الجمعة، 30 سبتمبر 2011

الغير معروف





الاخ او الأخت 
الغير معروف 
الذى طالما ما ساندنى فى اعز واجل لحظاتى 
كنت اعرف تعليقك من وسط كل التعليقات ولو كانت كل التعليقات غير معروفه 
لانه وببساطه كانت تعليقاتك تحمل عبق الود والمحبه والصدق والاخلاص
وبما انك كنت / كنتى ترسل بغير معروف حتى لا اعرفك بالرغم من رونق و حنو كلامك فأحب ان اخبرك انى اتوقعك 
فطالما كنت / كنتى  كذلك طول عمرك بإجماع الجميع

واصدقك القول لقد كنت / كنتى موفق جداً فى تعليقاتك القليلة العدد كبيرة التأثير


الغير معروف/معروفه 


شكراً من كل قلبى 




شــــــــــــــــــــــــــــكراً




على الهامش : لو كنت انت حلبسه فأنا اسف والله خلط بينك فى المره دى بالذات وبين حد تانى اعرفه فتعليقى يوميها لو انت قريته هتفكره تريقه ولو اللى اقصده هو اللى قراه كان هيضحك ..... دى قد تكون المره اللى غلط فيك فيها .اسف لانى من يوميها مضايق من اللبس ده




لازلت اشتاق اليهم ... لكن





اشتقت لزوجتى وأولادى

هذه هى المفاجأه




لكن
هل هذا حقيقى ؟!
هل هناك تحفظ فقط ؟!
ام سيُجرى على بعضهم بعض القرارات الطفيفه 
الكبيره ؟!!




هناك حتماً مفاجأه



الخميس، 29 سبتمبر 2011

خطوه اخرى فى حياتى

لا اعلم لماذا يسيطر علي اليوم وخاصه منذ بضع ساعات 
ان هناك احداً ممن خاننى بالامس يخوننى مره اخرى اليوم
اشعر برائحه شديده فى انفى 
رائحة الخيانه
وعفونتها

لا اعلم لماذا يسيطر علي هذا الاحساس الغريب 
بالرغم من انى لا اشعر به هو شخصياً ايا ما كان هذا الشخص

الا انى اشتم رائحته القميئه 

هناك شئ ما ............ لا اعلمه 
هناك شخص ما يخوننى مره اخرى ويظننى غافل 
لكن لا اعلم اليوم شئ
كل ما اعلمه هو تلك الرائحه التى تملأ اجوائى اليوم ......

الا انى اتوقف كل برهه وأسال نفسى :
ألم تقرر اليوم خطوتك الجديده ؟!
فبالامس قمت بوضع بعض القواعد المنظمه لتعاملك فى الحياه مع اولئك البشر المُرهِقين ، وقمت بتطبيقها بالفعل 
وسبحان الله وجدت فعلا ما فعلت هو الصواب .....
فقط إلقى بكل من يسوئك فى مزابل القمائم ولا تعبئ 
ولن تتوقف الحياه على احد .......... ولقد نجحت الفكره 
كل من وعدنى وأخلف شطبته ...........
 كل من تعامل معى بقلة احترام شطبته .......
 كل من استشعرت انه لا يحبنى شطبته 
ولم يحدث شئ 
اى شئ
فقط ارتحت كثيراً 


اليوم 
القانون الجديد 

سيتم تشغيل برنامج الازاله الخاص بالخائنين السابقين 
فقد سئمتهم وسئمت رائحتهم العفنه 
مهما تلاقوا معى فى اى شئ ......
مهما ارتبطوا معى بأى رباط ...........
مهما كانت درجة قربهم لدى او قيمتهم فى حياتى ........

سيتم تفعيل برناج الازاله وسيجرى المسح

نعم ........ سأتوقف اليوم عن التسامح 
لا تسامح بعد اليوم 
لا مكان عندى للخائنين .......... سواءاً قداما او جدد 
لا مكان لكلمة تسامح مع اولئك ..............
لن اسمح بمزيد من المهاترات من اليوم 
لن اترك فى حياتى من خاننى ولو بكلمة باطل فى غيابى 
فما بالكم بمن خان عهدى وشخصى وكلمتى وسمعتى ورابطتى ؟!!!

