الأربعاء، 7 ديسمبر 2011

المفاجأه



كما وعدتكم فى اخر مقالات بان هناك مفاجأه صغيره 
اتوجه الى هؤلاء :
  • لكل اللى قرأوا كام بوست الاحلام اللى كتبتهم الكام يوم اللى فاتوا دول 
  • لكل من راح انتخب بالفعل وادى صوته الأامانه ، و اللى هيسأل عنه يوم القيامه
  • لكل من يدعى انه عايز البلد الفتره اللى جايه تبقى كويسه ودايما يرمى العيوب والمشكله على المسئولين ( اللى للاسف هو اللى بيختارهم بدون علم )
  • لكل من لم ينتخب بعد ومش عارف سيعطى صوته لمين 
  • لكل من هو عمال يهاجم الناس ليل نهار بالحق وبالباطل بدون وجه حق 
  • لكل المتحيرين والمتلغبطين ومش عارفين هينتخبوا مين 

أسألكم جميعاً 


هل قرأتم برامج كل تلك الاحزاب المشاركه فى الانتخابات و التى تتحيرون فى الاختيار بينهم ؟!


ان لم تكونوا قرأتموها فكيف ستحكمون عليهم ؟!
وان كنتم لم تقرأوها لكسل او لقلة علم اقول لكم :
 " فليحكمكم من يحكمكم اذاً  ، فلا تضجروا ولا تعترضوا بعد ذلك"
اما ان كنتم قد قرأتوها فعلاً فمن المفروض ان تكونوا قد لاحظتم ان ما كتبته فى المقالات السابقه كان 
لمصر

نعم برنامج حزب النور الذى قد اثق ان معظم الشعب المصرى المثقف قبل الجاهل لم يقرأه 
بالرغم من اللغط الشديد والشد والجذب حول هذا الحزب الذى ولد عملاقاً
كيف هذا ؟!
كيف تختلفون على فصيل بهذا الحجم بهذه الطريقه الفجه دون ان تعطوا انفسكم الفرصه ( ولا اقول تعطوه هو ) بل تعطوا انفسكم انتم الفرصه  ان تقرأوا عنه وتسمعوا منه برنامجه وتوجهه 
وفى المقابل
توقفتم واكتفيتم بالتعامل معه انه حزب دينى فقط ، بل حتى هذه لم تعدلوا معه فيها ، فذهبتم كل المذاهب فى اتهامه والكيل له بكل ما هو عنيف ومتشدد وغير حقيقى ، وقمتم بتحويل اسمه ومنهجه الى فزاعه تفزعون بها كل من يشاوره عقله للانتباه الى هذا الحزب اوالتقرب اليه 


كيف تحكمون على احد دون ان تدروا عنه منهجه وطريقة تفكيره الحقيقيه.
واقول تدروا عنه منه هو ذاته ،  وليس من ادوات التفزيع الاعلامى ؟!!
كيف انتخبتم وكيف ستنتخبون دون ان تقرأوا عن اكبر حزب فى مصر الان 
نعم اكبر حزب سواءاً بالرجوع لعدد الاعضاء المنتسبين اليه  او طبقاً لنتائج الانتخابات التى اسفرت عن فوز كبير ( لحزب واحد فقط و هو  النور ) فى مقابل فوز اكبر ( لـ 10 احزاب متحالفه ) ( دينيه كما يقولون - وعلمانيه وليبراليه ونصرانيه ) متحالفه ( تحت شعار الحريه والعداله ) 
نعم فان فوز الحريه والعدالهموزع على اكثر من 10 احزاب فعلاً  امام فوز ساحق لحزب واحد فقط هو حزب النور 
و كنا نتمنى للحريه والعداله فوزاً اكبر من ذلك ، الا انهم أبوا الا وان يتشاركوا هذا الفوز 


 انى اعرف جيداً انه من حقك ان تنتخب من سيمثلك فى وضع دستور لبلادك ولك ولأولادك الفتره القادمه 
لذلك ارى انه لابد وان تقرأ جيداً عمن اتاحت له الفرصه ليمثلك او بمعنى ادق من يعرض نفسه عليك لان يمثلك ، و توقف عن المكث كثيراً على ابواب الحيرة والاستخفاف، تنقاد مع من ينقاد ،وتتخاطفك الظنون والاشاعات ، فيصل بك الامر احياناً الى ان تتحول الى تائه فى دنيا المتلونين والمضللين.


