الثلاثاء، 14 ديسمبر 2010

خبر استفذاذى

انا مش عارف الحكومه دى عايزه مننا ايه ؟؟!
مش عارف هما بيفكروا فى ايه ، ولاى درجه بيستفزونا .
الخبر ذى ما قريته فى المصرى اليوم جبتهولكم واقروا واحكموا انتم

الخبر

شركة إسرائيلية تعلن توقيع اتفاق لشراء الغاز من مصر حتى ٢٠٣٠.. و«شرق المتوسط» ترفض التعليق

كتب لبنى صلاح الدين، و«رويترز»: ١٤/ ١٢/ ٢٠١٠

أعلنت شركة «الأسمدة والكيماويات» الإسرائيلية، عن توقيعها اتفاقا مع شركة «غاز شرق المتوسط» المصرية، لشراء الغاز الطبيعى حتى عام ٢٠٣٠، فى صفقة تتراوح قيمتها ما بين ٣٧٠ و٤٦٠ مليون دولار، ورفض مسؤول بشركة غاز شرق المتوسط، التعليق.

قالت الشركة الإسرائيلية، أمس، إن الاتفاق الجديد، يضاف إلى اتفاق كان تم توقيعه عام ٢٠٠٨ مع «كونسورتيوم يام تاطيس» الإسرائيلى - الأمريكى، لشراء مليارى متر مكعب من الغاز حتى عام ٢٠١٥، وترتب عليه ربط مصانع كيماويات إسرائيل بشبكة توزيع الغاز عام ٢٠٠٩.

وبموجب الاتفاق، ستشترى الشركة الإسرائيلية، وهى سادس أكبر منتج لـ«البوتاس» فى العالم، ٢٠٠ مليون قدم مكعب سنويا من شركة شرق المتوسط، لتشغيل محطة كهرباء تعتزم تشييدها، فى بلدة سدوم جنوب إسرائيل. أضافت الشركة أنها رغم امتلاكها خيار شراء ٥٣٠ مليون قدم مكعب إضافية، إلا أن ذلك غير مدرج، فى التقدير الحالى لقيمة الصفقة. وتابعت أنها تحولت لمجال العمل فى الغاز الطبيعى، العام الماضى، وأن هناك تحسنا كبيرا فى الانبعاثات من مصانعها وأن خطوة الاتفاق الجديد، جزء من استراتيجية الالتزام بمعايير بيئية صارمة، على حد قول الشركة.

من جانبه رفض مسؤول بشركة غاز المتوسط، التعليق على الأنباء التى روجتها الشركة الإسرائيلية، فيما قالت مصادر مسؤولة بالشركة القابضة للغاز الطبيعى، إن الكميات المتعاقد عليها مع شركة غاز شرق المتوسط، لم يطرأ عليها أى جديد ولم تتم إضافة أى كميات جديدة إليها.

انا ما عنديش تعليق بصراحه
مش قادر اقول اى شئ

هناك 10 تعليقات:

موجة يقول...

حسبى الله عليهم
حسبنا الله ونعم الوكيل
نو كومنت
وش غاضب
:(

موجة يقول...

معلشى بقى انا جيت متاخرة فى تعليقى على البوست اللى قبله شرعيه
بس شايفة الجو ملبش وما يتناسبش معاه تعليقى على البوست
هبقى اقولك رايي بينى وبينك فى مناسبة احسن

Noha Saleh يقول...

ان كمان ماعنديش تعليق
لا تعليق

افروديت يقول...

ههههههههه

بضحك من غلبي

أول بشاير " سامح فهمي "

وزير ونائب ومطبع وبائع للغاز

مع الصهاينه

وننتظر المزيد من الأنجازات للحكومه الغير نظيفه

بت خيخة وأي كلام يقول...

