الخميس، 20 مايو 2021

 



قيراط حظ ولا فدان شطارة ...



مقوله سمعناها كلنا و حفظناها عن اجدادنا ...
بس لما بدأنا نتعلم و نشوف العلم الحديث و الغرب و تكنولوجيته بدأنا نشوف الجمله دي فيها جهل و عدم توفيق ...
مش عارف ابدأ كلامي و تعليقي عليها بشكل كوميدي كعادتي و لا بكلام جد علمي اوي ....
لكن في كل الاحوال هقولكم ان ايا كان هقول الكلام ازاي فانت لاول وهله هتتخيله انه لا يتماشي مع فكرة اني مدرب و مسوق و بأمن بالعلم تماماً.
بل ان كلامي ده لو ما اتفهمش كويس اوووي هتتخيل انه هيضرب صميم شغلي في مقتل ...
لاني ببساطه هقولك ان اي حد هيقولك ان المقوله دي غلط ... غاالط ... غووولط
غاااا لت
قوله دا عند امك ....
اوومك....
اااامك ....
يووور مازر ... ذا ومان هو ولدتك ...
ليه بقي ؟!
لان ببساطه شديده عزيزي القارئ و صديقي و حبيبي ( لانك مادام بتقرا البوست ده تبقي فريند غالبا او فريند الفريند عندي )
و انا فرند الفرند بتاعي بقوله عزيزي ...
انا كنت بقول ايه ؟!
اااه
غااالط ...
ليه بجاااا. !!
لان انت مش معني انك شاطر و متعلم و مثقف و بتاع مدارس انك كده هتحصل علي النتيجه اللي انت مخططها تماماً ....
بالعكس
انت ممكن تلبس مصيبه كمان عزيزي المتفائل بعلمك و شهاداتك ...
هل ده معناه انك تبقي جااااهل ؟!
او عشوائي ...
لاء طبعاً ...
لكن ده معناه انك تدي لنفسك حقها و جسدك حقه و اهلك حقهم ...
دا معناه انك وظيفتك في الحياه انك تاخد بالأسباب فقط و تتعلم ...
عشان انت مأمور انك تتعلم و تسعي في الارض ...
لكن ما حدش قالك ابداً انك ملكف انك تنجح ابدا ...
انت مطالب بالاخد بالاسباب فقط...
و ده معناه انك متاحلك ترتاح و تقعد مع اهلك و ترفه عن نفسك و تستمتع برزق و نعم الله اللي انعم عليك بيها كلها ... و ما تثبتش كل طاقتك انك تصر انك تنجح ف عملك فقط ....
لانك ممكن تعمل كل حاجه بكل حسابات العلم الصحيحه و لا توفق في النهايه
و ساعتها يبقي راح عليك النتيجه ( اللي هي في الاصل مش مكتوبالك )
و راح عليك عمرك و اهم لحظات حياتك وسط اهلك و حبايبك ...
طب اعمل ايه ؟!
كويس اوي انك سألتني السؤال ده ...
انا بحب الناس اللي بتسأل ...
بص يا سيدي ...
اتعلم صح بهدوء
و خليك محدد اوووي انت عايز ايه و بتحب تشتغل ايه ...
ركز في كلمة بتحب تشتغل ايه دي
ليه ؟!
شطور انك سألتني ليه ( مش بقولك بحب اللي بيسألني )
بص يا سيدي
احنا اتفقنا فوق انك بعلمك فثط مش هتنجح .. لازم التوفيق من الله
فدا معناه انك مش هتقدر تحدد مقدار الدخل الحقيقي اللي هيدخلك ( و تستفاد بيه فعلا .. لبس او اكل او شرب ) مش اللي ف البنك لان ده لسه مانتاش عارف ده رزقك ولا لا ...
اذا ليه تتعب نفسك في حياه و طبيعة شغل انت ما بتحبهاش فبالتالي مش مستمتع بيها لمجرد انك متخيل انها بتجيب فلوس كتير
( زي ما بتجيب للواد حماده صاحبك ابن تانت تهاني )
لا
اشتغل اللي انت بتحبه و بدون اصراف كمان .
عشان تبقي مستمتع ف ال ٨ ساعات الشغل
و تعرف تروح تستمتع بال ٨ ساعات الباقيين بعبادتك لله و جلوسك وسط اهلك .
