السبت، 14 أغسطس 2010

محاوله للتصحيح



لماذا كل هذه المحاولات المستميته فى تغير كل ما هو حولك ......
لماذا تهتم كل هذا الاهتمام بأياً كانوا من حولك ........
لماذا هذه الدرجه لديك فى الاصرار على تغيرهم ......
هل انت على حق فى كل تلك المحاولات المضنيه المرهقه فعلا ....
فهم لم يخلقوا لك وحدك ، ليكونوا كما تريد ......
وهم ايضاً لم تخلقهم انت لكى يكونوا ايضاً كما تريد .....
فهم بالفعل ليسوا كما امرهم الله ان يكونوا ........ فكيف بك وانت لست الله .....
لماذا لا تتقبلهم هم هم ، كما هم .........
فهم ليسوا من نفس المدرسه التى تخرجت منها ...... ولا هم من نفس البيئه التى عشتها ....
ولا حتى نفس الظروف التى غرقت فيها طيلة حياتك ........
فلما هذا الاصرار العجيب الغريب على تغيييرهم .......
لماذ كل هذا الارهاق لك ولهم ؟!!
لما لا تدعهم كما هم ......... وتفكر جاهداً فى تغييير نفسك انت ......
فإما ان تعرفهم كما هم ...... وإما فدعهم فى هدوء ............
"فكل نفس بما كسبت رهينه "....... فهو المسئول فقط عما سيحدث ، حتى ولو كانت خسارتك ...... 
وأنت جدير بذلك العناء ....... فلما لا تكرس نفسك لها .......
لما كل هذا الارهاق فى تلك المحاولات المستميته فى تغييرهم ........
ليس لك هذا الحق ......... فى تغييرهم ..............
ولكن لك كل الحق فى تركهم ..............
تصالح مع نفسك ومع الاخرين .........
تقبلهم كما هم ...... فكل له عيوبه وميزاته .........
تماماً كما انت ..............
لماذا تعتبر هذه من شيم الشهامة والاخلاق .......... وتعتبرها من معين النصح والارشاد .....
وان كانت ......
فلتتنازل عن هذه الصفه قليلاً لتهنأ ايضاً قليلاً ، بهدوء وراحة النفس و البال .......
فانت اكثرت على نفسك فن اهلاك اعصابك ونفسك على كثيرين دون مقابل ......
تخاف ان يكون فى هذا التنازل عن تلك الصفه ، بداية التنازل عن جميل الشيم والاخلاق ، ليُفسَح المجال للتنازل عن باقى الشيم ، لتصبح بدون تلك الشيم .........
قد تكون محقاً ، الا انك ستخسر اكثر ان استمررت ........
دع من تحب كما هو يعيش كما هو ........
ولك ان تستعين له برصيده لديك .........
وان تم الانتهاء من هذا الرصيد ....... فالخيار لك .......
قد تنتظره الى ان يعيد شحن البطاقه ...... او ان تضطر انت فى تحويل الرصيد .... اذا شئت..
(وانا لا انصحك بهذا ابداً ابداً)
فكل بحسب رصيده ......... وإلا صدقنى ستندم .......
اذاً فلتهدأ بالاً ..... ولتستقر عيناً ....... فلا يستحق العناء من خالفك الرأى كثيراً......
ولا يستحق هذا الارهاق الشديد من خالفك الانتماء والمشاعر ..........
فأطلق سراحهم ...... وانظر من يعود اليك منهم ........ فهذا هو من يحبك ويشاكلك ............
وهذا هو حبيبك ........

انتهى


هناك 21 تعليقًا:

غير معرف يقول...

صح كلامك والله يا يوكا
هكمل تعليق بعد الفطار
ان شاء الله

mrmr يقول...

مساء الفل
موضوعك جميل بس ليا نظره اخرى تكاد تشبه نظريتك او شئ منها
انت لك الحق فى ان الانسان يبدا بتغير نفسه اولا
وان يترك غيره كما هو
وعليه ان يتقبل الاخر كما هو وان لم يعجبه فهذا شأنه ليس شان غيره

لكن من المحبه والواجب ان ابدا بالنصيحه والارشاد فان لم يتقبل ارشادى ونصائحى فليس لى غير طريق واحد فقط هو الدعاء له بالتغير والهدايه
فالحب هو فقط الذى يدفعنى الى النصح والارشاد ليس من باب انى انسان كامل لا احتاج الى نصيحه

فهما كان الانسان تقى ويفعل الصلاح لكن لا يصل الى درجه الكمال
لان الكمال لله وحده

شكرا لموضوعك
كل يوم وانت طيب
رمضان كريم

موجة يقول...

