السبت، 7 أغسطس 2010

اين الحياء

الموضوع انا جايبه زى ما هو من مدونة الاخت موناليزا .
 لقيته اختصار لكل اللى بيدور فى نفسى من ناحية نفس الموضوع ، هى اوجزت ولكن اعجزت ، وبما انى كنت اريد بشده ان اكتب عن نفس الموضوع ، فانا اعجاباً واحتراماً بتلك السيده الحكيمه الرزينه "موناليزا" فانى سأنقل لكم التدوينه الخاصه بها كما هى : ولكن دعونى أضيف فقط مبدأياً تمهيد صغير.

"اتذكرون اخواتى غزوة بنى قينقاع ، لما تحرك لها جيش الرسول وجميع الصحابه "بكل بساطه السبب هو محاولة يهودى قذر الطلب من مسلمه ان تظهر له وجهها (يا من تحرمون النقاب)، الا انها رفضت ،  فقام يهوى كلب بربط طرف رداءها باعلى ثوبها ، فلما قامت تكشف جسمها ، فصرخت ، فقام مسلمٌ شهم محترم غيور على اخوته المسلمات ، فقتل هذا اليهودى ، فاجتمع عليه الكلاب من اليهود فقتلوه (نعم ، مات فداءاً لجسد وعرض اخته المسلمه التى لا تمثل له اى علاقه سوى انها مسلمه) ، فقام المسلمون جميعاً ومعهم رسول الله وجميع صحابته بمحاصرتهم جميعاً ، وطردهم وسبيهم.

هذه الاولى ، واليكم الثانيه وجميعكم سمع بها (واامعتصماه) :

يقولون كانت مرأه مسلمه في أحد الاسواق وفيه رجل من الروم مار بالسوق فرأى المرأه وحاول أن يتحرش بها وامسك بطرف جلبابها(عبايتها) فصرخت وامعتصماه فسمع صوتها رجال المعتصم فبلغوه فأمر بتجهيز جيش كبير والاستعداد للحرب.


وقيل ان القصه:
اسر ملك الروم امرأة مسلمة فاستنجدت قائلة وامعتصماه فارسلاليه رسالة قال فيها(من امير المؤمنين إلى كلب الروم ان لم تطلق سراح هذه المراة ارسلت لك جيشا اوله عندك واخره عندى)فامر ملك الروم بإطلاق سراح المراة."

 ماذا اريد ؟!!

اريد ان اقول ، هذا وكثير ما فعله اجدادنا الاوائل من (الرجال ) المسلمين ، الفرسان ذو النخوة والدم الحر ، فى زمن لم يعز فيه وجود الرجال. لقد ضحوا بالغالى والنفيس ، ضحوا بأفئدتهم لتستر نساءهم من المسلمات العفيفات ...........

اما نحن الان ، ويا خسرتى على الرجال ، ان كانوا رجال ، وعلى النساء المسلمات (ان كانوا بحق مسلمات) ....... لقد فعلوها بأيديهم وعن طيب خاطر ...............

لن اطيل ، فهيا بنا نقرأ التدوينه كما كتبت ، مع اعتذارى لاختى الكريمه حيث انى حاولت ان اترك لها تعليق استأذنها ان انشره عندى الا ان رابط التعليقات لم يكن يعمل.

التدوينه: بعنوان "صاحبة المايوه"



"رأيت العيون تنهش جسمها وهى لا تبالى.. وعدم لا مبالاتها من وجهة نظرى ترجع لسبب من إتنين.. يا إما مش واخدة بالها ومعتقدة أنها عادى.. يا إما هى اللى قاصدة أن يتم النظر إليها بهذه الطريقة.



ولذلك أردت أن أوجه رسالتى إليها.. ليس باسم الدين الذى تتوقع أنه قيد لحريتها ولكن باسم كونك إنسان كريم فضله الله على جميع المخلوقات.


إليكِ يا صاحبة الشعر الناعم المنسدل على طول ظهرك.. يا من حباكِ الله بجمال وجسد ممشوق تعتقدين أنه فقط للعرض.


يا من تستمتعين بالمعاكسات اللفظية والنظرات الشهوانية وربما بعض التحرش.


هل تقبلين أن يتم تصويرك هكذا من قبل شخص ما ليحتفظ بالصورة لديه لتثيره من آن لآخر وربما أرسلها لمن هم على شاكلته؟.


هل تقبلين أن تصبحى مجرد سلعة يتم مشاهدتها فقط؟.


