الثلاثاء، 15 مايو 2012

ويكا ........ وكلامه الانتيكا


اهم ما تعلمته الأونه الاخيره 
ان ليس كل ما نراه صواب يقيناً ... فهو صواب 
وانه قد نرى شيئاً خطأ تماماً ... وهو عين الصواب 
 وان قد من نظنهم مخطئين و لا يفقهون شئاً ...   يكونون هم افقه وادرى الناس

****************

راودنى خاطر بخصوص ( من هو صاحبى الان )
فبحثت سريعاً عن صاحب حقيقى فلم أجد
فتذكرت زوجتى 
وتذكرت استعدادى الكامل لتكون  هى  صاحبتى فعلاً 
فتذكرت تسمية الله لها ( صاحبه )
فيا بخت من كانت زوجته 
صاحبته 

****************

هناك من هم على غير الاسلام 
الا ان قلوبهم فى اشد جاهزيتها لتعاليمه
 والخلل فى المسلمين

****************

هناك شخصيه ظهرت فى حياتى الاونه الاخيره 
تعاطفت معى كثيراً بالرغم من ان الواقع والحال يفرض عليها الا تتعاطف 
الا انها تعاطفت كثيراً
كم اود الحديث عن هذه الشخصيه
الا اننى 
لا استطيع 

****************

 كلما ازداد الألم والكرب اطباقاً على 
كلما انتظرت الفرج اكثر لعلمى بأن هذه هى تباشيره

****************
 اكثروا من الصلاة والسلام على رسول الله
 ففيها تفريج للكرب 

****************

 فيه ناس هما اول حد يجى فى بالك اول ما يحصلك حاجه
الا انهم اخر ناس يقفوا جنبك لما حصلك حاجه
وفيه ناس يتمنوا انهم يبقوا اول حد يجيى فى بالك لما يحصلك حاجه
وانت للاسف بتخليهم اخر ناس يجوا فى بالك لما يحصلك حاجه 

حد فاهم حاجه ؟

****************

هى الدنيا كده 
مش بمزاج حد 
 معلش

****************

كنت اتمنى ان ذنوبى تكون قليله
علشان 
كنت اعرف اتمنى انى
اموت بسرعه
 يا خساره

****************

فيه ناس فعلا بقيت اقدرهم اوى 
بس للاسف الظروف مش سامحه انى اعبرلهم عن تقديرى ده
اتمنى انهم ما يحرمونيش من اصرارى على العرفان لهم وتقديرهم 
بأنهم يعملوا ما لا يليق بهم
 قبل ان اعبر لهم عن امتنانى وتقديرى
****************
 نفسى ارجع السعوديه تانى 
بس
اعيش فى مصر 
عروستى

****************

سألتنى الست الصحفيه الأجنبيه فى معرض أسألتها  : 
انت متفائل ؟!
قلتلها بكل حسره ... لأ 
سألتنى تانى : طب ناوى تعمل ايه تانى ؟!!
قولتلها : ينفع تجاوبى انتى السؤال ده ؟!
فضحكت .... فعرفت من ضحكتها اجابتها القديمه ... ( انا صحفيه ودورى انى اعمل التحقيق بس ماليش انى اقول  رأيى ) .
فقلتلها عارف اجابتك .... بس عايزك تجاوبى انتى سؤالك ..... تانى ... زى ما خليتك برده تجاوبى قبل كده بعض اسألتك ..... 
 ضحكت بصوت : وقالتلى اوك هحاول اجاوب  اسأل .... قلتلها : جاوبى سؤالك هو ينفع نعمل ايه تانى ؟!!
قالتلى : مش عارفه ... بصراحه مش عارفه ممكن يكون باقى ايه تانى تعملوه ... مش لاقيه حاجه
( جاوبتنى وهى كلها تعاطف ) ..... 
فقلتلها : اذا كان ده عقلك ووقف عن ايجاد اجابه ... يبقى قلبى ممكن يكون حاسس بإيه ..... 
سكتت ..... 
وقالتلى : انا اسفه اوى 


****************

سؤال اجبارى       : ماذا كان دورك فى تحقيق الحريه لوطنك ؟!!
سؤال اخر اجبارى :  ما معنى الكرامه ؟!!

****************

علل : وجود اتنين مرشحين للرئاسه ( فلول )  بعد قيام ثوره مجيده ضد الفلول ؟!!

****************

اصعب شئ فى الحياه 
ان انت تربى طفل 
بالذات لما تكون انت عارف يعنى ايه معنى التربيه 

****************

كان امامهم خيار من اثنان : 
1. اما ان يتمسكوا بمبارك فيسقط النظام .
او
2. ان يضحوا بمبارك فيبقى النظام
ولقد اختاروا الثانيه ليبقى النظام  
 " حازم صلاح ابو اسماعيل اوائل ما بعد الثوره "
تعليقى : 
يا شيخ حازم .... بالرغم من انى مش من المتعصبين لك .... الا انك كل يوم بتقهرنى كل ما اقرالك او اشوفلك حاجه قديمه اوى فى اول الثوره
 والله بحس بقهر انك مش الريس 
بس عموماً ... من اللى انا شفته ..... ما ينفعشى تبقى ريس لناس زينا ..... اه والله العظيم
ما ننفعوكش ولا انت تنفعنا 

****************

وختاماً
والله العظيم الستات دول عايزين قطم رقبتهم
حسبى الله ونعم الوكيل فيهم كلهم ..... بالذات الزوجات طبعاً 
لسه البنات ما خدوش فرصتهم فى خنق اللى خلفوا ازواجهم
وعموماً حسبى الله ونعم الوكيل فى البنات برده هه احتياطى برده

***************

انتهى 
 






 

هناك تعليق واحد:

Haytham Kilany يقول...

السلام عليكم
علمتنى الحياه ده عنوان كلامك وكل يوم هتعلمنا جديد ورائع انك تسجل ماتعلمت يوم بعد يوم

وواضح اننا حلمنا حلم كبير أوى عن الواقع وطيرنا معاه فوووووق
ولما صحينا لقينا نفسنا على الارض
هذا سبب اسبهلال الكثيرين

قد يكون حازم رجل رائع مفاجئه بالنسبه لكل الاسلاميين انه يطلع مننا راجل زى دة " بعد وجدى غنيم"
ألا أنه يمسك البلد " قد .. واخد بالك" فى الفترة دى لازم يكون معاه أجماع شعبى - أجماع شعبى مش يعنى بوستر متعلق - اجماع شعبى يعنى هنتحمل معاه الحلوه والمره - زى ما حصل مع عبد الناصر
لكن خلينى أقول بلاش نفتى والقول ما قاله ربنا جل وعلا " وعسى أن تكرهوا شيئا ويجعل الله فيه خيرا كثيرا"

كلامك رائع تسلم ايدك
هيثم

Related Posts Plugin for WordPress, Blogger...