وشوشه

وطيت عليها ووشوشتها وقولتلها :

" خدى عمر واطلعوا بره علشان اصالح ماما "

هى .... بإبتسامة جميله تدل على فرح وارتياح للفكره ....... : 

" ماشى "

و فعلاً اخدت عمر وخرجوا 

.

.

.

.

.

.

 بعد شويه صغيرين 

زهقوا الاتنين 

.

.

.

خبطوا

.

.

.

دخلوا 

.

.

.

قعدوا 

 بعد شويه ............

ندهتلها تانى وعمر واقف جنبى 

بس المره دى 

وطيت عليهم هما الاتنين ووجهت كلامى لها تانى 

وعمر سامع

وبكل احساس ببراءتها وحدود فهمها 

وبطريقه بسيطه ونظام اخدان على قد العقل وبصوت واطى جداً  قلتلها :

"رورو خدى عمر تانى واخرجوا علشان اعرف اصالح ماما "

هى بكل هدوء ونصاحه و نداله و غتاته منها عليا :

" لاء "

وفجأه ..... هى وعمر ......... قهقها على الاخر ......... وكأنهم استندلوا معايا 

بالرغم من ارتياحهم لما افعله

علشان كده ما ادتهومشى انا كمان اى فرصه  ............

وقهقهت معاهم  فى نفس الوقت 

مامتهم 

مش عارفه لا انا قولتلهم ايه .............. ولا احنا بنضحك اوى كده ليه 

بس مفيش شك ............ كنت واثق انها

 كانت مبسوطه

من المنظر ده

انتهى