الثلاثاء، 18 يناير، 2011

بعض من الهرتله ..... بعض من القلق






بالامس وقعت لى احداث كثيره جداً مما اضطرتنى للسفر سريعاً من جده الى مصر لمده قصيره جداً ولو ليوم واحد فقط و فى غير الموعد المخطط له من قبل
حتى استطيع الانتهاء من هذه المشاكل المهمه  والعمل على سرعة حلها.

الا انى احترت كثيراً بسبب غرابتها وحدوثها بهذا الخطأ الغير مقصود الذى كان من الممكن تجنبه بسهوله بعمل بعض الاحتياطات البسيطه.

الا ان الامر اعيانى كثيراً واحترت فى حله بالرغم من وجود خطأ فيه وكونُنا على حق فيه .

لذا اضطررت الى الاستعانه بالله ثم بأحد الحكماء فى حياتى والذى تربطنى به صله 
، رجلٌ مشيب ، حكيم ،  ذو شعر ابيض على اجناب رأسه وفى المنتصف يوجد فراغ بدون شعر 
نعم فهو اصلع الا ان هذه الصلعه زادته وقاراً على وقار

جلس الرجل وأخذ كل الاوراق والمعلومات التى لديّ بخصوص المشكله 

قرأها واطلع عليها بدقه ، فوجد معلومه متناقضه جداً فى الاحداث 
والتى اوصلته الى استنتاجه الهام جداً الذى سعقت عند سماعه

فبعد ان قرأ عليا وشرح التناقض الموجود فى الاحداث والاوراق قال لى :

" بما ان هذا لا يصح ابداً وغير واقعى اذا فهذا حلم ، انت تحلم  "

لقد برهنى لى الرجل بكل هدوء وحكمه ومنطق غريبين 
انى

 " احلم الان " 

وهذا ما اكتشفته عندما استيقظت بجوار زوجتى وانا منهك بشده بسبب السفر المفاجأ الذى ارهقنى 
لاحكى لها الحكايه بمزيج من الخترفه الغير مفهومه فى اثناء سردى للقصه الواقعيه لاحداث حلمى الغير واقعى

انتهت

***************************



كنت اتوضأ اليوم وافكر فى موضوع جديد ارغب فى الكتابه عنه


ولقد واتتنى فكرته للتو

الا وهو (الصـــــــــــــــــــبر على الابتلاء )

وتذكرت السيد بلال وحجم مصيبة اهله وبعض المصائب الصغار فى مقابلها وهكذا

وفعلاً استحضرت بعض العناصر الطيبه ذات المنطق المقبول للاستعانه بها فى هذا الموضوع

فشعرت بلحظة قلق ان يكون هذا تمهيداً من الله لى لابتلاء قادم جديد (فلا يوجد احد ابداً بدون فرح وطرح متتاليين ، يوم سعاده وفرح جم ، ويوم ابتلاء وتمحيص ، وكل على قدر اعماله وقدرصبره ).

فما افضل من التصبر بما قولته انت نفسك بمنطقك لنفسك ، لذا فمن الممكن ان يكون هذا تمهيداً ...........

واثناء ما انا كذلك ، اذ فجأة يخرج زميل عمل  ليمر بجوارى وبدون اى مقدمات فجأه يربت على ظهرى و يقول لى :

"ربنا يصبرك "

:)

هكذا بدون اى داعى او اسبب


...............استر يارب ، والله انا استويت خلاص والحمد لله على كل نعمه ...........

هناك 15 تعليقًا:

الحــب الجميـــل يقول...

ربنا يستر أن شاء الله

ربنا موجود

Ramy يقول...

ربنا يصبرنا

جميعاً يا ويكا

على ما بُلينا

الحــب الجميـــل يقول...

قلق وجوانا حيره....
خوف ملكنا ومحاوطنا....
حتى فى كلامنا و سكاتنا ...
وفى احلامنا....
نقوم ندور على الحقيقه...
ونتوه وياها فى ألم وحيرة ...
تخنًقنا بصرخه مكتومه ...
نحاول نفوق منها بصعوبه ...
على حقيقه عيشنها ...
على جمله بنرددها
الله ماأجعله خير
يارب

:))

زوجتك ورفيقة دربك يقول...

