الأربعاء، 15 ديسمبر 2010

حبينى

لكل من سيقرا هذى .... الله وحده اعلم لمن كتبت فلا تظنو بيا الظنون ......
اقرأو فقط ..... ولا ترهقوا انفسكم لمن ولما كتبت ..... فقد لا تكون كتبت لاحد بعينه ... قد تكون فكره ... قد تكون حاله  ... قد تكون ذكرى ..... قد تكون اى شئ .... والجواب بينى وبين ربى ....... فبينى وبينه اتركونى
لذا خذوا منها خاطرتى واتركوا لى ما بين السطور


************************************


احبك فحبينى .... كونى لي ولا تخيفينى ....


تعالى نرصد سنين العمر .... بربك لما تركتينى ....


فأنا كما انا حبينى .......


بذنوبى بكل اثامى ... ...... احبينى ......


فانا رجل مثل كل الرجال غيرُ معصوم ......


لكن عليكى احتال لتنسى ذنوبى وتهوينى ......


احبك احياناً ....... احبك اياماً ..... احبك كل سنينى .......


احبك عندما تذهبى عنى ..... فأرى الدمع كالنجمات فى بحور شجونى ......


حبينى ......


فأنا اليوم على بابك ارجوا قبولى ......


واليوم لن اسمع منكى لوماً ولا حتى عتاب عيون ........


لن ارى فيكى الا حبيبة عمرى ..... وسر جنونى ......


فحبينى ......


اطفى دمعى وألامى .... فاليوم انتى ماء قلبى وشرايينى ......


انت منديلاً يمسح دمع ألامى واحزانى .....


انتى قنديلى .....


انتى ربة بيتى وربيبة احلامى .....


انتى مستقبل عمرى واولادى ......


انتى ليلة حب فى جوف ايامى .....


فحبينى .....


اقتربى منى وبهدوئك ضمينى .......


ابتسمى بحياءٍ كما اراكى دوماً حين تنظر لى .......


حبينى .....


يا قلبى ويا روحى .... احبينى .....


انسى خلافى وذنبى فما انا الا انتى لكن لا تدرين .....


انا مرآتك وانا عيبك وانا اخطائك انا اثامك فاعذرينى .......


لا .... لا لهمس عتاب اليه دوماً تجرينى ......


ارجوكى احبينى ......


بغير عتاب ولا المً ولو بنور عينك فقط احبينى .........


تخشينى اعلم .... ولا حل لديّ ....


فانا من بنى الانسانِ .... فكما انا احبينى ......

هناك 16 تعليقًا:

Unknown يقول...

جميلة ربنا ينولك كل مناك

افروديت يقول...

الله الله أنت خلاص هتكتب شعر وتقطع علينا بقي

بس بصراحه ياويكا وبجد هي حلوة وجدآآآآآآآآآآآآ كمان

ومش تقلق مش ظنينافيك ولا حاجة

أيوه كده ........
أطلق لقلمك العنان حتي يعزف أجمل الألحان

تحياتي

غير معرف يقول...

عشان المقدمه الطويله العريضه الصغنونه اللى فوق البوست دى هاخد ما تحمله هذه الخاطرة من كلمات جميله واسيبلك ما بين السطور وما تخفيه وتحويه هذه الكلمات

واقولك خاطرة فعلا فى منتهى الروعه

ربنا يسعد قلبك ويقرب البعيد
وتحيا معها حياة هنيئه وسعيده
ان شاء الله
صباح الفل والكلام الجميل على الصبح

حبيه يا ستى دا راجل طيب
هههههه
بهزر

اسعدك الله

ابراهيم رزق يقول...

كروان مضروب شعاع م القمر
سقط من السموات فواده انكسر
جريت عليه قطة علشان تبلعه
اتاريه خيال شعراء ومالهوش اثر
عجبى ؟؟؟؟

لست محتاج يا صديقى لهذه المقدمة و اطلق لخيالك العنان او انزل الى ارض الواقع فتلك حريتك احيانا يكون الخيال اقرب الى الواقع او بينهم شعرة رفيعة

كيف شفت قلبى و النبى يا طبيب
همد و مات والا سامع له دبيب
قاللى لقيته مختنق بالدموع
ومالوش دوا غير لمسة من ايد حبيب
عجبى ؟؟؟؟؟

كلنا هذا الرجل و كلنا فى حاجة الى الحب واللمسة الحانية
خواطر جميلة و صادقة
تحياتى ابراهيم رزق

ويكا يقول...

واحد من الناس

امين

ويكا يقول...

افروديت
قفشتك

تعالى هنا ، حضرتك فين اساساً

وبعدين انا مش هقطع عليكم بس ، دا انا يا بنتى هشحتكم خلااااص

بس عموما ما تخافيش هسيبك تاكلى عيش انتى مننا وعلينا برده :))

مع انك استااذه والله

ويكا يقول...

الحب الجميل

مش كده برده

ويكا يقول...

استاذ ابراهيم

اولا عايز اقولك شرفتنى والله

ثانيا اسمها فؤاده مش فوده ، وبينهما مش بينهم

معلش ياريس حاكم انت كمان بتحب تدقق فى الغلطات الاملائيه كتير فقلت فرصه اصطادك ، هو انا هلاقى الفرصه دى كام مره.
هههههههههههههههه

شرفتنى يا ريس

الـسـيـدة نـون يقول...