ماذا سيكون موقفك إذا تعرضتِ للتحرش أو للإغتصاب.. هل ستستطيعين وقتها أن تلومى من فعل بكِ هذا.. وكيف تفعلى وأنتِ من شجعتيه على هذا!!!.


هل تقبلين أن تموتى على ما أنتِ عليه من عرى؟ وماذا ستقولين لله وقتها فسيبعث المرء على ما مات عليه.


كيف يعطيكِ الله أمانة وتستهترى فى الحفاظ عليها بهذه الطريقة!!.


فشكر النعمة فى الحفاظ عليها.


ليه تتركى انطباع عند أى حد يشوفك إنك رخيصة .. أصل الحاجة الغالية دايماً بتكون متغطية ومستورة للحفاظ عليها من العيون ومن التراب ومن لمس العابثين.






يمكن تكونى مش هتقدرى تمنعى حد من أنه يتحرش بيكِ أو يصورك وأنتِ كده بس الأكيد إنك لو متغطية كويس محدش هيفكر يأذيكِ لأنك ببساطة ماستفزتيش اللى حواليكِ بلبسك.


وعلى فكرة مش معنى إنك فى مصيف أو حتى فى شاطئ خاص أو فى حمام السباحة فى بيتك بس الخدامين عندك موجودين ده يعطيكِ الحق فى إرتداء ملابس فاضحة.


وبالنسبة للمايوه اللى بيقال عليه مجازاً شرعى فأنه يظهر أكثر ما يستر لأنه يلتصق بالجسد وهذا حال جميع الملابس إذا ما جاء عليها ماء وهى ملبوسة.. يعنى برضه ماينفعش تلبسى عباية وطرحة وتنزلى البحر لأن لما هتطلعى كل اللى أنتِ لابساه هيكون ملتصق على جسدك ومن أهم مميزات اللبس الساتر بأنه لا يصف ولا يشف.

 
إذا كنتى معترضة على كلامى فأرجو توضيح مفهوم العرى من وجهة نظرك؟؟


مع ملاحظة أن اللى سايبة شعرها بيقال عليها معرية رأسها.


وأخيراً ماتزعليش من كلامى وأسلوبى معاكى لأن ده من غيرتى عليكى لإنك إحدى محارم الله التى لا أحب أن تنتهك.


قومى بقى غطى نفسك من ساسك لراسك زى ما بيقولوا.









انتهت التدوينه الاصليه ، للاخت موناليزا.

وانى لاقدم لها عظيم شكرى وامتنانى ، كأنها قرأت افكارى ، لذا كل التقدير ، فكذا اتمنى ان تكون عقول اخواتنا النساء.

انه حق لجمال العفه.


شكراً

هناك 12 تعليقًا:

-_- يقول...

ماذا سيكون موقفك إذا تعرضتِ للتحرش أو للإغتصاب.. هل ستستطيعين وقتها أن تلومى من فعل بكِ هذا.. وكيف تفعلى وأنتِ من شجعتيه على هذا!!!.

معقولة ؟


ايه اللي حصل يا جماعة ؟ بقينا بندي اعذار للمتحرش انه يتحرش و يغتصب ؟

البنت اللي لابسة مايوه ممكن تبقى احسن كتير من بنات تانية بتدارى وراء حجاب او نقاب

ان اكرمكم عند الله اتقاكم و التقوى محلها القلب

كفاية تمسكا بالقشور و اكتبوا عن العقيدة اللي بقت لعبة في كل من هب و دب و اصبح الدين مجرد طرحة او نقاب

البنات بقت محجبة و مبتعرفش تصلي ! او مش حافظة اي حاجة من القران .

ويكا يقول...

شارم

انت عندك حق جدا فى ان بقى فيه بنات محجبات وما بيعرفوش يقروا القرآن.
انت صح

بس السؤال بقى ؟!!

نعلمهم ازاى يقروا قرأن ولا نخليهم يقلعوا ويلبسوا المايووووووووووووووه؟؟؟؟؟

وبعدين هو انها تعرف تقرا القرآن هو اللب ، وانها تقلع هو القشور؟!!!

وبعدين انا ملاحظ دايماً انك زعلان من موضوع الحجاب والنقاب ولبس المرأه عموماً .

هو ايه المشكله ؟!!
انت شايفه حرام ؟!!

لو حرام ، فأنا ما شفتش حد مسلم عاقل عارف قشور دينه قال كده الا الاستاذه الفاضله سعاد صالح وشيخنا الجليل ربنا يهده.
وما قالوش حرام ، قا لوا عاده ، ماشى ياعم عاده عاده .
ايه المشكله
انا متعود البس اسمر او اخضر او حتى بنبه مسخسخ . ولا هنا استوب على حرية اللبس والاعتقاد ؟!!!!

