الخميس، 16 فبراير 2012

مبادرة قطع المعونه المصريه عن امريكا




ياريت اخوانا المدونين يشتركوا معانا بمدوناتهم وكل ما اوتوا من معارف 


وهذا نص المبادره 


المبادرة التانيه من جروب ( بأيدينا مصر بكره احلى )

واللى بعتتهالنا الاخت الدكتوره نهى أحمد
لتسير بالتوازى مع  ( مبادرة المعونه المصريه ) اللى بدأها الشيخ حسان
 
ومن النهارده ، هنقطع احنا المعونه المصريه عن امريكا ، هنقاطع كل منتجاتها أول بأول ، وممنوع على اى مصرى محترم عنده... كرامه ، ابن ابوه فعلاً يشترى اى حاجه من المنتجات دى
( وخلينا نشوف مين بيدى للتانى معونه )
لو مصرى .... ابن مصرى ... راضع لبن مصريه ...... انشرها و ذل امريكا
وارفع راس بلدك

ساعد فى قطع المعونه المصريه عن أمريكا
بقى اللى خلانى نخلع مبارك ، ما يخليناش نكسر مناخير امريكا واحنا بناكل شيبسى
بس استحضروا النيه لله ...
انا بعت لكل اصحابى واحد واحد والله ... اه ايدى وجعتنى لانهم تعدوا الخمسمائه
بس احسن من قفايا اللى اتوجع وكرامتى
هنوصل لاتنين مليون ان شاء الله على الفيس فى المبادره .... وصل على قد ما واوعى تختار going وتقول معاكم وانت فعلا مش هتقاطع ... اكرملك ما تشاركشى معانا بدل ما تشارك وانت لسه بتديهم معونه.
وهنبلغ كل الناس على النت وفى الشارع ... وذعوا ورق .... ابعتوا رسايل ...
استرجل .... وقاطع
قاطع ... قاطع ....

هناك 5 تعليقات:

غير معرف يقول...

ارفع راسك فوق انت رااااااااااااجل

..
.
.
... ... ... .
.
.
.

المكالمة التليفونية تنتهي خلال 30 ثانية.

تستحماه و تكون جاهزاً للخروج في 10 دقائق بالظبط

لو طالع رحلةاسبوع هي شنطة واحده بس .

محدش بيشغل باله إذا ازداد وزنك أو نقص

عند تقليب المحطات على التليفزيون لا داعي للوقوف عند كل لقطة فيها شخص يبكي.
.

تستطيع الذهاب إلى الحمامات العامة دون فرقة دعم أو مرافقة وساعات مش لازم حمام خالص .

أولادك يحملون اسمك.

إذا نسي أحد أصدقائك دعوتك لمناسبة ما فلن يتسبب ذلك في تدمير صداقتكما.

بتدخن في الشارع قدام طوب الأرض .. عادي !!!!!.

الشعر الأشيب: هيبة وجاذبية.

الريموت كونترول لك ولك لوحدك..

- إذا كنت في حفلة وظهر أحدهم بنفس ملابسك, يمكن أن تصبحا من أعز الأصدقاء.

نفس قصة الشعر قد تستمر لسنين, ربما عقود. وممكن تفضل طول العمر .

عودتك إلى منزلك بساعات متأخرة جداً ولوحدك لن تشوه سمعتك

و أخيراً ........ كرشك وجاهة .. وبيظبط اللبس الكلاسيك .

كم أنت عظيم أيها الرجل

ويكا يقول...

هههههههههههههههههههههههههههههههههههههههههههههههههههههههههههههه

ويكا يقول...

غلطه كمان وهقول انتى مين

Bahaa Talat يقول...

السلام عليكم..
ربما كنت عضوًا في بيت المدونين، ولكنني لا أزوره منذ فترة لأسباب متعددة، بينما اليوم شاهدت تعليقا لك في مدونة أخي ماجد القاضي، وأعجبني طبعًا إن إنت قولت حاجة حلوة في حقي :)) لكن لفت انتباهي بشدة الموضوعية في الطرح من جانبك وعدم الاعتداء بسوء الظن على أحد، بخلاف تقارب وجهات النظر.
لك مني جزيل الشكر.
بالنسبة للمبادرة التي طرحتها في تدوينتك، فأعتقد أنني قد أفوز بالمركز الأول بها، فتقريبا كل المنتجات المشار إليها لا أشتريها، والبدائل عنها كثيرة جدا وربما أفضل منها.. فالتأييد هنا مادي ومعنوي.
أسعدني التعرف عليك وعلى مدونتك.
جزاك الله خيرا.

ويكا يقول...

الاخ الكريم بهاء طلعت

السلام عليكم ورحمة الله وبركاته

واياكم يا اخى ... وانه ليشرفنى تواجدك في مدونتى او بيت المدونين

و بصراحه ما شاء الله عليك .... ربنا يتقبل منك

وانا اللى سعدت والله بالتعرف على شخص ايجابى كده

عجبنى كتير موضوعيتك وعمليتك فى التفكير فى العروض لا سرعة مهاجمتها و افشالها

وفقنا الله واياك وجميع المسلمين لما فيه خيره البلاد والعباد

Related Posts Plugin for WordPress, Blogger...