امبارح انت رديت على القصيدة اللى انا بعتهالك بتاعة احمد فؤاد نجم وقلتلى

نسيتى تقولى وعجبى

ساعتها ما فهمتش تقصد ايه وكبرت دماغى


دلوقتى ردك على ابراهيم رزق اللى دايما تعليقاته تكون عبارة عن رباعيات جاهين

ردك عليه كأنك معتقد ان انا ابراهيم رزق علشان انا اللى دايما بصلحلك الغلاطات الاملائية

وعلى فكرة ده مش صحيح
انا فعلا مش ابراهيم رزق


فبالتالى بلاش ردودك يكون فيها تلميحات مش صح


سلام

فاتيما يقول...

ايه كل دا ؟

خلاص يا سيدى
مش هنظن بك الظنونا
وهناخدها كدا عادى



بس برضو
ويكا يا ويكا
ازاى ببساطة كدا تطلب طلب زى دا ؟!!



مكنش حد غلب

محدش بيعرف يحب حد زى ماهوه
الا بعد طولة بال وصبر وتعب وزهق واستسلام ويأس وبعدين وصول للحقيقة المطلقة
اللى انا سخصيا وصلتلها من زمااااان قوى قوى من ييجى خمستاشر سنة مثلاً ولا حاجة



ان محدش بيغير حد
وبدل ما يقعد يبذل مجهودات خرافية عشان يبدل طباعه
طب ما يبذل المجهود دا فى محاولة التكيف معاه ونخلص


يعنى واحد بيحب واحدة عنيدة
وعاوز يكسرلها دماغها الناشف دى
عشان واجعة قلبه
بدل ما يضيع وقته ونفسه ينقطع ف المشاحنات ...يتعلم يصبر ويكبر دماغه
ويفهم انه مش مقصود بكدا
وانها لما تلاقى احتواء
هتبطل نشفان دماغ وترجع مرشيدير لورا علطول ..بمرور الوقت

اللى حبيبها مبيعرفش يعبر عن مشاعره زى باقى خلق الله ومبيعرفش يقول بحبك ويجيب هدايا و يقول كلام حلو
تبطل تستنى منه الحاجات دى
وتبص لطرق التعبير الىخرى زى التزامه بيها و اهتمامه اللى بياخد اشكال تانية خافتة يمكن مش زاعقة بس موجودة لو هيا بس
بصت بعين تانية


اختك فاتيما وصلت لهذه الحقيقة من بدرى وبقيت اعلم روحى انى اتعود ..اكتر ما احاول اغير
ويمكن عشان كدا ناس كتير بتعتبرنى متهاونة ف حقوقى
ومبيعرفوش ان الإنتظار ومد حبال الصبر والتعود مش تهاون وقلة حيلة وخيابة ..الخ الخ


حلوة التدوينة يا ويكا
و هنترك لك ما بين السطور يا عم
ولا تزعل


خالص ودى ليك

مدونه ما كفايه بقى يقول...

الله عليك يا ويكا

ايه الجمال ده كله بس

ده انت طلعت ليك فى كل حاجه بقى

متقلقش هيه قرأت الكلام ده هتحبك ههههههههههه بهزر

بس تعرف انت كتبت شعر ليه؟ لانك حسيت كلماته اوى احساسك جميل يا ويكا

ارفع القبعه لك ولشعرك

تحياتى

ويكا يقول...

شارم

وعليك ياريس

ويكا يقول...

فاتيما

الله عليكى

هو ده.

لذلك ارى :

"استمتع بما فى يديك ، مهما كان ، فاكيد هناك جزء ممتع فيه ، ولا تترك ما تملك لعدم وجود بعض ما تحب فيه"


وتعقيبا على كلامك برده

للاسف اغلبنا ما بنكتشفشى النظريه دى الا لما نكون مش هتفيدنا خلاص

ويكا يقول...

ما كفايه بقى

الله يكرمك يارب

وعلى فكره انتى صح

ااه صحيح
انتى بتقولى ترفعى القبعه ليا ولشعرى (بفتح الشين ولا بكسرها ، اصل قبعه وكده اكيد فتح الشاء
ههههههه
انا بهرج معاكى

شكرا يا باشا

ويكا يقول...

خيخه

القطنه ما بتكدبش :)

غير معرف يقول...

انا لما قرأت الي انت كتبه هنا قلبي وجعني كأنك قولت كلام جوايا,والغريب اني كل اما افتكر البوست ده ببقي حموت وبكتأب,,وكلامك فيها بيحسسني انك حساس اوي بس بتحاول تداري ده بقناع القصوه علي المرأه,,بتوه لما بقرأ البوست ده,,وبصراحه بقي ده احلي كلام انت كتبه علي الاطلاق في المدونه كلها..
ربنا يرزقك ويرزقنا بالانسان الي يحبنا بجد ويقدرنا.

  قيراط حظ ولا فدان شطارة ... مقوله سمعناها كلنا و حفظناها عن اجدادنا ... ب س لما بدأنا نتعلم و نشوف العلم الحديث و الغرب و تكنولوجيته بدأنا...