اوعي تتخيل انك عشان رصيدك في البنك كبير يبقي انت كده في الأمان و عملت الصح
فين ابنك منك ؟!
فين مراتك من حياتك ؟!
فين صحتك في عز شبابك ؟!
مين قالك ان الفلوس هتفضل في البنك ؟!
علي ذكر الفلوس و البنك ...
اكيد لو انت فعلا عزيزي الفريند عندي علي الفيس يبقي اكيد تابعت اهم و اكبر عملية احتيال عليا حصلت في تحويل رصيدي كله من بنكي الي بنك تاني برا مصر في اقل من ٣ ثواني بمزاجي و قدام عيني و انا قاعد بغني و ادندن ...
و علي فكره انا عندي خلفيه كويسه جدا بالبرمجه و الهاكنج و اللاندنج بيج و اعلانات اد ورد بتاعت جوجل ...
و شغلي سكيور جداااا و بشتغل من متصفح مش مشهور بس سكيور جدااااا.
و مع ذلك علي رأس واحد صاحبي
انت اتغفلت زي اتخنها واحد كان هيتغفل في الحركه دي و هيشرب شاي و قهوه قدام الشاشه و عمره ما كان هيكتشف اللي حصل اصلل من صياعته جداااا مع شدة بساطته.
عايز اقولك
اني كنت داخل احول كل فلوسي لعمليه بيع و شرا حاجه كده ما تشغلش بالك بيها ايه هي بس اعتبرها حاجه زي البورصه .
كنت هبيع و اشتري
في خلال ١٠ ايام رصيدي غالبا كان هيتضرب في ٢ .
كان ريسك كبير جدا
بس كان شبه محسوب و مدروس بقاله سنين
الكلام ده حصل امبارح
و النهارده توقعاتي طلعت صح
و الاسعار اتغيرت زي ما توقعت بالظبط و غالبا بعد ١٠ ايام هيحصل العكس
و الاسعار هترتفع تاني جداااا
ساعتها كان رصيدي غالبا هينضرب في اتنين او اكتر بدون مبالغه ....
لعبه بسيطه حلال تماماً ..
و طلعت صح جدااااا ...
دا معناه ان اي حد كان هيسألني في البيزنس ده و هياخد بنصيحتي كان هيكسب مكاسب خرافيه ...
الا انااااا
ايووووه
الا انا يا عزيزي القاري او صاحب عزيزي القارئ
ليه ؟!!
مش قلتلك بحبك ... اسألني دايما كده خليك صاااحي ...
ببساطه عشان وانا داخل اعمل كده
الفلوس اتسرقت من ضمن اكبر عملية سرقة تمت في العالم
اللي سرقني سارق من ناس تانيه باجمالي نص مليااار دورار
ايوه نص مريار دوراار
دورااار
دووو رااا رااا ر
انا لساني حصله ايه ؟!!!🤔
دورااار
دووو رار
يييه
مش مهم
المهم
اني عايز اقولك
ان شطارتك و علمك لن يكفوك
و فيه ناس كتير جدا نجحت بعلم قليل لكن توفيق كبييير
دا لا يعني انك تتواكل
دا معناه انك تسعي و تعطي كل شئ حقه
ان لنفسك عليك حق و ان لبدنك عليك حق و ان لزوجك عليك حق و ان لولدك عليك حق
و امك و ابيك عليك حق
فلا تضيع حق احدهم
ولا تضع البيض كله في سله واحده ...
لان ببساطه
قيراط حظ و لا فدان شطاره ....
و اللي يقولك غير كده قوله ...
عند يور مازر
بس كده
و ما تنساش عزيزي القارئ ماي فريند تعمل لايك و شير و كومنت و سابسكرايب و تفعل زر الجرس 😂
مهو مش معقول اكتب كل ده و ما تعملش شير للفتي بتاعي 😎
سلام ... سلام ... سلااام .. سلاام

الأحد، 16 مايو 2021

التعدد و الزواج الثانى







التعدد محارب من قبل الكثير من الناس في مجتمعاتنا

منذ فجر التاريخ الإنساني وحتى الآن مازالت البشرية تمارس تعدد الزوجات بصورة من الصور المتنوعة.

