الثلاثاء، 28 سبتمبر 2010

اعادة ترتيب اوراق



جلسه مع النفس ، لاعادة كل شئ الى اصله.
اجــــــــــــازه ، قد تطول ، وقد تقصر ..... فهى ملك النفس ، والروح .....
متى انفرجا ..... ترجع الفكره ......
حالة من السكـــــــــــــــــــــــــــون ، للراحه من طول عنــــــــــــــــــــــاء.
فالرجوله والشهامه والاحساس بالمسئوليه ...... اشياء شاقه فعلاً ، ولا يحصلها الا من يستحقها وبجداره.
لذا ......... فترة فتور ...... تأتى بعد مرحلة عناء شديده ......... وليس شرط ان تكون فترة الراحه اقل من فترة العناء ...
فقد يستغرق العناء ..... يوماً او يومين ...... او قد يكون ثلاثه .............. لكن حجم الراحه المطلوب بعده قد يستغرق يوماً .... اسبوعاً ..... شهراً ... او شهرين ...
لن اغيب ...... فأنا اظن اننى احببت هذا المكان ........
لذا ان شاء الله لن يكون الغياب ............

الأربعاء، 15 سبتمبر 2010

الحب


الحب
وما الحب ؟!
الحب ان لا ترى فى الكون غير المحبوب ....
الحب هو: ان تتوقف نبضات قلبك على وجوده ......
الحب ....
ان تجد نفسك وحيداً وسط جميع احبابك واقاربك ...... طالما الحبيب غير موجود .......
الحب ..... ان تتوقف الحياه عند توقف رؤياه .........
الحب ....... عندما تتحرك جميع سوائل جسدك ، فى جميع انحاءه حركة لا تعلم مصدرها او سببها غير انك تراه الان ..... وتحبه .....
الحب ان تتحرك جميع اعضاءك ، وملامح وجهك ، لتَصبَح اجمل الناس عندما تراه ......
الحب هو قبول ما لم تكن تقبله من قبل .... بكل حب ورضى ..........
الحب هو ان تقول كلمة "بحبك" لا لتُسمعها له ، او تزيد علمه بشئ ..... فقط لانك تريد وتحب بكل كيانك ان تقولها الان ......
الحب هو استسلامك لنبضات قلبك تزيد وتنقص كيفما شاءت وقتما شاءت ......
الحب هو ان تحب ......
الحب ان تعلم معنى كلمة حب ......
عندما تكتشف فجأه انك (الان) علمت معنى كلمة "حب " ....اذا فانت تحب .....
الحب ان تقول ما يريد ان يقوله الحبيب من غير ما يقوله ...... الحب ان ترتدى ما يريدك ان ترتديه من غير ما يطلب او حتى يلمح ......
الحب حين تقول لمحبوبك تعالى الان ...... تراه الان امامك .... يقول لك يا لبيك ......
الحب ......
دمعة تسقط من عينيك .... بدون الم او فرح ...... فقط تدمع لانك تحبه ...... ولا تجد ما تقوله او تعبر به غير هذه الدمعه .....
الحب ان تعطى بكل كيانك ولا تنتظر عطاءاً او رداً لما اعطيت ........
الحب هو السعادة والفرح فى عطائك له بدون حدود .......
الحب هو رضاك منه بأقل القليل ......
الحب هو اذا اهانك تغفر ..... وتقدم له الولاء رغم خطأه هو ...... نعم فأنت محب مخلص .....
الحب ان تتركه ..... لتظل تحبه .......
الحب ...... دمعة حاره تنبت من نياط القلب لتخرج من مقل العين ..... لتزيد من لهيب الالم ..... وغصة الشوق .....
الحب ... هو ان ترى تلك الكلمات لا تعبر عن قليل القليل عما فى داخلك ...... بل وتغضب ان هذا فقط ما استطاع ان يخطه قلبك ولو فى اشد اوقات تعبك وارهاقك وعدم تركيزك او نومك ......................

الحب ان تعتذر لمحبوبك عن تقصيرك ...... فى عدم اسعاف خواطرك لما يجول فى صدرك .............

