الأحد، 3 أكتوبر 2010

لعبه ..... تعالوا نجرب


كرسى الاعتراف ، لا وايه ... بمساج كمان (يعنى اعترف وانت مسكينص)

عدنا ....... والعود احمدوووووووا
اخوانى ..... اخواتى .........
ازيكن ..... ازيكن .....
انشالله تكونوا مبسوطين ...... طين .... طين ......
اولاً احب انوه ان ده مش نهاية الاجازه ....... ابسلوتلى ..... بس بصراحه اصلى مش قادر امسك نفسى اوى اوى يعنى .....
فقلت اشاكسكم كده بحاجه على ما الاجازه تخلص ....... وبصراحه الاجازات دى طلعت حلوه جوى جوى يا بوووووى .......
   
المهم .... نخش فى الموضوع ......
انا جاى النهارده بفكره حكره شكره ......... زى ما تقولوا كده لعبه ....... هنلعبها مع بعض ......  واللى هيلعبها صح .... هتفرق معاه كتير فعلاً .......
   
اللعبه بكل بساطه :
   
كلكم هتعلقوا هنا (المتعودين يعلقوا ، واللى دايما بيدخلوا ويقرأوا ويكسلوا يعلقوا  ، واللى بيقروا ويسيبوا تعليق مش للنشر احياناً) - كل دووووول. مطلوب انهم يشاركوا.

اللعبه بقى :
ان ما حدش يكتب اسمه المره دى خالص ، كله يبقى غير معروف .
اشمعنى؟
اقولكم اشمعنى:
اولاً حضراتكم عارفين اننا كلنا عندنا بلاوى زرقه فى حياتنا ما حدش يعرف عنها حاجه، منطقه ضلمه كده فى حياة كل واحد ، ما يحبش حد يقيد فيها النور، او يتطلع عليها ، او حتى هو نفسه ساعات بيخاف يكلم نفسه فيها او عنها .

بس برده للاسف بيبقى نفسه يعترف بيها لكل الناس علشان يزيح هم الاحتفاظ بيها الوقت ده كله ، او بسبب تعذيب ضميره .
بوجه عام حتى لا اطيل .

الفكره : مطلوب من كل واحد هنا هيشوف الكلام ده ، انه يدخل باسم غير معروف ، ويكتب شئ خايف يقوله ونفسه كان يقوله لاى حد بس مش قادر ، ويجرب كده لما كتبه ، حصله ايه ، وبقى حاسس بايه ؟!!
وبما انه غير معروف ، فيبقى براحته يكتب كل اللى يجى فى باله ، بس برده مش عايزين الفاظ ابيحه يعنى اوى ، علشان اعرف انشر.

الكلام ماحدش هيعرف مين اللى كاتبه نهائى ، لكنه من المتوقع هيبقى مفاجأه للاخرين ، ان فيه شئ كده ، وان اننا مش لوحدنا بس اللى بنحمل اسرار شنيعه مريعه ، لا ...
دا كل واحد كده.

خلينا نجرب ....... بس بجد اتمنى ان ما حدش يبخل بالحكايه دى ............

انا عارف ان فيه ناس تنقصها الجرأه جداً انها حتى تكتب الكلام ده ولو حتى تحت اسم غير معروف ...... بس صدقونى ..... هى لحظات بس كل اللى محتاجينها للتغلب على احساس الضعف والتردد دول ......

صدقونى ...... تعالو نجرب ونشوف ..... مش هنخسر شئ .......

واللى مرعوب اوى . ...... انه يتعرف ..... او يقولك ..... اصل ممكن وانا ببعت ابعت بالغلط فيروح اسمى بدل غير معروف ..... اقوله يا عم الخواف ابقى اعمل ساين اوت وابعت لنفسك تعليق الاول .... لو جالك من غير معروف يبقى فل ....توكل على الله .....
عموما كفايه بقى كده لاحسن الاجازه شكلها هتبوظ.
يالله يا جدعان كله يكتب ، قبل ما نقفل الدكان .....


سلام.



هناك 17 تعليقًا:

فاتيما يقول...

