الجمعة، 11 يونيو، 2010

ها ... فين فلسطين دلوقتى .........؟!!

ها ؟!!!!
ممكن حد يقولى بقى ...... فين فلسطين ؟!!!
فين غزه ؟!!!!    فين الحصار؟!!!!
ها ؟!!
حد فاكر حاجه؟!!!
فاكرين البوست قبل اللى فات "ماكنتش عايز اتكلم "
ادينى استنيت شويه اهه ، وما ردتشى انزل بالبوست ده لما اشوف انا صح ولا لا؟!
وللاسف طلعت صح .......
هما كانوا شوية زعيق على صياح على مظاهرات ........ وبححححح
خلاااااص  ...... الشباب والرجاله عملوا اللى عليهم ........ هبدوا فى الارض وحرقوا علم اسرائيل خلاص ......
شخخوا اسرائيل على نفسها ....... لغاية ما اسرائيل طلعت تصريح وقام المسئول بتاعهم واول ما قام ، قال :
"يا ماااااامى  ........... نتيجه للرعب اللى حصلنا .......والتهديدات بتوليع العلم بتاعنا  ...........  فقد قرننا ........ اننا نفك الحصار عن غزه وعن  فلسطين ، وكل واحد مننا ...... هيرجع على بلده الاصليه . ...  ويدورله على لقمة عيش فى بلد جنب مننا ......."
وعلشان كده كل الحكومات والشعب العربى هدى خلاص ...... واطمن ....... بعد ما عمل اللى عليه ..........
انا فعلا طلعت غلطان يا جماعه ........
فعلا المظاهرات والشتيمه ....... طلعت بتجيب نتيجه ............. وفعلا هيجت العالم كله على اسرائيل وبالتالى ......
العالم كله جاب للعرب والفلسطينيين حقهم ....... لانهم افتكروا انهم كانوا مخلفينا ونسيونا ..............
علشان كده هيدوس الاوروبيين والامريكان على مصالحهم ....... وعلى البيزنس بتاعهم ....... فى سبيل اولادهم ........... الغلابه اللى من لحمه ودمهم ...... ونفس ملتهم ......... اللى هما العار ب .
هما صحيح متضيقين ، اننا طلعنا قرايبهم وعلى لونهم وجلدتهم وديانتهم ، وبالتالى هيضطروا يدوسوا فوق كل مصالحهم علشان خاطرنا ................. "بس ده ما يمنعشى انهم بيقولوا فى سرهم .... (جاتها خيبه اللى عايزه خلف) ......
ونطلع من الكلام اللى فوق ده بايه ............؟!!!
بايه؟!!!!
بانه جاتها خيبه فعلا اللى عايزه خلف زى خلفنا ................
اصحوا يا بشر ..............
ما حك ظفرك الا جلدك ................. صح؟!!!
بتتقال كده ؟!!!
ولا ... ما حك جلدك الا ظفرك ؟!!!!
لا التانيه هى اللى صح ........ ما تنفعشى الاولانيه ........
بطلوا بقى .......
امريكا ايه اللى يخليها تسيب مصالحها واعمالها مع اسرائيل علشان خاطرنا ؟!!!   ها ؟!!!
قولولى كده ؟!! 
لا دين واحد ولا لسان واحد ولا حتى منطقه او لون واحد........
يبقى ايه اللى يخليها تعمل كده ؟!!!!!
دا حتى تبقى خيبه وهبل ..... واحنا نفسنا هنقول عليها هبله .....
حد عبيط هيقولى هيا ميزان القوى والقوى الاوحد والمفروض تبقى ام الجميع لانها هى الكبيره ......
اقوله بكل فخر ...... بلا خيبه اتوكس يا موكوس ....
واتلهى ياد واقعد جتك خيبه انت كمان........ ما انتش فاهم حاجه .......
مهو ده مدعاه اكتر انها تعمل اللى هى عايزاه .......
عموما بس انا مش بكتب علشان اجيب جديد ..... انا بس كنت عايز اقول شفتوا ..... مش قلتلكم ......
حد يجيبلى حد الطاقه الداخليه بتاعته كده اللى كانت عنده ، والتى تعد المحرك الاوحد لفعل اى شئ ايجابى تجاه القضيه ...... حد يجيبلى واحد بس لسه عنده نص الطاقه دى بعد ما زعق وشتم وحرق ..........
اللى يجيبه . يبقى يقابلنى .......
فين؟! 

 عند امه يا ادهم ....... عند امه ......
هيلاقينى مستنيه .........
اقولكم ....... اقعدواااااااا بالعافيه احسن ......
امووووووووووووووووووووه.

هناك 5 تعليقات:

افروديت يقول...

فعلآياويكاكل كلامك صح وواقع ملموس وهوده الفيلم الساقع الاكلنااتعودناعليه وهنشوفه كل ماأسرائيل تعمل مصيبه جديدة .. قولي برأيك تتوقع ايه جديدانامتهيالي لوضربوامصربرضه هنكتفي بحرق العلم والاستنكاروالتنديد.سلام

افروديت يقول...

فعلآياويكاكل كلامك صح وواقع ملموس وهوده الفيلم الساقع الاكلنااتعودناعليه وهنشوفه كل ماأسرائيل تعمل مصيبه جديدة .. قولي برأيك تتوقع ايه جديدانامتهيالي لوضربوامصربرضه هنكتفي بحرق العلم والاستنكاروالتنديد.سلام

ويكا يقول...

افروديت

لو ضربوا مصر ، اممممممممم

انا متهيقلى احتمال ما يحتاجوش الموضوع ده خلاص .

كده كده مصر جيالهم لوحدها جيالهم

افروديت يقول...

لاياويكامصربالرغم من كل السلبيات الافيهابلدكبيرة وأحناعمرنامانفرط فيهاأحنابلدناغيرأي بلدليهاوضع تاني وثقل.مش كفايه فلسطين.

ويكا يقول...

والله يا افروديت

متهيقلى عصر الفراعنه خلص من زمان

Related Posts Plugin for WordPress, Blogger...