جارى تحميل البرنامج 
ليم تشغيله بأعلى اصدار من اصدارات المسح النهائى ، اتعلمونها ؟!
انها لا تمسح فقط ............. بل هناك خاصيه عظيمه 
هى المسح وتمزيق كل البيانات المشتته على وحدة التخزين حتى لا يسمح باى شكل لتجميعه شتاتها واسترجاعها مره اخرى بأعظم البرامج


اعلم انها خطوه خطيره وصعبه جدا جدا جدا 
لان من يخوننى واتركه الى الان فى حياتى يعنى اننى احبه بشده

لذا .................... اظنكم تعلمون ما يتلزم على فعله 
وتعلمون ماذا سافعل الان ....................


نعم هو ذاك 



خواطر على الطاير



عندما اُزيد فى الإلحاح
 فأعلم انى اوشكت ان اترك ما ألح عليه 


*****************************************

عندما احتاج صديق اتصل باقرب الناس الى قلبى مهما كان بينى وبينه من خلاف بدون أى كبر او تحفظ 
واتوقع ان يسعفنى بدون مناقشة اى شئ بخلاف ما طلبته بسببه
لذا اُصدم اشد الصدمه
 عندما
 لا يكون هناك


*****************************************

العمل مهم 
ليس للقدره على المعيشة
بل للمعيشة نفسها

*****************************************


لا استطيع ان افعل شئ لا أُمن به 
وان فعلت
 سريعاً ما اتراجع دون اى غضاضه 


*****************************************


هناك خطأ ما فى حياتى منذ فتره طويله جداً تعدت السنوات الطويله 
ولا زلت لا اعلمه 
بالرغم من انى أحصيت مميزاتى وعيوبى وفهمتنى جيداً
الا اننى 
لم افهم هذا العيب الرئيسى الى الان


*****************************************

مجنون :   جـــــــــــداً
وربنا ستر ان فيه حاجات كتيره بتقيدنى 
وبالاخص الدين 
واتمنى ابطل اكسره ..... كفايه بقى 


*****************************************

مضايق من نفسى لتقصيرى فى اشياء كثيره 

*****************************************


فيه ناس كتيره بتحبنى اوى 
وانا للاسف عايز اقولهم مفاجأه خطيره 
والله العظيم بجد  بحبكم برده
بس مش بعرف اعمل الصح علشان تفضلوا عارفين انى فعلا بحبكم
لا اجيد هذا مطلقاُ 
ودايما بأخذلكم


*****************************************

بيحبونى بعمق 
وبأجرحهم 
للاسف 
ده لأنى انا كمان بحبهم

*****************************************

بحثت عنكم فى عز حاجتى إليكم فلم اجدكم 
شكراً
 لعدم تواجدكم 


*****************************************

بعشق الادب
الا انى لست كثير القراءه بل مقل جدا 
لانى لا عندى وقت ولا خلق اقرأ
الا انى اتذوق الادب بشكل مذهل 
انا مستغربنى

*****************************************

بعرف شئ عن كل شئ الا انى مش ثابت فى شئ 
ودى مصيبه وجايبالى الكافيه


*****************************************

ما بعتذرشى لحد غلطان 
حتى ولو الدنيا كلها وقفت فوق راسى 

*****************************************

 لما بعتذر 
اعرفوا انى فعلا  اعتذرت 

*****************************************

عِندى لأبعد حد
هتمسكوهالى وتقولولى اقفش .... عيب اهه 
هقولكم :
طب ما انا عارف 


*****************************************


لما بيحاول بنى ادم يغظنى 
بعرف اخليه يولع من الغيظ 
من غير ما اعمل اى حاجه
فنصيحه 
بلاش حد يحاول يغظنى لانى ما بتغاظشى وفى الاخر انت اللى دمك هيتحرق 
وفى الاخر
 هتشتمنى
 وانا ما عملتش حاجه
:)


*****************************************

نفسى ادخل الجنه 

*****************************************

فيه ناس لما تشوف طريقتى وفكرى يقولوا عليا سلفى 

ساعتها بيصعبوا عليا اوى 
لان 
لما يقولوا عليا ان بالشكل ده سلفى ...... يبقى هما ايه على كده ؟!! 

