الخميس، 17 فبراير 2011

هو ليه انا متفائل؟!



هو ليه انا متفائل اوى كده ؟؟؟


قبل فتره كنت كتبت بوست غريب شويه كده انى حلمت حلم غريب معناه ان فيه ابتلاء هيجيلى 
وبعدها يمكن تانى يوم ، جالى واحد من غير سبب وربط على كتفى وقالى اصبر من غير ما يعرف هو نفسه قالى كده ليه !!! (هيا جات منه كده)
وفعلاً جالى الابتلاء تانى يوم كتبت البوست ويمكن اكون لازلت فيه وفى اثاره المترتبه عليه ....

النهارده بقى والايام اللى فاتت 
عندى احساس تانى خالص ، معاكس تماماً للاحساس السابق 

المره دى متفائل لابعد الحدود ، كل ما تقابلنى ازمه او ورطه بحكم الابتلاء اللى انا محطوط فيه 
الاقى نفسى فجأه اصبر نفسى  واقول اصبر الخير جاى وكل ده ترتيب لحدث كبيييير جدا جداً لك هياثر على مجريات حياتك  كلها ان شاء الله و فعلاً اصبر.


الغريب فى الامر ، ان الورطات اللى بتجيلى او الزنقات يعنى بتجيلى من حيث لا احتسب بالرغم من ان ده هو الذى باحتسبه دايماً ، لانى دائما متوقع انها تجيلى من حيث لا احتسب.

لكن الاغرب بقى انى بعد ما اتقبض شويه واضايق  (طبعاً وده طبيعى) الاقينى عادى جداً ومتقبل الامور بروح رياضيه 
وولا كأن فيه حاجه ، واتفائل فجأه 
وبالذااااات فى المره دى ...... متفائل جداً لابعد حد ....
لا مش بسبب اللى حصل فى مصر ....
لان اللى حصل فى مصر ده كان بمثابة حلم وما كنتش متخيل انه بيحصل 
اباص كان مشاركتى فيه كانت بشكل ظاهر او باطن الا انى وانا كنت بشارك كنت حاسس انى فعلا بحلم.

لكن السبب الحقيقى هو انى ............. فعلا ما اعرفش ....
لكن واثق فى الله كتير ..... بالاضافه انى اتعودت ان بعد كل ابتلاء كان بيجيلى ، مفاجأه جميله زيى هديه كده.
وعلى قدر الابتلاء كانت المفاجأه ..... لكن المره دى 
انا حاسس ان ربنا باعتلى مفاجأه من العيار الثقيل ....

يكونشى هبقى وزير؟؟!!!

وهى دى مفاجاه حلوه ؟؟!!

لا لا لا ياعم ، انا حاسس انها حلوه فعلاً ان شاء الله.

ههههههههه


عموماً هنشوف ....
خليكوا معانا اكيد فيه بكره جديد .....

نلتقى بعد الفاصل .....






************************ اعلانات **********************



هناك 7 تعليقات:

فاتيما يقول...

هتبقى وزير !!!!
يا لهوتينى ى ى ى ى

أهو كدا الوطن راح ف داهية
رسمى وعلى يد محضر
وعليه العوض
ومنه العوض

وجاى رايح
منه له
منه له
منه له




ليه كدا
يا ويكا يا ويكا





:)


ربنا يسمع منك
وبكرة يبقى خير
والقلق اللى مالينا كلنا على اختلاف أسبابنا .... يذهب بلا رجعة

يا رب

غير معرف يقول...

ثقافة الهزيمة .. أنها حقا عائلة محترمة‏

فى 6 فبراير 2011 نشرت شبكة الأخبار الأمريكية CNN كشفت صحيفة الجارديان البريطانية نقلا عن محللين مختصين بشؤون الشرق الأوسط قولهم أن ثروة الرئيس المصري حسني مبارك بلغت نحو 70 مليار دولار، جزء كبير منها موجود في بنوك سويسرية وبريطانية، أو على شكل عقارات في لندن ونيويورك ولوس أنجلوس، أضافة إلى ممتلكات خاصة على طول شاطئ البحر الأحمر، وقال تقرير أن المصدر الرئيسي لهذه الثروة هو أطلاع الرئيس على صفقات أستثمارية حققت مئات الملايين من الدولارات لمصر، ولهذا تم نقلها إلى حسابات سرية في بنوك أجنبية، أو أستثمارها في البورصات العالمية والعقارات، وأكد التقرير أن علاء وجمال مبارك هم إيضا من أصحاب المليارات، ونقلت الصحيفة عن أماني جمال، أستاذة العلوم السياسية في جامعة برينستون، قولها أن ثروة العائلة تتراوح ما بين 40 و 70 مليار دولار، وهي أرقام تقارب ثروات بعض من زعماء دول الخليج، الغنية بالنفط...

باقى المقال ضمن مقالات ثقافة الهزيمة بالرابط التالى www.ouregypt.us

mrmr يقول...

التفائل حلو برضه ... وده دليل على ايمانك بربنا انه ح يدبر لك الصالح والخير ليك
باذن الله كله للخير
ومتنسناش بقى فى الحلاوه يا ذكى هههه
كل سنه وانت طيب بمناسبه المولد النبوى الشريف معلش بقى جايه متاخره عقبال ما اكلت الحلاوه
اقعد بالعافيه

تغريدات مصر egytweets يقول...

ياأخى شاركنى رأيك باللغة الإنجليزية
http://besara7aa.blogspot.com

ويكا يقول...

فاتيما
هههههههههههههههههههههه

للدرجادى ؟؟!!!

دا انا كنت مفكر انكم هتفرحوا لما ابقى وزير

الخونه المندسين غرروا بيا وقالولى ان الشعب عايزنى ، لكن لا انا ادرى بمصلحتكم وهشتغل وزير ومش همشى برده وان شالله ما حلقتوا ولا استحميتوا ولا ايدكم وجعتكم ، تتظاهروا ما تتظهروش انا مش هرحل


بس قوليلى انتى عايزانى ابقى وزير ايه ؟؟؟؟

قولى قولى ما تتكسفيش.

ههههههههههههههه

اى خدمه من قبل ما ابقى وزير اهه ، علشان تعرفى ان دى صفه فى المصريين مش حسنى بس .
:))


اللهم امين

ويارب يخرجنا كلنا من اى كدر او حزن ان شاء الله لان قلوبنا طيبه وبتحب ربنا جداً جداً مهما كنا بنعصيه. فده ضعف من انفسنا مش عصيان ولا كبر عليه

فرحت اوى لما شوفت تعليقك وارتحت كتييير اوى ربنا يخليكى

ويكا يقول...

مرمر

ههههههههههههههه

اكيد ان شاء الله انا ثقتى فى الله كبيره جداً

وعلى فكره

ههههه
انا مش بجيب حلاوه فى المولد النبوى

ههههه اصلى معقد

ويكا يقول...

حسام

والله ما ان فاهم حاجه

اشاركك انى رايى بالظبط وفين ؟؟؟
انا حاولت اشوف لك مدونه ما لقتشى

I tried my best to find any blogs for you but unfortunately I couldn't
!!

  قيراط حظ ولا فدان شطارة ... مقوله سمعناها كلنا و حفظناها عن اجدادنا ... ب س لما بدأنا نتعلم و نشوف العلم الحديث و الغرب و تكنولوجيته بدأنا...