.كان حلم غريب فعلا بس ان شاء الله خير لان اقدار الله كلها خير
والابتلاءهو اختبار من الله عز وجل لعبدة وكل اقدار الله كلها خير
ونسال الله الخير كله عاجلة وآجلة ونعوذوا بالله من الشر كلة عاجلة واجلة واللهم انا نعوذوا بك من سوء القضاء.ا.

افروديت يقول...

لغبطة بتحصل لناس كتير

علي فكرة أنابحتج علي أنك بتقول أن محدش نشرحاجة بخصوص السيدبلال "لأنه بدقن"

شوف ياويكا لابدقن ولابشنبات مفيش حاجة اسمهاكده الراجل ده زيه زي اللي ماتواوربنايرحمهم جميعآمش يقل عنهم في شيء
مشكور لأني عرفت عن موضوع وفاته من مدونتك

واحد من الناس يقول...

تفائل الخير تنله

ويكا يقول...

تصدقوا يا اخوانا انى انا نفسى ما ربطتش بين القصتين خالص

بس انا لاحظت ان ردودكم كلها ان القصتين لهم علاقه ببعض ، فلما فكرت فى السبب فوجأت بان فعلا الاتنين ممكن يصبوا فى حكاية القلق دى

ههههههههههههههه

فعلا بقى ربنا يستر

ويكا يقول...

الحب الجميل

رامى


يارب ، بس انا الحمد لله متفائل النهارده شويه

ويكا يقول...

الحب الجميل

ايه ياباشا الكلام الدامد ده

والله منوره
وربنا يستر

ويكا يقول...

زوجتى كونتى

يا اهلا يا اهلا بالتلفزيون يا اهلاً

ونعم بالله يا حجه والله

اللهم اعنا على انفسنا وقدر لنا الخير حيث كان.

حجه
يااااا حجـــــــه

مهو يا اما انا يا انتى ، واحد فينا اللى يكتب غلطات املائيه .....

لو انتى مصره ان انتى اللى تكتبيها انا ما عنديش مانع ، قوليلى وانا خلاص اصلح الغلطات اللى عندى فى البوستات وامرى لله.
بس نتفق علشان كل واحد يعمل حاجه

ويكا يقول...

واحد من الناس

ما انت فاهم بقى

richardCatheart يقول...

على فكره مش كل الاحلام اللى بنقوم منها مفزعوين تفسرها وحش لاقدر الله

ان شاء الله خير

صباحك فل الفل

mrmr يقول...

نووووو قلق

ربنا ح يسترها باذن الله

ويصبرنا

مدونه ما كفايه بقى يقول...

ربنا يتولانا كلنا برحمته بقى

مش انت لوحدك اللى جبت أخرك والله

اعتذر عن إنقطاعى للامتحانات احكام بقى

اتمنى زياره مدونتى الدعاء لى فأنا فى أمس الحاجه له

تحياتى لك

ويكا يقول...

اللهم امين يارب العالمين

امين

جزاكم الله كل خير يا اخوانى واخواتى .

واحب ابشركم ، على اد ما الازمه البسيطه اللى انا فيها الا انى وبتوقع بفضل دعئكم ودعاء والدى وولداي فأنا فعلا مش حاسس بيها والله بل بالعكس مطمن جدا جدا وحاسس ان فيه خير عظيم جاى قريب اوى اوى .

اوى ان شاء الله.

بس انتوا زودوا دعائكم شويه كمان صغيرين بس وهى هتفرج على طول ان شاء الله .

انا بعتذرلكم كلكم انى مش عارف ارد على واحد واحد فيكم ، بس انا واثق انكم مش مستنيين منى شكر زى ما انا كنت واثق فى حبكم ليا ولنا كلنا ، انا مبسوط انى بنتمى لمجتمع التدوين ده ، وانى مصرى وانى من البلد دى ، وانى شاب من الشباب ده.

شكراً لكم جميعاً واسمحولى انزل ببوست فى بيت المدونين بيتابع احداث البلد اللى بدأت ترد فيا الروح تانى وتحسسنى بجزء من الكرامه

ياريت تتابعونا

شكراً لكم جميعاً

Related Posts Plugin for WordPress, Blogger...