اخى ... اختى 


احترموا عقولكم يحترمكم محدثكم 


اذهبوا واقرأوا عنهم وتوقفوا عن السماع ، وتبينوا لأنفسكم ولبلدكم الطريق 
حتى لا نضل او تتخاطفنا خفافيش الظلام مره اخرى 


ها قد طرحت لكم بكل انتماء اعترف به  لحزب بعينه ، برامجه وهويته ورؤيته ، فأنا الى الان انتقى هذا الحزب لأيدلوجيته ولفكره الجديد الخلاق
فكفاه فخراً هذا التواجد السياسى القوى على الساحه وهذه الكوادر التى ما فتئت ان انطلقت الى اعالى السماء حينما تًرك لها العنان وذلك  فى وقت لم يتعدى خمسة اشهر فقط استطاع فيها هذا الحزب ان يتواجد على الساحه بهذا العمق وان يخترق صفوف الاغلبيه الصامته والغير صامته ليصبح حديث الساعه ، ويتحول لفزع اكبر لكل من هو ضده من الاحزاب الاخرى.
فى حين هناك احزاب عمرها تعدى المائة عام لم تحظى بأقل من عشر معشار ما حظى به هذا الصرح الحزبى العملاق




اكتب لكم هذه الكلمات بعد ان قصدت ان اخفى ان ما كنت اكتبه قبلاً هو برنامج حزب النور حتى اثبت لنفسى ولكم اننا لا نقرأ بتريث ونختار بشكل صحيح والدليل انه لم ينتبه اى احد ان ما اكتبه هو برنامج حزب من اكبر وابرز احزاب مصر الموجودون على الساحه ، فان لم نكن نقرأ برامج هذه الاحزاب فماذا سنقرأ.


اسأل الله ان تكون فكرتى وصلت بشكل طيب وان اكون قد وفقت فى عرض الفكره 
وان تستجيب لها العقول التى فى الصدور


شكراً لكم







هناك 25 تعليقًا:

ويكا يقول...

الغير معروف

لا طبعاً ما اقصدشى اوجه كلامى لحد بعينه نهائى

فعلا انا بكلم اغلب الناس لان الكلام ده فعلا واضح اوى للاسف ومنتشر بين الناس

اسأل الله ان يتقبل الله ما كتبته فى ميزان الاخلاص الخالص لوجهه الكريم ولا يكون فيه ادنى مأرب شخصى

وبعدين فعلا انا لا يوجد لدى اى مأرب شخصى يخص احد بعينه والحمد لله

غير معرف يقول...

ههههههههههههههههههههههههههههههه

مكنتش مفاجاة
من ساعة ما قلت لك مين ملاه ليك

و حياة بكار وبوجى و طمطم

بكار الجاهل بقى بيفهم فى السياحة
ناقص يطلع لينا الشحات بغباءه
قولى هو مفيش عندهم مع بكار بوجى و طمطم

اه من بلد يتحكم فيها الجاهلون

ويكا يقول...

ان لله وان اليه راجعون

وبعدين هو بكار انت بتعتبره جاهل ؟؟

هو والشحات ؟؟!!

لا حول ولا قوة الا بالله

سبحان الله ، والله انى لأراهم من اجمل واذكى وانبه خلق الله

وعموماً

انا ارى اسلوب الكلام عن الاخرين ( لو ادعينا فعلا الديموقراطيه ) يجب ان يختلف عن ذلك

كما انى ارى اقصاءاً شديداً يحدث لحزب النور والسلفيين عمة ، لا اتعجب منه
فالديموقراطيه بالنسبه للعلمانيين والمغرضين كتمثال العجوه الذى يعبده من صنعه حتى اذا جاع اكله ولا عزاء له فى اله.

سبحانك اللهم وبحمد سبحانك لا اله الا انت
استغفرك واتوب اليك

غير معرف يقول...

هع هع هع هع هع هع هع هع

انت خايف منها ولا إيه

انا عملت معاك الواجب وقلتلها انك تقصدها وبتهزئها علني
بس متخافش مجبتش سيرتك

بس مش عارف ليه مش قادر اصدقك يا اخي
يعنى معقول توارد الخواطر للدرجة دى انك تكتب كلام زى كلامها

اى حد قرا البوست بتاعها وهايقرا البوست بتاعك هايفهم انك تقصدها هى


خلينا نستنى ونشوف هى هترد ازاى وتوجهلك الضربة ازاى

خليها خناقة
وبلوجر يولع
هع هع هع هع هع هع هع هع

انا منتظر بصراحة هى هترد تقول ايه

خخخخخخخخخخخخخخخخخخخخخخخخخخخخخخخخخخخ

غير معرف يقول...

