الخميس، 11 يوليو، 2013

بيتى بعد تركه شهر

دخلت البيت اللى فى البلد اول امبارح 
و كانت هذه هى الخلاصه :
  1. فئران تسلت على ستائر المنزل (هموت واعرف اشمعنى الستاير )
  2. انقراض خرطوم الغساله الاوتوماتيك ( برده فئران )
  3. بوظان بعض الملابس ( و اتوقع ان الخسائر الاكبر فى صفوف ملابس السيده العفيفه زوجتنا  )
  4. عنكيبوتات منتشرات فى ركنات منزلات لدرجة انى حسيت انهم عاملين مصايد ليا انا شخصياً
  5. انتشار النمل فى بعض الاماكن المتفرقه ( المشكله مش فى النمل - المشكله فى المستعمرات اللى عاملها علنى كده فوق الارض )
  6. ألعاب متدغدغه قد تصل الى ما يقارب الالف جنيه العاب مدغدغه 
  7. ملابس هنا و هناك فى كل مكان
  8. و خسائر اخرى شخصيه كثيره لا استطيع الافصاح عنها سيعلم بها اصحابها فى وقتها 
كل اللى اقدر اقولهولكم ..... انى كل هذه الاشياء طردتنى خارج الشقه فعلا و استعمرتها هى 

 و الى الان احاول اعمل مفاوضات مع الفئران والنمل و باقى الحشرات للحصول على ولو غرفه واحده لانام بها 
الا ان النتيجه كانت ضرب بالرصاص الحى ... و اتهامى بمحاولة الحصول على حقى بشكل سلمى 

انا غلطان انا كان لازم ارش موبيدات من الاول او اولع فى الشقه و هما فيها واخلص

بس سهله مقدور عليها 
انا اصلا قررت انقل محل اقامتى خلاص .... و هاخد ما تبقى لى من عائلتى معى ان شاء الله 
و خلى الفيران تاخد راحتها بكره يخلص و تندم


ليست هناك تعليقات:

Related Posts Plugin for WordPress, Blogger...