الاثنين، 16 يوليو، 2012

الساحل الشمالى



ما كنتش اتخيل انها هتبقى جامده كده 
ما كنتش اتخيل انها هتبقى رائعه كده
ما كنتش اتخيل انها كانت هتبقى ممتعه وساحره كده
لابد من مره كمان وبسرعه


الجمعة، 6 يوليو، 2012

كمــــــين






امبارح وانا راجع من الهايبر انا واصحابى ,...... بلف الصنيه فجأه لقيت كمين ..... فى مكان غير معتاد بالمره ...... المهم هديت وقربت من الكمين وكلى ابتسام .... ما البلد بقت بتاعتنا بقى :)) وكل ما ندخل كمين الظابط يقولنا عدى بكل ود واحترام ...... عكس ايام تانيه خاااااااالص 
المهم ..... الظاهر امين الشرطه اللى كان واقف مش من الظباط اللى كانوا بيقولولى ادخل دول .... ابسلوتلى 
واضح انه شفيق موووووت 
المهم انا هديت على اساس اديله فرصه يتملى فى سحنتى الطيبه السمحه دى فيعرف انى مش من اياهم فيقولى ادخل ( عدى يعنى) ..... بس الواضح انى توقعى كان فى غير محله ...ووقفنى 
وقالى الرخص ...... بينى وبينكم قلبى وقف ...... اصل اخوكم هايص مع الهيصه وما جددتش من فتره طويله ..... المهم قولت جالك الموت يا تارك الصلى 
فقلت اتلطف معاه كده ومش وقت تناكه لعل وعسى يطنش 
فقلتله انتوا واقفين كده ليه انا اتخضيت والله 
فقالى وانا حاسس انه بيكز على سنانه .... : علشان نظبط الامن ياباشا بقى ..... علشان المية يوم انت فاهم ...... قالها بكل غل كده ان مرسى نجح يعنى ...... المهم قلت طب والله لاغيظه  وبعدين دى فرصتى اغيظ حد بقى بقالى فتره ما حرقتش دم حد ..... قلتله : اه طبعاً ... ان شاء الله الامن هيرجع طبعاً وكل حاجه هتبقى تمام .... ورجعت افتكرت الرخصه ... فقمت كملت بسرعه ... ( وبيكم طبعاً معانا ) ..... هههههه .... بص فى الرخص وادهوملى تانى وقالى اتفضل 
اصحابى بقى لما عرفوا ان الرخصه منتهيه زعلوا وقالولى افرض يبنى كان سحبها ....
قلتلهم بكل ثقة اللى ( نفد بجلده خلاص ) .... ياخد ميييين يبنى .... دا كان زمااااااان ...... دول مباحث مش مرور ... كان يستجرى يسحبها او يكلمنى حتى ..... الطوارئ خلصت ياريس .....
فسكتوا الاتنين .... وانا بقول فى سرى ..... ( احمدك واشكر فضلك يارب .... اناه عدت على خير ) ههههههههههههههههه
البينى ادام دعيف أساحبى 

الخميس، 5 يوليو، 2012

اوحش احساس



عندما ينتابك شعور ما 
لن يفهمه الا احد ما 
هذا الــــ ( احد ما ) هو الوحيد الذى لا تستطيع ان تحدثه 


الأربعاء، 4 يوليو، 2012

انا مسامحكم .... سامحونى



قال صلى الله عليه وسلم:
"في ليلة النصف من شعبان يغفر الله لأهل الأرض، إلا لمشرك أو مشاحن" __ (حديث صحيح)
فاللهم إنا نعوذ بك من أن نشرك بك شيئا ونحن نعلم ، و نستغفرك لما لا نعلم ونسألك اللهم أن تصلح ذات بيننا وأن تألف بين قلوبنا وأن تغفر لنا ولجميع المسلمين ، آمين 
 
اقسم بالله العلى العظيم انى الان لا احمل فى قلبى اى شئ ... اى شئ ... لأحد مهما كان لا  شحناء ولا بغضاء او حتى  عُتب 
فأنا اليوم بل الان اسامح الجميع على اى شئ نالوه منى 
انا اليوم احبكم جميعاً ..... من كل قلبى واسامحكم .
احبكم .... بملأ قلبى ..... وروحى ..... فروحى تحلق بكم وبذكركم اعلى مراتب السماء الصافيه الخالصه
وأسأل الله ان تكونى لى بالمثل 
سامحونى .... وتصدقوا على ..... 
فما الدنيا ببعيده .... ولا غاليه 
 ولو انها تساوى عند الله جناح بعوضه ما سقى فيها مشرك شربة ماء 
سامحونى .... واعذرونى ..... وتصدقوا على 
ولو استطعت ان اذكر كل من اخطأت فى حقه واحداً واحداً لاستسمحه هنا على الملأ لفعلت ..... الا انه حفاظاً على حقهم وحيائهم فسألتزم الصمت وارجوهم بغيرما اسم ان يسامحونى 
جزاكم الله خيراً ..... وألحقنا الله برمضان وجعلنا ممن غفر لهم باذن الله تعالى 

والسلام عليكم ورحمة الله وبركاته
 
Related Posts Plugin for WordPress, Blogger...