ايه يا عم

ولا محتاجة ادخل بغير معرف و لا بتاع
سيادتك مدونتى كلها اعترافات و مرصوصة كراسى ف كل ركن
تقريبا قولت فيها كل حاجة
هقول ايه تانى

البوست دا مرعب فعلا
و مظنش حد هيجاوبه
زى منتا كنت متخيل

و بعدين تعالى هنا
انتا هتطلع اجازتك علينا و لا أيه؟!!
طب اعترف انتا الاول
و احنا لوحدينا يعنى ف الحوسة دى ؟!!

القصد
م الآخر
حمدلله ع السلامة يا فندم

ويكا يقول...

فاتيما

ههههههه
احنا كده المدونتين هيعملوا قافله ، فى الوقت اللى انتى نشرتى فيه انا نشرت ، والوقت اللى انتى علقتى فيها انا على ما خلصت بوستك علقت.

وجايه بعد كل ده تقوليلى مش هتعترفى ، هاأأأأو.
لا طبعاً ..... انتى لازم تعترفى .... وبعدين انتى اعترافاتك اللى فى المدونه عندك خلاص ، ما بقتشى سر .... وبعدين ما دام اتقالت يبقى لا ينطبق عليها اللى انا بقوله هنا ده..... وان كان ربنا واحده اعلم انا متعاطف معاها اد ايه...... وبحترمك اد ايه بسببها .....

بس ما علينا ، برده تعترفى .....
اما اعترافى انا بقى فهيبقى فى النص طبعاً ..... علشان ما اتفقسشى.

حمدلله على السلامه من اسكندريه

الحب الجميل يقول...

يالهووووووى على دا بوست وفكرة
ويكا
ارجع اجازتك تااااانى
ههههههههههههه
بهزر
يمكن ارجع تانى ويمكن .....
اكمل الفراغ
كل سنه وانت طيييييييييييييب
وعقبال ....... سنه
حط الرقم اللى انت عايزة
سلام يا ابو الافكار

غير معرف يقول...

hانا اعترف انى كنت غبية جدا جدا بدرجة لا احد يتخيلها كنت حضيع منى الحبيب والزوج والحضن الدافى الجميل الى بيغنينى بية عن كل شىء ضيعت من عمرنا لحظات جميلة جداجدا كانت مفقودة مع انها فى ادينالكن الحمد لله ربنا استخلصنا الية وفتح علينا ابواب رحمتة وحبة وتحصينة واكتشفت صداقة جميلة جدا لا احد يتخيلها لسة نبتة جميلة طاهرة نابعة برضى الله ان شاء الله وعدم معصيتة وغضبة الكبير الله الله والله بحبك يارب وعجلت اليك ربى لترضى وعجلت اليك ربى لترضى كلمة قالها سيدنا موسى لربة وكلمة يقولها كل عبد مزنب يحب الله ويبكية ويرجو حبة وكرمة ورضاة بس فية حاجة برضة بصراحة طول عمرى كنت اتمنى انسان صالح قوى ملتزم قوى شديد فى الالتزام قوى قوى لدرجة كنت بقول لصحابى انا نفسى اتجوز واحد شبة الرسول سيدنا محمد علية افضل الصلاة والسلام يا حبيبى يا محمديا يارب يجزية عنا افضل الجزاء انا عارفة انى كترت كتير بس انت الى قلت وانا بافضفض بصراحة بس عايزة اقول انا اسعد انسانة فى الدنيا بالشريك الحياة والزوج الى ربنا كتبهولى واختار هولى الحمد لله كل عام ويوم وساعة ونحن بخير لا اله الا الله

ويكا يقول...

الحب الجميل

وانتى طيبه ، اكيد عرفتى من الفيس فضيحه ، ههههههه.
وبرده مش هكمل الفراغ P;

حضرتك ، انا قلت مفيش اسماء معروفه ، ومفيش فايده فى المصرين ، لازم يتمدوا على رجليهم علشان يسمعوا الكلام ويقعدوا فى الفصل من غير كلام ويعملوا الواجب كل يوم.