*****************************************

نفسى ابقى سلفى المنهج فعلاً لانى بالفعل سلفى المعتقد زيكم كلكم 

لسه المنهج بقى 
يارب اعنى

*****************************************

السياسه بحبها جداً
وبكره الأغبياء بتشدد 

*****************************************

كنت بستغرب ازاى حد يقول على اللى مخالفينه انهم حمير واغبياء 
على الملأ  
 ( اه والله وورتها لصحابى واحنا فى الميدان )
وفى نفس الوقت عمال ينادى بالديموقراطيه وحرية التعبير والرأى والرأى الاخر 
الا انهم لما كتروا ما بقتشى استغرب 
حفظتهم خلاص

*****************************************

لما تخالف حد فى الرأى من المتشددين لرأيهم تلاقيه قلب وشه 
واتهمك بالتشدد والانحياذ لرأيك 
الله !!!
 امال انحاذ لرأيك
وبعدين ما يمكن تكون انت اللى متشدد ومنحاذ لرأيك !!
ولا هو علشان عادل امام رسمها فى عقول الناس ان ابو دقن او ابو علامة صلاه هو المتشدد بس  ؟!!

*****************************************

الى ابناء عادل امام 
امتنعوا 

*****************************************

الى ابناء الريس 

ربنا يشفيكم


*****************************************

الى عصام شرف 

اتلحلح شويه الله يكرمك

*****************************************

الى المشير 

انت لازم تجيب الكلام لنفسك 

*****************************************

الى مصر 

انتى التى فى خاطرى 

*****************************************

الى اللى بيدَور على غلطه املائيه 
خد الكلمه دى 

تامر 

اصل دى اصلها كان

 حسام

*****************************************


انا تعبت 
بس مادام لسه بتقروا يبقى لسه عندكم نفس
 الله ينور 
عاش .... عاش 

*****************************************

الى اللى بيكتبوا بوستات طويله اوى اوى
 ( ما اقصدشى حد والله العظيم بعينه )

حرام عليكم فيكم ناس بتكتب حلو فعلا وعايزين نكمل البوستات بتاعتهم للاخر 

حاولوا تقصروها شويه علشان ما نتحرمشى من مقالاتكم

*****************************************

الى اللى لسه بيعد فى الغلطات الاملائيه 

انا مش هراجع البوست الا مره واحده
( زى كل مره بصراحه ) 
وبسرعه كمان
يعنى هنيالك يا عم

**************************


اخيرا 
ينفع تقولوا 
استغفر الله العظيم واتوب اليه 


ثلاث مرات ؟!
 مش هتخسروا حاجه ويمكن يتفغرلكم فعلاً مين ادراكم




******************************

انتهى



اشتقت إليهم




اشتقت لزوجتى وأولادى

هذه هى المفاجأه




BIG LOSS




خساره 

اول مره يخيب ظنى 

و بدأت الخساره الحقيقية

وسقط فى الحاجه الوحيده اللى كنت محتاجها منه
حالاً

انه يبقى ذى كل مره


مذهل 


بذكائه المعتاد 
الا انه
اختار رغبته لوحده
بغض النظر عن اللى بيحبه

والله خساره




الاثنين، 26 سبتمبر 2011

صــــــــــداع






 كلام كتــــــــــــير ............. كـــــــــــــــــــتير انا فى غنى عنه

وجالى صــــــــــــــــــــــداع 

وأعانى من مرضي الصراحه  ...............  والوجه الواحد 

وأعراضهما تلاحقنى هذه الايام 

فصــــــــــــــــبر جميل والله المستعان على ما تصفون 


الأحد، 25 سبتمبر 2011

الى اهل الشر اتحدث .......







الساده الاشرار 
عمتم مساءاً ............ او صباحاً ..... ايهما اقرب
لدي تصريح وتنبيه وتوضيح وتفهيم 


