ فاهمنى أكيد .... مش كدة ؟
اقعد بالعافية بقى
nanna

  قيراط حظ ولا فدان شطارة ... مقوله سمعناها كلنا و حفظناها عن اجدادنا ... ب س لما بدأنا نتعلم و نشوف العلم الحديث و الغرب و تكنولوجيته بدأنا...