اولا من قال لك انى رجل

و بعدين مين قالك انى علمانى

و مين قالك ان مغرض

هو كل اللى مش مع بكار و الشحات مش مسلمين

هههههههههههههههههههههههههههه
اه يا بلد

AHMED SAMIR يقول...

للأسف الشديد
الشعب المصري مثقفيه قبل العامة منه...لا ينتخب على اساس سياسي و برنامج حزب
و انما على اسس كثيرة الدين...العشيرة....العلاقات...الخدمات...الخ
هذه هي معايير الانتخاب لدى الناخب المصري

غير معرف يقول...

لما نشوف
بس مش حزب النور ده الي كان الشيوخ بتوعو بيقولو ان الثورة حرام والديمقراطية حرام
مفيش شيخ فيهم متحولش
كلهم اتحولو بعد الثورة

ويكا يقول...

الغير معروف اللى ما نشرتش تعليقه

اخى الفاضل ، انا اعلم ايضاً جيداص ما قلته ، واعلم ان الشخصيه التى ذكرتها لى تغيرت للافضل كثيراً ونحمد الله على ذلك كثيراً
وانا فعلا لم اقصد اى احد بهذه الكلمات ، وقد تكون فعلا توارد خواطر ( كالعاده )

و هذا يعد ايضاً رداً على الاخ اللى استغرب على توارد الخواطر

ايوه فعلا توارد الخواطر للدرجه دى

عموماً اخى الحبيب
نزولاً على نصيحتك التى لم افطن اليها من قبل ، ولأنى فعلاً لم اقصد احد سأقوم فعلاً بتغيير تلك الكلمات التى تشابهت مع كلمات الزميله ، تأكيداً منى انى لا اقصدها فعلاً

وعلى فكره ، انا عارف انها مش امعه اصلاً

ياريتها كانت امعه ، كانت ارتاحت


المهم


شكراً مره اخرى على النصيحه الذكيه دى التى لم افطن اليها

بس سؤال على الماشى

انت داخل انت كمان بغير معروف ليه ؟؟؟


هو فيه فيرس عندى فى المدونه خلى الناس كلها غير معروف

عابدة الرحمن يقول...

يا ترى دافعين لك كام من ال 300 الف جنيه رشوة اللى بيخدوها من كل مرشح

قول متتكسفش كل حاجة بقت على عينك يا تاجر و ريحتهم فاحت

سؤال ثانى
هو فيه برنامج حزب يبقى الكم ورقة العبيطة اللى انت كتبتهم دول اللى عاملين زى مواضيع الانشاء

الحزب المحترم برامجه ملفات و دراسات مش عبط
الحاجات دى ممكن تمشى فى الصومال فى افغانستان

ويكا يقول...

ولا مليم والله يا فندم

وعموماً لو عايزه تعرفى موضوع ال 300 الف جنيه دول

لانى كنت قاعد و45 الف جنيه احد المرشحين رماهم على الترابيزه قدامى برده

زيه زي ناس تانيه كتير دفعت برده
بس لو انتى بتدورى على الحقيقه فعلاً لذاتها مش للهجوم المعد مسبق ، يبقى صدقينى لما اقلك
ان الفلوس اللى اندفعت دى بتندفع تبرعات ، لان الحزب ببساطه لا يوجد له اى مصادر تمويل ( وخاصه السعوديه ) عكس ما بيتقال برده
وبما ان الحزب بيعمل حملات مركزيه لمرشحى القائمه ، فبالتالى مرشحى القائمه كل واحد فيهم بيدفع المبلغ اللى ربنا بيقدره عليه ، دعماً للحمله المركزيه الدعائيه ، اللى هى فى الاخر برده للمرشحين بتوع القائمه

بمعنى اخر ، الحزب علشان ييسر على المرشحين بتوع القائمه وبالذات بعد اتساع دائرة القوائم التى وصلت لبعض الاحوال الى 8 مراكز او مدن كبيره جدا بقراها ونجوعها ، فقرر انه يعمل حملات دعائيه مركزيه ، بيتم فيها عمل المطبوعات والملصقات واغلب الدعايه بشكل موحد على مستوى الجمهوريه ، وبما انه مالوش مصادر تمويل غير التبرعات ، فقام قال كل مرشح يتبرع بمبلغ واحنا اللى هنقوم بالدعايه للقوائم

