الأحد، 21 يونيو، 2009

احنا وهما

احنا : مفكرين اننا اللى فاهمين كل حاجه. هما: بيحاولوا يتعلموا كل حاجه ولو عجزوا بيجيبوا اللى بيفهم. احنا : معفنيييييييييييييييييييييين جدااااااااااا جدااااااااااااااااااااا هما : الدنيا عندهم نضيفهم جدا جدا. احنا : شوارعنا زباله ومفيهاش متيرن ورا بعض سلام. هما : شوارعهم بلاط يتفرش ويتنام عليه. احنا : المرور عندنا مش عارف راحوا فين. هما : المرور عندهم موجود ومستحيل تحصل مخالفه واحده مع انى ما شفتشى والله عسكرى واحد واقف فى اى مكان. (بجد ولا واحد). احنا : قلالاة الادب وهمجيين. هما : والله العظيم مؤدبين ومحترمين والسفاله لو عملهوا يبقى اتعلموها مننا. احنا : بنفتى فى الدين. هما : عارفين الدين. احنا : شطار بس بقينا ارخص عماله حتى ولو احسن ناس فاهمين. (بس اهه بلدك وحكومتك رخصوك) هما : مش فاهمين حاجه ، بس بيجيبوا منك واللى احسن منك كتيييير وبرده عزاز وتمنهم غالى. ( هنعمل ايه بلدهم كده وحكومتهم برده كده) احنا : بنبيع بعض وانتن ناس مع بعض . هما : رجاله مع بعض مع انهم بيغيروا جدا من بعض . بس ما يوريكشى. احنا : عندنا النيل. هما : ما عندهمشى حتى البرسيم. احنا : عندنا بحرين . هما: فيهم وفيهم. احنا : عندنا زراعه. هما : ما عندهم اراضى بس بقوا بيدونا من زكاة الزروع والحمد لله. احنا : عندنا بحيرات مالحه وعذبه. هما : البحر لو عندهم يبقى كويس. احنا : عندنا سياحه بسبب الفراعنه. هما :عملوا سياحه. احنا : عندنا جو جمييييييييييييييييل . هما : عندهم الجو اعوذوا بالله. احنا : عندنا جبال كلها خامات وثروات معدنيه. هما : عندهم جبال بس بتزود بوظان الجو بس. احنا : حكومتنا زباله وبتخرب فى البلد. هما : حكومتهم حكومه محترمه جدا وبيحاولوا على قد ما يقدروا ينهضوا بالبلد. احنا : جتنا خيبه . هما : ياريت نبقى زيهم . وكما انا قلتها قبل ذلك. جتها خيبه اللى عايزه خلف. واقعدوا بالعافيه. اتفووووووووووووووووا

هناك 14 تعليقًا:

أحمد يقول...

يا لهوي يا ويكا ايه المقال يا ياد... كلمتين في الصميم.... عليك ومجلس الشعب عالطول ونحن وراااااااااااااااااااائك .... وربنا يستر

احنا يقول...

يعنى باختصار أحنا ما عندناش حاجة وهما عندهم كل حاجة ..
شكرا ..
-----------------------------------
نرجو قبول مرورنا
----------------------------------
مع تحياتنا / حازم وهانى
----------------------------------
من فضلك ..لو سمحت ..أنقر على إعلانات
جوجل ..نقرة منك تنقذ حياة ( واحد عايز يتجوز بقى )

ابو على يقول...

الله ينور يا ويكا دة من اول زيارة
امال بقى لما تعيش هناك 3 سنين
عموما هيه دى مشكلتنا عقدة الخواجة
يبنى احنا الاصل ... وهما الفرع
احنا ياما فوق وياما تحت
هما فووووق على طول .....
المهم سيبك بقى من دة كله انا عايز السبحة والحاجة الساقعه

ghorBty يقول...

السلام عليكم ..

:):)

احنا ومعروفين والحمد لله

مسلمين بدون اسلام

بس لو طبقنا ديننا صح هتلاقينا احلي من هما دول اللي مش عارفه هما مين اصلا !!

