الخميس، 17 سبتمبر، 2009

خلاص قررت

قرار ويكى انتيكى خلاص قررت انى اعيش اجمل حالاتى هذه الايام بكل المقاييس ، الا وهى : حالة طظ كبيييييييييييره وعلى اساسه ، طظ فى اى شئ طظ فى الناس طظ فى اى حد وانا هوجع دماغى ليييه ياعم بلا قرف ، طظ انا ههتم برأى الناس فيا ليه ؟! هما بيأكلونى؟! لا طيب بيلبسونى ؟؟!! برده لا طيب بيجيبولى عربيات ؟!! برده لاء خالص طيب فيه حد بيصرف عليك باى شكل ؟!! لا برده ياعم طيب يبقى خلااااااااااااااااص طظ انا على مزاجى اشتغل ابطل ، انام اصحى ، انبسط ازعل । البس اقلع انا حررررررررررررررررررر حـــــــــــــــــــــــــــــــــــر ح ر طظ

هناك 4 تعليقات:

الشعب لابد له من حكومه تشكمه يقول...

احم احم ساااا الخيييييير..
ممكن لو سمحت بعد اذنك انضم معاك فى حركة طظ:))وممكن نعملها حركه شعبيه وانا متأكده ان فى ملايين هيجوا معنا ونعمل رسم الاشتارك جنيه واهو نعمل مشروع ونكسب باه اصل طظ دى حلم ملاييين:))
صح والله عندك حق..انا ضيفت البلوج بتاعك عندى دا بعد اذنك:) ولو اذنك مسمجش برضه ضيفته:)
صحيح انت ليه عاااامل موديريشن:(
عندى حساسيه جدااا من الموضوع ده مش بحب الموديريشن انا:(

ghorBty يقول...

السلام عليكم

وحد الله واعمل اللي يريحك

إن رضا الناس غايه لا تدرك فكلامهم لا تلقي له بال الا لو كان نصح وفي محله ( رحم الله امرأ اهدي إلي عيوبي ) غير كدا نظام ريح دماغك بيكون احسن

ربنا يهدي الجميع وياريت نطبق حديث رسولنا ( من حسن اسلام المرء تركه ما لا يعنيه ) كلنا هنريح و هنستريح اكيد ..

كل عام وانت بخير ورمضان مقبول ان شاء الله ..

ويكا يقول...

شيما
ساااا النور عليكى
بالنسبه لموضوع الانضمام انا ما عندييييييش مانع خااااالص
اما موضوع الحركه ده .... احم احم .... انا ماليش فيه خالص يا اختى ...
انا مواطن مسالم جداً ومش بتاع حركات.
اما موضوع اضافة البلوج بتاعى عندك ده ، فأنا معنديش مانع خالص بما ان ده امر واقع وخلاص حصل.
الموديريشن بقى ، علشان انا بتوقع ان يبقى عندى اعداء فى المستقبل ان شاء الله ، فعايز افوت عليهم فرصة انهم يشتمونى او ينتقموا منى , وكمان علشان لو حد علق على مقال قديم بحب ابقى عارف واقراه.
وعموما موضوع الحركه ده عجبنى والله وهفكر فيه.

ويكا يقول...

غربتى
مش كده برده ، واللله انا قلت كده انا كمان.

وعموما انا سعيد بمرورك ، وكل سنه وانتى طيبه.

Related Posts Plugin for WordPress, Blogger...