الثلاثاء، 14 سبتمبر 2010

نجاوبوا وامرنا لله


بالرغم من انى ما كنتش أكره فى حياتى اكتر من الواجب وعمايله ......
او المذاكره عموماً ...... لانها واجب برده
وبالرغم من محاولاتى الفاشله .... انى احسس نفسى ان ده مش واجب ...... الا انى خلاص هضطر اجاوب الاسئله اللى تم اعادة توجيهها ليا من الست مرمر (صاحبة مدونة شباب على طول ) ومؤخراً برده من الريس (صاحب مدونة انا الريس) وامرى لله .......
وخوفاً من اى نوع من انواع العقاب اللى ما اعرفشى ممكن يبقى ايه بالظبط ....... فيبقى نلم الدور ونجاوب افضل .....
بس قبل ما ابدأ ، فيه موقف حصل دلوقتى حالاً وانا بكتب دلوقتى..... كوميدى جداً .... بس فى طياته معانى كتيره اوى مش وقت الحديث فيها ..... نتكلم فيها بعدين ..... لكنى لازم احكيهولكم ، وما حدش يبلغ ابطاله انى شردتلهم لاحسن اتحبس.
الموقف :
بفرج والدى وولدتى مشهد على اليوتيوب عن ملك دوله من الدول او رئيسها ..... (فيديو خيبه شويه كالعاده) ، فوالدتى علقت عليه وعلى رئيس تانى كده كلنا عارفينه تعليق مش اوى .... فوالدى رد وقال .... هو مش كده غيبه برده ؟!!
فانا جاوبته على طول : اه طبعاً .....
ترد والدتى بمنتهى الطيبه والدهشه الحقيقيين وتقول : ايه ده .... حتى الرئيس ؟!! (تقصد ان هو الرئيس الكلام عنه كمان تبقى غيبه ؟!!!!)
ههههههههههههههه
واضح اننا فى مصر اتعودنا ان من اهم وظائف الرئيس بتاعنا انه بما انه الريس (بتاعنا ) يبقى عادى يعنى مهو الريس ومباح اننا نشتمه مش بتاعنا.
هههههه
نرجع بقى لموضوعنا :
الاسئله :
1. من أرسل لك الدعوة ؟
مرمر (صاحبة مدونة شباب على طول ) + مستر بريزيدنت صاحب مدونة (انا الريس)

2. ما هي كتب الطفولة التي بقيت عالقة في ذاكرتك؟
والله يا جماعه ، انا افتكر ان كان فيه مجله او كتاب او حاجه كده مش عارف ايه هى كانت تسمى (بم بم ) ، بتاعت اللبان دى ..... غالباً دى كانت قصص على شكل مسابقه ...... مش عارف بصراحه ، بس انا فاكر بم بم دى. لانها كانت لذيذه جداً.

3. مَنْ أهم الكتاب الذين قرأتَ لهم ؟
اهم الكتاااااب ، اهم الكتاااااااب ، والله ما انا فاكر ..... بس بوجه عام اللى على بالى دلوقتى هو:
طبعاً (نبيل فاروق) سلسلة ادهم صبرى اغلبها ان لم تكن كلها – (والشياطين الـ 13) ، مش فاكر مين التلتاشر دول بس فاكر انها كانت حلوه برده.
(ديل كارنيجى) - (شريف عرفه) قريتله كتاب فى البرمجه العصبيه كان جميل جدا بصراحه.
(يوسف معاطى) برده بحب اقراله كتير جداً ، كوميدى ساخر، بس بيعجبنى اوى لاسباب كتيره اهمها الكوميديا وثانيها اشياء اخرى كتيره بين طيات سطوره.
(انيس منصور) كنت دايما اقرا العمود بتاعه فى الاهرام او الاخبار مش فاكر .... بس متهيقلى الاهرام.

4. من هم الكتاب الذين قررت ألا تقرأ لهم مجددا؟
بعض المدونين والصحفيين اذا اعتبرناهم كتاب . والسبب بسيط جداً ، الا وهو انهم اعتقدوا انهم فعلا كتاب ..... كما انهم اعتقدوا ايضأ بكامل حرية الكتابه والتعبير فحادوا عن الصواب وتركوا لخيالهم ولشياطينهم العنان ان يكتبوا ما تمليه عليهم نفوسهم المريضه ، فافسدوا الذوق العام ، وتسببوا فى فتح ابواب لن تغلق الا بغلق ارواح بشر اذا ما حاولت اغلاقها.
(ملحوظه هنا : انا لا اعنى اى احد قريب منى او ادخل اقرأ له باستمرار حتى ولو لم يعجبنى بعض مقالاته ، بل اعنى من توقفت تماما عنهم ومن اول وهله)
5.في صحراء قاحلة ، أي الكتب تحمل معك؟

بما ان السؤال كتب مش كتاب ، فان الجواب هيبقى :
(القرآن) ، اولاً بما انها هتبقى محنه بقى واحنا ما بنعرفشى ربنا او القرآن الا فى المحن (الا قليل من عباد الله الشكورين)، ثانياً لانه فعلا هيبقى خير معين وحافظ.
ثم اكيد كتاب فكاهى علشان يطرى على قلبى شويه من اللى هشوفه. وروايه او روايتين ، من الادب العالمى ، لاحسن انا بيجيلى شلل من اغلب الروايات العربيه بصراحه.
6. ما هو الكاتب الذي لم تقرأ له أبدا ، وتتمنى قراءة كتبه ؟