ألا وهو ........... أننا عندما نتعامل مع أشخاص ... فإننا نتعامل مع أعمالهم وليس رسمهم  أو شخصهم .....
بمعنى لو قام احد من الناس بفعل خير ...... شرعى ........ محبب الى الله ورسوله ..... فأنا اول من سيسانده .....
واقف بجواره وادعمه ..... مهما كان اختلافى الشخصى معه ............ مهما قال من قال ...... واغتاظ من اغتاظ ........... وهذا لا علاقة له بالشخص الفاعل للخير فى ذاته ...
فقد يكون هذا الشخص جيد ....... او سئ ...... الامران يستويان لدي .......
فالفيصل هو عمل الخير ذاته ...........
وقد قال عمر رضى الله عنه فيما معناه " لقد كنا نعلم سرائر الناس عندما كان رسول الله بين اظهرنا من الوحى .... ولقد  مات رسول الله ..... و أنقطع الوحى وانقطعنا عن العلم بسرائر الناس وبقى لنا الظاهر فصرنا نحكم على الناس بظاهرهم ، فمن ظاهره خير حسبناه على ذلك ومن ظاهره شر عاملناه على ذلك  "


وهذا ليس نص حديثه رضى الله عنه  لكن هذا هو معنى ما اتذكره مما نقل عنه.


فنحن بشر ولنا الظاهر ........ ولا نستطيع الإطلاع على الضمائر ...... فمن اظهر خيراً فخيرا ومن اظهر شراً فشرا


لكن نعود مره اخرى للب المقال الا وهو :


انى عندما أدعم فكره تميل الى شرع الله فهذا لله خالصاً ان شاء الله (و اظنه كذلك )
وان كنت ادعم تصرفات شخص بعينه فى إلتزامه او اشجعه فى كلامه لله  فهذا منى  لله ايضاً .....
 فمن منا لا يفرح بإلتزام احد بشرع الله وسنة نبيه عليه افضل الصلاة والسلام  حتى ولو كان مدعياً منافقاً .....
 فما بالكم لو كان مخلصاً خالصاً ..........فهو بذلك اولى
 بل وما ادراكم ان يكون فعلا ينتقل من السوء للخير  ......
 لا اعلم  ولا احد يعلم .......... فقط علام الغيوب هو من يعلم ......
لذا ما علينا الا الإجتهاد والمؤاذره له والوقوف بجانبه لعله لو مدعياً ويظهر هذا الوجه وهذا الطريق يسلكه فعلاً ......
و أما انا فسياستى ............... انى أحب ان أُخدع فى الله ........


عن ابن عبد الله ابن عمر قد حكى ان ابيه عبدلله ابن عمر  كان عندما يرى عبداً خاشعاً متذللاً لله اعتقه لوجه الله .......
 فأجتهد العبيد فى فعل ذلك امام عبدلله ابن عمر حتى يعتقهم فكان فعلا يعتقهم ............ فقال له ابنه يا ابى انهم يخدعوك ويتصنعوا الخشوع حتى تعتقهم ..... فقال له صحابى رسول الله واشدهم اقتفاءاً لآثره وابن فاروق الأمه و زاهدها وعابدها :
 ( من خدعنا فى الله .... خُدعنا له ) .......


لذا لما لا نأخذ هذا سبيلنا ومنهجنا ؟!!! 
لماذا نتشكك او نحارب هؤلاء  حتى ولو منافقين كما تدعون ؟!!


والغريب والأغرب والعجيب والأعجب .....
هو اننا نحزن ممن يفعل ذلك ايضاً وننكر عليه ونتهمه بأنه مغفل او مخدوع ...........
من قال هذا ؟!!!
من قال انه لا يعلم ما يدور حوله ........... إلا انه يُخدَع لله .....................
 خالصة له .....
فلعلى من ينافق هذا ( اذا صح الادعاء ) يتوب فعلا ويعود الى الغفور الرحيم الودود ...... وان لم تكن هذه فقد يكون ادعائه الالتزام مدعاه لتحفيز غيره ممن هم حوله ويتأثروا به لأن يلتزموا مثله ...............
 او يروا الفارق الكبير فى هذا الشخص فى حال إلتزامه وحال انتكاسه.


عندما اقف بجوار عمل لله خالص ............. عندما اقر امر شرعى او  ادعوا اليه فهو لله خالص ......
 وهو اقرار منى  للعمل اكثر منه للشخص صاحب العمل ..............


لذا ادعوا المناهضين والمرجفين ............ والهمازين اللمازين  المشائين بنميم ............ ان يلتزموا الصمت وان يذهبوا الى الجحيم ان لم يتوبوا ويصلحوا ............... 


