الأربعاء، 28 يوليو 2010

حبه خطرفه


ملحوظه مهمه : البوست قد يحتوى اخطاء قاتله ، فمن فضلك لا تشرب الدواء ........ يييييه اقصد ، فمن فضلك لا تبتأس فهذا متعمد ، فكيف يكون العنوان خطرفه وتكون الكلمات جميعها صحيحه ، لذا عزيزى القارئ الطيب المهاود ، لو سمحت من نفسك صححها وبلاش كسل ، مش عيب يعنى بدل ما تقرا (فى) ، تحليها ( من) ........... (اه تحليها ...... ياعم حط النقطه انت فى عينك وصلحها .... الله )
البوست :

بما انى هنا لوحدى ........
وبما انى بموت فى الخترفه ................. (ماحدشى يقولى ليه كاتب خطرفه هنا بالتاء وفى العنوان بالطاء ؟!)
بكل بساطه لانى مش عارف هيا بتتكتب بايه ...............
المهم
نرجع لموضوع الختطرفه (علشان ما حدش يزعل) .........
انا بقى دلوقتى بعمل حاجتين ما يجوش مع بعض ابداً ................ الا وهما :
شرب سفن اب ................. واكل تفاح ..................
انا قلت وانا جايب كباية السفن وداخل الاوضه اقفل على نفسى ، اجيبلى تفحايا مجورايا كده علشان تبقى (مزه) مع السفن .......
والحمد لله فعلا طلعت مزه .............. واكتشفت ان الاتنين ما ينفعشى يتجمعوا ............. واكبر دليل على كده حالة الانتفاخ اللى انا فيها دلوقتى د ى ...................
بجد حاسس انى ولا اللى فى الشهر السادس او السابع ............
ولاول مره اعرف احساس الست المسكينه اللى بتبقى فى السادس والسابع ...........
بجد الله يكون فى عونها ...............
بتبقى حاسه انها لا لسه فى بداية حملها اللى فرحانه بيه ............ ولا اللى هيا قربت خلاص وهتولد وتخلص .............
كل اللى هى حاساه .............. انها بطنها قدامها نص متر يا عينى (اللى هى حالتى دلوقت ) ومش عارفه تعمل ايه ..........
بجد حاجه (صباح الاحباط) ..............
بس لااااااااااااا
انا ايه اللى يغصبنى على الوضع ده ............... هو انا هصدق انى حامل بجد ولا ايه ، ولازم بقى اصبر والكلام ده .............
لااااااااااااااااااااء ..................... انا مش حامل ..............
انا راجل وفى منتهى الرجووووووووووووووله ...................
والحمل اللى فى بطنى ده لازم اسقطه حالاً .................
ثوانى بقى بجد .............
ايه رايح فين ؟!!
رايح اسقطه بجد ............... امال حضرتك مفكرنى هستنى كده ولا ايه .......... اصبر بقى راجعلك تانى .............
ايييييييييييييييييييييه..................
ياااااااااه ................ دا فعلا راحه ..............
المهم (ماحدش يقولى انت كنت فين .................. علشان مش هقول .............. استحى ................ بس عموما انا بدأت فعلا ارتاح )...............
نكمل بقى موضوع الخترفه اللى هي الخطرفه يعنى ......................
انا بقى دلوقتى مش لاقى حاجه اكتبها ، مع انى حاسس انى عايز اكتب حاجه ...........
جوايا حالات متناقضه من الاحاسيس ...............
حالة حب ................ حالة زعل وضيق .............. حالة إحباط ............. حالة وحشه .............. حالة تكبير دمااااااغ ..........
حالة واحد عايز ياخد واحده ............... لا مش بالحضن ........... بالقلم وانت الصادق حضرتك.............
حالة تهييييييييييس عارمه .............
حاله من الكتابه المتواصله لدرجة عدم الكتابه ...............
عايز اكتب عن (ماهو الحب ) لكن نفسى مسدوده ، مع انى حاسس انى لو كتبت هأبدع ...........
وعايز اتكلم عن الأن أن أن .......... ان ان .................. لا مش زى ما فهمت يا قليل الادب ............... دى موسيقة النكته او المقلب ....... يا سافل .
عايز اكتب عن اللا شئ ............ وادينى بكتب ............ وأديك بتقرى ...............
عارف ياللى بتقرى ............. انا واثق انك مستمتع عن اى بوست انا كتبته جد ............. عارف ليييييييييييه ، لانك زى حالاتى بتموت فى التهييييييس .
احنا كلنا دلوقتى اغلبنا بنموت من التهيييس ............. من اللى بنشوفه بصراحه ..........
من الضغط اللى علينا .................. من الجد طول اليوم..............
علشان كده من البدايه انا اخترعت المدونه دى ............... علشان اهيس زى ما انا عايز ..............
على فكره ......
حتى الجد اللى بكتبه بعتبره تهيييييييييييس ............... علشان كده سميت المدونه من زمان ( بصراحه ) ...........
لان التهييييس احسن وقت للكلام بصراحه ..........
احسن وقت الواحد ما بيشغلشى فيه باله هو بيقول ايه وعواقب كلامه ايه ..............
بتجيلى حالات كتابه جميله جدا احيانا بأسلوب رائع ........... والغريب ان ولا مره كتبتها ..............ز اصلها مش ناقصه بصراحه ...............
انا بحب ابقى براحتى وانا بكتب  .............. مش بحب اتوقف وانا بكتب علشان افكر فى تركيبة الجمله .......... مش بحب اراجع .........
مش حابب ابقى محترف .............. انا حابب اوى فكرة انى يبقى عندى مواهب ........... لكن مش محترف ...........
حتى فى شغلى بحاول اغصب على نفسى كتير ابقى محترف ............ لان ده لازم ........... فساعات بعرف امسك نفسى ..........
وابقى محترف  (لانى للاسف دارس وعارف الاحتراف فى الشغل كويس جدا جدا ) وساعات تانيه .......... بسيب نفسى ...............
اصل بصراحه .................
دايما حاسس ، ان اللى على سجيته ده هو الانساااااااااااااااااااان.................
هو وئااااااااااااااااااااااااااااام.

