الأربعاء، 23 يناير، 2013

ويكا ..... وكلامه الانتيكا



 
 
احلمووووا بصوت عااالى .... ماحدش يحلم بصوت واطى
احلموا اوى ..... فكروا فى حلمكم جدا
احلموا واتكلموا عن حلمكم طول الوقت ..... ما تبطلوش كلام عن حلمكم
وتفائلوا ..... و اقتنعوا ان ربنا هيسخرلكم كل شئ لتنفيذ حلمكم
 
****************************************
 
لا تتسرع فى اجابة شخص يستفزك بما يتناسب مع استفزازه 
بل احسن الظن والنيه ( قدر المستطاع ) فقد يستسلم فى محاولته استفزازك ويضطر ان يكون وديعاً معك فجأه 
****************************************
الحب شئ جميل .... اينما وجدته فلا تتركه ابداً 
 
****************************************
خد حقك بقوه ممن تحب .... بألا تسمح له ان تتركه 
 
( ملحوظه كلماتى فى هذه الجمله السابقه تحديداً مضبوطه ومقصوده )
 
****************************************
 
ابعت لمن تحب رساله 
ابعت لمن تهتم به رساله 
ابعت لمن تريد ان تقول له اذكرك رساله
ابعت رساله       

****************************************
 
الاحلام لا تأتى فرادى 
 
****************************************
ما اجمل ان يكون حلمك شئ مُعتبر ( وان يكون هو حلم لكل الناس )
 
****************************************
شايفك وعارف انك بتقرالى ..... مع انك بتدعى غير ذلك 
لذلك دعنى اقول لك بهدوء ... هناك شئ لازال بيننا 
 
****************************************
 
ما اجمل ان نلتقى بمن يشبه روحنا كثيراً ..... و ما اصعب ان نجده يحق لنا او متاح 
 
****************************************
زوجوا الشباب - اوقفوا القنوات الاباحيه التى تفسد الفطره - علموا اولادكم دينهم على يد اامة وسطيين متفتحين فُطن - عفوا نسائكم
الله الله فى نياتكم
 
 ****************************************
 
كام واحد فينا لما فكر فى الجنه فكر فيها بالألوان ؟!!
اغلبنا فكر فيها ابيض واسود ..... علشان كده مش بنتعب لها 
 
****************************************
 
اللهم ارزقنى فى الدنيا زوجة صالحه ...... وفى الاخرة الحور العين 
 
****************************************
 عالجوا انفسكم قبل ان تربوا ابنائكم ..... ففاقد الشئ لا يعطيه
 
****************************************
لا تتخيلوا كم المفاجات التى اتفاجأه شبه يومياً ...... من مشكلات تواجه البشر ... كيف هى غريبه عجيبه
و كم تتخيلوا انها احيانا كثيره تربكنى .... خاصة .............................
 
****************************************
 هل هناك فعلا من هى زوجة صالحه .... مريحه ...... مطيعه ...... تستطيع ان تحول حيات زوجه لحياة ( خاصه) ؟!!
لا اظن بالرغم من محاولات القليلين جدا جدا من اقناعى بوجودهن 
 
****************************************
سؤال دينى :
سؤال مهم : هى الكنيسه من المفروض تدق اجراسها الفجر ؟؟؟
يعنى هل هما كمان عندهم صلاة فجر ؟؟؟ لان انا بسمع صوت جرس الكنيسه ( البعيده اوى ) فى وقت صلاة الفجر 

****************************************
 

هل تعلمون ؟؟
أشبه السحاب كثيراً
في لونه و شكله و حب الناس أحياناً .. و الكثير الكثير

و كذلك كما أذوب يمطر

و لكن هل تظنون أننا نتساوى ؟

فدائما ما يبقى في السماء من لم يخضع لضغط السقوط
:
:
دعاء عويضه
 
"برافو دعاء .... عاش .... هى دى الروح "
 
