الاثنين، 31 مايو 2010

المملكه العربيه المصريه



انا عارف ان الاسم يخض ، ومش محبوب بحكم خبرتنا السابقه مع الحكايه دى ، وموضوع الملك والمملكه ده .

بس ليه ما نبصش للجانب المشرق  ؟! ليه ما نبصش للتجارب الناجحه والجميله .......

يعنى مثلا السعوديه ..... انجلترا  ..... الامارات ....... مصر نفسها ايام محمد على .........

كل دول وغيرهم كتييير ممالك بس احلى كلام واحلى نظام واحلى عيشه ........ واحلى استقرار سياسى واجتماعى ..... عكس اى جمهوريه ......

اى جمهوريه تانيه ، لازم تلاقى فيها وش وصداع وخبط ورزع وخداع سياسى ومناورات ........ حتى ولو امريكا ..... برده فيها الكلام ده .......

عارفين لييه ؟!!!!

علشان شوية اسباب بسيطه بس مهمه شويه ، على سبيل المثال :

       الملك ، بيبقى عارف انه مخلد فى الحكم لغاية ما يموت فبيبقى مش شاغل باله بالكرسى اوى اد ان تركيزه كله منصب على انه يعمل حاجه تنسبله ويخلد بيها اسمه من بعده .
       اما رئيس الجمهوريه ، فبيبقى عارف انه ممكن يمشى فى اى وقت فبيبقى تركيزه كله منصب على الكرسى وازاى يقدر يعمل اكبر كم من الاتباع والعصابات حواليه علشان يساعدوه انه يفضل موجود ...... وطظ فى ام الشعب هو هينفعنا بايه ، المهم الكرسى والسلطان والنفوذ .

الملك بيبقى ملك وابن ملك ، ففيه عزه ونخوه ، وما يقبلشى على نفسه انكسار ولا يخاف .

الرئيس بيبقى واحد ابن .......... تيييييت ...... من بيئه ...  تييييييييت ..... وجات ظروفه كده ومشيت معاه وبقى رئيس جمهوريه ....... علشان كده هو طول عمره منكسر اساسا فيا اما هيطلع ام النقص ده على الشعب يا اما هيتزل امام كل الامم ويزل اهله ..........



الملك عايز مملكته تكبر وتتوسع علشان دى ملكه وملك عياله ........


الرئيس عايز يعيش جنب الحيط وياخدوا اللى يخدوه المهم يفضل رئيس .......


الملك ... ملك .... وابن ملك وجده ملك ..... وعنده فلوس كتييييييير فبيصرف منها على الشعب .......

اما الرئيس فابن .......... تيييت طبعاً  ...... وما عندوش ولا مليم .... كل اللى معاه صرفه على الانتخابات دا اذا كان فيه انتخابات اشاسا . فبالتالى عايز يلم اللى صرفه تانى ويكون مستقبله ومستقبل عياله وعيال عياله ...... والكلام ده مسئول عنه الشعب طبعاً .

الملك قاعد ومش هيمشى ، فبيعمل مملكه لاولاده كويسه علشان يمسكوها ما تتعبهومش.

الرئيس برده قاعد مش بيمشى ، فبيعمل عصابه لاولاده كويسه علشان لما يمشى يورثوا البلد لهم وكمان بيعملهم ارضيه كويسه علشان يقعدوا عليها ما تتعبهمشى .........



علشان كده انا شايف اننا نطالب اننا نحول مصر من نظام جمهورى الى نظام ملكى وخلاص .


ونريح نفسنا وتبقى على الاقل جات منا احنا .........

وانا ما عنديش مانع انى ابايع السيد  الرئيس جمال مبارك على الملك الجديد بس بشرط تبقى مملكه وتتحول بيها مصر الى اسم المباركيه ...........


بس خلاص


واقعدوا بالعافيه

امممممممه

الخميس، 27 مايو 2010

بدون عنوان

جننتنى بتلك الاغنية التى نسجتها من وحى خيالى .......


جننتنى كيف لها ان تحرمنى من حق الامانى ..........