مع انى ما اقدرشى انكر ان الاحتراف فى اى شئ هو الصح والمطلوب ..............
بس بصراحه .................
التلقائيه امتع بكتيييييييييييييييييير .

هناك 19 تعليقًا:

غير معرف يقول...

first of all... I feeel like I know you long time ago... its my first time to visit your blog .. but I feel like you are one of my old and close close friend :) ...

Secondly... you are amazing .. being "Sare7" as you said means being a human "2nsaan" .I like your way in this post very much... please don't stop tahyees :) as long as you are good @your job and good in your life .. nothing deserves on earth to make you sad or unhappy ...

please keeep yourself as you are very clear , 2nsaaan .. as you are ..

Thank you :)
Yes ... thank you for your post ... really I enjoyed :)

THANK YOU

ويكا يقول...

for that unknown man,

first of all , I would like to thank u very much for this compliment and I am also extremly happy that you liked my post ,however this is the least thing i can write ;-) , hahahaha.
regarding being friends before , who knows ?! , may be a new frind you discover by chance is better than old one who is not in the exact mind of u.
but u know being "sare7" may put u in alot of bad situation u do not need.
but who cares , I do not mind.still I like "sara7a".


thanks again

غير معرف يقول...

:) ...
Being "Sare7" will never put you in bad situations as long as your "Sara7a" doesn't attack others .. believe me :)


Yours ;)
By the way "Female" not "Male".. thanks

ويكا يقول...

unknown female

hahahaha

you r right ;)

غير معرف يقول...

حلوووه الخطرفه دى
وجميل ما فيها التهيس
الواحد ساعات كتير بحس انه عايز يهيس والله
والحمد لله ان فى راجل اعترف بمدى شقاء الست الحامل
مدونتك جميله
البوست رائع والصراحه اللى فيه جميله
والتلقائيه فعلا ما فيش احسن منهااا

تقبل مرورى الاول
تحيااتى

ويكا يقول...

الحب الجميل

كل ما استطيع ان اقوله لكى :
ان كلماتك كانت جميله .... وانتى من الواضح جداً انك ايضاً جميله ......

لذا فمدونتك اسمها الحب الجميل (فما اجمل من الكلمتان)

ممتن وسعيد جدا بمرورك (الاول).

Tazmania يقول...

الصراحه مو راحه هالايام :)

ويكا يقول...

Tazmania

مش كده برده؟!

بس افهم بقى ، ايه الموقع الجامد بتاعك ده ؟!
انا بجد شكلى كنت واخد فكره غلط عن الكويت خااااااااااالص.

بس الموقع تحفه بصراحه

ويكا يقول...

Tazmania

مش كده برده؟!

بس افهم بقى ، ايه الموقع الجامد بتاعك ده ؟!
انا بجد شكلى كنت واخد فكره غلط عن الكويت خااااااااااالص.

بس الموقع تحفه بصراحه

وانا مبسوط اوى على الزياره الجميله اوى دى واتمنى ان يتم تكرار هذه الزياره دائماً

شكراً

غير معرف يقول...