والله كتير ، وهتستغربوا الاسماء اللى انا هكتبها دلوقتى وهتقولولى امال انت قريت ايه؟! هقولكم ما انا عايز اقراهم اهوه ..... J
جاهين – صلاح عبد الصبور – احسان عبد القدوس – عبدالوهاب مطاوع ، يوسف ادريس.
سؤالين مهمين .
السؤال الاول : هل انا معجب بهم ولم تتسنى لى الفرصه انى اقرأ لهم.
الاجابه : ابسلوتلى ....... انا ما اعرفشى ذوقهم واسلوبهم هيمشى معايا ولا لاء ..... ( طبعاً لان كل واحد له اسلوب معين بيحبه) ... لكن كل ما فى الموضوع ، انا كل ما اقرا لواحد او اشوف البروفايل بتاع حد او اتناقش مع اى سين من الناس ، الاقيه بيقولى الاسماء دى وكأنهم انبياء ، فانا عايز اشوف ايه الحكايه ، وهل انا فاتنى شئ مهم للدرجه دى ولا ايه؟!!!!
السؤال التانى : طب وايه اللى خلاك ما قرأتش لهم لغاية دلوقتى؟!
الاجابه: والله يا عم الحج كل ما اروح مكتبه وامسك كتاب لحد فيهم ، اتخض ونفسى تتسد ، اصلى مش بحب الكتب اللى بحس انها دش كتير اوى دى. (ياعم انا كنت بذاكر بطلوع الروح). هى ناقصه.

7. ما هي قائمة كتبك المفضلة ؟
السؤال عن المفضله مش اللى قريتها صح؟
عموماً والله كتير بس مش فاكر شئ منها بس استنوا هفتكر اللى يجي على بالى وبدأت اقرأ فيهم مؤخراً :
كتب كتيره ليوسف معاطى – كتاب (لماذا كل من حولك اغبياء) لشريف عرفه ..... ههههه ..... هتضحكوا .... بس صدقونى اغلبنا مقتنع بكده فعلاً فلازم نقراه ...... – كتاب (دع القلق وأبدأ الحياه) لـ ديل كارنيجى ، وانا انصح الجميع بقرأته فهو مصدر كل الكتب الحديثه التى تتعامل مع النفس البشريه وكيفية الاستمتاع بالحياه والنجاح والتعامل مع الاخرين. – بدأت فى كتاب (كيف تكسب الاصدقاء وتؤثر فيمن حولك ) ايضاً لـ ديل كارنيجى لانه عاجبنى جدا لكن توقفت من فتره طويله ، لانها مش طلبه اوى معايا اكسب اى اصدقاء ، كفايه اللى بشوفه. – كتاب (لاتحزن) لـ عائض القرنى ، قرأت فيه شويه ، وتوقفت ، بس برده يبقى غلطان اللى ما يحتفظشى بنسخه من الكتاب ده عنده ، لانك لو زعلان افتح اى صفحه فى الكتاب ده ، اى صفحه صدقنى عشوائيه ، اقرأها وشوف ايه اللى هيحصلك –
مجموعه لا بأس بها من الروايات العالميه ، وشكسبير ...... بجد رائعه ....
...... امممممم ايه تااانى ؟ مش فاكر والله ...... لو افتكرت وانا بكتب دلوقتى هرجع واكتب تانى .
8. ما هي الكتب التي تقرؤها الآن ؟
حالياً ......... امممممممم ...... متهيقلى انا متوقف بقالى اكتر من شهر ...... الاجابه : (مفيش).
9. أرسل الدعوة لأربعة مدونين من أجل مشاركتنا بذكرياتهم مع القراءة ؟

هطلع ندل وابوظ الفكره ، ومش هبعتها لحد ، ههههههههههههههههههههههههه
اصل بصراحه اغلب اصحابى اللى انا عايز افرودهالهم اندال ومش هيجاوبوه ، وهيبقى شكلى وحش. فبالتالى وليه ، انا اطلع بكرامتى افضل.
وبعدين اصل كمان (الريس) صاحب مدونة انا الريس قايم بدور جامد اوى ، وباعتها لناس كتير ، فاكيد هيجوا فى السكه .
شكراً لمرمر اوى وللريس ، اللى عملوا فيا العامله دى .

الجمعة، 10 سبتمبر 2010

عساكم من عواده (واحشينى)

الى كل احبابى واخوانى
احبكم فى الله ، وكل عام وانت بخير



وبما اننا فى العيد فأنا شايف اننا نبتسم ونضحك ونفرح شويه ،لاننا مقبلين على ايااااام ........ (كل سنه وانتوا طيبين بقى مش وقته ...)
وبما انى صعب اجى كده من غير ما اترك بصمه معاكم ....... فتعالوا نبتسم فى العيد ........