اما بقى لو مش حرام ؟!!!
يبق ايه المشكله بقى ؟!!!!!!!!!!!

غير معرف يقول...

والعيب فى مين ردا على كلامك
البنت اللى لبسه الحجاب او حتى النقاب ومبتعرفش تصلى ماهو نتيجه التخلف والتقصير فى التنشئه الاجتماعيه او الاسره وعدم اكتمال الوعى الدينى فيها
الاسره اول بيئه نلومها على ذلك
بس ربنا ودينا الحنيف امرونا بالتغطيه والعمل باذلك يعنى مش مجرد لبس وبس ولا عشان انا طلعت لقيت ماما لبسه الحجاب يبقه البسه
لازم يكون فيه اقناع من داخلى ان هلبس حجاب واعمل بيه
اما لبس المايو دا الصراحه بسميهم العراه بشوف كتير منهم واستعجب على اهليهم وبنتى كمان تقولى ازاى يا ماما اهلهم سيبنهم كدا
حتى لو هى اللى لبسه المايو دى احسن من اللى لبسه حجاب طيب تدارى نفسها عشان تبقه احسن وافضل عند الله
لبسين عريان ويقولوا
هى التقوى بالمايو
المحجبه كا اللؤلؤه الموصنه
التقوى ليس بعرى الاجساد
نبدأ بالاحتشام ثم تعليم النهج الاسلامى بأصوله
مايو ايه وكلام فاضى ايه
ونبى بنتى لبسه مايوه واكون قاعده كدا مبسوطه بيها وادخل النار
ولا اوعظها واعلمها اصول الدين
طيب سيبك من الحجاب بلاش حجاب
طيب لو علمنا عيالنا الاصول الدينيه
وعرفناهم دينهم صح فكرك هش هيحتشموا من غير تدخل
ويكا الكلام فى الموضوع دا كتير وبتختلف وجهات النظر
دمت بخير

غير معرف يقول...

اين الحياء
الحياء تبخر

-_- يقول...

ابدا ابدا يا اخي الفاضل انا مش متضايق من الحجاب بالعكس انا اخواتي و قرايبي محجبات و ملتزمات ..

انا اتضايقت دلوقتي ان الفكرة دي وصلتك عني !

المشكلة يا اخي الفاضل اني شفت بعنيا بنات محجبات زمايلي في الكلية اتنصروا , البنتين دول كانوا محجبات و لبسهم محترم بجد لكن صدقني مكانوش يعرفوا كلمة عن العقيدة ..

اخي الفاضل , انا والله مسلم غيور جدا جدا على ديني و ربنا عارف اللي في قلبي لكن بزعل جدا لما الاقي الاهتمام بقشور الدين على جذور الدين و الحجاب او مايسمى النقاب دي من قشور الدين فعلا

قوللي ما مركز الحجاب من الاسلام , الحجاب لا يمثل 1% من الدين و لكنه بفعل الفضائيات و الاعلام و الشيوخ اصبح هو 50% من الاسلام

سيدي الفاضل ,خلينا نتكلم بصراحة و انا اعلم تفكيرك من كتاباتك و اعلم كم انت ناضج فكريا و علميا , البنت المحجبة حافظة قد ايه من القران ؟ كام واحدة فيهم بتصلي ؟ كام واحدة فيهم ماشية صح ؟ كام واحدة فيهم مش بتجيب سيرة الناس في غيابهم ؟

واحدة مش محجبة و بتصلي و بتقرا قران و مش بتكلم ولد اخر الليل و مش بتجيب في سيرة حد تبقى برقبة بنت لابسة طرحة ولا بتصلي و لا بتقرا قران و ماشية مع فلان شوية و علان شوية و مقطعة في سيرة الناس ..

يبقى في حاجات كتييييييييير اهم من الحجاب بس محدش بيتكلم عنها و نقعد بس نلزق استيكر هنا و هناك عن الحجاب و النقاب و ننسى الاهم .. العقيدة .. الاسلام نفسه

اسف اني اطلت عليك

ويكا يقول...

الحب الجميل


كلامك قمة الرسيان ، واحترامى لكى . وهو ده الصح

احنا نكمل المسيره ، اتحجبت الحمد لله ، نكمل معاها بقى بقية الدين ولا نكتفى.

وفعلا الموضوع معتمد فى الاساس على التربيه والاهل والمؤسسات.