اصبت بقولك اخى
فعلا
لا يغير الله ما بقوم حتى يغيروا ما بانفسهم
بس كل واحد دايما بيبقى امله انه يأثر فى اللى حواليه ويغيرهم للاحسن من وجهه نظرة يعنى
ولكن كما قلت
دع الخلق للخالق وانتبه لنفسك لانك ستحاسب على نفسك وعلى رعيتك

غير معرف يقول...

تصحيح النفس قبل تصحيح الغير
موضوع فعال
كل واحد فينا بتخلف سلوكياته وطريقة حياته من خلال اسلوب تربيته المختلفه وبيئته اللى اتربى فيها والحياه المحيطه بيه
كل واحد زى ما هو .. مينغعش اجى انا بقا وافضل اغير فى اللى حوليا هما كدا وانشئوا كدا
كل واحد فينا ليه عيوبه وميزاته مفيش حد فينا كامل والكمال لله تعالى

اغير من نفسى الاول وبعد كدا ابقى انصح اى ناس عزيزه عليا وان قبلوا النصح كان بها وان .... يبقى عملت اللى عليا
كلامك عين العقل وبيعجبنى الصراحه
ربنا يكرمك خير ان شاء الله

لو كل واحد فينا صحح من نفسه قبل ما يصحح عيوب الاخرين اكيد المجتمع هيكون افضل

ويكا يقول...

الحب الجميل

اه افضل تعلقى بعد الفطار لاحسن شكلك جعانه مووووت ، يا بنتى دا انتى حتى قلبتى ويكا الى ( يوكا) من الجوع.

ويكا يقول...

marmr

مساء الفل على عيونك

عندك حق ، وانتى صح جداً ويمكن هو ده اللى انا كنت عايز اقوله ، لكن انا قصدت اكتر عملية الالحاح على التغيير.
الناتجه عن رغبة المحبوب الشديده فى اصلاح الاخر .
فانا ارى ان الاخر ان لم يشاكلنى من البدايه فهو ليس لى من البدايه ايضا ولن يكون لى ولو طال العمر .
الا فى بعض الحالات الاستثنائيه فقط ، التى يستحوذ فيها حب المحبوب على هذا الاخر بالشكل الذى يغير من حياته كلها بدون اى وجه تعب من ذلك المحبوب .
وذلك لتوافر الطاقه الذاتيه اللازمه لذلك التغيير (الحب الحقيقى ، والحقيقى اوى كمان ، والحب الحقيقى فقط).
وهذا نادرا بعض الشئ لعدم توافر ذلك الحب الحقيقى الكافى لتوفير تلك الطاقه.
اما ارهاق النفس فى محاولة تغير احد لا يود التغير ، فهو ظلم للنفس وارهاق ما بعده ارهاق.

شكراً ليكى ونورتى ياباشا والله ، وانا مبسوط من طريقتك الراسيه فى النظر للامور ، فيها كثير من الهدوء والاستقرار النفسى .

ربنا يارب يصلح لك بالك وحالك

وكل يوم وانتى طيبه وبصحه وبخير

ويكا يقول...

موجه

ولونى بخاف من المايه ، بس انا مبسوط اننا متفقين


كل سنه وانتى طيبه

ويكا يقول...

الحب الجميل

"لو كل واحد فينا صحح من نفسه قبل ما صحح عيوب الاخرين اكيد المجتمع هيكون افضل"

هو ده ، وصدقينى كنا وفرنا وقت ومجهود خرافيين ، من الممكن استغلالهم افضل استغلال.

شفتى بقى بعد الفطار الكلام اتوزن تانى ازاى .

هههههههههه

كل سنه وانتى طيبه وجميله دايماً

ويكا يقول...

marmr

يا بنتى حرام عليكى والله ، كل دى مدونات ما شاء الله.

