نادراً من يفهمنى   ........   و الاندر .... من يظل معى 

سؤال

تراها تستحق هذا الحب ؟!

لا اعلم 

عيد جوازى

النهارده

عيد جوازى 

عيد جوازى بيوافق ليلة النصف من شعبان 

انا و زوجتى ممكن نتذكر هو كان يوم ايه بالظبط ميلادى .... مفيش مشكله 

الا انه قد تواجهنى انا بالاخص بعض الصعوبه فى هذا الموضوع نظراً لقدراتى الضعيفه جدا فى تذكر التواريخ 

الا اننى لا انسى هذه الليله بهذا التأريخ ( الهجرى )ابداً

لانها كانت

ليلة النصف من شعبان 

فنحن نتذكر شكل القمر هذه الليله جيداً 

ابيضاً ناصع البياض 

مستديراً كامل الاستداره 

منيراً الليل كله 

يوماً طيباً ذو مكانة فى نفوس المسلمين جميعاً 

اتذكر هذه الليله 

التى وقفت فيها ليلاً بعروستى ..... اصلى بها إماماً .... لأقرأ فى صلاتى جهراً سورة الواقعه 

فقد حفظتها بسببها .... 
فقد كانت توصينى بها دائماً فى ليلى قبل زفافنا .....
 فقد كانت دائماً ما تقول لى انها تزيد الرزق .....

و كنت اصغى لها و اقرأها كل ليله الى ان حفظتها  .....

لذلك فقد وقفت ارتلها جهراً قياماً بها فى وسط الليل ...... 

و ...

بكيت ......

بكيت كثيراً ..... نعم بكيت 

و هى خلفى ....... 

وانا لازلت ابكى ....... و توقفت الآيات فى حلقى ..... و تحشرجت 

و تعثر النطق و توقف لسانى ...... و توقفت كثيراً لا استطيع ان اكمل آياتى  ...

كلما عاودت الكره محاولاً تمالك نفسى لاستكمال آياتى ... لإكمال صلاتى ..... لم استطع ..... و تغلبنى عينى .... و ازداد نحيبى .....

بكيت كثيراً بين يدي الله و هى خلفى ...... 

و كانت هذه أولى أفعالى بزوجتى فى اول ليالى حياتى معها

 فكيف انساها .... و كيف اتنازل عنها 
فأنا احبها ......

و احب هذه الليله ..... 

 ففيها اجمل زكرياتى 

تخاطر

لما اتنين بيحبوا بعض  اوى  بيفكروا في بعض اوى اوى اوى ... و بشده .... لدرجة ان كل واحد فيهم بيعرف التانى بيعمل ايه دلوقتى من غير ما يقوله
و بيفكر كل واحد منهم  فى نفس الشى اللى بيفكر فيه التانى  .... و احيانا بيعمل نفس الحاجه اللى بيعملها
علشان كده
لو انت بتحب حد و بتفكر فى حاجه مهمه تقوله عليها و الظروف مش مساعداك تتصل بيه تقولهاله
فكر فيها بشده و ثق تماما انه هيعرفها او هيحصل حاجه توصلهاله
غير كده
يبقى فيه حاجه ناقصه 


ولازلت ابحث عن صوره معبره 

انا و هى

تكتمل رجولتى بإكتمال انوثتها

ملحوظه : بحثت كثيراً عن صوره تعبر عن المعنى ففشلت لأنى اعلم ان هناك من يجيد اختيار الصور مفقود فى حياتى 

رسالة و داع

انا اغلب الرسائل الربانيه اللى بتقع ادامى الفتره الاخيره دى كلها آيات و قصص و 

أحاديث عن الموت 

انا شكلى خلاص هعملها .....

اسأل الله ان يختم لى و لجميع المسلمين بحسن الخاتمة

و ان يثبتنا عند السؤال و لا يفتننا لا فى الدنيا ولا فى الاخره ....

وان يدخلنا الجنه بغير حساب ولا سابقة عذاب 

ان حدث و سيحدث يقيناً

 فأسألكم الدعاء بصدق

و بلغوها انها اخطأت كثيراً فى حقى .... و قصرت

و يكفيها من الدنيا انى عندما تذكرت الرحيل .... لم اتذكر من الدنيا الا 

تقصــــــــــــيرها و جهدها لى  

و عند الله تجتمع الخصوم

اللهم اغفر وارحم وانت خير الراحمين