لكن انا مش متخيل انى قاعد مع واحده متبرجه وبقولها تعالى اعلمك ازاى تقرى قرآن.
الدخول فى الاسلام نفسه بيحصل فيه ايه؟

قبل الشهاده وقرأة اى قرأن لابد من الاغتسال .
يطلع بقى واحد يقولى ايه شغل المظاهر ده
هو مش الهدف من الشهاده الاعتقاد بالقلب والتلفظ باللسان ، ايه بقى علاقة انه يغتسل بالقلب.
القلب فى الداخل ، والاغسال فى الخارج.
ولا هو لما هيغتسل قلبه هينضف يعنى؟!!!!

انا متهيقل ، واضحه.
الشاهد

ان مفيش حاجه اسمها فى الاسلام اسمها لب وقشور ، وما ينفعشى نفصص الدين.

ستر المرأه من اولى الامور فى الدين .
لانه سبب ومدخل اغلب المشاكل والفتن فى الامه.
واللى هيقاوحنى ، هقولك والله ما انا اللى قلت
دا الرسول يا معلم
قال فيما معناه:
"اخشى ما اخشاه على امتى ، فتنة النساء ، وان فتنة اليهود كانت فى النساء"

وزى ما قلنا قبل كده ، النساء اهم سلاح فى الامه به تهدم الامم وبه تقام.

ولو فسدن يبقى على الدنيا السلام.
هى الام وهى الزوجه وهى المربيه للاولاد وللجيل.

عموما
الله يفتح عليكى ويباركلك فى بنتك ويحفظها فى ظل زمن فتن كقطع الليل المظلم

ويكا يقول...

شارم

بص يا عم شارم ، انا كمان زعلان اوى ومستاء ، لانى عارف انك راجل دكتور ومثقف جدا واهلك نفس الكلام ما شاء الله داكاتره وناس مثقفين وعلى درجه عاليه من الفكر .
وانت بالاخص كنت معجب بدماغك وحضورك اوى اوى فوق ما تتخيل.

بس بصراحه انا فوجأت مره واحده للهجوم الشرس اللى انت عامله على الحجاب والنقاب والمتدينين والكلام ده.
مع انى واثق انك مش كده ، بس ايه الحكايه انا مش فاهم.
وردا على كلامك

موضوع نسبة الحجاب وتمثيله كام فى الدين .
انت راجل دكتور وراجل تجيد لغة الارقا والاحصاءات ، تقدر تقولى جبت الــ 1% دى منين؟؟
ومين قال ان الدين ينفع يتقسم اساسا؟؟
مفيش حاجه اسمها لب وقشور فى الدين .

الدين كيان كامل على بعضه لا يمكن تقسيمه او تصنيفه من الداخل.
الاسلام منهج حياه كامل متكامل .

اه انا معاك ان فيه ترتيب شرعى فى الاحكام والفقه ، يعنى ما اتعلمشى الصوم قبل الشهاده.

لكن ينفع تقول ، ما تحجش الا لما تصوم الاول ، مع ان هو ده الترتيب (للاركان) الخامسه؟
لا طبعا ، لعل حجك ده يفتح عليك ويبقى سبب لهدايتك وصومك.

الشاهد برضه ، لا يجوز ابداً نقسم الدين او نرتبه اجباراً ، لان لعل فضيله او سنه تأتى بفرض ضائع.

وانا وانت لا نعلم من اى الطرق يهدى الله الناس.

منهم من فرض ومنهم من سنه ، ومنهم من معصيه.

لكن ما ينفعشى بقى اقول ، اسيبها تلبس مايوه لعل ربنا يهديها بقى .

لا ده كده لمؤخذه بقى
دا كده عيب اوى.

حاجه كمان انت كتبتها :

" البنت المحجبة حافظة قد ايه من القران ؟ كام واحدة فيهم بتصلي ؟ كام واحدة فيهم ماشية صح ؟ كام واحدة فيهم مش بتجيب سيرة الناس في غيابهم ؟"

هههههههه
مش ملاحظ انك محسسنى ان اللى مش حافظين واللى مش بيصلوا واللى بيجيبوا فى سيرة الناس هما المحجبات؟!!!

