السبت، 28 أغسطس، 2010

حديث نفس


(تعليق :كما ظهرت ... سأرحل)

لماذا تبدوا حزينا لدرجة ان لاحظك كل من حولك ؟!
ألم تتخذ القرار السليم من وجهة نظرك ؟!
لكن تنفيذه كان قاسى بعض الشئ.
اعلم ، لكن ليس بيدى شئ . بغير هذه الطريقه لن اقوى على تنفيذه.
لكنه كان قاسى كيف طوعت لك نفسك فعل ذلك ومع من ؟!
استحضرت بعض القساوه التى واجهتها وتحملتها بكل صبر وحب.
ولما هذا القرار مادمت حزيناً هكذا ؟!
هذا ما اقتضته اقل مقتضيات العقل ..... فلابد من تحرك جميع الاطراف وليس طرف واحد .......
فلماذا لم تحاول ..... فالذى تركته غالى .....
نعم لست اعلم اغلى منه .....
لم تجب على سؤالى .......
لانى لا اريد ان اذكر كم حاولت .... وحاولت .......
اانت راضى عن محاولاتك ؟!
كل الرضي ....... بل واشرفت على الانزلاق انا ....... من كثر ما تقربت ....
فماذا قدمت ؟!
كل ما لا يستطيع الرجال تقديمه ......
وما كان المقابل ؟!
لا شئ .........
هل حاولت مره اخرى ؟!
اظنك غير قادر على الاستيعاب ....
لما؟!
لانك لا تعلم ما معنى ان اقول انا ، انى قد حاولت وحاولت ....... انه يعنى منتهى الصبر ......
اراك صبور ؟!
وايما صبر ......
فماذا اذاً ؟!
لا شئ .....
؟!!
لا شئ ..... انها الايام والدنيا ...... فهى دنيا لن تصل فيها لكل شئ .......
ابهذه البساطه تستسلم ؟!
لم اعد ارى اى امل ...... غير انى انا من تغير ....... وبدأت تَقبُل ما لا اتقبل .....
اتخاف على نفسك ام تصر على رأيك ؟!
بل اريد ان انجوا لربى ...... ولا ارى فى ذلك غير كل خير .......
اذا لما لم تنجح ؟!
لعدم اتفاق الهدف ............

هناك 21 تعليقًا:

mrmr يقول...

جميل ان الانسان يحدث نفسه كثيرا
بل ويحاسبها ويعاتبها
فهذا يقربه الى الله ويخاف من غضب الله عليه
فاستمر فى هذا الحديث دون توقف

ربنا يسعدك ويحافظ عليك

الحب الجميل يقول...

ما أجمل حديث النفس
حديث الروح
أُحدث روحى ...أصالحها مره
واخاصمها مره
واعاتبها ...
فهى الحياة هكذا
فالحزن يطل من العيون وتبقى الدمعه بائته فيها
فيلاحظها الاخرون
حينما تنعدم وتختفى الابتسامه
الاستسلام ضعف
والضعف قوة أحيانا
بلا نتيجة
بوست جميل وفيه كلام كتير
تسلم أيدك يا ويكا
دمت بخير

موجة يقول...

حلو اوووى حديث النفس ده
تصدق بقى الواحد ممكن ياخد الاسئلة دى ويكتبها فى ورقة ولما يحس انه عايز يكلم نفسى لاى فعلى فعلها يردد الاسئلة دى ويشوف النتيجة ايه
اما افعل او لا تفعل
بجد فكرة رائعة واسئلة مفيده للنفس
بس الا قولى بصراحة
من ضمن اسئلتك لنفسك يعنى...
كان فى بوست اسمة سورى ياريس
لماذا فعلت هذا قبل ان اقرأة؟؟
وهل ما فعلت يرضيك؟؟
بس مايرضينيش ياعم الحاج
مودتىىى
اه
نسيت
وكما قال الشاعر
انا مش عارفنى انا تهت منى انا مش انا....تيراراراراا

موجة يقول...

مبحبش كده بحب اشوف تعليقاتى بقى مبحبش الاشراف ده
سؤال للنفس صحيح
لماذا تضع هذه التعليقات؟؟ لكى تغضبنى اليس كذلك؟
اذهب واغرب عنى انك حقا عثثثثل
والنبى عثثل

الحب الجميل يقول...

أيه يا موجة التعليق اللى زى العثل دا
هههههههههه

ويكا يقول...

مرمر
باشااااااا
يا بنتى انا لو استمريت فى الحديث بتاعى ده ممكن اتجنن .

ههههههههههه
لا بس هو فعلا محاسبة النفس اولاً بأول مهمه جداً؟

وانتى عامله ايه كيديه؟!

ويكا يقول...

الحب الجميل

مش عارف ، حاسس ان الدماغ عاليه عندك وعندى اليومين دول اوى .

