السبت، 26 يونيو 2010

خبر تنحى الريس

بكل حب وديموقراطيه تنازل الرئيس اليوم عن منصبه ، ليختم بذلك فترة حكم طوووووووويله ، باتت من خلالها الامور وتبدوا وكانها لن تتزحزح .


لذا قام فخامته وسيادته ومعاليه بالتنحى الكامل عن جميع مسئولياته التى قد اوكلت اليه منذ توليه الرياسه .


وبهذا تنتهى حقبه من اشد الحقب التى واجهناها جميعاً ، لتبدأ حقبه جديده مع رئيس جديد نسأل الله ان يكون خير خلف ......
فيعيننا على ما ابتلينا به ...... ويساعدنا على الوقوف مره اخرى على اقدامنا ...... وان تستمر عجلة النجاح والتقدم ............


ولقد نزل هذا الخبر على الجميع كالبرد والسلام على قلوبهم ، بعد ان تنفسوا الصعداء لفراقه الكريم .........
واستبشرت اسارير الجميع ، متمنيين من قلوبهم عصراً جديدا من الديموقراطيه والنزاهه......... 
ولتتح الفرصه الى الشباب الصاعد فى تولى مقاليد الامور .......
لعل الامور تستقيم وتعود خير من سابق عهدها ..........


ومن هنا ارسل بكل باقات الورد والاحترام والتبجيل الى فخامة الرئيس ..... الذى قام بهذا القرار بكل روح رياضيه ........
لم يعبأ بمال ولا جاه ولا سلطان ........
واختار الانسحاب بهدوء وثقه و ديموقراطيه ...........


وسنتذكره بكل خير بغض النظر عما فعله فينا ............


وليبدأ عصر جديد فى شركتنا الحبيبه مع ريسها الجديد وفقه الله  لما فيه خير الموظفين والعاملين ...............


 .................


________________________________


ها ااااا ؟!!! ايه؟!!!!! بتقول ايه ياعم عالى صوتك ........


كنت فاكر ايه ؟!!!!!


مين يا خويا؟؟!!!!! لا ياعم انا ماليش دعوه


دا لمؤاخذه لو كان هو بجد ، ما كنتش قدرت برده انشر خبر ذى ده ...... قلبك ابيض ياعم ...........


ربنا يسترنا ، ويستر على ولايانا دا احنا غلابه.

هناك 17 تعليقًا:

-_- يقول...

اقسم بالله اني لوهلة صدقت الخبر و فرحت

انت بتكتب بإخلاص

ويكا يقول...

شارم

هههههههههههه

بجد انت عسل

واحد إسمه أحمد واللي إسمهم أحمد كتيييييير يقول...

طبعاً .. أنا بكتب هنا عشان أسلم عليك بس (على إعتبار إنك ابن عمتي -لحد دلوقتي -) وخد بالك بالطريقة دي تبقى ابن عمتي من بعيد و لو حكمت والموضوع كبر ممكن بكل بساطة أتبرى منك وأقولك ( إنت مش إبني على طريقة عماد حمدي في فيلم الخطايا) ... أما موضوع " خبر تنحي الريس " فانا أحب أقولك إني كنت في الحمام ساعتها ومش عارف أي حاجة عن أي ريس في الدنيا -شركةأو ... -
سلام يا قريبي من بعيد.....

ويكا يقول...

احمد

يانهار ابيض يا جدعااااااااااان على النداله .
اصلى اصلى يعنى .

بقى من خبر تنحى رئيس شركه هتبعنى ، امال لو كان حد تانى .... كنت هتعمل ايه .

واطى واطى يعنى.

طيب بحكم الوطيان بقى ، وان دى مدونتى واقدر اكتب فيها كل حاجه وانت لا خد عندك بقى :

انت اسمك احمد سيف ، ابن خالى ، مدرس لغه انجليزيه - من البحيره - خالى ولا تعول الى الان - وشكلك كده مش هتعول خلااااااص .

امممممممممم
ايه تانى

مش مشكله لكن عموما لو حد احتاجك هعرف افهمه يجيبك ازاى ما تخافش.

وابقى سلملى على جوزك يا اسماعين بييييه

هههههه واى خدمه يا بن خالى.

افروديت يقول...

وبعدييييييييين بقي ينفع أكتب الكمنت وأجي مش ألاقيه..ع العموم انت زعلتني في أخرالبوست طيب بس هويعملهاوأناأفرق كانز ع المنطقة وعلي المناطق المحيطةبس يعملهااااااااااااااا.

