الأحد، 10 يونيو 2012

حملة ديتول .... لتطهير مصر من الفلول





  • انت معانا ولا مش معانا فى ان مرسى عمره ما ينفع نقارنه بشفيق
    خلافنا مع مرسى خلاف سياسى وده طبيعى لما يكون فيه كيانات وتوجهات مختلفه فى جو فيه قدره على الاخذ والعطاء ....
    كسب انتخابات مره وخسارتها مره تانيه
    لكن خلافنا مع شفيق خلاف فيه دم وفيه مستقبل لا نعلم متى سينتهى
    كلنا نعلم ان مع شفيق اكيد هنحتاج ثوره تانى لكن مش عارفين ميعادها امتى 
    بعد سنه اتنين - 4 سنين ... ولا هتبقى 60 سنه كمان ؟!
    اما مع مرسى الموضوع هيبقى مدة رئاسه وممكن لو ما عجبناش نجيبه الارض ....
    شفيق معاه العسكر و الجيش والشرطه والقضاء و رجال اعمال الحزب الوطنى ( اللى هما اغلب رجال اعمال مصر )
    وكمان 5 مليون نزلوا انتخبوه ..... 
    اوعى تضيفله عليهم الشرعيه لاحسن ينزل يسحلنا كلنا
    مش هطول عليك .... 
    انا عارفك واد راجل ومجدع وعمرك ما توافق ان واحد ذى شفيق يكسب

    السؤال و الحمله هنا مش هدفها هل هتدى صوتك لمرسى علشان تسقط شفيق ولا لا ؟!! 
    لاننا عارفين انك عايز تسقط شفيق مفيش خلاف
    السؤال هنا هو هتساعد معانا فى اسقاط شفيق ولا لاء ؟!!
    هل انت ثائر فعلاً ومن ابناء التحرير ام لا ؟!!!!
    انشر الايفنت وخلينا نوصل لمصر كلها ..... خليك ايجابى
    مش وقت كسل
    يا ترى هنلاقى كام واحد مشارك  ؟؟!!!
    يا خوفى لا يطلع فيه شباب مننا فلول فعلا .......
     شدوا حيلكم خلونا نشجع بعض وكلنا نعرف بعض اننا هننزل ان شاء الله ...... فينا ناس كسلانه وناس متردده وناس مفكره ان الهجوم على الاخوان هيضعف موقف الثوره وهيقوى شفيق فممكن يروحوا لشفيق
    زى اللى بيخاف من الاماكن العاليه بيبقى عايز ينط من فوق من الخوف
    انشروا الايفنت وشجعوا بعض
    الله المستعان
    اكسر القهر .... عايزين نلحق اخر نفس فى الثوره 

    استرجل ...... واشرب ديتول ..... ونضف مصر معانا من الفلول


    لينك الايفنت على الفيس :



هناك 4 تعليقات:

Tears يقول...

ح تختاروا اللى قتل و لا اللى باع الدم واتحالف معاه

بين استبن خيرت و استبن مبارك

بين اللى عرى ست البنات و لا اللى خاض فى عرضها

شفيق و الاخوان وجهين لعمله واحدة الفرق ان حتى لو الشعب كله اعطى صوته لمرسى شفيق ح يكسب لان الشعب اصلا مكانه مش وسط عصابة بتتخانق عشان مصالحها مش عشان مصر

احترامي للديمقراطية واختيار الشعب لا يعنيان قبولي التزوير، خاصة اذا كان المندوبين قد منعوا من المبيت بلجان كثيرة، وكشوف الناخبين لم تُقدم و الطعون لم يحقق فيها و لجنه الرئاسة بنفس القضاه اللى كان مختارهم مبارك للننوس و لسه قضاءنا عادل عبد السلام و لسه النائب العام هو نفسه اللى عينه مبارك و اتسرقت قدامه البلد كلها و هو محامى الشعب عمل مش شايف يبقى طبيعى يعمل مش شايف حاجات كتير اوى

Tears يقول...

أسباب عدم الثقة في الاخوان


1.قالوا لن نترشح الا علي ٣٣٪ من المقاعد ثم ترشحوا علي كل المقاعد في كل الدوائر

.2.تنافسوا ضد كل الفئات حتي شباب الثورة و لم يتوافقوا حتي مع الرموز الوطنية

.3.لم يتنافس الاخوان في السابق ضد فتحي سرور و زكريا عزمي بينما اسقطوا جورج اسحاق و باقي الرموز

.4.الاخوان وافقوا بعد الثورة علي وثيقة تنص علي مدنية الدولة ثم انقلبوا علي وثيقة السلمي

.5.وقفوا بجانب الثورة في يناير ثم انقلبوا علي شباب التحرير وقت إسالة دمائهم لمصلحتهم في الانتخابات
.
6.الاخوان فصيل وطني و لكنه تحالف مع النظام دائماً بدءا من الملك فاروق حتى جمال مبارك

