الاثنين، 11 مايو 2009

احلى هديه

من احلى الهدايا اللى وصلتنى هو التاج اللى اهدتهولى اختى الصغنونه الغاليه كوكيتا اللى انا لغاية دلوقتى منبهر جداً بأسلوبها اللى انا حاسس انه اكبر بكتير من سنها ।
واللى خلتنى اقتنع انى لا بعرف اكتب ولا اى حاجه ، اى والله
وانا بعتذر لها جدا انى اتأخرت على الرد عليه بس ده فقط لانى عايز اجاوب بعمق زيها ، بس بصراحه لما عرفت ان الموضوع مش موضوع مووووود وان العيب فيه فقلت اجاوب وخلاص
عموما يالله بقى وامرى لله ،
ياقوووووووى
اسمك....؟
وئام
 المشهور بيه وسط اصحابك..؟
 ويكا
مجال دراستك ؟
هندسة بترول وتعدين
 اسم مدونتك ..؟
 بصراحه
 الصوره الرمزيه لمدونتك بتعبر عن ايه ...؟
الصوره اللى موجوده ده مش رمزيه دى حقيقيه لحضرتى بس من ضهرى اخترتها لعدة اسباب
بحس فيها بسعة الافق والطموح والفكر والامل فى بكره (غير انى عامل فيها عم الغامض اللى بيطلع بضهره فى الفيلم)
 هل فكرت في اغلاق المدونه ؟ والسبب ..؟
خالص بل بالعكس عندى امل انها تبقى ملتقى فكرى فى يوم من الايام ان شاء الله
 ايه رد فعلك لو حد قل ادبه عليك في تعليق ...؟
 مش هنشر التعليق طبعاً وعلشان كده انا مش فاتح التعليقات الا بموافقه منى . لان للاسف الغير محترمين كتييير
 اسوء مدونه...؟
 اكتر من واحده بصراحه
انا كنت مفكر ان اللى بيفكر يعمل مدونه ده راجل ذو فكره وهدف فبالتالى عمرى ما توقعت اقابل حاجه وحشه بس للاسف قابلت
هيحصل ايه للايميل بتاعك لما تموت...؟
 بص ، انا عجبانى مقوله سمعتها :
"كل كلمة عاشت ، كانت قد اقتاتت قلب انسان حي ، حتى اذا ما متنا من اجلها ، انتفضت حيه وعاشت بين الاحيا ، والاحياء لا يتبنون الاموات "
اتمنى تكون وصلت.
السفر بالنسبالك ايه ...؟
متعه ، بس مش بحب الغربه يعنى فسحه بس
المود بتاعك ؟
 ديما واخد الامور جد وعلى اعصابى بس لما بهيس ببقى مشكله.
بتعمل ايه في وقت فراعك..؟
 انا بحاول على قد ما اقدر ما يبقاش عندى وقت فراغ.
 الأكلة المفضله؟!
 البيض المقلى والشيبسى او البطاطس المحمره والبيتزا البيتى
الصفات اللي ورثتها عن والدك؟
 الجديه واللى فى قلبى على لسانى وما اخفشى من حد
 الصفات اللي ورثتها عن والدتك ..؟
 طيبة القلب وانى اطلع اطلع واجى على مفيش.
اكتر ست حاجات بتكرهها...؟
 الظلم
الكذب
الخيانه
الخداع
الاستهتار
الغباء طبعاً
اكتر ست حاجات بتحبها...؟
اسرتى الاداره
علوم الكمبيوتر المختلفه
معرفة ناس جديده واعمل علاقات كتيره
علم النفس والعلوم الانسانيه كلها
الادب
شخصيتك نوعها ايه....؟
خضره وبأستك من فوق
لماذا دخلت عالم التدوين ...؟
بسم الله الرحمن الرحيم ، اولا انا بحب اشكر حضراتكم ، بس نفسى اعرف مين ابن الـــــــــــ .... اللى ذقنى ودخلنى .
لالالالا بجد بجد ، هو الموضوع كان بيراودنى بس كنت منتظر لغاية ما جه صاحبى العاقل بمدونته يوريهالى فأتشجعت وجيت خاشش براسى على طول
بس بجد تجربه جميــــــــــــــــــــــله
اجمل كلمه اتقالت في وصف مدونتك.....؟
 مفيش حد قال حاجه لان مفيش حد بيقراها الا ما رحم ربى
أهمية التعليق بالنسبه ليك ؟
 النتيجه
احسن بوست كتبته ....؟
 طبعا كلهم احسن من بعض ههههههههههه
بس احسنهم " تعبت خلاص ونفسى اكاكى" وتعليقى على بوست للاخت سبهلله بعنوان "وحتى يدوم الحب"
افضل بوست قرأته ...؟
 بوست " ويدوم الحب" لسبهلله لدرجة انى علقت عليه ببوست كامل وعملت مدونه جديده علشان احط اجمل البوستات اللى هقراها بسببه.
 تمرر التاج لمين...؟
 والله هو فيه ناس كتير بصراحه
بس انا هختار اتنين مش واحد " رغبة فى سرعة الانتشار" او من باب التغيير .
الاولانى لصاحبى العاقل صاحب مدونة " مهاترات عاقل"
والتانى للاخت الصيدلانيه التعبانه والشقيانه اللى انا والله تعبتلها اللى طالعه نازله " صيدلانيه طلعه نازله"واللى هيه طبعا غنيه عن التعريف" ولاز يجوبوه طبعاً ان شاء الله.
واقعدوا بالعافيه
امممممممممممممممه