والغريب ان ولا واحده فيهم التعليقات مقفوله فيهم.

يا بنتى ادينى اى جحر او زخنوق اعرف اسيبلك فيه تعليق مش للنشر.

عموما ، انا عملت نص اللى انتى قولتيلى عليه والنص التانى مش محتاج .
وانا فاهم طبعا من غير ما تقولى.

عموما ، برده ادينى زخنوق اسيبلى فيه تعليق ، لانى مش هعرف اكتب هنا


سلام

ايه رايك يقول...

اخر جمله عجبتي جدا جدا جدا
فأطلق سراحهم وانظر من يعود اليك منهم فهذا هو من يحبك ويشاكلك

انا بعملها دايما بس نفسي حد يعملها معايا ويسبني براحتي إلا مسكني من زمارة ربتي مش عارفه اتنفس وهموت قريب منهم ومن خنقتهم

ويكا يقول...

ايه رأيك

هههههههههههههههه

الله يعينك

بس هأقولوك حاجه

انتى اللى اطلقى سراحهم ، مش لازم تستنى لما هما يطلقوا سراحك.

بمعنى
شوفى انتى مين وعايزه ايه ، واسلوبك الحقيقى ايه ، واعمليه ، وعيشيه (طبعا طول ما فيش حاجه لا عيب ولا حرام) ، وما تدوريش على رأى الناس او زعلهم ، اه ممكن يزعلوا فى البدايه ، بس صدقينى هيتأقلموا ولو بيحبوكى فعلا ، هيتقبلوكى زى ما انتى .

ساعتها هتلاقى نفسك مبسوطه وبقيتى عارفه تديهم اكتر واكتر ، وبتحبيهم جدا ، فبالتالى هما كمان هيحسوا ده فهيحبوكى اكتر.

"كونى نفسك كمان انتى ، ولا تكون اى احد اخر "

المشكله يا "ايه رأيك" اننا مش بنعرف ايه اللى المفروض نديه وايه اللى ما ينفعشى نديه.

ويكا يقول...

مرمر

ههههههههههههههه

يخرب عقلك بجد

طيب السؤال ، التعليق اللى عندى ده للنشر ولا ليا بس؟!!!

ايه رايك يقول...

طيب واذا كان هما اساسا مش بيحبوني وللأختلاف ده هما مش راضين يطلقوا سراحي وبيعاندوا

وانا اطلقت سراجهم من زمان علي امل انهم يحبوني وميكرهونيش

انا علي فكره مش بتكلم علي جوزي انا بتكلم علي ناس تانيه في حياتي برده ولكنهم في درجة الاهميه اقل من زوجي

ويكا يقول...

ايه رأيك

بصى ، مش بيحبوكى يبقى خلاص ، انتى عرفتى النتيجه ، ومش محتاج اطلاق اى سراح لأحد
هنا الخطوه الثانيه ، وهى ان تديرى لهم ظهرك بكل هدوء وثقة نفس .
ولا تعيرى لهم بالاً ، فأن كانوا اعداء فيكفيكى احتراق قلوبهم على هدوئك ورضاكى النفسى.
وان كانوا احباباً معاندين فسيعلموا حينها ان هذه ليست الوسيله الصحيحه لقلبك ، وسيتحولون عنها هم.

ولو نظرتى الى السايد بار فى الصفحه الرئيسيه لدي ، ستجدى هذه الحكمه:

"عندما يتعمد الاخرون على فهمك بطريقه خاطئه ، فلا ترهق نفسك بالتبرير ، بل ادر لهم ظهرك واستمتع بالحياه ."

فاستمتعى بالحياه.

جربى بجد كده ، انك ما تشغليش بالك باى حاجه يقولوها كده ، وابتسمى ابتسامه بسيطه لاى شئ يقولوه حتى ولو لم تفهمى مغزاه.
ولا تحاولى ان تفهمى معزاااااه.

بجد راحه .... هدوء ....... متعه ....
ما بعدها متعه ......


هتحسى كأنك عامله دماااااااغ عاليه كمان .......ولا اللى لسه صاحى من البنج (ربنا يعافينا ويعافيكى)....

ههههههههههههه

جربى وقوليلى الخلطه السحريه دى عملت ايه

ويكا يقول...