على العكس الفردى

مرشحى الفردى بتوع الحزب

الحزب لا بياخد منهم فلوس ولا بيديهم فلوس ( اللهم الاستفاده اللى بتعود عليهم بسبب الدعايه المركزيه للحزب برده )

لكن مش بياخد منهم فلوس وقال كل مرشح يعمل دعايته على حسابه مع نفسه

وده ان دل هيدل على ان الحزب لا بياخد رشاوى ولا بيدى رشاوى

ويشهد الله ان الامر ده حصل اماى فى الامانه من مرشح كانت اول واخر مره اشوفه لانه من دائره ومدينه مختلفه تماما عنى

الغريب بقى
من امتى واحنا نعرف عن السلفيين انهم مرتشين او غير منضبطين ؟؟
هما مش السلفيين دول اللى بنتهمهم انهم متشددين

غير ان الراجل بتاع ال300 الف ده على ما سمعت قال انه اخوان بل ومن مؤسسى جماعة الاخوان ، يبقى بالعقل كده راح يطلب انه يترشح باسم حزب النور ازاى ؟؟؟

بالله عليكى ده كلام ؟!!!


عموما

اتمنى انى اكون وضحت الصوره ورديت على حضرتك وغطية النقطه محل الاستفسار اللى حضرتك استفسرتيه

شكراً لحضرتك

ويكا يقول...

اما بالنسبه للبرنامج العبيط من وجهة نظر حضرتك

وجهة نظرتك تحترم ويأخذ منها ويرد

اما بالنسبه لى فالبرنامج طيب والحمد لله

وخاصة لما يكون طالع من حزب عمره الفعلى لم يتجاوز 5 شهور وليس حتى سنين

وبالرغم من ذلك مغطى فعلا مواضيع مهمه جدا وحساسه اوى

وعلى فكره باقى البرنامج انا ما كتبتوش يا ريت حضرتك تروحى تقريه

لعله يعجبك

وعموما البرنامج ده بس قولى يارب يتحقق لانه برنامج لمدة اربع سنين بس ، يعنى فيه كلام تانى بعد الكلام ده

ده برنامج مؤقت بأربع سنين بس

ويكا يقول...

الغير معروف وكلكم غير معروفين

بس انا اقصد بتاع الجمايل

انا مش فاهم اى حاجه خااااااااااالث وبعدين اسألت ايه؟؟؟؟

مصطفى عبد الغفار يقول...

السلام عليكم اخي الفاضل
برنامج حزب النور برنامج متكامل
ولكن انا عندى نقطة اريد توضيحها
فكل الاحزاب تقريبا تتشابه برامجها
والهدف الاساسي واحد وهو الوصول الى البرلمان
لذلك اختيار الحزب لا يكون على اساس برنامجه الانتخابي
ولنكن متفتحين وننظر للامر بنظرة واقعية
فعامة الشعب ينتخبون على معايير بسيطة وليس عن فهم و وعي للامور السياسية
وقلة قليلة من المجتمع وانا اسميهم النخبة هم من يدركون عمق الامر السياسي
وهم من لهم نظرة شاملة للوضع والخريطة السياسية في مصر
وعلى هذا المعيار فهم ينتخبون الحزب او المرشح

لذلك فبرنامج الحزب _ اى حزب _ لا يكون بهذه الاهمية عند عوام الشعب

فأن تكون انت من انصار حزب النور
فلك مطلق الحرية
ولكن نشر برنامجه الانتخابي من وجهة نظرى هذا لن يغير من الامر شيئ
وليس له اية فائدة فعلية على القراء

فان كان قارئ من انصار حزب الحرية والعدالة مثلا
فهو لن يغير انتمائه لمجرد انك نشرت برنامج الحزب الذي تنتمي اليه

لذلك انصحك ان كنت ممن يعملون فى المجال السياسي او تساهم بشكل ما فى الدعاية لحزب النور
فلتعمل في صمت
ولتنشر دعايتك فى مكان يستحق اكثر من هذا الممبر
وان يكون الجمهور المتلقي للدعاية يحتاج اليها فعلا
ويحتاج للوعي السياسي

هذه وجهة نظري ارجو ان تتقبلها

عابدة الرحمن يقول...