فلا اعلم لماذا هذا الهجوم الكاسح على من يريد ان يقيم شرع الله ويحكمه ولو كان يدعى ذلك كما يزعمون .............!!!
فلو كانوا يدعون الدين فلازال الامر قائم ........... وشرع الله يُراد ان يُقام ...... فاتركوه ان لم تشجعوه.


الى المغتاظين ........... الى الحاقدين على شرع الله .........
 الى من يريدوا ان يطفئو نور الله والله متم نوره ............ امتنعوا خير لكم ...........
والا فأذنوا بقارعة من السماء ................ تنزل عليكم لا تبقى منكم احداً ...........


اللهم اتمم الخير على من اخترته لفعله ........... وتمم عليهم بخير 


اللهم انصر من نصرك ............. واختار من اختار طريقك ............. واهدى من نافق فيك او عصاك
 اللهم امين 


انتهى



الأربعاء، 14 سبتمبر 2011

القدر و هوانا









سؤال مهم يجول بخاطر كثير منا ان لم يكن جميعنا ......
و هو:


لماذا لا نحصل على ما نريد ببساطه ؟! 
او 
لماذا دائماً يحدث ما لا نتوقع حدوثه او نرغب فى حدوثه ؟!
او 
لماذا يكون الواقع غالبا عكس رغبتنا ؟!


الصيغ كثيره 


الا ان معنى الاستفسار واحد ...... وهو اننا نريد شئ وما يحدث شئ مخالف غالبا لرغبتنا .........


وللإجابه على هذا السؤال ......... اجد طريقان 


الاول   : طريق شرعى دينى لا فصال فيه ولا جدال ......
والثانى : فكرى فلسفى بحت تفصيلى 


اما الاول وهو الشرعى :

هو ان الله يعلم ما يصلح لنا ولحالنا ولدنيتنا فيُقدره لنا ....... وما كان الله مقدر لعبد شر ابداً  ........ وان كان شئ فى ظاهره الشر ( مؤقتاً ) فهو ليبتلينا ويمحصنا ......  ليعلم المجاهدين منا والصابرين .......... او لرفع الدرجات وتحصيل الاجر والاصطفاء....
اذاً فالامر كله خير ...........
وعليه   " لو علمتم الغيب لاخترتم الواقع " 


ام الثانى وهو الفلسفى : 
بالرغم من ان التفسير الشرعى والتسليم الالهى شئ لا مجال فيه للاستزاده او النقاش او التفلسف  .........
ولا يليق ابداً بأن نقول من الناحيه الشرعيه ثم نتطرق لتفسيرات اخرى .............
 الا انه غباء النفس البشريه التى جُبلت على التفلسف ووضع البصمات البشريه الماديه ......


والإجابه الفلسفيه هنا ( من وجهة نظرى ) هى ان الانسان لا يحيط بكل الامور علماً .......
وتعتمد رؤيته لأهمية الاشياء له على مقدار قدرته على الإدراك والقياس والتحليل ...........
 فقد يرى الانسان شيئاً فيه كل الخير وهو فيه كل الشر .....
لازال السؤال قائماً :
لماذا يختار الانسان شيئاً قد يكون بضد مصلحته ........ الاجابه قد تكون ، لانه يحكم بهواه .....
 وما يميل إليه قلبه .....
 فكم من مرات عديده تناقض القلب والعقل ..........
 واستحكم القلب وانفعل و أمضى ما يريد على حساب العقل ؟! .......
يميل الانسان دائماً إلى تحقيق ما يمليه عليه قلبه ..... لا عقله ......
 وخاصة فى الامور الحياتيه الطبيعيه التى تخلوا من الحسابات الماديه كالتجاره مثلاً وان كانت لا تخلو من الاهواء هى الاخرى أحياناً .....


قد يسأل سائل الان .....او يعلق معلق فيقول .......
 أخذتنا بعيداً عن لب الموضوع......
وإجابة سؤالنا  ..... "لماذا لا يحدث ما نريده ؟! " 


اقول :
لم آخذكم بعيداً بل انا فى لب الموضوع ............ فلو نظرتم لكلامى من الوراء الى الامام ستجدوا ان معناه اننا نتوقع دائماً ما يمليه علينا هوانا (ولو بضد المصلحه او المنطق ) .........
 وبما ان الحياه ماديه بحته لا تدار بالهوى ولا العواطف انما هى نواميس منطقيه موضوعه بنظام حاسم تتوالى فى تطبيقاتها ومتراصه كتراص حبات اللؤلؤ فى العقد  التى اذا انساب منه حبه فسينفرط معها باقى الحبات .....
 لينفرط العقد كله ......
 فالعقد هو الدنيا اوالحياه التى لا يمكن ان يَنفرط منها اى منطق سليم او نظام مبدئى من النظام الكلى ..........