يا مرمر

انتى قلبك ابيض فعلا جدا والله وانا بقيت مقتنع بكده.

انتى عسل جدا والله لعلمك .... وبقيت لما اشوف اى تلعليق لكى او ادخل المدونه عندك بحس باحساس غريب اوى ...

عارفه زى ما يكون بنوته لذيذه كده وشقيه عماله تضحك وتتنطط ، وتهرج .... وهى قلبها ابيض جدا ومش بتدور هيا قالت ايه ولا علمت ايه......

يارب تفضلى كده دايما ان شاء الله

الـسـيـدة نـون يقول...

بص بقى يا اخ ويكا
بعد السلام عليكم اولا


البوست ده قريته وانا فى غربتى
وعاجبنى و واجعنى

وكنت ناوية ارد عليه مباشرة اول ما قريته
لكن قلت لما ارجع بيتى ابقى ارد عليه براحتى


عاجبنى لان بصراحة
مش كل ما تكتبه بيعجبنى

اصل انا دايما بعمل مقارنة بين الاسلوب والمضمون

بحب اوى الموضوع اللى يكون مضمونه حلو وفى نفس الوقت مكتوب باسلوب حلو

وانت عادة بيبقى فيه حاجة واقعة منك
يا اما مضمون يا اما اسلوب

ده من وجهة نظرى انا طبعا
وبعتذر عنها اذا كانت ضايقتك


البوست ده بقى عاجبنى انه مضمونه حلو واسلوبه حلو


واجعنى لانى حسيت انه يمسنى انا بشكل شخصى


فيه بعض الكوبليهات فى كلامك رغم روعتها الا انها وجعتنى


اصل انا شايفة ان اللى بيحب بجد
يفضل جنب حبيبه ومايسبهوش علشان مختلف عنه

بالعكس
الاختلاف قد يؤدي الى الكمال
او الاكتمال
لان الكمال لله وحده

الخلاف يعوض النقص عند كل طرف
ويخليهم ثنائى متكامل رغم اختلافهم

لكن ازاى عايز اللى تحبه يكون على نفس شاكلتك
ومين قاللك ان المحبين دائما مجتمعين

بالعكس انا شايفة ان المحبين الصح
عمرهم ما اجتمعوا
ودائما فى حالة فراق وبعد
ودائما مختلفين


عارف ضلفتين الدولاب ( اللى مش جرار)

علشان يتقفلوا
لازم يكون فيه ضلفة فيه حتة بارزة وضلفة اخرى فيها فراغ علشان الحتة البارزة اللى فى الضلفة التانية تدخل
جواها

عاشق ومعشوق يعنى



يعنى لازم يكون الحبيبن مختلفين
وماينفعش تلاقى حبيب على نفس شاكلتك

ده مايبقاش حبيب
يبقى حاجة تانية كويسة ممكن
لكن مش حبيب

الحبيب هو اللى يكون عامل زى ضلفة الدولاب الاخرى


هو اللى تبقى معاه
عاشق ومعشوق
وماتقدروش تفترقوا عن بعض رغم اختلافكم


هانيجى لمحاولة التصحيح

انا معاك انك تسيب حبيبك او اللى حواليك زى ماهما وماترهقش نفسك اوى بتغييرهم

لكن
مش معنى كدة انك تسيبهم يرحلوا عنك بكل سهولة
ومش معنى كمدة انك تطلق سراحهم


هو لا قدر الله
لو خلفت طفل وطلع فى وشه وحمة شكلها بشع
هاتعمل ايه؟
هل هاترميه فى اقرب صفيحة زبالة ولا هاتدخله جوة رحم امه تانى وتقفل عليه؟
ولا هاتوديه لاحسن دكتور متخصص فى ازالة الوحمات؟


طب لو وديته لاحسن دكتور
والدكتور قالك ما فيش فايدة
هاتعمل ايه؟
هل هاتسيبه فعلا وترميه فى اقرب ملجأ

ولا خلاص هاتسلم امرك لربنا وتتقبل ابنك على ماهو عليه؟

انا معاك انك تحاول تغير اللى حواليك للاحسن

لكن لو بتحبهم فعلا
ماتقابلش عدم تغييرهم زى ما انت عايز بانك تسيبهم خالص


تقبلهم كما هم
لكن لا تتركهم ولا تطلق سراحهم


واعرف ان حبيبك عمره ماهايكون شبهك
حتى ولو كان شبهك
وعنده نفس علامات الحسن فى جسمه
ونفس الجهاز الرياضى فى بيته



سلام يا اخ ويكا
وتسلم ايدك على الموضوع الحلو ده



سلام
اختك خيخة

ويكا يقول...