اسألوا لأخيكم الدعاء
فانه ممتحن واوشك أن ينجح


انت كاتب
واوشك "او" ينجح

ياريت تصلحها


وعموما ما تقلش
ناجح ان شاء الله



سلام

اختك خيخة

المدفعجي يقول...

ان لم تستحي فافعل ما شئت

مدونه ما كفايه بقى يقول...

انا قرأت اول تلات سطور واتخنقت مقدرتش اكمل

ربنا يتولاهم

تحياتى

ويكا يقول...

يا اخوانا الناس دى طغت وتجبرت ونسيت ان عليهم رقيب ، نسيوا الله فأنساهم انفسهم.

بجد والله العظيم ، الناس دول بقوا برده بشكل غير طبيعى ومش دلوقتى بس دا من كذا سنه انا ملاحظ ، من ايام ما كان الناس عماله تعمل اضراربات واعتصامات ووقفات احتجاجيه وكفايه ومش كفايه ، وهما ولا الهوا ، ماشيين على مبدأ " خلى الناس تفك عن نفسها "

وولا الهوا والله فعلا ، كانوا لا يتحرك لهم ساكناً

استخفوا بقومهم ..... فويلٌ لهم مما يصنعون .....

بس انا مستبشر جداً ، لان ما تكبر شخص وتجبر الا اتاه الله بغته واخذه بما فعل وانزل به عذاب بئيس ، الا انى كل اللى خايف منه برده ان يأخذ معاهم ناس من الشعب بذنوبنا برده ، لاننا احنا كمان افسدنا اوى والله.

واصبحت مصر مستنقع كل ما هو حرام ولا يصدق ان يحدث.

بت خيخة وأي كلام يقول...

خد عندك القصيدة دى
لأحمد فؤاد نجم


نظرا لأن النعمة فاقت حدها
ولأننا مش قدها
ولأن فعلا إنجازاتك
فوق طاقتنا نعدها
ولأننا غرقنا فى جمايل
مستحيل هانردها

نستحلفك ……. نسترحمك
نستعطفك …….نستكرمك
ترحمنا من طلعة جنابك
حبتين
عايزين نجرب خلقة تانية
ولو يومين
اسمع بقى
احنا زهقنا من النعيم
ونفسنا فى يومين شقى

عايزين نجرب الاضطهاد
ونعوم ونغرق فى الفساد

بينى وبينك حضرتك
دا شعب فقرى مايستحقش جنتك

أنا عارفه شعب ماينفعوش
إلا شارون وبلير وبوش

عايز يجرب الأمتهان
ويعيش عميل للأمريكان

بيمد "غازه" لأسرائيل
ويومين كمان ويمد نيل

أهو يعنى نشرب مية واحدة
ندوب فى بعض

ماء وماء وماء
ونفض سيرة الانتماء

وبلاها نعرة وطنطنة
تبقى البلاد "مستوطنة "
متسلطنة بالسرطنة
إية اللى خدناه م الكرامة والإباء؟

حبة خطب وكلام…كلام
إحنا راهنا على النظام
ورضينا بخيار السلام
بخيارحنسد عين الشمس بيه
علشان مايطلعش النهار
ويطلع لمين؟؟ حبة معارضة مغرضين؟!
وحسب بيان السلطة: شلة مأجورين؟!

ياعم فضك سيرة وارضى بقسمتك
دا شعب مش فاهم أكيد
يالا اطرده من رحمتك
وإن كنت غاوى الحكم خليك مطرحك
هاغطس واقب وأعود بشعب يريحك
راضى وعمره مايجرحك
أخرس ومايسمعش
وأعميلك عنيه
مش كل قرش يبص فيه
مايقولش لأه /وفين؟ / وليه؟
يضرب ينفض فى السليم وعلى الصراط المستقيم
كل اللى يعرف ينطقه
عاش الزعيم .. يحيا الزعيم



سلام
اختك خيخة

ويكا يقول...

خيخه

نسيتى تقولى :

"وعجبى"

Related Posts Plugin for WordPress, Blogger...