حضرتك تروحى كمان شويه زى الشطار تعملى اللى قلناه.

صدقينى هتحسى بحاجه غريبه ، بس مريحه جدا جدا .

جربى وهتشوفى.

انا عارف والله ان اغلبكم هيطلع روحى على ما يعترف ، بس برده انا واثق ان فيه عيال رجاله ومش هيتكسفوا.

ويكا يقول...

ملحوظه مهمه :

على فكره
ممكن كل واحد يكتب رقم او رمز جوا التعليق بتاعه علشان لو حد حب يوجهله كلام يبقى عارف انه له.

ويكا يقول...

اول غير معروف جات هنا وقلبها جامد وشجاع ، وقدرت تتحدى نفسها وتعترف بخطأ قد اقترفته.

نحمد الله حق حمده ان هداكى الى الحق ، واحسن اليكى بردك الى الصواب ، وحفظ لكى زوجك.

اولا بجد انا سعيد للاعتراف ده جدا، لان فعلا الاعتراف بالخطأ اول الطريق الى الاصلاح والتصحيح فالسعاده.

ثانياً :

يا بنتى ما ينفعشى يبقى فيه اتنين رسول الله. لا شرعاً ولا عرفاً ولا عقلاً.
ولا حتى عمر ولا اى بكر.
ولا اى صحابى.
وغير ذلك يعد ظلم لشريك الحياه ، فأنتى لستى بعائشه ولا خديجه ولا اسماء ولا فاطمه.
ولن تستطيعى ان تكونى.
فهؤلاء اختارهم الله لصحبة نبيه مكن بين الخلق من قبل ان يخلقوا ، فهم افضل الخلق بعد الانبياء والرسل.

لكن ليكون ديدنك انتى وزوجك ، العيش بين الخوف والرجاء.

ليكون عهدكم ، ان اصبنا فبتوفيق الله ، وان اخطأنا فمن انفسنا وضعفها والشيطان ، ولتكن الحرب دائره بينكما وبين شيطانكما.
يغلب حيناً وتهزموووووه احيااااااناً كثيره.

استعينوا بالله وبانفسكم عليه.

وفقكم الله وبارك فيكما.

كيكى عوووووو يقول...

لا بتهزر بقى
مش جايلى فى اليوم اليتيم الى داخله فى بحسابى وتقولى اعمل غير معرف!!!
لامعلش ملييييش دعوه
الفكره جامده اوى ع فكرة
انا كنت فاكرك هتحل تاج وحركات طلع الحوار اكبر بكتيييييييير
مممممممممممممممممممم
استنى بفكر فى ايه جوه فى الضلمه بتاعتى
انا اولالالالالا
مش طايقه نفسى بطريقه غبيه كل يوم بقول هعمل كذا وكذا
وفى الااخر بلاقى نفسى مش بعمل ولاحاجه بلاقى نفسى بدمرنى اه والله ساعات كده بضايق نفسى بطريقه مش طبيعيه
مممممممممم عارفه انك مش مستوعب اوى
ماعلينا
البوست ده مشوق للغايه
ياااااااااارب ارزقه ب100 تعليق
اااااامين
عووووووووووووو

ويكا يقول...

كيكى عوووو

انتى اساسا خضتينى ،انتى مش محتاجه تدخلى بغير معروف ، كفاية النيك نيم بتاعك يا بنتى ، يخض جداً.
بس برده يا كيكى ، انا ماليش فييييه

انا عايز فضايح ، انا عايز اثاره تشويق ، بلااااوى

حاولى تدخلى تانى بغير معروف ، وفضااااايح فضايح

ويكا يقول...

فيه ايه يا جماعه فين الفضايح

انا ملاحظ عدد اللى دخلوا النهارده كتير وصباح التنفيض.

للدرجادى كله خايف؟!!!!!
خايف يواجه نفسه ؟!!

خايف ينطق ولو فى سره بلاويه؟!!!

شدوا حيلكم ارجوكم ، متشمتوش فيا فاتيما ، زى ما قالت انى متفائل

غير معرف يقول...