Hay Weka :) how are you .. this is me .. the unknown female :)

I am here just to say :) Happy Ramadan :)...

mrmr يقول...

الصراحه راحه يا عينى وانت ........
ههههههههه

خطرفه جميله وتهييس اجمل
مدونتك جميله حقا
بس قولى ايه سبب اندماج السفن اب مع التفاح شكله كنت فاكره من المحرمات وعايز تمزمز هههههههه
واعترافك بمعاناه الحامل اعتراف خطير وصريح بجد كتر خيرك انه حاسس بالقرف اللى بتشوفه الحامل
هيس هيس ولا يهمك ح تلاقى اللى مكن يهيس معاك
يكفى ان الواحد يبعد ولو بعض الوقت عن المشاحنات والقرف اليومى

ربنا يسعدك وتسعدنا بخطرفتك

ويكا يقول...

hey unknown female

wa7shteeeena , ba2alek 7awaly youm ma shoftekesh!!! :)

happy Ramadan for you too,
ha , hatsomy el snady wala zaye kol sana?!!! :)

u know what?!!
this new nickname, ünknown female , is very cute, hahahahah.

which give me impression that i ll never meet u, :0
hahahahhahahah


nice to hear from u again.

don't go so far.
c u

ايه رايك يقول...

ايه ياعم ويكا التهيس ده
انا ممكن اخمن اسمك لكن لايمكن كنت اخمن ان اسمك وئام
معني الاسم تحفه

اما عن الحامل اهو اديك جربت ههههههههههه
علشان تعذرونا لما نبقي في حاله عصبيه سيئه وقت الحمل


واديك بتتمرن علشان لما تتجوز تخلي بالك



بس حكاية الصراحه بتاعتك ديه
انا عايزه صراحه صراحه
صراحه من اللي تودي في داهيه
مش صراحه اللي مفهاش اي نوع من انواع الصراحه


اجمد كده ياعم
إلا قولي هتولد في الشهر الكام
هههههههههههههههههههههههههههه


كان معكم ايه رايك من القاهره

ويكا يقول...

ايه رايك

حلو الاسم مش كده؟!!!
اصل ابويا خاف عليا من الحسد ، فسمانى كده.
ههههههههههههههه

وبعدين صراحه تودى فى داهية ايه اللى انتى عايزانى اقولها دى .
انتى شكلك بقيتى بتعزينى مووووووووووووووت.
ههههههههه
يخرب عقلك.

وبعدين عايزه صراحه بجد
روحى قلبى فى البوستات القديمه ، بجد هتعجبك ان شاء الله جداً، انا واثق.

اما موضوع الولاده ، ما خلاص يا بنتى ما انا عملت الحاجه اللى شبه الولاده خلاص.
ونزلت اللى فى باطنى خلاص.
انتى ما اخدتيش بالك ولا ايه.
ههههههههه

المدونه نورت ياباشا.

Haytham Kilany يقول...

ايه يا ويكا مش للدرجه دى
استهدى بالله كدة واللى اتكسر يتصلح
ولو ماتصلحش بيعوه لبتاع الروبابيكيا

اخ
ايوة فهمت - هما شويه السفن اب والتفاحه اللى قلبوا معاك بخطرفه

كويس انها خطربفه بس
انا سمعت انها بتقلب مع ناس بعياط مستمر
او ضحك مستمر بلا سبب ولا داعى


كل سنه وانت طيب

ويكا يقول...

مـــــــــــــــــــرمر



يالنسبه لموضوع السفن والتفاح .......... اه فعلا ....... انا قولت يبقى مَزَه (بفتح الماء والزاء).
(بس المزه دى طلعت بعيد عنك ، حاجه صعبه اوى).

اما بالنسبه للتهيييس ، فأنا فاتح الدكان ده ، اقصد المدونه دى لكده طبعاً ، امال انا مكلفه كل التكاليف دى ليه .
دى كلفتنى تكلفه على ما دهنتها الالوان دى كلها يا بنتى ، امال انتى فاكره ايه...........

نورتى ياباشا المدونه ، لدرجة انى مش شايف وانا بكتب .....


سلام

mrmr يقول...

شكرا ليك يا ويكا

ربنا يسعدك

ويكا يقول...

مرمر

لله بس علشان احنا فى رمضان

بعد كده على سندوتشات

هههههههههههههه

mrmr يقول...
أزال المؤلف هذا التعليق.

  قيراط حظ ولا فدان شطارة ... مقوله سمعناها كلنا و حفظناها عن اجدادنا ... ب س لما بدأنا نتعلم و نشوف العلم الحديث و الغرب و تكنولوجيته بدأنا...