ولم تعرف البشرية زماناً اكتفى فيه جميع الرجال بالزوجة الواحدة.

فأمَّة اليهود تعدد بلا حدود, فقد كان لداود عليه السلام مائة امرأة, وكان لسليمان عليه السلام ألف امرأة.

وطوائف من النصارى حتى اليوم ترى جواز التعدد، وتمارسه في الدول المتقدمة سراً.

والبلاد التي لا تسمح بالتعدد للزوجات: تُبيح للرجل معاشرة النساء والخليلات ، واتخاذ الأخدان ، بلا حدود ولا قيود.

ولم يثبت حتى الآن ما يدل على فساد هذا النظام ، أو وقوفه في طريق التقدم الإنساني، ضمن أحكام الإسلام وضوابطه.

فما زال المسلمون – في كثير من أحوالهم– يُعدِّدون الزوجات ، بدءاً من زمن النبوة وعهد الخلفاء وحتى عهد قريب، في العصور المتأخرة.

وقد انتفع المسلمون ذكوراً وإناثاً بهذا الحكم الرباني ، فيجد الرجل بغيته فيما أباح الله، وتجد المرأة رجلاً يقوم عليها ويرعاها.

ثم تعاقبت على الأمة دهور تطاول فيها الكفار على بلاد المسلمين حتى استعمروها ، ونُحِّيت الشريعةُ عن واقع الحياة، وخرجت قوانين وضعية تساوي بين الجنسين، وتُحرِّم وتجرِّم التعدد، حتى أصبح الزنا الصريح أهون من التعدد للزوجات.

ففي الوقت الذي يحرِّم فيه القانون الوضعي تعدد الزوجات : يُبيح للفتاة معاشرة الرجال مادامت قد تجاوزت الثامنة عشرة من عمرها.

ومن عجائب وغرائب وقائع القانون ا لوضعي : أنَّه قُبض على رجل في إحدى الدول العربية قد اتهم بتعدد الزوجات, فلم يكن له سبيل إلى النجاة من العقوبة القانونية إلا أن يصرح بأن المرأة التي اتُهم بها إنما هي صديقته وليست زوجته, فخُلِّيَ سبيله بناء على ذلك.

 

 

 

فإن كنت قادرًا على العدل بين زوجتيك، فيجوز لك في الزواج من ثانية؛ فالتعدّد أباحه الله سبحانه لمن كان قادرًا على تحقيق شرطه

وحكمة الشرع قد اقتضت إباحته؛ لما فيه من المصالح الكثيرة في الدنيا والآخرة.

وحسنٌ أن يكون زواجك من ثانية برضا زوجتك، فجزاها الله خيرًا، ولم يجعل الشرع رضا الزوجة -فضلًا عن أهلها- شرطًا لإباحة التعدد.

وليس من حقّ أهلها الضغط عليها، أو تحريضها للاعتراض على أمر الزواج؛ فإن هذا التصرف منهم قد يؤدّي بهم إلى إفسادها عليك، ( وإفساد الزوجة على زوجها قد ورد فيه وعيد شديد)

 

 

 

فإن الله قد أباح للرجل أن يتزوج من النساء ما طاب له، على أن لا يزيد على أربع، قال تعالى: [فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلاثَ وَرُبَاعَ] (النساء: 3). ولكن الله شرط لجواز تعدد الزوجات العدل بينهن، لذلك قال تعالى في تمام الآية: [فَإِنْ خِفْتُمْ أَلَّا تَعْدِلُوا فَوَاحِدَةً] (النساء: 3). ولا يجوز للمرأة أن تطلب الطلاق لأن زوجها تزوج عليها ، قال صلى الله عليه وسلمأيما امرأة سألت زوجها طلاقا من غير بأس فحرام عليها رائحة الجنة. رواه أصحاب السنن، وحسنه الترمذي

والمرأة ناقصة قاصرة، قريبة النظر والفكر، تغلبها عاطفتها في قراراتها.