ارزقوا
يااااااااااااارب
ارزقوا
عاااااااااااايزين
اااااااااكشن
وانا الاكشن مالييييييييش فى
عووووووووو

ويكا يقول...

هههههههههههههههههه

mrmr يقول...

هههههههههه
حمد الله بس بس
بالسلامه يعتى
انا لسه شايفه البوست بتاعك
يخرب بيت دى فكره
ليه يا عم الافكار الشريره دى
لو ما فيش اسرار يبقى نعترف بايه
على العموم نفكر وننكش جوه المخاميخ وندور لما ارجع البلد علشان انا لسه فى الكس
كفايه اجازه كده واستمر وتوغل وانتشر ثم اعترف

ادعلى ربنا يسهل طريقى وارجع بالسلامه

فاتيما يقول...

ازيك يا ويكااااا

اولا ً
انا منكشتش وراك .. اخباركو يا عيال بتجيلى لوحدها و اقولك ازاى
ببساطة
خالد همس الاحباب الغالى
يوم ابو الريش بيقولى ويكا بيسلم عليكم و بيتمنلكو يوم حلو و ناجح
قولتله خسارة مجاش ليه ؟
قالى انك ف السعودية
فقولت معلشى ..طب براءة كدا


بس
ربنا يقصر غربتك
و يرجعك بالسلامة ان شاء الله
و تحضر معانا كل الايام الحلوة دى


حاجة تانية عاوزة اقولها
ايه يا فاتيما ؟
ايه يا فاتيما؟

ايوه

استشفيت من التعليقات ان عيد ميلادك كان قريب ..صح كدا و لا انا فهمت غلط ؟

عشان لو صح
كل سنة و انتا طيب يا سيدى
وابقى عملت الأصول

طلعت مناسبة تانية
ربنا يكتر افراحك برضو
و سلام يا فندم
و البوست دا محدش حيحترف عشان تبقى عارف ...دا بوست توريطىىىىىى
اذا كنت انتا اللى كاتبه معترفش لسه بأى حاجة
هتجرجرنا احنا و تخلع انتا ؟!!!
هههههههه

سلام ياسى ويكا

غير معرف يقول...

مصر فى مهب الريح

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 – العدالة الاجتماعية .. وأطفال الشوارع والذين يملكون كل شىء .
5 – ضرورة الاتحاد مع السودان لتوفير الغذاء وحماية الأمن القومى المصرى.
6 – رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

لمزيد من التفاصيل أذهب إلى مقالات ثقافة الهزيمة بالرابط التالى www.ouregypt.us

mrmr يقول...

هههههههههه حمد الله بس بس بالسلامه يعتى انا لسه شايفه البوست بتاعك يخرب بيت دى فكره ليه يا عم الافكار الشريره طيب لو ما فيش اسرار يبقى نعترف بايه على العموم نفكر وننكش جوه المخاميخ وندور لما ارجع البلد علشان انا لسه فى اسكندريه كفايه اجازه كده يا ويكا واستمر وتوغل وانتشر ثم اعترف
ادعلى ربنا يسهل طريقى وارجع بالسلامه"

الانسة سوستة يقول...

اعتـــرافـــــات سرية

ان ان ان اااااااااااااااان

هتصدقنى لو قلتلك ماعنديش حاجة مستخبية ؟............طيب هتصدق لو قلتلك ان حتى لو فى عندى اسرار بتبقى حجات هبلة وعبيطة؟
يعنى مثلا انا وانا عندى 11 سنة كسرت دراعى لما نطيت من فوق المرجيحة وكدبت على ماما وقلتلها دراعى اتكسر عشان اتشنكلت ووقعت وانا ماشية .........وياللعجب ماما صدقتنى

طيبة الست دى اوى.........ماتروحش تفضحنى عندها بقى :D

عشان كدة بقى هنزل بالكومنت باسمى مش باسم غير معروف


وعلى فكرة نفسى نفسى نفسى ابقى زى باقى الناس عندى سر مخبياه كدة واتكسف حتى اعترف بيه لنفسى

Related Posts Plugin for WordPress, Blogger...