.7.الاخوان غير قادرون على التكيف مع الأفكار الجديدة حتى مع أفكار شباب الاخوان انفسهم
.
8.الاخوان يعانون من مرض النظام الحاكم، التحجر و عدم القدرة علي التجدد و الخيال

.9.الاخوان ليس في استطاعتهم التكيف مع الاختلاف، لفظوا ابو الفتوح و حبيب للاختلاف في الرأي

.10.الاخوان لم يحددوا موقفهم من تطرف السلفيين و تكفيرهم للديمقراطية

.11.الاخوان لم يعترفوا أبدا بخطئهم عن إرهاب الماضي و اغتيال شخصيات مصرية وطنية

.12.انقلاب ٥٢ كان تدبير إخواني مع الجيش، و حدث صراع سلطة و لكن الأيديولوجيا و طريقة التفكير واحدة بين الطرفين.

13.عقيدتهم ان مصلحة الاخوان فوق مصلحة الوطن لان مصلحتهم هي مصلحة الدين طبقا لمعتقدهم لانهم حراس الدين

.14.لا يمكن معارضة الاخوان لانهم تجسيد للاسلام علي الارض طبقا لوجهة نظرهم حراس الدين

.15.الاخوان أيدوا فاروق ضد الوفد و عرضوا عليه مهاجمة الوفد و تم قتل البنا فقط عندما خرج عن الخط.


مش ح نشارك و خلى اللى ينجح يبقى ناجح باقلية لانها مش ح تفرق مين من الاستبنين فى النهاية ح يسقط و ياخد خازوق عمره لان ماحدش منهم بيعبر عن مصر و لا يسوى الدم و الارواح والعيون و لا قد مصر....فاكرين فرحة الحزب الوطنى فى الفين و عشرة و زهوه الانتصار؟...طيب فاكرين فرحة الاخوان بعد انتخابات الشعب السنة اللى فاتت و قله أدبهم و طمعهم بعدها؟ طيب شايفين كل واحد فيهم حصلوا ايه بعدها؟

اللى شارك فى الانتخابات
46% بس

و الوطنى و الاخوان اخدوا ربع اصوات اللى راحوا و عشرة فى المائة من اجمالى اصوات من يحق لهم التصويت...فهمتوا و لا لسه؟

ويكا يقول...

tears

توقفت كثيراً على تعليقك .... وقعد افكر كتير هل انشره دلوقتى ولا اسيبه شويه
وبالذات ان ظروفى مش هتسمحلى انى ارد عليه حاجه حاجه

بس فى الاخر قررت انى انشره دلوقتى ولو كنت هرد عليه بعدين
يمكن املا انى ألاقى حد يرد غيرى وبالذات لو اخوانى .... لانى لا اخفيكى سراً انا لست اخوانياً ولا اتفق معهم فى كثير من النقاط الشرعيه والسياسيه اكثر

وهناك من يستطيع الرد اكثر منى بجداره فى هذه النقط التى كتبتيها
بالاضافه الى انى هستمتع لو حد رد عنهم غيرى لاثراء الحوار

واخيراً .... انتى واضح انك شايله منهم ومعبيه اوى اوى

اتمنى يكون هذا بسبب الاختلاف السياسى فقط وليس الايديولوجى

دمتى بخير
وفى حال ان لم يرد احد .... ساكون هنا قريباً ان شاء الله للرد

دمتى بخير ومنوره المدونه

ويكا يقول...

tears

توقفت كثيراً على تعليقك .... وقعد افكر كتير هل انشره دلوقتى ولا اسيبه شويه
وبالذات ان ظروفى مش هتسمحلى انى ارد عليه حاجه حاجه

بس فى الاخر قررت انى انشره دلوقتى ولو كنت هرد عليه بعدين
يمكن املا انى ألاقى حد يرد غيرى وبالذات لو اخوانى .... لانى لا اخفيكى سراً انا لست اخوانياً ولا اتفق معهم فى كثير من النقاط الشرعيه والسياسيه اكثر

وهناك من يستطيع الرد اكثر منى بجداره فى هذه النقط التى كتبتيها
بالاضافه الى انى هستمتع لو حد رد عنهم غيرى لاثراء الحوار

واخيراً .... انتى واضح انك شايله منهم ومعبيه اوى اوى

اتمنى يكون هذا بسبب الاختلاف السياسى فقط وليس الايديولوجى

دمتى بخير
وفى حال ان لم يرد احد .... ساكون هنا قريباً ان شاء الله للرد

دمتى بخير ومنوره المدونه

  قيراط حظ ولا فدان شطارة ... مقوله سمعناها كلنا و حفظناها عن اجدادنا ... ب س لما بدأنا نتعلم و نشوف العلم الحديث و الغرب و تكنولوجيته بدأنا...