يستضعفها الشيطان وأول ما يخاطبها به هو الطلاق و هدم بيتها حتى ولو كانا ذو عشرة و فضل بينهما .

 

قال تعالىإِنَّ الشَّيْطَانَ لَكُمْ عَدُوٌّ فَاتَّخِذُوهُ عَدُوًّا {فاطر:6}

فلن يتركها الا ان تحزن ليفتنها بعدها في نفسها و حياتها وأولادها .

 وبينت السنة الصحيحة حرصه على التفريق بين الأحبة، ولا سيما الزوجان، فعن جابر -رضي الله عنه- قال: قال رسول الله -صلى الله عليه وسلم-:« إن إبليس يضع عرشه على الماء، ثم يبعث سراياه، فأدناهم منه منزلة أعظمهم فتنة. يجيء أحدهم فيقول: فعلت كذا وكذا. فيقول: ما صنعت شيئا. قال: ثم يجيء أحدهم فيقول: ما تركته حتى فرقت بينه وبين امرأته. - قال: - فيدنيه منه، ويقول: نعم أنت » رواه مسلم.

 

قال النبي صلى الله عليه وسلمأيما امرأة سألت زوجها الطلاق في غير ما بأس فحرام عليها رائحة الجنةرواه أبو داود والترمذي.

والزوجة إذا خرجت من بيت الزوجية بغير إذن زوجها ورضاه تعتبر ناشزاً، وتسقط بذلك حقوقها الزوجية حتى ترجع إلى طاعة زوجها .

 

 

 

 

المصادر :  اسلام ويب

صفحة : تعدد الزوجات


الثلاثاء، 3 سبتمبر 2019

اكتب لنفسى


مشاعر متضاربه 

بين اليأس و الأمل 

بين الحنق على بشر دمرت نفسوهم الدنيا  و هموم الوطن 

فأصبحوا اشباه بشر

و بين اليأس من البحث عن بقايا بشر 

تسارعنى افكارى ... هل استسلم لكل تلك الترهات 
و اترك ذمام الامور و كيفما اتت الرياح اترك سفينتى لها ؟!!

ام اجادل القدر ؟!

فى النهاية النتيجة واحده ...

و تمر الايام و اكتشف كل يوم انى حملت نفسى فوق طاقتها فى تقديري للالتزام 
و احساسى تجاه البشر 

اظلم احيانا واُظلم احايين 

تسابقنى الافكار 
و اجدنى احبانا بغير قرار 



الثلاثاء، 22 سبتمبر 2015

عوامل تعريه








تتسارع الاحداث ... و يبقى القلب اضعف مما كان 
تنهك قسوته الأيام ..... و تتسارع به تجاعيد الزمان 
فيتحول لغشاء رقيق ... ينبض وجلاً  و خوفاً من الايام
يتحايل القلب مشفقاً على العقل و جلاً من الآثام الجميله 

تتحرك الأيدى مرتعشة تمسح عريقات تساقطت من على جبهة تكاثرت عليها تجاعيد الدهر معلنة تطبيق سنة القدر 
لتتفاجأ بدمعات دافئات متسربات من عيون انهكها السهر 
ولا نعلم احق ما سهرت لأجله ... ام كانت من خداعات الدهر 
فتمسحها مكملة طريقها الى جنبات الجسد منفلتةً منسابة مستسلمه متدليه 
تهتز اهتزازات مشتته بعامل الإرهاق و اليأس 

تتسارع الاحداث .... و يبقى القلب اضعف مما كان 
و تنهك قسوته الأيام ... و تتسارع به تجاعيد الزمان 
فلا يقوى ان يقسو .... و لا يقوى ان يصد ضربات جديده 
فلا يستطيع ان يقسوا ... و لا يُقسى عليه 
 و لا يعلم ما يفعل ...
فى تلك الهجمات ...
السلطعونيه على اسراب القريدس وهي تحمي بيضها من هجماته المتكرره 
فكلنا قريدس ... و احداث الزمان ... سلطعونيه .....



