الخميس، 1 مارس 2012

ويكا ... وكلامه الانتيكا

ما  تخافشى من المجهول
لان وببساطه انت لا تعلم اخير هو ام شر
فلماذا  تفترض انه بهذا السوء ؟!

***

الحياه قصيره جداً 
لان نتعب لها او نحزن على شئ فيها

***

انها سويعات ........ ونـــــموت 

***

لو مت وانا بقول :
لا اله الا الله ... وان محمد رسول الله 
احسن ؟!
ام لا قدر الله وانا بقول ......... 

اللهم احسن خاتمتنا 

***

النخبه فى مصر : هم من يخرجوا كثيراً فى برامج التوك شو ويتحدثوا عن من يؤدون ادوارهم فعلياً سواء كانوا جيدين ام كانوا سيئين .
السياسه فى مصر : هى ان تسايس الناس الى ان تحصل على ما تريد.
الثقافه فى مصر : هى ان تتحدث وتكتب كثيراً كلمات كبيره مجعلصه ( دوجماتى -ثيوقراطى -  برجوازى - علمانى - توافقى - نخبه - أنتوى  ....  )
العبقريه بقى : هى انك تكسب من غير ما تشتغل.

***

لقد اكتشفت 
ان مشكلة جهل المصرين لا تكمن فى سبب جهلهم بفائدة العلم واهميته
لا
بل فى عدم ادراكهم وجود علم من الاساس 

***

هناك اناس قادرين على جعل حياتهم تعيسه بجداره ... بالرغم من ان حياتهم لا تستحق ذلك بتاتاً

***

قابلت الكثيرين فلم اجد ابغض من :
البخيل
الغبى
المستهتر
الخائن
المتصنع

***

اثناء احد محاضراتى 
شاهدت صورة شخصية غير واضحة المعالم 
الا انها تبكى 
فلم يكن لدى اى تفسير سوى انها شخصية 
رجـــــــــــــل
متجـــــــــــــــــــــوز

***

احب زوجتى كثيراً ...وهى ايضاً تُحبنى 
فين المشكله بقى ؟! 
اموت وأعرف

***

الـــــزواج هو الشئ الوحيد الذى لا ينتصح فيه احد
كل الناس تنصح المأسوف على عمره بألا يتزوج
وهو ....يتزوج برده
وفى الاخر ينصح من نجى من اصدقائه  ألا يتزوج
يمكن يكون بيتجوز علشان يبقى له الحق انه 
ينصح الناس ما يتجوزوش؟؟!!


***

رئيس توافقى 
هو هو بالظبط فكرة
 اعلان كوكا كولا زيرو و ( أنتوى )
فكروا  شويه كده ..... اه  والله 
بالظبط

***

بيبسى هى اصل شرارة 25 ثورة  يناير 
بشعارها " عبر مين قدك "

وكوكا كولا هى اصل فكرة (الرئيس التوافقى )  بمبدأ كوكا كولا زيرو

***

الثوره 
أية ثوره ؟!

مش فاكر ... تصدق نسيت 
عموماً ... ما تقلقش ... المصرين متأصلين ... 
ما بيتغيروش ولو بمية ثوره

***

سؤال :  هو الستات بيتعلموا فى الجامعه معانا ليه وبيزاحمونا فيها ما دام مش بيشتغلوا وبيقعدوا فى البيت ؟!!
الاجابه :  امال هيتخطبوا اذاى ؟!!   ( ساذج صحيح )   -  وبعدين هو انت مع عمل المرأه اصلاً ؟؟!
انا !!!!   ان شالله اعدمها ... ابدلً والله 
امال معترض ليه ؟!!
الله !! امال اهاجمها اذاى  يعنى ؟!!
نيهاهاهاهاهااع

***

واخيراً 
انا كنت جاى اقولكم بس  انى تعبان جداً والله  النهارده فبالتالى 
مش هعرف اكتب حاجه النهارده 

المره الجايه بقى 

يلا سلامو عليكم


سبحانك اللهم وبحمدك .. سبحانك لا اله الا انت 
استغفرك واتوب اليك


 



هناك تعليقان (2):

Unknown يقول...

السلام عليكم..
يعني كووووووووول ده وفي الآخر طلعت تعبان ومش قادر تتكلم؟!
يا راجل!!!
ده انت جبت من الشرق ومن الغرب وا خليتش!
ع العموم..
أعجبني كثيرا كلامك عن المرأة وعن تعريف العبقري!!
جزاك الله خيراً

ويكا يقول...

يااااااااااه

الشمسطالعة ويوم جميل

قلت أجى اصبح واطمن لسه على جبنك ولا بدأت نبته الشجاعة تعرف لها طريق عندك

بس أكييييد لأ
يعنى المرء على دين خليله
حزب ناس بتحب المظاهر وكدابين

تفتكر هيطلع إيه

جبنااااااااااااااااااااااااء

  قيراط حظ ولا فدان شطارة ... مقوله سمعناها كلنا و حفظناها عن اجدادنا ... ب س لما بدأنا نتعلم و نشوف العلم الحديث و الغرب و تكنولوجيته بدأنا...