الثلاثاء، 21 يوليو 2009

فيها ايه؟!

فيها ايه لو : لو دخلت القسم : وقام امين الشرطه قالك: اتفضل يا فندم ارتاح؟!! لو دخلت المستشفى : طلع طقم دكاتره وممرضات جرى عليك وقالولك خير ايه الموقف وايه اللى حصل؟!وهما بيسعفوا فيك لو رحت تجيب عيش : ولقيت فيه طابور متنظم وماشى بطريقه منتظمه ووقفت شويه صغيرين وبعدهم اخدت شوية عيش من بتوع البنى ادمين؟! لو رحت اى مصلحه حكوميه : فقام الموظف خلصلك ورقك على طول وقالك شوية مصطلحات غريبه كده شويه (حاضر ، عنيه ، تحت امرك ، ولا يهمك ، ما تقلقش ، هيخلص ان شاء الله) ؟! لو رحت المرور تجدد رخص العربيه : وفوجأت ان المخالفات اللى موجوده هي بتاعتك فعلا؟! لو مشيت على الطريق بالعربيه : ولقيت الطريق متسفلت ونظيف ومش متكسر ولا فيه مطبات ولا خوازيق؟! لو رحت اى مصلحه حكوميه : وما قلقشى الموظف (فتح دماغك ياعم الحج)؟! وفتح الدرج بتاعه؟! عارفين هيحصل ايه؟! متهيقلى متهيقلى هندخل الجنه.

هناك 3 تعليقات:

AhmeD 3llaM يقول...

وقتها هنغني ونقول
تبقي انت اكيد مش في مصر
تحياتي

ويكا يقول...

يا اما يكون اللى بالى بالك اكيد .... تييييييييييييييت .....

دعدوشة يقول...

تف من تمك شو بدك العالم تحكي علينا انو نحنا ناس متحضرين .. كش برا وبعيد

Related Posts Plugin for WordPress, Blogger...