الكلام كبر مننا ووسع 


ببساطه
نحن نريد ان يحدث ما يمليه علينا هوانا .......
 وهذا ضد العقل وضد المصلحه العامه .....
 ولو قدر لكل انسان ما يريده هواه فلن تستقيم الدنيا ولن نُحَصِل فى النهايه جميعنا اى شئ منطقى و عادل ...........
بل ستختلط الامور كلها ولن نحصل حينها على اى شئ عادل .


وبما ان مصلحتنا غالبا ما تكون ضد اهوائنا او رغباتنا ......
 اذا فالخير فيما قُدر وليس فيما نُريد وهذا قمة العدل الالهى ....
وهو ما يليق بوجود إله حقيقى يرعى مصالح العباد ويحميهم من قصور عقلهم وحدود فهمهم.


يظهر سؤال اخر واخير الا وهو : اذا صدق الكلام اعلاه فلماذا نحزن عندما لا يتحقق ما نتمناه ؟
الاجابه وببساطه شديده:  هى ان القلب هو المسؤال عن الشعور بالحزن والندم و الامانى وبما ان ما يتحقق هو محض منطق وعقل فحينها يشعر القلب بالغصه لعدم نوال هدفه ومبتغاه ...... اما اذا افتقد العقل ما توقعه وأراده ورأه صالح فلن يشعر بشئ لأنه ليس فيه مناطق خاصه بالشعور العاطفى او الانتماء او الندم .......... فالعقل كالأله الحاسوب لا يشعر ......
 اما القلب فيمتلك كل المناطق الحسيه التى تستشعر الامانى والمعانى وسر البكاء 


و تبقى المعادله الصعبه .................
 القلب يريد والعقل يرى الحقيقه 
ايهما يسيطر وايهما نتبع ؟!
وبما ان النتيجه تُستشعر بالقلب اكثر من العقل ........ كما فسرنا اعلاه .....


فالانسان سيظل غير راض عن ما يحققه له القدر ........


وهذه المعادله تتغير درجاتها بمدى قناعة ورضى الانسان بربه وقضاءه وقدرته على استيعاب مجريات احداثه 
وماهية مصلحته


فالله المستعان



الثلاثاء، 13 سبتمبر 2011

حتى لا تنسونى





عندما تغرب الشمس انتظرونى .................
 ستشعروا بدفء مشاعرى يتسرب من بين حنايا ضلوعكم ......
 وينسل من دمائكم ليهرب مودعاً اياكم فيصاحب اخر ومضة من ومضات الشمس ......
 ليحمل معه اخر لحظات الدفء وحنان القلب ..............
انتظرونى لترونى  ......  وانا اخرج كما تخرج الروح من الجسد

فقد ترونى لأول مره ......
 وآخر مره ....... 
لعلنا نرى ايدينا تلوح لبعضها البعض معلنة لحظة الفراق المحتومه  .......
 .........كونوا هناك 
مع مغيب شمس يومكم سأغادر .......
مع ومضات الامل المخلوطة بزفرات اليأس ستجدونى هناك .....
كونوا هناك ...... لتشاهدوا ابدع لحظات التحليق النهائيه .......
فدائماً ما تكون هذه التحليقة افضل تحليقاتى الختامية .......
ففيها افضل ما تعلمت من حركات الرقص الرومانسيه .....
فماذا تنتظروا منها ؟!  غير كل حركاتى الخطيره ...........
فهى  ............ رقصتى الاخيره ........ 


الاثنين، 12 سبتمبر 2011

اكتشاف

اليوم وانا بطريقى وحيداً وسيارتى والمذياع 


اكتشفت اخيراً ولأول مره ...........


لماذا انا دائماً فى حاجه إلى حبيب .................