خيخه

اسلوب يقع منى (منى وانا بقول كده كتير ، بعكس كلام الناس انه تلقائى وكويس) بس ساعات ببقى شايف كده لانى ببقى قاصد كده ، لييييه دى شرحها يطول.
اما مضمون يقع (ابسلوتلى ) مش ممكن ، والا ما كنتش كتبته (حتى بوستات التهيييس بيبقى فيها حاجه ، بس مش لكل الناس ، يعنى بيبقى فيها او وراها شئ مش كل الناس هتعرفه او تفهمه ، فبالتالى انتى ممكن تكونى من الناس اللى مش مقصوده بيه ، فبالتالى هتشوفيه تهييس ).

لكن مضمون يقع ..... نوووو ..... نيفر ايفر.

اما بالنسبه للبوست ده ، فانا مبسوط انه عجبك وبصراحه مش زعلان انه وجعك (نياهاهاهاهاهاع)

لكن بصى ياباشا
واضح انك برده ما فهمتيش البوست كويس، لان تعليقك مالوش علاقه بمعنى البوست ، مع ان البوست ده واضح جدا المره دى ، واكبر دليل على كده ، ان كل اللى قراه وعلق هنا او سابلى تعليق مش للنشر او كلمنى حتى على الماسنجر ، فهمه.

علشان كده ، ياريت تقريه تانى كويس ، واقرى التعليقات ، هتعرفى انى ما قلتش اللى انتى فهمتيه ده خاااااالص.

لان الاختلاف اللى تقصديه ده شئ طبيعى وسنة الحياه ولا يستطيع احد تغييره والا يكون مجنون.

الاختلاف اللى قصدته ، هو اختلاف السلوك او الاخلاق مثلا ، وهذا من السهل تغييرها بالتهذيب والتدريب ، لتتفق وتتلاقى.
مثال : واحد مقياسه الدين وواحد مقياسه شهوته (مثلاً) ، لازم ابو شهوه ده يظبط نفسه شويه علشان يلتقى بحبيبه.

ده حاجه من الحاجات على سبيل المثال ، وفيه حاجات تانيه برده قابله للتغيير ، زى ما انتى نفسك طلبتى فى تعليقك ، انه لازم يفضل جنبه علشان يغيره ، ده معناه انك مقتنعه ومعترفه انه المفروض يتغير (عكس بداية كلامك) . هههههههههههه

ما علينا

واضح انك بس بتستعجلى على فهم مضمون بوستاتى يا ست خيخه ، علشان كده بتقع منك انتى مش منى.


اظبطى التاسه انتى بس وكل حاجه هتبقى تمام.


سلام
اخوكى ويكا

الـسـيـدة نـون يقول...

اولا اسمها طاسة مش تاسة

ثانيا انا لم اقصد ان مضمون يقع منك يعنى وحش

انا اقصد يعنى ان المضمون مايكونش جاى على هوايا فبالتالى بنفض للبوست ومابقرهوش

زى بوستات رمضانيات اللى انت كتبتها
ممكن تكون حلوة ومفيدة ورائعة
بس انا ماليش فى الكلام ده


ما علينا

انا مش مطالبة انى اقرا كل التعليقات وردوك عليها علشان افهم وجهة نظرك

والمفروض تحط فى دماغك كدة
ان مش كل اللى هايدخل يسيبلك تعليق انه لازم يكون قرا باقى التعليقات وردودك عليها

فبالتالى واجب عليك انك تناقشنى وكانى لم اقرا اى تعليق او اى رد عليه



وبعدين ليه ابو دين مايظبطش هو نفسه على ابو شهوة

ولا هى علشان (شهوة)
وريحة الكلمة فيها بعض من الاباحة

يبقى ده معناه ان ابو شهوة هو اللى يظبط نفسه؟

مايمكن ابو دين محتاج تظبيط برضه

ولا علشان هو ابو دين يبقى كامل ومش محتاج اى تظبيطات شهوانية؟



شكرا ليك


سلام

اختك خيخة

ويكا يقول...