وكما قال سيدنا عمر بن الخطاب (نحن قوم أعزنا الله بالإسلام فإن ابتغينا العزة بغيره أذلنا الله.).للاسف مشينا بدماغنا وبتقليد اعمي فقدنا الكثير وعيشنا بلا هويه ...

اعزك الله ورفع قدرك ونفع بك ان شاء الله ..

ويكا يقول...

احمد

مجلس الشعب ، البرلمان يعنى .
ولا انت تقصد حاجه تانيه؟!!!
عموما لو تقصد اى واحد فى الاتنين ، البرلمان او مجلس الشعب يبقى الله يسامحك و مكنشى العشم.
بقى انت شايفنى كده برده.
انا وش مجلس شعب . برده الله يسامحك . انا عمرى والله ما كذبت ولا نافقت ولا وعت حد واخلفت . انا مش عارف انت بتقول كده ليه.
طيب بالله عليك انت عمرك شفتنى سرقت حاجه او مديت ايدى او عملت مصالح من الحكومه على قفى الشعب؟!!!
عمرى والله العظيم .

ومع ذلك بتتهمنى انى انفع لمجلس الشعب .

عموما انا مسامحك

ويكا يقول...

احنا
شكرا لمرورك ، وعموما الله يحنن

ويكا يقول...

ابو على
يبنى من اول 5 ايام والله .
اما لو قعدت 3 سنين ، متهيقلى هيرحلونى لعدم الاهليه.
والمنوفيه ، والدقهليه.
وبعدين ، عقدة خواجة ايه يا عم الحج . ما حضرتك رحت فرنسا ، حسيت بعقدة الخواجه برده ولا حسيت باحساس التييييييييييييييييييت ؟؟!!
ياعم صلى على النبى فى قلبك كده وقر واعترف بقى .

ويكا يقول...

غربتى
مهى دى الخيبه التقيله.
لا عارفين اسلام ولا حتى خيبه تقيله .

احنا عملنا زى اللى رقص على السلم لا اللى فوق شافوه ولا اللى تحت سمعوه.

الحمد لله

ابو على يقول...

يا نجم
ايوة انا شوفت فى فرنسا ازاى بيتعاملوا مع البنى أدمين
كنت فاكر انى بنى ادم فى مصر
بس للاسف يبنى انا مش قلتلك قبل كدة ( دى بلد تيييييييت
لا بس ماتتخلاش عن وطنيتك وحبك لبلد مهما حصل
مصر مصر تحيا مصر
دى امك .... يبنى مصر هيه امك

تييييييييييييييييييييت تيييييت تييييت تيييت

norahaty يقول...

بصـــــــــــــراحة
شكلك شايل فى قلبك كتير
وبصراحة برضه :لك الف حق

norahaty يقول...

أنمـــا انت
فين من ساعتها؟!
لعلك بخــــــــير

سبهللة يقول...

شوف انا عشت فى السعودية سنة
خاصة فى الرياض
واللى انت كاتبه دة كله انا شفته هناك بالظيط
بس انا مش عارفة انت بتكلم على دول الخليج ولا الدول الغربية

ويكا يقول...

norahaty
بصراحه "اه"
وبصراحه برده كلنا الف حق .

اما بالنسبه لكنت فين! انا كنت هناك عند " هما" فى زياره

ويكا يقول...

اهلا اهلا يا سبهلله
والله بقالنا كتير ما شفناش بعض
ههههههه
اقصد بيوحشنا زياراتك يعنى

بصى يا ستى " سواءا الدول العربيه او الاوروبيه ما بقتشى تفرق والله خلاص
كلهم بقوا واحد خلاص فى الانضباط والنظام
بقى فيه حاجه واحده اللى مختلفه بس هى:
"احنا"

وعلى فكره انتى ما روحتيش بعيد عن اللى انا كنت بتكلم عليهم
اقرى البوست اللى قبليه وانتى هتعرفى

Related Posts Plugin for WordPress, Blogger...