من وانا صغير دائماً كنت  أشعر بوحشة عندما لا يكون لدى حبيب ........
 بالرغم من انى براوى شويه ......
ومتسلط حبتين ..........
 وبمل بسرعه ..............
 ومش من النوع اللى بيثبت على مكان ولا وضع معين........
وليا مكان فى كل شله ...... واقصى ما عندى هو 5 دقايق تواجداً مع كل شله ....... 
فبالتالى وجود حبيب فى حياتى يعد ظلماً لهذا الحبيب ............


 (لان علشان يقدر يفضل جنبى بالصفات دى .... محتاج يكون بيحبنى اوى  ويبقى له الجنه ).


اذاً فلماذا أحتاج لحبيب ؟!!


هذا السؤال الذى اكتشفت إجابته اليوم .............


هل لأنى أحتاج شئ معين لا أجده الا مع الحبيب ؟!!
 ككلمات حب ؟!!
 او كإطراء ؟!
 او مساعدة فى تفاصيل الحياه ؟!


قد تكون كل هذه الاسباب واكثر  صحيحه ............


الا أنى وجدت اليوم الإجابه الأكثر قرباً من الحقيقه لديَّ ......


لقد اكتشفت انى احتاج حبيب ( لأعطـــــــــــــــــــيه).


نعم 


هو 


العطــــــــــــــــــــــــــــــاء


انا استمتع بالعطاء وخاصه لمن احب ........
 استمتع بشدة .........
وهذا يفسر لى أشياء كثيرة فى صفاتى المركبة ..........
 لست ملاك بل بالعكس ......
 فمن حولى يعرفون رأيى فى نفسى ..... الذى لا أفخر بكتابته هنا .....
إلا انه لا مانع من صفة جيده طيبه في .............. 
نعم


انا احب العطــــــــــــــــــــــــــاء لمن احب 


انا احتاج لان أعطى ......





السبت، 10 سبتمبر 2011

Arrivals




لم يقع مبارك وحزبه الا عندما وصلوا لمرحله من النرجسيه والغرور لا يعلمها الا الله واستشعروا ان الارض وسعتهم وحدهم وانهم الالهه المتحكمين ..........
 وقتها فقط تأكدت انهم على شفا جرف هار .....
 وان خاتمتهم اقتربت .....
 والحمد لله لم يلبثوا الا قليلاً يسيرا وانهاروا واذلهم المعز المذل  .......
 و لذلك انا مستبشر جدا جدا بما يحدث الان ....
 لانه اقصى مراحل التصرف والتسلط العلمانى فى بلادنا .........
فهى النهايه ...... نهايتهم عما قليل
 لذا فليحذروا فقد اقترب حسابهم وهم فى غفلة عما يفعلون ...................
وفى المقابل ....
اقترب وعد من عاهدوا الله على طاعته فى حكم ارضه ...........
 فأسأل الله ان يعينهم على الامانة التى ادَعوا انهم سيحرسونها وينعوا همها ................

 اللهم مكنا فى الارض لنقيم الشرع 
واجعلنا فى ذلك صادقين

( قـــــــــــــــــــــــادمـــون بإذن الله )


ملعون ابو مصر + تحديث


انا مش عاجبنى اللى بيحصل هناك عند السفاره ده والبلد هتخرب جدا الفتره الجايه 


ليييييه يا مجلس يا عسكرى ما سمعتش كلام العلمانيين رجال الاعمال اللى معاهم الفلوس ونفوذ وعلاقات ....... والاعلام ...... ليه ما سمعتش كلامهم واجلت الانتخابات ؟؟!!! او ما نزلتش المبادئ فوق الدستوريه  اللى احنا عايزينها وقولنالك عليها ؟!!!
اشرب بقى 


اهو بيخربوهالك خالص اهه ...... وورينا بقى هتسيطر على البلد ازاى ..... هتنشغل بالانتخابات ولا بعلاقتك اللى هتتوتر مع اكبر عدو لك على حدودك ؟!!


ورينى هتركز جوا ولا بره ؟!!


