الجمعة، 14 يناير 2011

عاجل ..... جدا

انباء عن مغادرة 

الرئيس زين العابدين بن على للبلاد

وتسلم الجيش زمام السلطه

الانباء غير اكيده لكن هذا ما يتردد الان
واياكى اعنى واسمعى يا جاره




"الثورات يقوم بها المؤمن
ويجني ثمارها المنافق
ويجلس على ذروة سنامها اللعيب الحنجوري الكاريزمي "

 د. ستيته حسب الله الحمش 


نعم فهذا ما انتظره .... ذهب فاسد وسيأتى من هو افسد لكن فى البداية سيكون احكم

الا اذااا ..............

هناك 11 تعليقًا:

ويكا يقول...

خلاص تم اعلان تسلم السلطه الان فة تونس من قبل رئيس البرلمان فعلاً
اسأل الله ان يكون هذا نذير خير

Ramy يقول...

مبروووووووووك لتونس

عقبال لنا

مش عارف ليه فرحان

بجد

ويكا يقول...

وانا والله يا رامى برده

مهو بيقولك بداية الغوث قطره

وبلدنا دى ما بتتحركشى الا ما تلاقى حد اتحرك الاول.

لعله خير

بس مش عارف ليه مش عارف افرح اوى برده

او بمعنى اصح عارف بس خايف اقولها بصوت عالى تطلع صح

Ramy يقول...

بس أحنا مكناش كدة

كُنا احنا بنتحرك و بعدين هما

بس يااااااااارب

ويكا يقول...

والله يارامى هو ده اللى جه فى بالى بالظبط وانا برد عليك

وكنت هكتبلك كده ، بس لقيتنى بقول ياعم مش مشكله خلينا احنا الاخر المره دى ، بس نعملها.

غير معرف يقول...

مبررررررررروك لتونس وشعبها

عقبالنا يااااااارب

يارب
يارب

mrmr يقول...

تصدق بايه لسه بس امبارح كان خيالى واسع وبفكر ان بعد كل الاحداث اللى بتحصل والاحتجاجات والمظاهرات نجى فى يوم نلاقى رئيسنا المحبوب اخذ كل عيلته وحل بعيد عن البلاد وساب الساحه فاضيه لكن ما مصيرنا بعد هذا اليوم
تفتكر فعلا خيالى واسع جدا لدرجه افكر بهذا التفكير

الف مبروووك لتونس وعقبال لما نتحرر احنا كمان

ويكا يقول...

الحب الجميل


ياااااارب بقى

قبل ما يحصلى حاجه والله

ويكا يقول...

مرمر
ههههههههههههههههههههههه


ما انتى قولتى اهه (خيال ) واسع بقى ضيق

هيفضل خيااااااال

هههههههه

بس انا متهيقلى ما حدش بيمشى من مصر عموما الا الى ...............

وان شاء الله اكيد يعنى هيحصل .... مهو اصلنا بنى ادمين يعنى ولنا مدد صلاحيه اكيد ........

انا بقى خايف من خيالى انا بقى اللى بيقولى .... ان اولادى هما كمان نفسهم يعيشوا نفس العصر الذهبى مع راعى الكوره المصريه فى مصر السيد الرئيس ..... حسبو بتاع البيانوله

افروديت يقول...

مبروك ليهم

وعقبالناياويكا

أخيرآياوئام عرفت أدخل ع مدونتك
دي معجزة وربنا

شوف ياويكا أحناعددناأضعاف مضاعفة
لكن مفتكرش أنناهنقدر نعمل زي ماعملوا ...
بتمني طبعآأنه يحصل وربناأكون أول بنت في الشارع بس مش عارفه حاسه لأ

تفتكر أيييييييييييه؟!

ويكا يقول...

افروديت

ليه ما كانتشى بتفتح معاكى ولا ايه؟

عموماً افتكر اننا نقدر بكل بساطه وبالاخص دلوقتى ، لان البلد ما بقاش فيها حد عنده حاجه يخاف عليها ، لكن المشكله الكبيره الجمله اللى انا كاتبها بتاعة الدكتوره ستيته.

هى دى مشكلتنا واللى مخليا الواد كل ما ييجى يتفائل تتسد نفسه تانى

  قيراط حظ ولا فدان شطارة ... مقوله سمعناها كلنا و حفظناها عن اجدادنا ... ب س لما بدأنا نتعلم و نشوف العلم الحديث و الغرب و تكنولوجيته بدأنا...