****************************************
رساله : 
فريق عمل الزقازيق ... اعلم بمدى رغيتكم الجاده ... وحسن عملكم .... واعلم ان لى دور معكم لم يكتمل وانه مُعول علي جزء كبير فلا تظنونى اظلمكم ...... انا معكم .... واعلموا انى اقدر بشدة رفعكم لروحى المعنويه وشعورى بالامل ولو ظهر منى غير ذلك لكم 
واخيراً لا تتعجلوا .... فقريباً وقريباً جدا خير كثير ان شاء الله ...... فهذه طبيعة خطواتى ..... بطيئة فى الاول ..... الا انها بعد قليل تمشى على مبدأ " الجدع فيكم يحصلنى :) " 
 
****************************************
 
ايوه هنغير العـــــــــــالم 
" ان شاء الله "
 
****************************************
 
لو بطت احلم ..... اعيش ليه ؟!!
****************************************
 
الدين مش باللحيه ولا بالنقاب و برده الدين مش بالكلام ، 
مش معنى ان عندك دقن تيقى شيخ و مش معنى انك بتحلفلى انك قلبك نضيف وانت حليق  و مش واخد سمت دينك ولا هيئته ( لدرجة انك مش بيبقى معروف انك مسلم ولا غير مسلم الا لما تقول )  تبقى فل الفل
كام واحد بدقن قابلته كنت زعلان انه محسوب على الاسلام و كام واحد من غير دقن لقيته لما الاذان بيأذن بيوقف ويردد الاذان
وكام واحد بدقن احرجنى وخلى مناخيرى فى الارض من اخلاصه و كام واحد من غير دقن خلانى اتمنى ولو ان سمته الخارجى يكون اسلامى علشان يبقى نموذج متكامل للرجل او السيده المسمله المتكملان
من الاخر و بعد تجارب و بحكم شغلى و شوفان اللى ماحدش شافه  :
الايمان هو ما وقر فى القلب و صدقه العمل
شروه واحده كده ما بتتفصصش
 
 ****************************************
 
ليه لما ادخل على مكتب تصوير فيه اتنين بيشتغلوا مش واحده بس واقولهم عايز اصور ورق تقولى واحده فيهم :
"بس هتسيبه "
اقولها بكل هدوء شديد وحزم : "لا "
بس كده
 ده اللى قولته وكنت اعنى به : انى مش هسيبه بس برده هصوره
وفعلا بصولى بإستغراب وقاموا صوروه (نقطه وانتهى الموقف)

موقف اخر حدث من نفس الاخت : واحده تعرفها دخلت تصور ورق فصورتهولها وحلفت ما تاخد فلوس وما اخدتش فعلا ، مع العلم انها مش صاحبة المكتب : ( نقطه وانتهى الموقف )
موقف اخر :
ام لديها موعد معى لاستشاره مجانيه تماما ( مشكله لدى ابنها لغويه ونفسيه ) مع العلم انهم ليس هم من اهتم بهده المشكله بالرغم من شدة وضوح المشكله ' ميعادها كان الساعه العاشره بالرغم من ان الله وحده اعلم بوقتى ومع ذلك الام لم تأتى و لم تعتذر حتى لتوفر عليَ عناء الذهاب مخصوص لها فى فرعنا الاخر حيث ميعاد الجلسه ( نقطه وانتهى الموقف )
نحن نحتاج للتربيه
 