نصيحه ركز برا وسيبلنا جواااااا ............. يا علمانيه يا هنولعلك فى امها ...........
ملعون ابوا الديموقراطيه مادام مش هتجيبنا يا ولاد التييييييييييييييت ............ تولع 


احنا نجيب ساويرس بقلعته الاقتصاديه وعصابته المنظمه
احنا سته ابريل ............... اللى اول حاجه السفيره الامريكيه الجديده عملتها قبل ما تروح سفارتها كانت اجتماه مع المجلس العسكرى ونصحه بعدم التحقيق فى مصادر تمويل المنظمات الحقوقيه والحركات الشبابيه لان ده ضد التجربه الديموقراطيه ده كلامها بعد ما المجلس العسكرى قال انه هيفتح تحقيق فى مصادر تمويل مثل هؤلاء 


احنا اسامه الغزالى حرب والبرادعى وجبهة مصر للتغيير اللى ساويرس قال فى مؤتمره انا اللى بمولها من زمان فى السر 


احنا الاعلام (الحياه والمحور و اون تى فى واوه تى فى والمصرى اليوم واليوم السابع والشروق ...... وغيره اللى انا نسيت اكمله ............ هنقول اللى احنا عايزين نقوله والشعب يفهمه 


وورينى كده هتقدر تمد ايدك على حد فينا هنفضحك باعلامنا 


يعنى هنخربها وانت بتتفرج ومش قادر تفتح بقك 


هنحرجكم النهارده يا ولاد التيييييت يا مجلس يا عسكرى ...... يا اما هنضطركم تعلنوا الاحكام العرفيه ويبقى مفيش انتخابات بمزاجكم او غصب عنكم ........... واعلان دستورى جديد 


هنولعه يا ولاد التييييييييييييييت .............. المره اللى فاتت كانت العباسيه ........ دلوقتى السفاره الاسرائيليه ووزارة الدخليه 


وهنعمل فوضى خلاقه ................. فوضى يا ولاد التيييييييييييييييت 


افهموا بقى يا ولااااد التيييييييييييييييييت .............. احنا البلد ...........
احنا الشعب 


هنقعد فى التحرير تانى ومش هنرجع وورونا هتمشونا ازاى 
ما بنشتغلشى ولا ورانا حاجه 
قاعدين وفى كل حته هتلقونا 
وما حدش يسأل بناكل ونشرب منين
وطظ فى مصلحة ام البلد 
يا احنا ............... يا من بعدنا الطوفان 




ملعون ابو مصر على المصريين غيرنا 




اعذرونى .............. فأنا ذهقت واتخنقت ..............ز ولازم نفوق بقى ...........

اللى بيخون ربنا ومش عايز يتحكم بشرعه ...........ز يبقى مش هيخون الديموقراطيه اللى هتجيب غيره ؟؟؟؟

ولا هيخاف على بلده
؟!!!!!!!!!!!!!!

تحديث




سؤال بقى مهم شويه هو قناة التحرير وقناة 25 يناير وقناة المحور و اون تى فى واوه تى فى جايبين حاجات تانيه خااااااااالص ليه ؟!! مسلسلات واغانى و برامج تسليه ، بالرغم من ان الدنيا والعه ؟؟؟!!وكل القنوات بتبث ؟!!!!!!!لو فهمتوا ليه ............. هقولكم انتوا متشددين زيى اكيد

ههههههههههههههههه ، المحور دلوقتى حالا جايبه فيلم عن الثوره البرتقاليه .......................

............ اللى مش فاهم موضوع الثوره البرتقاليه ...... كنت انا كاتب بوست قبل كده عن سته ابريل و واحد اسمه جوج سوروس ...... والثورات البرتقاليه ........... عموما ماعلينا
انا كنت كاتب عن الكلام ده والمهم ان الناس حسنى الظن والنوايا والطيبين المؤدبين قالولى لا الموضوع مالوش علاقه بالثورات البرتقاليه 



تحديث تانى :




عارفين اون تى فى جايبه ايه دلوقتى ................... بيتكلموا على المبادئ فوق


 دستوريه ............


ها ؟؟!!! صدفه ؟!!!!






لو صبرتوا شويه كمان هجبلكم رساله رابعه وخامسه ان شاء الله 


بس اتفرجوا بجد على اون تى فى دلوقتى شوف الكلام القذر اللى بيتقال 






هو ده وقته من الظاهر العام ؟!!!

  قيراط حظ ولا فدان شطارة ... مقوله سمعناها كلنا و حفظناها عن اجدادنا ... ب س لما بدأنا نتعلم و نشوف العلم الحديث و الغرب و تكنولوجيته بدأنا...