الثلاثاء، 17 يناير 2012

ويكا ... وكلامه الانتيكا


ليس بالضروره انك تحب 
انك تمتلك من احببت 

********************************

اختلف زى ما انت عايز
لكن ما تجرحش

********************************



قول بحبك زى ما انت عايز
لكن مش لازم يكون كلامك صدق


********************************




"  ما اقدرش اعيش من غيرك  "
الغريب انه بيعيش يا أخى !!!!


********************************




انا سبت حاجات مغريه كتيره علشانه
وهو سابنى علشان حاجه دنيئه اوى
عجبى


********************************




"احنا مختلفين تماماً
اذاً
احنا ننفع لبعض جداً  "

كنت مقتنع بيها فتره طويله اوى 


********************************




اختيارك غير موفق
وستثبت لكى الايام 
لكن حينها 
لن اكون هناك لتعتذرى


********************************




واحده مجهوله بتعلق عندى اسمها 
" واحده فاهمه "
عمرى ما شفتها فاهمه اى حاجه 
خساره 
كان نفسى تكون فاهمه 


********************************




واحد مجهول بيعلق عندى بحرقه
نفسى اعرف السبب 
 مش علشان ازيل السبب 
لا
علشان 
اكتر منه


********************************




" انت واحد خربؤ " 
هى هى بالظبط
" انت واد تييت "


********************************




انت حد جميل اوى 
انت حد حساس جدا
انت حد  ........   ولا بلاش دى 
الغريب ان اللى بيبقى واقف قدامها بيبقى فرحان اوى
ما يعرفش ان  حد  ده 
كل البنات بتتكلم عليه .....
 يعنى مش هو 





********************************




المرأه دائماً ما تبحث عن الرومانسيه
والرجل دائماً ما يبحث عن الراحه
علشان كده عمرهم ما هيتفقوا

********************************



عندما يُحدث الرجل المرأه بقمة الرومانسية

اذا اعلم انه بالقطع ليس زوجها

والدليل على كده 
اسأل عليه مراته

هتقولك : " دا راجل خربؤ "

"لمعرفة معنى : خربؤ ... انظر اعلى "


********************************




"حتى لا يطير الدخان"


لا ما عنديش تعليق عليها
الجمله جت فى بالى بس 


********************************




نفسى اكتب بوست طويل اوى اوى والناس تقراه 

انا احياناً ببقى سادى من غير سبب


********************************




انا بلاقى نفسى ادمن ساعات فى جروبات على الفيس 
و بعرف لما بدخل الجروب بالصدفه ويعجبنى و اجى اشترك فيه 
الاقينى ادمن
:))

********************************




عايز اقول
الدنيا برد ) جداً 

لانى للاسف

نسيت ... ( ساقعه )
بالسين ولا بالصاد 
علشان كده هى 
 برد )


********************************




هو الكم الهائل من البنى ادمين اللى على الفيس ليل نهار ده 
بيجى كله منين ؟!
واضح فعلا اننا 85 مليون
منها لله الثوره اللى اجبرتنى استعمله

بس مش وحش برده 
اهو بيدى للواحد فرصه برده يغتت على خلق الله


********************************




قال هنرى فورد :


اذا كان هناك سر واحد للنجاح ، فهو القدره على ادراك وجهة نظر 


الشخص الآخر والنظر للاشياء بالمنظار الذى ينظر به اليها ، واى فرد 

عادى يمكنه ان يلمس صدق هذا القول ورغم ذلك فإن 90 % من 

الناس يتجاهلون هذه الحقيقه 90% من الوقت"





********************************



اذا اردت إقناع الناس بوجهة نظرك ... اسأل اسئله تحصل من ورائها على الاجابه بنعم



********************************



لم يقابلنى احد ذو شأن الا ان تنبأ لى
 بمستقبل باهر و شأن عظيم 
نفسى اعرف 
هو المستقبل ده من عند سن كام كده ؟!!
لاحسن انا زهقت بصراحه


********************************



 (دع الطرف الاخر يحتفظ بكرامته )

مبدأ 
احياناً كثيره لا انفذه
حينها اشعر كم انا قاسى القلب 

بس هما اللى بيستفزونى والله يارب



********************************



تولوستوى ..... وهو تولوستوى 
مراته كانت منكده عليه
لدرجة انه هرب من البيت منها وهو فوق ال80 سنه
ومات من البرد والالتهاب الرئوى
واخر وصيه له
ان مراته تتحرم تشوفه

والله العظيم كان طيب


********************************


اللفتات البسيطه لها اثرها العظيم فى الحياه الزوجيه

لذلك انصح كل راجل 
انتقاماً من زوجتك
اوعى تظهر انك اخدت بالك من اى حاجه حلوه


********************************



انتهى 

سعدت بكم



هناك 4 تعليقات:

nona146 يقول...

مقدرش اعيش من غيرك وهو عايش علي النت مع مصر والدول المحيطه مع مراعاه فروق التوقيت ويوم ماهيعرف قيمتي فعلا للاسف مش هكون موجوده عشان اشوفها في عينيه كلامك من القلب عشان كده بكاني بجد بكيت وعلي المي داريت وسكت سكت كلامي مبقاش ياثر في صاحب البيت :))

Mohamed Amer يقول...

متشكرين علي النصيحه الاخيرة

ويكا يقول...

نونا

بجد الله يكون فى عونك

بس عموماً صدقينى انت لكى دور كبيييير جداً قى الكلام ده .

راجعى الدنيا بعين الانصاف وانتى تعرفى هو ليه عايش على النت مع مصر وةالدول المحيطه ( هههههههههه )
انا اسف على ضحكى بس اصل الجمله دى فيها يأس متأكد من زوجك

وللاسف انا متأكده انه مش للدرجادى

عموما
صدقينى والله راجعى نفسك هتلاقى ان فيه سبب انتى لكى يد فيه

ويكا يقول...

محمد اعامر

يبنى دى اكيد هتعجب كل الرجاله

Related Posts Plugin for WordPress, Blogger...