فقد نسجت نفسها وكأنها انا ولم تبالى ........

ونسيت ان من حقى ان اتطوق للمحال .......



ان امارس حقى فى البحث والسؤال ........


فكيف لها ان تأتى بما اشتهيت ، وما اشتهيتُ غالى .......

 
فقد حرمتنى البحث عن شئ صعب المنال .......

فاجأتنى بأنها من كان يقف دائما خلف مرآتى من قديم الزمان ......


ظننت عمرى انه انا من يظهر فى المرآة لا محال ........



ولم اعلم ابداً انه يوجد يوماً من حاله حالى ........



جننتنى ولا اعلم املاك هى ام انسان














الخميس، 20 مايو 2010

عايز اقول لفظ مش كويس



عن خبر نشرته جريدة اليوم السابع "عن وقف بث قناة الرحمه الفضائيه":

وهذا جزء من نص الخبر:

(قال الشيخ "حسن حسان" شقيق الداعية "محمد حسان" ومدير البث بقناة الرحمة، إنهم توجهوا أول أمس بخطابات للسيد محمد حسنى مبارك رئيس الجمهورية، ونجله جمال مبارك رئيس لجنة السياسات بالحزب الوطنى، وأنس الفقى وزير الأعلام وحبيب العادلى وزير الداخلية، اعتراضا على استجابة إدارة النايل سات لقرار المحكمة الفرنسية بوقف بث قناة الرحمة بحجة أنها تنشر أفكارا معادية للسامية.


وشكى حسان فى خطابه إدارة النايل سات بسبب مخالفتها للعقد المبرم مع إدارة القناة والذى ينص على أنه فى حالة وجود أى أزمة يتم حلها بشكل ودى أو يتم اللجوء للمحاكم المصرية، ووصف حسان قرار موافقة النايل سات على طلب الجمعية اليهودية بفرنسا بوقف القناة بأنه "تعسف" ضدهم لمنع أبرز القنوات الإسلامية التنويرية فى مصر.

وأضاف: على الرغم من أن هناك العديد من القنوات الفرنسية التى تسب الرسول إلا أننا لم نطالب يوما بوقف بث تلك القنوات، وأتعجب من إدارة النايل سات التى وافقت على وقف بث القناة بمنتهى السهولة والبساطة على الرغم من أن فرنسا هى التى دائما تدعى أنها ترعى حرية الرأى والتعبير وأنها بلد ديمقراطى.)


تعالوا بقى نعلق:
******************************

الجمعيه اليهوديه؟؟!!!!
 
فرنسا ؟؟؟!!!!
 
قناة الرحمه  (اللى هيه مصريه عربيه اسلاميه ؟!!!!!!!)
 
 
النايل سات ، (اللى هو برده مصرى مصرى يعنى ؟!!!!! ، مش فرنسى ولا يهودى )

 ؟؟؟؟؟؟؟؟؟؟؟؟؟؟؟؟؟

الله !!!!       هو فيه ايه ؟!!!!
 
انا بجد عندى لفظ قليل الادب جداااً جداااا 
 
هو ايه اللى بيحصل؟!!!!
 
قالو الحجاب لا  ..... اتنيلنا اتكتمنا وما عرفناش نفتح بقنا زى الكلاب .....
 
وعبيدهم من بنى جنسنا قالوا دى بلدهم وهما حرين فيها ........
 
قلنا خلاص ياعم مافيش مشكله و مالناش دعوه ، والمسلمه المتضرره ترجع بلدها .
 
بس ما حدش منهم بقى يجي يقولى ديموقراطيه او حرية فكر و عقيده والكلام الشعارات ده.
 
لكن كمان يجوا  بلادنا ،عقر الاسلام .......
 
ويقولوا  مفيش اسلام ؟!!!!!!!!!!
 
بثوا ده وما تبثوش ده ................
 
ياخى ......تييييييييييييييييييييييييييت  ......... على  ...............تييييت ....... على ام الـ .... تييييييييييت.
 
ايه الخيبه اللى احنا فيها دى .......
 