الأحد، 13 سبتمبر 2015

الاختنــــــــــــاق حد اليأس







الاختنــــــــــــاق حد اليأس 
حد اللاشئ سوى العدم 
الفراغ المتناهى فى المعدوم اللاموجود 
اللااقتناع 
اللا تخيل 
اللا ارتباط بأى شئ
التحرر من الموجود بالاحساس باللا موجود
التحرك نحو الهويه بلا رادع ولا معرفة لماهية القاع السحيق
كلمات مشتته
و تفاصيل غير موجوده
توقف عقلى تام 
معه توقف سحلولى مرتبط بالطظ المحسوسه من اعماق الاعصاب الناقله للبضات الكهربية التى تتسبب فى الاحساس المنعدم
تيه
و لا شئ 
فقط 
كلمات مبعثره
تتشكل احيانا  .... و تتوه احيانا اخرى
اللا شئ فقط عندما يرتبط باللا عقل مجتمع بالجنون الغير منطقى
نعم فالجنون عادة ما يكون منطقياً
فى عرفى الجنون لا يتوقعه احد من المجانين
الجنون حالة من العقل المتناهى المتخطى لحدود العقل المنطقى 
حالات التطور الغير عاديه للعقل المتعدى للحدود الارضيه
تتبعثر الكلمات
تتشكل احيانا ... و تتوه احيانا اخرى 
الا انى 

اتذكرك 



السبت، 4 يوليو 2015

اهم مبدأ فى حياتى






انا لا اهتم كثيرا بمقدار ما لدى من مال .... و لا اجدنى اعمل جاهداً لاحصل على المال الكثير .... قدر ما اجدنى اعمل بتفانى كى " انجح "

الأحد، 14 يونيو 2015

وقفه مع النفس






الصوره دى لما شفتها وجعتلى قلبى اوى 
لانها صوره بتجمع بين الحزن و الحب و الضلال
 لانى لما شفتها على قد ما حسيت بيها و حسيت بالمعنى اللى صاحبها يقصده الا انى تذكرت معاها اد ايه ممكن يكون حد شايف نفسه كده و هو مش كده خالص بل بالعكس 
قد يكون الاحساس اللى فى الصوره ده هو اللى يقصده من جواه فعلا و دى نيته الا ان فعله الحقيقى ابعد ما يكون عن كده 
عندما رأيت الصوره تذكرت كل الفرق الضاله فى الاسلام اد ايه كلهم متخيلين انهم الاقرب لله لانهم شايفين انهم الاكثر عباده و اكثر تقرب الى الله و اجتهاد
الا ان النوايا وحدها لا تكفى بل ان حسن النوايا لا يصلح العمل الفاسد 
فالنوايا الحسنه تحتاج لعمل صالح كي تكتمل الصوره و يصلح العمل 
و لكى يصلح العمل لابد من ان يمر على ميزان العقل المعمول به فى نوع هذا العمل .
فلو كان العمل شرعى
لابد و ان يوزن بميزان العقل الشرعى المحكوم بالقواعد المعمول بها فى الشرع السليم على المنهج القويم
و ان كان العمل اجتماعى او عاطفى
فلابد وان يوزن بميزان المصلحه و المفسده و المكسب و الضرر من منظور شامل يجمع كل الاطراف و ليس انفراديا قد يؤدى الى دمار المجتمع حولنا  ود مار اعز الناس ليك 

  قيراط حظ ولا فدان شطارة ... مقوله سمعناها كلنا و حفظناها عن اجدادنا ... ب س لما بدأنا نتعلم و نشوف العلم الحديث و الغرب و تكنولوجيته بدأنا...