 ****************************************
 
لن تهدأ المعارضه الغير شريفه الا بعد ان تقضى على الاخضر و اليابس فى مصر ( اما االاستئثار بمصر و الا حرقها )
و ستظل ممارسات الاخوان فى تمييع الامور و محاولة الظهور بشكل الوسطيين القادرين على احتواء جميع الاطياف الى ان يسيطروا على كل شئ و لن يحدث هذا ولا ذاك
ولابد من ان يحسموا امرهم ويتوقفوا عن لعبة الجزره هذه التى يلاعبون بها كل الاطراف مما يُشعر الجميع ان من حق كل واحد فيهم ان الجزره فعلا ملكه فأصبح يقاتل عليها بكل ما اوتى من قوه حتى ولو كانت احقيته هذه ليس لها اساس فهو قد توهم ذلك بفضل معاملات الاخوان معه مما اشعره بالقوه ولو كانت مزيفه
و ان اكبر دليل على ما اقول هو قول احد زعماء المعارضه العلمانيين الفطنين "القلائل" عندما قال : " يجب على الاخوان ان يوضحوا موقفهم ويحسموا امرهم هل هم معنا ام لا ؟ " 
و هذا الكلام يُعد مصيبه فى حد ذاته فى حق تيار اسلامى المفترض فيه وضوح موقفه من العلمانيين حيث ان هذا معناه ان المعارضه العلمانيه اصبحت تشعر اوقاتا كثيره ان الاخوان يميلون اليهم
 
 
 ****************************************
لا احد كبير على ألاعيب السياسه ... ومن ينغمس بها ( لابد وان يتلوث ) 
 
 ****************************************
هو ليه اغلب اللى بيقرأو كتيييييير بتبقى دماغهم ناشفه اوى ؟؟
 
****************************************
ان كان هناك تجار دين فجزائهم بينهم وبين الله فهو اعلم بهم
اما من هم تجار نفوس وارواح ممن يشعروا ان كل ما يربطهم بموت اخوانهم فى الدين والوطن هو ان موتهم دليل على سداد رأيهم و حكمة مواقفهم فهؤلاء يجب ان يكون حسابهم بيننا وبينهم 

****************************************
 من له هدف ... عرف طريقه واسرع الخطى ... ومن خالطه اهداف الناس ... تاه من نفسه وضيع وقته

****************************************
 
كن انت الطريق وانت المعبر .... و لا تلتفت كثيرا ورائك و لا تنظر تحتك .... فتتلعثم و يسقط كل من خلفك 
 
****************************************
 
الحياه قصيره جداً عن ان تنشغل فيها عن الطاعه وطويله جدا جدا لان تملاها عمل و حب وسلام وراحه
 
****************************************
 
لا يوجد مستحيل .... لكن قد يوجد صعب ..... ولا يوجد صعب .... يوجد ما يحتاج لبعض الوقت للتفكير 
 
****************************************
 انت دائماً فى مرحلة الوعى ... تفكر فيها باللاوعى .... فابحث عما فى لا وعيك تعلم ماذا ستفعل غداً او بعد قليل 
 
****************************************
 اعرف نفسك قبل ان يعرفك غيرك .... و الا قد تكون فى خطر 
 
****************************************
لا تصارح الناس بإمورك الخاصه ... فان هى حزينه وتعيسه استقلوك ..... وان هى طيبه وسعيده حسدوك
 
****************************************
هناك دائماً شخص ما فى مكان ما يصلح تماماً لان يكون صديقك او حبيبك ...... فلا تتعجل فيوم ما ستقابله ..... 
فان قابلته لا تتركه 
****************************************
لا تترك من تُحب وتستسلم لليأس او السلبيه ..... ابحث عن من تحب ولا تتركه يضيع من يدك ... فكم مره سيكون لنا حبيب حقيقى .... وكم مره سنجد من هوانا هواه 
****************************************
 اعمل كل فتره الاطلاع على كشف حسابك المختصر 
وشوف صرفت اد ايه من رصيدك مع الناس ... وقد ايه متبقى لك فى الرصيد
 
****************************************
 
احلامى بلا حدود 
تذهب بى بعيداً ولا تعود 
من قاربها او عايشها علم ان رائحتها المسك والعود 
خفاقة الأمل .... مليئة بالحياة  و العمل 
جريئة .... تواقة .... ليس لها سقف ولا يُوقفها سدود
مليئة بالامل ... مليئة بالورود
لن اتركها يوماً الا و ان تسود


 
 
 
 
 
 
 
 
 
 
 
      
 
 
 
Related Posts Plugin for WordPress, Blogger...