المشاركات

عوامل تعريه

صورة
تتسارع الاحداث ... و يبقى القلب اضعف مما كان  تنهك قسوته الأيام ..... و تتسارع به تجاعيد الزمان  فيتحول لغشاء رقيق ... ينبض وجلاً  و خوفاً من الايام يتحايل القلب مشفقاً على العقل و جلاً من الآثام الجميله 
تتحرك الأيدى مرتعشة تمسح عريقات تساقطت من على جبهة تكاثرت عليها تجاعيد الدهر معلنة تطبيق سنة القدر  لتتفاجأ بدمعات دافئات متسربات من عيون انهكها السهر  ولا نعلم احق ما سهرت لأجله ... ام كانت من خداعات الدهر  فتمسحها مكملة طريقها الى جنبات الجسد منفلتةً منسابة مستسلمه متدليه  تهتز اهتزازات مشتته بعامل الإرهاق و اليأس 
تتسارع الاحداث .... و يبقى القلب اضعف مما كان  و تنهك قسوته الأيام ... و تتسارع به تجاعيد الزمان  فلا يقوى ان يقسو .... و لا يقوى ان يصد ضربات جديده 
فلا يستطيع ان يقسوا ... و لا يُقسى عليه   و لا يعلم ما يفعل ... فى تلك الهجمات ... السلطعونيه على اسراب القريدس وهي تحمي بيضها من هجماته المتكرره  فكلنا قريدس ... و احداث الزمان ... سلطعونيه .....



الاختنــــــــــــاق حد اليأس

صورة
الاختنــــــــــــاق حد اليأس  حد اللاشئ سوى العدم  الفراغ المتناهى فى المعدوم اللاموجود  اللااقتناع  اللا تخيل  اللا ارتباط بأى شئ التحرر من الموجود بالاحساس باللا موجود التحرك نحو الهويه بلا رادع ولا معرفة لماهية القاع السحيق كلمات مشتته و تفاصيل غير موجوده توقف عقلى تام  معه توقف سحلولى مرتبط بالطظ المحسوسه من اعماق الاعصاب الناقله للبضات الكهربية التى تتسبب فى الاحساس المنعدم تيه و لا شئ  فقط  كلمات مبعثره تتشكل احيانا  .... و تتوه احيانا اخرى اللا شئ فقط عندما يرتبط باللا عقل مجتمع بالجنون الغير منطقى نعم فالجنون عادة ما يكون منطقياً فى عرفى الجنون لا يتوقعه احد من المجانين الجنون حالة من العقل المتناهى المتخطى لحدود العقل المنطقى  حالات التطور الغير عاديه للعقل المتعدى للحدود الارضيه تتبعثر الكلمات تتشكل احيانا ... و تتوه احيانا اخرى  الا انى 
اتذكرك 


اهم مبدأ فى حياتى

انا لا اهتم كثيرا بمقدار ما لدى من مال .... و لا اجدنى اعمل جاهداً لاحصل على المال الكثير .... قدر ما اجدنى اعمل بتفانى كى " انجح "

وقفه مع النفس

صورة
الصوره دى لما شفتها وجعتلى قلبى اوى 
لانها صوره بتجمع بين الحزن و الحب و الضلال
 لانى لما شفتها على قد ما حسيت بيها و حسيت بالمعنى اللى صاحبها يقصده الا انى تذكرت معاها اد ايه ممكن يكون حد شايف نفسه كده و هو مش كده خالص بل بالعكس 
قد يكون الاحساس اللى فى الصوره ده هو اللى يقصده من جواه فعلا و دى نيته الا ان فعله الحقيقى ابعد ما يكون عن كده 
عندما رأيت الصوره تذكرت كل الفرق الضاله فى الاسلام اد ايه كلهم متخيلين انهم الاقرب لله لانهم شايفين انهم الاكثر عباده و اكثر تقرب الى الله و اجتهاد
الا ان النوايا وحدها لا تكفى بل ان حسن النوايا لا يصلح العمل الفاسد 
فالنوايا الحسنه تحتاج لعمل صالح كي تكتمل الصوره و يصلح العمل 
و لكى يصلح العمل لابد من ان يمر على ميزان العقل المعمول به فى نوع هذا العمل .
فلو كان العمل شرعى
لابد و ان يوزن بميزان العقل الشرعى المحكوم بالقواعد المعمول بها فى الشرع السليم على المنهج القويم
و ان كان العمل اجتماعى او عاطفى
فلابد وان يوزن بميزان المصلحه و المفسده و المكسب و الضرر من منظور شامل يجمع كل الاطراف و ليس انفراديا قد يؤدى الى دمار المجتمع حولنا  ود مار اعز الناس ليك
صورة
هزمها الشيطان و ألبسته بيدها تاج النصر
و تحولت من انسان غالى 
.... الى خرقة باليه ليس لها بين الضلوع اي هناة 



هو فيه كده ؟!

هو فعلا فيه حد ممكن يكره بالشكل ده ؟!
هو فعلا فيه حد ممكن يدعى الحب بالقوه دى و يجرح و يقتل بالانتقام ده ؟!
هل لو حد في يوم ادعى حبك ... بالبساطه دى ممكن يعلن كرهك او رفضك ؟!

من باب التحدى .... و عدم الاحباط اطلب منكم هذا الطلب

مطلوب افكار ابداعيه لهذا الموضوع

فاعلة خير بعتتلى مبلغ بسيط 3000 جنيه
صدقه على روح واحده عزيزه عليها و استأمنتنى على صرفه فى الخير وهى تتوقع انى اديه لحد غلبان .... بس ابسلوتلى ده مش منهجى ما انا هديهوله و هيخلص
بالرغم من انى عارف ان المبلغ بسيط الا انى عايز منكم افكار ازاى نستغل المبلغ ده بحيث يبقى حاجه كبيره يفيد ناس كتييير ..... ووجهة نظرى هنا هى ان ممكن من خلال طرح فكره زى دى على عقول كتير مبدعه ممكن مع اجتماعها تقول شئ فارق ... يحول اللاشئ الى شئ كبير و الموضوع ممكن يتطور و يبقى شئ اكبر بكتير و نواه لفكره عظيمه
لانى واثق انى هلاقى افكار جامده ... هلاقى مساهمه تانيه بالمجهود .... ممكن ألاقى المبلغ نفسه يزيد من خلال حد يعجبه فكره و مش قادر يساهم فيها يقوم يتكفل بيها او يكون يقدر يدعم فيدعم فنلاقى ال 3 الاف 100 الف .... و يبقى ساعتها برده الفكره دى اللى انا بعملها دلوقتى كانت فكره فى حد ذاتها فى استغلال المبلغ.....
يلا ورونى افكار الانتربرونيرز ..... و لا تنسوا الشعار اللى ممكن ينقلنا للعالم المتحضر
" لا تعطنى سمكة ولكن علمنى كيف اصطاد "
علمنى