طيب بالله عليك ، كده بقى مين اللى مركز على الحجاب والمحجبات؟؟؟؟؟؟

هل كل المحجبات ما بيصلوش ، وما بقروش قرأن و .....
طب لو فعلا كده هل ، المفروض يقلعوا الحجاب؟؟؟؟؟

الله ؟!!!
عارف زى ايه؟!!
زى البوست اللى انت كتبته بتاع الست المنقبه اللى جابت رقاصه.
واستدليت بيه "اهه ياعم المنقبات" وكأن المقبات كلهم بيجيبوا رقاصات او ده منتشر حتى فيهم.
وبعدين مين قالك انها هى اللى جابت رقاصه دا اذا كان الخبر اللى نقلهولك صحيح. ولو صحيح ما تولع بجاز . هو كام حاله من دى حصلت؟!!

اخيرا هقولك وجهة نظرى بقى فى الموضوع ده:

" بالله عليك واحده الظاهر بتاعها سئ ، يبقى متوقع الباطن ايه ؟؟؟؟
صدقنى لو كويس ما كانتشى اتعرت. وفرطت فى اغلى شئ لديها ، كده وببلاش.

شارم
الاناء ينضح بما فيه.
فان كان فيه خير ، نضح وظهر خارجه بالخير

وان كان فيه شر نضح واظهر من ظاهره الشر.

انا واثق انك مش قاصد تهاجم الجاب نفسه ، علشان كده عايزك تاخد بالك وتراجع كلامك قبل كده ، لان صدقنى ناس كتير فاهمه كده. انك معترض على الحجاب نفسه وفيه بنات ممكن يقتنعوا برأيك وتبقى ساعتها مصيبه وهتاخد ذنب من غير ما تقصد.

غير معرف يقول...

ويكا
الله ينور عليك ويفتح عليك يارب
كلامك كله صح
لو فضلنا نقول حجاب ايه دا من غير صلى وقرأة قرأن يبقه الكل يخلع راسه ويمشى عريان
هو دا كلام
؟؟؟؟؟؟
الاسلام امرنا بكدا؟
ربنا فين خوفنا من ربنا ويوم الحساب
اقف ادام الله واقوله اصلى ملبستهوش عشان مكنتش بصلى وبقرا قرأن
وانتى اللى حاشك عن كل دا
وكنتى فين ومغيبه فين
فين عقلك وتفكيرك
فين محافظتك على نفسك ومن عين البشر


فين اهلك اللى المفروض ربوكى على اسس الاسلام الصحيحه

وعلى فكره اعرف بنات كتيرررر محجبه وملتزمه التزام من اجمل ما يكون

تحياتى لكلامك
وربنا يهدينا للصراط المستقيم

موجة يقول...

السلام عليكم ورحمة الله وبركاتة
احييك اخى على نقل هذا البوست وهذا الكلام المفيد وارجو من الله هدايتنا وهدايه جميع بنات المسلمين
وجزاك الله عنا كل خير عما قلت وعما نقلت
واما الحجاب
الحجاب مش بس لبس
الحجاب هو تغطيه كل شئ مغرى
يعنى الصوت اوقات بيكون لازم له حجاب لان فى شباب بتفتن بالصوت
وكمان العيون الساحرة التى يكثر عليها المساحيق والكحل والاى شادو والحاجات اللى بتخليها جذابه اكتر دى
وكمان لازم الالتزام بالحجاب باداء فرائض ربنا اللى فرضها علينا
وكمان اجيب على السؤال
اين الحياااااء
؟؟؟؟؟؟؟؟؟؟؟؟
ذهب مع الريح
اقرا له الفاتحة بقى
تقبل مرورى اخى الكريم

ويكا يقول...

الحب الجميل
وعليكى يارب (عجبنى الدعاء ده اوى على فكره).

وانا قلتلك يا بنتى انتى كلامك كله جميل والله.

ويكا يقول...

موجه

الله الله على الكلام ، هو ده .

الله يفتح عليكى بجد ، فعلا الحجاب ، المقصود بيه شمول الحجب عن كل ما هو مثير ، ويحرك المشاعر

الحمد لله ان لسه فى بنات فى مصر كده والله ، لاحسن انا كنت بدأت افقد الثقه والله.

انا بجد كنت بدأت اتخض وأيأي خاااااالص.
يارب احمى مصر وسخر فيها شباب وبنات محترمين ، يحافظوا عليها وعلى الدين

موناليزا يقول...

جزاكم الله خيرا
وكل عام وانت بخير بمناسبة حلول شهر رمضان واعاده الله علينا بالخير واليمن والبركات

  قيراط حظ ولا فدان شطارة ... مقوله سمعناها كلنا و حفظناها عن اجدادنا ... ب س لما بدأنا نتعلم و نشوف العلم الحديث و الغرب و تكنولوجيته بدأنا...