بجد كلامك جمييييل جدا وعجبنى اوى .

اما بخصوص الضعف ، فهو فعلا احيانا يكون قوه ، وقوه شديده ايضاً ، لكن فى مواقف معينه وم اشخاص معينين تجاه اناس بعينهم.
اى بشروط كثيره جدا.

فضعف الزوجه والحبيبه امام زوجها وحبيبها ، هو قوه ، شريطة ان لا يمس دين او مالايرضى الله.
يا حب
فعلا موضوع القوه فى الضعف ده ، موضوع طويل وفيه وجهة نظر يطول الحديث فيها ، وان اشاء الله نتكلم فيه لانه فعلا لذيذ ومهم جداً.

"أُحدث روحى ...أصالحها مره
واخاصمها مره
واعاتبها ..."

عجبتنى ، حسيت فيها مصالحه مع النفس جميله اوى ، وحلاوة روح اجمل واجمل.

تعليقك جميل حقيقى
تسلم ايدك

ويكا يقول...

موجه

ههههههههههههه

بجد تعليقك لذيذ جدا جدا ، وخلانى مبتسم طول الوقت وانا عمال اقراه ، وكل ما اعيد قراءته ابتسم تانى.

عموما ، انا طبعا ما يرضسنيش ، بس اصل البوست ده كان مسوده ، ومش للنشر ، واتنشر دقايق بالخطأ. فشيلته على طول ، بس هو اللى ما اتشالشى فى الريدر عند الناس حتى عندى مش عارف ليه.

الظاهر حتى الريدر الريس ما بيسيبهوش بسهوله.

هههههههههههه

اما بالنسبه لرأى الشاعر بتاعك ده ، انا اساسا نفسى اعرف الشعرا بتوعك دوووول بتجبيهم منيييييين يا بنتى .
هههههههههههههههه

انتى بجد عثل عثل عثل

غير معرف يقول...

اخي ان بداية البوست تتحدث عن امر بين طرفين و نهاية البوست فتتحدث عن هم ذاتي وهو مايوضح انك لا زلت في حيرة من امرك ولم تتخذ قرارا بعد خوفا من عواقب قد تكون اسوأ مما انت فيه الان .اخي ان القرار قرارك وحدك في النهاية ولكن ما خاب من استشار .اخي ان الخطأ بين طرفين يتحمله الاثنان معا فارجوك لا تتبرأ من تحمل مسئوليتك عن الجزء الخاص بك اخي قد نضحي احيانا ببعض سعادتنا من اجل اخرين فنجني ثمرا حلوا لا نندم عليه واحيانا نحن لا نستحق كل ما نتمناه قد يكون الامر صادما لكنه حقيقه .يقول بعضهم نحن الذين نسمح بالحزن ان يدخل الينا عنما نعطيه المفتاح قد يكون ذلك حقيقيا الى حد ما اننا نجني ثمار خياراتنا .اصدق انك حاولت ولكن لا لتصلح بل لتبرىء ذمتك امام نفسك اسف صديق على الصراحة ولكن يجب ان اكون مرآتك التى ترى فيها نفسك ولذلك تشعر بالرضا الحقيقي لانك فعلا برأت ذمتك ولكن لم تفعل بعد ما يجب فعله ان هناك خسائر حتما لمعظم القرارات التي نأخذها ولكننا يجب ان نقارن احيانا بين الخسارات تخيل اخي نقارن بين الخسارات ايها سأخسر فيه اكثر فأختار اقل الخسائر اي ان المكسب لن يتحقق ولكن نعتبر تقليل الخسائر مكسبا هذه هي الحياه.اننا نختار لانفسنا ما اختاره الله لنا منذ ازل بعيد انه اختيارنا لذا فنحن وحدنا من يدفع الثمن ارجوك لا تجعل الاخرين يدفعون ثمن اخطائنا وعسى ان تكرهوا شيئا ويجعل الله فيه خيرا كثيرا

دموع القمر يقول...

حلو اوى حديث النفس دا
احلى حاجة ان كل فترة والتانية يعيد حساباته

تسلم ايدك ياويكا
وسعيدة بزيارتك
بس انت كدا متأخر :):)
فين تعليقك على لازلت تهواها
قلوب بلا مرسى هههه
فيه غرامه تأخير كدا

دمت بكل خير
تحياتى

ويكا يقول...

الى غير المعروف

اولاً جزاك الله كل خير

لكن هناك شئ بسيط احب ان اوضحه ، فانا استشعر من كلامك انك شخص يعرفنى ، ويستنتج شئ بعينه ، فان كان كذلك ، فاحب ان اقول لك لا تقلق فهو ليس كما تظن اطلاااااقاً والحمد لله.

اما ان كنت مخطأ ، وانك تتكلم حسبما استشعرت من المقال ، فهنا اقول لك انىى معك تماما فيما قلت ولا اختلف معك ببنت فكره فيما قلت.