اما لحبايبى المتجوزين ، وجه عليهم العيد ....... ومعاهم نصهم الحلو .......
 فأنا احب اشاركهم حالتهم ........ السعيده طبعا ....... بالفيديو ده ...... بس ما حدش يوريه لمراته تحت اسمى لو سمحتم ..........




كل سنه وانتوا طيبين  :)

الاثنين، 6 سبتمبر 2010

قشعريره




استشعر بشده عظمة ربى للحظات ..... عندما تفكرت باهتمام فى رأيه فيما افعل الان ......
فان لم اكن اخشاه فيما افعل ..... فمن اراعى ؟! وبمن اهتم ؟!!
اشعر بقشعريره تسرى سريعه خفيفة فى جسدى .......
تمتد بدأ من صدرى الى باقى جسدى الى ان تصل الى اطراف اناملى ......
تسرى كسريان موجة هادئة سريعه ..... او كنبضة كهربائيه منشطه .......
اتذكر سريعاً فى بنات لحظات ، فيما فاتنى من فضل ......
اندم .....
ابتأس .....
اشعر بفشل ......
فلطالما تكاسلت فى عمل الواجب المدرسى ....... وكل واجب .....
ارغب ان تدمع عينى لعلى اطمأن انه لازال بريق امل فى قلبى ......
تهرب منى الدمعه ...... وتتلاشى .....
فقد ضنت علي مقلتى بإعطائى بصيص امل في نفسى ......
سكنت كثير من جوانحى واستسلمت ...... ليس لرب الكون الذى ارجوه .... او اخاف من تقصيرى امامه .....
لا ......
بل انهزاماً امام ما فاتنى ...... ومما لم اُحَصل ...... كما حَصَل الكثيرون من حولى ......
قضى عليﱠﱠ حين اجابنى ...... "على الاقل ان لا نكون فى معصيه حينها " ......
فكان حديثى معه على فوات الطاعه .......
فاسقط قلبى فى يدى حين اجابنى ...... واشعرنى بمدى حقارتى ..... وخسرانى .....
فأنا لم اكتفى بفوات الطاعة فقط ...... بل اجترأت على شؤم المعصية ايضاً.......
لقد كسبت كل الفوت ....... واجتهدت على الا اترك منه شيئاً ......
هل ياترى يمهلنى ربى لأرجع ...... ام يمدد لى لأقرع .........
هل يا ترى فاتتنى الفرصه ........ام ...... برحمته تركها لى فى اخر لحظه ؟!!



وَآخَرُونَ اعْتَرَفُوا بِذُنُوبِهِمْ خَلَطُوا عَمَلاً صَالِحاً وَآخَرَ سَيِّئاً عَسَى اللَّهُ أَنْ يَتُوبَ عَلَيْهِمْ إِنَّ اللَّهَ غَفُورٌ رَحِيمٌ

نسأل الله ان نكون منهم


الأربعاء، 1 سبتمبر 2010

خايفين




خايفين
بنهرب من قلوبنا ...
بنهرب من عيونا ....
مش عارفين فين رايحين .....
وتاخدنا الدنيا تلف بينا .....
نهرب منها تلاقينا ......
على طول تايهين ....
خايفين .......

بندور على شئ يبعدنا .....
عن زعلنا وغيرتنا ......

خايفين ....... تايهين

بنتقابل ونهرب .....
بنتكلم ونغضب .....
وعلى طووووول راضين .....
عاشقين .......

تايهين .....مش شايفين ......

لفين بتاخدنا دنيتنا ...... مش عارفين ....

خايفين ........
تايهين ....... ضايعين .......

احلامنا اوى بسيطه .....
ومش عارفين ازاى نحققها .....
لكن عارفين اننا فى يوم هنتلاقى ......
وهنجرى ونتشاقى ..... وهنقوم ونصحى ....
على احلى حاضر وذكرى ..... ومن تانى
هنفرح باحلى سنين .....
وسنين.

.......................
بنهرب من خوفنا لجوفنا .....
وندور على شئ يسعدنا .....
ماحنا يدوب عرفنا .... وشايفين .....
احلى قصة حب فى حياتنا ......
وفيها هتبقى كل ذكرياتنا .....
بدأت من دقيقتين ......
خايفين ........
من زعلنا وخصامنا ......
من كل شئ بيتعبنا ..... وبيبعدنا .....
بعيد مع ناس تانين .....
ضايعين .... تايهين .......

  قيراط حظ ولا فدان شطارة ... مقوله سمعناها كلنا و حفظناها عن اجدادنا ... ب س لما بدأنا نتعلم و نشوف العلم الحديث و الغرب و تكنولوجيته بدأنا...