خيخه
ههههههههههههههههه

مفيش فايده ، هتطلعى عينى هتطلعى عينى ، انا عارف.
اولا هاتيلى حاجه واحده بس تثبت انها طاسه مش تاسه.
احنا فى بلدنا بنسميها تاسه ، فلو حداكم بتسموها طاسه ، انتوا حورين. (اه حورين - مش حرين ، عندنا بيقولوها كده برده).

المهم

ثانياً:

اوك

ثالثاً:
اللى عايز يعرف وجهة نظر حد بيقراله كلامه كله المتعلق بالموضوع ، سواءاً فى البوست او فى التعليقات ، على الاقل من باب عدم التسرع فى اصدار احكام عليه.
ومع ذلك اوك يا ستى ، الاجابه فى التعليقات هتلاقيها برده ، p; :)
خيخه ، انتى مش بس قارئه علشان ما ادلعشى عليكى ،او اعمل معاكى شغل الكاستمر سيرفس. :) فزى الشطار كده شوفى الرد فى تعليقاتى. p;


اما موضوع مين يتبع مين بقى دى ، فأقول ايه بالله عليكى ......

طب انا راضى حكم الناس المحترمه اللى مش شايفين التعليق دوووول .

هو مين المفروض يتبع مين بناءاً على الاصل والاساس ؟
بس الاجابه طبعاً ، طبعاااااااااااااا
ان اللى بيتبع شهواته ورغباته هو اللى يتحول لابو دين .
اشمعنى ؟!!!!

علشان بكل بساطه ، اننا مش حيوانات .
الشخص اللى متبع لكل شهواته ورغباته ونزواته ده بدون تحكم فى نفسه او بدون رادع يردعه ، فهو كالأنعام بل أضل .

فالمفرض ينضف ويرتقى ويبقى بنى ادم.

ده رداً على سؤالك الاولانى ، اللى هو فى ظاهر معناه مختلف عن باقى كلامك اللى ظاهر منه انك تقصدى ، ان ابو دين اوقات بيبقى له رغبات وشهوات عايز يحققها .
وهو مين قال غير كده ، وهو مين اصلا قال ان فيه حد من البشر مالوش شهوات ورغبات ، وعايز يحققها ، بس انا بتكلم هنا عن اللى سايب نفسه ومش بيتحكم فى الشهوات دى ، وبالاخص اقصد اللى هى حرام منها .
يعنى الاكل شهوه ، الشرب شهوه ، لكن لو اتنفذوا بشكلهم الطبيعى يبقى عادى بل ممكن تأجرى عليهم كمان ، لكن لو نفذوا بشكل حرام ، فهنا بقينا كالأنعام بل اضل سبيل.

وهنا وجب التحكم فى النفس وتوطيدها على النصياع لما خلقنا الله له ، الا وهو حسن عبادته واتباع شرعه.

بس

وضحت الصوره ولا لسه.

والله شكلها ما وضحتش ، وساعتها هرفع عليكى قضية خلع.
سلام

صاحبك يقول...

نعم لا داعي لان تجهد نفسك في تغيير من يكره التغيير فالواجب النصيحة لا النتيجة لكن ماذا يقول فيلسوف الزمان فيمن تركته فلم يتركك انه يصر على ان تنجر الى دنياه. انك تتاثر بما حولك شئت ام ابيت لانك تعيش في دنياهم لادنياك لذا فالسعي في التغيير واجب اذن .ترى اين الطريق

ويكا يقول...

صاحبى
مع انك صاحبى للاسف

بس بجد
استااااااااااااااااذ

بجد عجبنى عجبنى ، جدا جدا كلامك ، لانه صح مليون الميه.

انا مش عارف انت صاحبى ازاى.

اكيد من بعيد
هههههههههههه

اظهر وبان عليك

  قيراط حظ ولا فدان شطارة ... مقوله سمعناها كلنا و حفظناها عن اجدادنا ... ب س لما بدأنا نتعلم و نشوف العلم الحديث و الغرب و تكنولوجيته بدأنا...