ويكا يقول...

افروديت

ياباشا كومنت ايه بس اللى جيتى وما لقيتيهوش؟

دا الا انتى بجد

دا انتى بتنورى المدونه خالص


اما بالنسبه للكانز فانا عليا يا ستى ادبح عجل

مدونه ما كفايه بقى يقول...

سلامو عليكو

هو الرسي قال بنفسه:-انا قاعد على قلوبكم

ربنا يحميه يااااا رب

الله يخربيتنا احنا يا شيخ

هههههههههه
تقبلنى صديقه لمدونتك

تحياتى

Doba يقول...

ششششششششششش

هسسسسسسسسسس

انا مجيتش هنا
----------------
المدونة دى ملبوسة بأرواح سياسية
وانا مليش ف السياسة

وشكل المدون اللى بيكتب فيها اتقفش
وانا معرفهوش يا بييييييييييييه

لو حد سأل انا مجيتش ها
***********


بتكتب حلو قوى على فكرة

فكرة لطيفة
جريئة للطرح

بس اتمنى ألا تطرح أرضاً

تحياتى
هبة

ويكا يقول...

ما كفايه بقى

ههههههههههههههههههه
ههههههههههههه

بجد انتى كنتى هتوقفى قلبى من الضحك ، يخرب عقلك والله.

ويكا يقول...

دووووووبا

اهلا اهلا اهلا .....
دا ان لو اعرف انك هتشرفينى كنت فرشت الارض رمل.

وبعدين حد طايل يتلبس يا بنتى ؟!!

على الاقل هيبقى راكبه عفريت ، وساعتها ممكن يقدر يعمل اى حاجه.

واحسن ما يلبسه حد تانى ، وساعتها هيتعمل فيه كل حاجه.

انا مبسوط من مرورك

ويكا يقول...

ما كفايه كده

على فكره انا مبسوط انك تبقى صديقه للمدونه ، على الاقل الاقى حد يونسنى فى الحجز

زهرة(جنى)الاسلام يقول...

السلام عليكم
بجد انا لما شوفتوا فى الاول
قولت يا سلام الحمد لله
لو كان الخبر دة صحيح بس تفاجأت فى الاخر ان مش تنحى رئيس الجمهورية

افروديت يقول...

ياجماعه محدش شاف وئام أيه هماأخدوك بعدخبرالتنحي ده ولا أيه قولي أحسن كده الدورهيبقي عليه..لوسمحت ياويكالوشفت وئام قوله أني سألت عليه..وهروح أناأشتري له عيش وحلاوه دلوقت.باااااي

ويكا يقول...

افروديت

انا هنا اهه اطمنى ما تقلقيش.

انتى زى ما شفتى انى بيعت ابن خالى فى ثانيه كده.

ثقى تماما انى عمرى ما هيحصلى حاجه واسيبك ابداً

انتى الافضل تظبطى حد لنا احنا الاتنين هو اللى يجيبلنا عيش وحلاوه.

وبعدين على رأى كتكوت ، بقى اسمه عيش وعجويه

شفـقــة و إحســــان يقول...

ايه الاوشاعات المغرضة اللى تودى فى داهية دى
هههههههههههههه
بس حلوة جدا

ويكا يقول...

شفقه واحسان

اشاعات ؟!!!

مغرضه ؟!!!!
لا لا عم الحج ويا ست الاستاذه

انا مش قد الكلام الكبير ده.

انتوا كده نتويييين تودونى فى داهيه ناوين تودونى فى داهيه.

وانا سبق وحذرت ، انا لو روحت هاخد معايا ناس كتييييييييييير

فهمين ؟!!

هاا؟!!!!

نورتونى

صاحبك يقول...

مبروك عليك مكان رئيس الشركة
شفت انا بس اللي فهمتها صح ازاي كل الناس فكرتك بتتكلم عن رئيس تاني اسمه..........اسمه........ماعلينا هما اللي كانوا بيقولوا .فكره حلوه بيسموها احلام يقظه ودي ظاهره صحية الا اذا اغرق الانسان في احلام اليقظه ونسى الواقع .واعتقد ده اللي حصللك .مسكيين ربنا يصبر اهلك كنت زين الشباب

  قيراط حظ ولا فدان شطارة ... مقوله سمعناها كلنا و حفظناها عن اجدادنا ... ب س لما بدأنا نتعلم و نشوف العلم الحديث و الغرب و تكنولوجيته بدأنا...