هناك 5 تعليقات:

koketa يقول...

والله انا ولا فيا اى حاجة من الصفات الجميلة دى دا بس الشخص الكويس بيشوف كل الناس كويسين
واجابات حضرتك لذيذة وجميلة
وبتمرر التاج لابلة علا ليييييييييه انا لسه بعتالها تاج اصعب من ده بكتييييييييييييييييير جدا
وكمان التاج الى بعته لابلة علا (صيدلانية طالعة نازلة)هدية منى لحضرتك بردو اتمنى تجاوبه كمان

ويكا يقول...

كوكيتا
اولا شكرا لمرورك
ثانيا انتى فيكى الصفات الجميله دى فعلا بدون مجامله
ثالثاً مش شايفه ان تاجين فى الراس توجع؟!

Haytham Kilany يقول...

تعرف ان من اجمل الحاجات اللى بحبها موضوع كرسى الاعتراف
انك تقعد كدة وتتكلم من جواك عن نفسك وعن رؤيتك للاخرين
لو تفتكر المنتدى اللى انت هاجرة بتاع ملتقى العاملين انا عامل فية حاجة اسمها كرسى الاعتراف علشان اوقع ناس زى حضرتك فية بس للاسف واحد صاحبى قعدنى انا علية الاول فعترفت

وعايز اقول كلمة مذنوقة جواية ( ان انا اكتر واحد فى البلد دى مابترضاش تنشر التعليقات بتاعتى مع انها محترمة( محترمة اوى)
عموما الفكرة رائعه
عايز اعرف ازاى التاج هيتبعتلى
تحياتى

تأثير الفراشة يقول...

السلام عليكم و رحمة الله و بركاته

أول زيارة لى فى مدونة حضرتك

ألف مبروك على التاج

و أكتر إجابة أحييك عليها هى إجابة سؤال أكتر 6 حاجات بتكرههم،

بالتوفيق لحضرتك دوما إن شاء الله
تقبل مرورى

ويكا يقول...

تأثير الفراشه

شكرا لمرورك
واتمنى اننا نتزاور على طول
واتمنى لكى التوفيق

شكرا

  قيراط حظ ولا فدان شطارة ... مقوله سمعناها كلنا و حفظناها عن اجدادنا ... ب س لما بدأنا نتعلم و نشوف العلم الحديث و الغرب و تكنولوجيته بدأنا...