بجد اقتناعك بكم ورقة و ترديدك ان ده برنامج حزب كارثة

عابدة الرحمن يقول...

هى مفاجأة فعلا ان لاتجد احد يقرأ البرامج الانتخابية
ومع ذلك تجد الناس تنتخب دون ان تقرا ولا تعرف الفرق بين البرامج الانتخابية الاخرى
و ناس لا تنتخب وتقاطع الانتخابات رغم انها لم تقرا البرامج الانتخابية

رأيي ان هذا برنامج رائع
دمتم موفقين

عابدة الرحمن يقول...

تركت تعليق منذ دقائق قليلة و لاحظت وجود تعليقين باسم عابدة الرحمن يهاجمون حزب النور والبرنامج الانتخابي له

اريد ان اوضح انني عابدة رحمن اخرى
وليس لي اى علاقة بالتعليقين المنشورين سلفا

ويكا يقول...

اخى الحبيب ا . مصطفى

معك حق فيما تقول الا بعض النقاط لى تعقيب بسيط عليها وهى :
1. ان من يأتون الى هنا يمثلون بعض النخبه التى تتحدث عنها بشكل او بأخر ، فمن يهتمون بقرأة هذا النوع من المقالات ومتابعتها هم من الفئه التى تسعى عن الحقيقه وتتابع بوعى ، لذا فهم من الشريحه التى يمكن استهدافها فى حال رغبتى فى عمل دعايه لحزب انتمى له .
2. لا ننكر ان اغلب من ياتى المدونات هم مدونون ايضاً ( غالبهم) اى ممن يمتلكون منابر ايضاً وقد يكون لهم صدا طيب عند كثيرين ، فإحتمالية لفت انتباه احدهم لان يكون على الاقل حيادى وينظر للحزب بنظره متعادله فى البدايه لهى خطوه تستحق العناء .
3. لا شك فى ان وجود نظره او رؤيه لاى شخص او جهه ( كحزب مثلاً ) لا ياتى من فراغ او كلام مرسل فقط ، لابد من ان يكون نابع من نظرة وتوجه هذه الفئه او الكيان ، فالاناء ينضح بما فيه
فان كان خير فخير وان كان شر فشر ، لذلك اذا وجدت البرنامج هادف ويمكن تحقيقه فهذا يُعد خطوه على طريق التفكير فى هذا الحزب ( وأقول التفكير وليس الاختيار)

4. انا لم اقصد الدعايه قدر ما قصدت ان ادق ناقوص الانتباه وضرورة اتخاذ الطريقه العلميه المحترفه فى الاختيار والقرار ، فكانت طريقة العرض التى قمت بها طريقه عمليه للتركيز على اننا لم نصل لهذه المرحله بعد ولابد من الانتباه لذلك.

5. واخيراً نعم ليس البرنامج وحده ما يتم الحكم به على حزب ..... الا انه ركيزه من الركائز المهمه طبعاً فى الحكم


شكراً لك

ويكا يقول...

عابدة الرحمن

طب ايه مش فاهم !!

يعنى عايزه ايه بس ؟؟

ان ده مش برنامج مثلاً ؟ ولا ان ده شويه ؟ ولا ايه بالظبط ؟؟

ولا انتى ضد حزب النور وخلاص ولا ايه الحكايه ؟ :)

ويكا يقول...

عابدة الرحمن ( الاخيره )

ايوه كده يا شيخه :))

غير معرف يقول...

هههههههههههههه

عابدات الرحمن وقعوا فى بعض

برنامج موفق و برنامج غير موفق يعنى ايه

مش لما تعرفوا الاول يعنى برنامج تبقوا توافقوا او ترفضوا
اه من الجهل

شباب حزب النور يقول...