لكن الموقف مختلف تماماً وصدقنى الواقع افصح واعدل مما قرات.

اخيراً احب ان اوجه لك خالص شكرى وامتنانى ، فأنت كما ظهرت ناصح امين.

اخ فى الاسلام كريم.

شكراً
واسال الله الا تنقطع عننا هنا حتى نستطيع من التقارب فى الله

قلــ"بـــلال"ــــــب فارس يقول...

http://qalbfars.blogspot.com/2010/08/blog-post_29.html

قلــ"بـــلال"ــــــب فارس يقول...

اتمنى ان تشارك فى الصالون الفكرى
http://qalbfars.blogspot.com/2010/08/blog-post_29.html

طوبه فضه وطوبه دهب يقول...

ما أجمل أن نتحدث مع أنفسنا ولكن الأجمل ألا يفهم ما نعنيه سوانا فبداخلنا معارك مستمره لا ينتصر فيها سوى انفسنا على انفسنا ولا يبت فيها سوانا كل عام وانت بالف خير وحقيقى الخلفيه بتاعت مدونتك تحفه سلمت يداك

ALHBALABADY يقول...

وماله
حدث نفسك ولا يهمك مش ح يقولوا عليك مجنون
هههههه

حديث النفس شئ جميل حقا
ترتيب اوراق
ومحاسبه
واتخاذ قرارات سليمه
فهذا قوه ليس ضعف

فحدثها كما تشاء

Ramy يقول...

أزيك يا ويكا

ايه يا عم الlebals دى كلها

يعنى يا عم رامى جى متأخر و ببتكلم

معلش دة من عشمى يا ويكا

ماشى يا عم رامى

كنت متأكد ان انت مش هتزعل يا ويكا

قلبك طيب

الله يخليك يا عم رامى ل

لالا دة حقيقى

و انت عرفتنى يا عم رامى لسه

سماتهم على بلوجهم صح

على رايك يا عم رامى (مع ابتسامة خفيفة )

كفاية كدة

أية رايك فى الحوار يا عم

انا ممكن اكمل بس علشان متزهقش و تتخنق منى

هههههههه

حوار جامد يا صحبى

بس لسه هحاول محاولات تانى برغم الفشل المتوقع

تصدق بأيه انا كنت عاوز اعمل الحوار اللى انت عامله ده بس فيديو بنفسى كدة و ارفعة ع البلوج

دائما متالق يا ماى فريند (:

ويكا يقول...

طوبه فضه وطوبه دهب

معاكى حق ، وانا مقتنع بكلامك فعلا. وبحاول اعمل كده فى حياتى اللى ربنا يعينى عليها دى.

متشكرين اوى على زوقك

ويكا يقول...

الحب الابدى

فعلا ترتيب اوراق

ويكا يقول...

رامى

دا انا حديث النفس بتاعى ارحم.
ههههههههههه


يبنى انت ما ادنتيش اى فرصه الومك اساسا او اعلق عليك يخرب عقلك.


ربنا يكرمك

ويكا يقول...

الغير معروف

قبل ما اعلق على تعليقك او انشره عايز اتعجب شويه الاول واقول

يااااااااااااااااااااااااااه
ايه البوست ده ؟!!! ايه الاحساس ده بجد؟!!

انا ده ؟؟؟!!

انا اللى كتبت البوست ده فعلا؟!!

ما اصدقنى ؟!!

ما اصدق محاولاتى وصبرى و ايثارى بالنفس !!

انا اتعجب علي وعلى هذا الحال ، بالرغم من استشعارى من هذا البوست بانى بالرغم من حزنى والمى فى هذا البوست الا انى ارى الان انه من الظاهر انى كنت استمتع بذلك الالم او الحيره او القدر

بجد
واضح ان حتى الحزن والالم جعلته متعتى الوحيده بدل من وصولى للهدف المرجو


بجدا يااااااااااااه ياااااااه على البوست


عجبنى اوى اوى

اووووووى



شكراً بجد ليك انك جبتهولى خلتنى اقراه واستمتع اوى اوى اوى

ويكا يقول...

السؤال بقى هنا

انشر تعليقك ولا لاء عملاً بالنظام الجديد ؟!!!


البوست ده قديم ولا تنطبق عليه القواعد الجديده ....... الا انى متحير
وكمان ما عنديش رد على تعليقك

افتنى جزاك الله خير

منتظر رايك اانشر ام لا


وعلى فكره انا احتمال انشر البوست ده على الفيس

لانه عجبنى اوى وكأنى مش انا اللى كاتبه

لانى لا اعود لاى شئ كتبته ثم مضيت

ولا التفت الى ما فات كثيراً حتى كتاباتى

Related Posts Plugin for WordPress, Blogger...