 
الله يقطع حكومة مصر على الحكومات العربيه كلها اللى اعطت الدنيه فى دينا

على كل كلب بيساعد الكلاب اسياده على حساب الدين ...............................

الأحد، 9 مايو 2010

الخيبه الكبيره

كان لنا ثقافه وفكر .


كان فيه قواعد ، وثوابت .




كان فيه برده قيم وقناعات . .......  لدينا نحن العرب والمسلمين عامه .


لقد كنا نمشى على الدرب ، بدون اى تخبط فى غياهب وظلمات الجهل والتناقض.


فقد كان الطريق امامنا مضئ وبسيط وسهل ........


لقد كنا نخطوا بخطوات ثابته نحو النجوم والسماء صاعدين على سلم مفرودة درجاته ومصممه كى لا نتعب صعودا او نزولاً .




كنا نعلم جيداً من نحن وما هو الهدف ، وما هى الطريقه لتحقيقه .


كانت الخطه جيده وواضحه ومحكمه وسهلة التنفيذ .........


وبالفعل تم البدأ فيها ....... وحققت نجاح لم يسبق فى تاريخ البشريه ان يتم تحقيقه بهذا الشكل .


وتملكنا العالم قروناً ، وحكمناه ..... بالعدل والحكمه .......


ونشرنا العلم والنور فى ارجاء البسيطه .........


ولم تتوقف النجاحات ...... بل استمر فى تحقيق النجاحات والبطولات اجدادنا الفرسان .......


ولم يوقفهم الا بحراً لا يعلموا ما ورائه ، او سحاباً  لا يملكوا سفينة للذهاب اليه وامتطاءه.


" لقد خسر العالم كثيراً بانحطاط المسلمين "


انهم كانوا رجالاً ........  ونحن نساءاً ........
كانوا اسياداً    ......... ونحن شراذم  .......


كانوا كباراً .......   ونحن صغار .......


كانوا متحكمين ..........  ونحن متحكم بنا........


لقد افسدنا عقولنا بأيدينا ........ لقد القينا بها فى مقالب الزبالة والاوساخ .......




لقد تركنا اصلنا ومجدنا .... وانسقنا الى شرازم الحمر والرعاع .


كم مجد تليد نسيناه ..... كم صرح عظيم هدمناه.....


تبكى عينى وحق لها ان تبكى دماً ، على حال امة ، كانت بالامس عظيمه وهى الان ذليله ............

"واااسلاماه  ...... واا قدساااااه  ...... وا اندلساااااااااااااااااااااه"

"وااندلس ااااااه"

 
كم يتقطع قلبى وينفطر ،،،،،، عندما يرانا بانفسنا نقطع ونمزق سيرة وتركت فرساننا وقادتنا و اسلافنا .......


"" فلاااااا نامت اعين الجبناء ""


بكت عينى ..... وقد حق بكاها .......




ولا ينفع الان الندم ولا العويل ........


يا حسرتى على مجدى وورثى ....... يا خسارتى ويا ضياع حرثى "


لقد تركنا المجد واخترنا الذل .......




مالى ارانا نتخبط ولا نعلم اى الاتجاهات نسير .....




لا اجد ما اصف به مشاعرى الا انى مستاء ...... مستاء   ............. مستاء


فلدى افكارى ووجهة نظرى ....... الا انى عاجز ان اخرجها فى سياق جميل ......




فهى الافكار والاحاسيس تعتصرنى وتغص فى حلقى ، لدرجة انى لا اعرف الان كيف اعبر عنها ......


فتعجز يدى عن خط ما يجول فى صدرى وقلبى  ......

وتأتى كلماتى غير واضحة المعالم ولا النسق لتشير وتقول ...... 

 لا نعلم ....


نحن فقط كهذا نخالج قلبك وصدرك ..... وكل ما اردناه منك ان تخرج اى شئ لتعبر للعالم عنا  .........






"والله ما ابتغينا العزه فى غير دين الله الا اذلنا الله "
Related Posts Plugin for WordPress, Blogger...