لكل من يهاجم حزب النور ويقولون
ان السلفيون ملهمش فى السياسة

لعل تلك الكلمة هى اكثر جملة انتشرت فى الاونة الاخيرة اتخذها البعض ذريعة للهجوم على السلفيين والبعض الاخر اقتنع بالفكرة تمام وهكذا بقصد او بدون قصد اصبح السلفيين لا يفهمون حقا فى السياسة ولعل ذلك اثار حفيظة بعد الشباب فجلعهم ينشرون بوست اخر يتفاخرون بان الحزب اقام تحالف وعمل مشروع تطوير وتعليم واقتصاد وهكذا وهى معلومات صحيحة لكن الامر اعمق من ذلك ولنا ان نسال اولا ما معنى كلمة سياسة؟
ان السياسة هى فن ادارة الازمات وهى مقسمة بين سلطات ولعلنا سنسأل بعض اسئلة ونجاوب عليها فمثلا لو جئنا الى الوزارات التى هى السلطة التنفيذية نرى ان وزير الصحة دكتور ؟ وان وزير التعليم رجل تربوى ؟ ونرى ان وزير الشباب والرياضة هو رجل رياضى ووزير المالية رجل اقتصادى ووزير الخاريجة رجل دبلوماسى ووزير العدل هو رجل قانونى ؟ اليس هؤلاء لساسة ولنا ان نجاوب اليس فى ال 2ونص مليون اللى انتخبوا السلفيين فى المرحلة الاولى اطباء اليس فيهم مهندسين اليس فيهم دبلوماسيين وتربوين ام انهم جميعا رجال دعوة فقط اليس فيهم صحفيين واليس فيهم رجال تعلموا من جامعات من الخارج اليس فيهم مؤرخين اليس فيهم قضاة وانظروا الى شهادة احمد الزند عن القضاة الملتحين اما اذا كان عن وضع الدستور فهل ليس فيهم من يضع دستورنا فمن قال ان الدعوة تلهى عن العمل فان شباب حزب النور اعرف الكثير منهم متنوعين ما بين كليات مصر كافة ومختلف طبقاتهم فلماذا يحاولون ان يصوروهم انهم اناس لا يفقهون شيئا كل الموضوع انهم بجانب خبرتهم العملية انهم رجال دين لديهم معرفة بالضوابط الشرعية والشريعة الاسلامية والاغرب من ذلك فى تلك المقولة التافهة الكاذبة الضالة المتعنفة وريحتها طلعت كمان اننا نقول وايه دخل السلفيين فى السياسة ولك ان تسال ومن ادخل لعيبة كرة قدم فى السياسة فمدحت شلبى ليل نهار يتكلم فى السياسة ومن ادخل رجال الفن فى السياسة فهم يتكلمون ليل نهار ومن ادخل المخرجين فى السياسة ومن ادخل المطربين فى السياسة ومن ادخل كل من يتكلم فى السياسة الان ام ان الامر جاء عن السلفيين وقامت الدنيا بل على العكس انا السلفيين رجال سياسة عندهم دين وهذا خير للجميع فارجوكم اتركوا تلك الكلمة فالحزب قد اخذ المركز الثانى فى الانتخابات فى محافظات كالقاهرة والاسكندرية وهى من المدن الكبرى التى تختفى فيها نسبة الامية كل ده وبرضه ملهمش فى السياسة؟!!!

ويكا يقول...

شباب حزب النور

احسن شباب ، عااااش عااااش


:))


الله يفتح عليك ولا عليكى والله

ويكا يقول...

الغير معروف اللى ما نشرتش تعليقه

ما اكثركم والله ، بجد مليتوا البلوجر

عموماً برده ، يا سيدى ولا يا ستى والله ما كتبت عن حد ولا اقصد حد ، انت ما بتملش توب بقى
اعوذ بالله
ههههههههههههههههه
انت مش بتوب ابداً ، والله العظيم ما كنت اقصد حد ، خنقتنى

اما بقى باقى كلامك بجد يضحك وما يستحقش انى ارد عليه ابداً لانك فعلاً شكلك حافظ مش فاهم ، وكمان واضح انك متحامل وخلاص ، وكان نفسى انشر تعليقك علشان الناس هى اللى ترد عليك

بس للاسف انت ذكرت فيه اسماء ناس فحرمتنى من انى انشره

عموماً ، هقلك كلمه واحده بس

بللللللم بلللللللم تيررراراررا رارارارار


:)

توب بقى

غير معرف يقول...

لو بتحب السلفيين إنتخبهم
ولو مابتحبهمش اختار حزب النور
ولو مش عايز حزب النور علم على الفانوس

ويكا يقول...

ههههههههههههههههههه

  قيراط حظ ولا فدان شطارة ... مقوله سمعناها كلنا و حفظناها عن اجدادنا ... ب س لما بدأنا نتعلم و نشوف العلم الحديث و الغرب و تكنولوجيته بدأنا...