السبت، 6 يونيو، 2009

الست ، الست

الموضوع ده جالى على الايميل ، وكأن اللى باعته كان عارف انا كنت هكتب ايه بالظبط النهارده والله . علشان كده انا هنقله زى ما هو . وابقوا اعتبروه ان انا اللى قلته ، بس برده مش انا اللى كاتبه اهه ، علشان عارفكوا تموتوا وتهدو النفوس . يعنى ما حدش يعمل عليا اى اسقاط ، مش انا خالص انا مراتى الحمد لله ، عظيمه ، عظيمه ، عظيمه. اعظم عظمات الستات. ماشى؟!! عالله حد كده يجرئ ويفكر انى بتكلم على اى واحده اعرفها ، انا بتكلم على كل الستات اللى ما اعرفهمش طبعاً.

الستات من وجهة نظر واحد معقد من الستات

***********

الست زى عربية الإسعاف.. لما تفتح

السارينة لازم توسّع لها.

الست زى التليفزيون.. من النادر

انه يعرض الحاجة المناسبة في

الوقت المناسب..

الست زى الحكومة .. دايما محتاج

معجزة علشان تعرف تغيّرها.

الست زى الطريق الصحراوي .. الغلطة

عليه بحادثة.

الست زى نادي الزمالك .. جمالها في

ضعفها.

الست زى الشتيمة ... بتلف تلف و

ترجع لصاحبها.

الست زى الكتاب الحلو .. أول ما

تخلصه تبقى عايز ترجع تقراه من

الأول تانى.

الست زى العيد الكبير .. الاتنين

ماينفعوش من غير وقفه.

الست زى المسمار .. الأتنين مايجوش

غير بالدق.

الفرق بين الست زمان والست دلوقتى

.. هو نفس الفرق بين الجنيه زمان

والجنيه دلوقتى.

الست زى كتب الفلسفة .. كل ما تيجى

تدوّر على إجابة تتورط في أسئلة

جديدة.

الست زى جهاز الكمبيوتر .. ماحدش

يعرف هيا بتشتغل ازاى غير اللى

عملها.

الست زى شاحن الموبايل .. معظم

الوقت مالوش لازمه، بس فى لحظة

بيبقى كل حاجه.

هناك 9 تعليقات:

enjy يقول...

مع السلامو عليكو
انا شايفة ان مش الست هى اللى كدة او الراجل هو اللى كدة...
البنى ادم عموما كدة محدش زى التانى بس كلنا مشتركين فى اننا مبنفهمش بعض ومبنحسش ببعض...يعنى الكلام دة ينطبق على البنى ادمين عموما مش الستات بس

ويكا يقول...
أزال المؤلف هذا التعليق.
موناليزا يقول...

:) طيب والرجل مالوش نصيب برضه ولا ايه؟
مش عايزينك تبقى متحيز للجنس الاخر:)

ويكا يقول...

انجى
ياباشا ، مهو احنا ما قلناش غير كده , بس الفرق الوحيد بس ان الست هيه اللى بنى ادم بس.
اما الراجل فهو ابن .............
بس برده انا معاكى بجد فى موضوع اننا ما بنحسش ببعض ده

ويكا يقول...

موناليزا

هو بعد كل ده والراجل مالوش نصيب ، ده له نصيب ونص وتلت تربع ، بس من الشلل والذل والخنقه , والحسره وال ,,,,,,,,,,,,,
ولا بلاش لحسن يحصلى حاجه

ويكا يقول...

موناليزا
على فكره انا غيرت الصاد بالسين خلاص
ههههههههه
شكرا يا جميل

Me7'o يقول...

هههههههه

كل ما أفكر فى كلمة ألاقيها صح مية فى المية

روح يا شيخ
وتعالى بسرعة

ابو على يقول...

اضافة
الفرق بين المسدس والست ؟
المسدس ينفع تركبله كاتم صوت

Pink يقول...

في امريكا بيقولوا

الست زي طابع البوستة
كل ما تف عليه بلزق أكثر

Related Posts Plugin for WordPress, Blogger...