خلاص قررت

قرار ويكى انتيكى خلاص قررت انى اعيش اجمل حالاتى هذه الايام بكل المقاييس ، الا وهى : حالة طظ كبيييييييييييره وعلى اساسه ، طظ فى اى شئ طظ فى الناس طظ فى اى حد وانا هوجع دماغى ليييه ياعم بلا قرف ، طظ انا ههتم برأى الناس فيا ليه ؟! هما بيأكلونى؟! لا طيب بيلبسونى ؟؟!! برده لا طيب بيجيبولى عربيات ؟!! برده لاء خالص طيب فيه حد بيصرف عليك باى شكل ؟!! لا برده ياعم طيب يبقى خلااااااااااااااااص طظ انا على مزاجى اشتغل ابطل ، انام اصحى ، انبسط ازعل । البس اقلع انا حررررررررررررررررررر حـــــــــــــــــــــــــــــــــــر ح ر طظ

عندما

عندما تتكاتف عليك الظروف ، عندما تشعر انه (خلاص) قد احيط بك .....

عندما تشعر انه لا ملجأ من الله الا اليه .....

عندما تبتلى وتصل الى السؤال : متى نصر الله؟!!

عندما تتسأل لماذا الشر كثيراً ما ينتصر؟!!

عندما تجاهد من اجل" احد" لا تعرفه ، فقط من اجل احقاق الحق وابطال الباطل .....

عندما تجد هذا الاحد لا يصغى لك ولا يستجيب ، وكأنه قد طمس على قلبه وعقله....

عندما يطلق اذنه وقلبه وماله لرجال مخادعين غير صادقين .......

عندما تنظر حولك ولا تجد لك الا مقعد المتفرج ............

عندما تجد ان هذا ما يطلبه منك هذا" الاحد" المسكين المخدوع ......فقط ان تتفرج من بعيد ولا تتدخل .....

عندما يطغى الظلم ويتفحل .......

عندما تنهار المبادئ والقيم ............عندما يصبح ابطال الروايه هم الطغاه والظالمين.......

عندما يُبح صوتك وتظل ترفض ان تكون من المتفرجين ، فان هذا ليس من شيمك ، وهذا ليس انت ..........

عندما تشتعل النار وتظل تقاوم وتقاوم وتقاوم .......

عندما تكون مستعداً ان تحترق بهذه النار ، ولا يهم ، فقط ان ينتصر الحق ......

عندما يكون كل هذا ليس لأحد تعرفه ...... فقط انسان ظالم لنفسه بتمكين الاشرار منه.....

عندما هذا كله

فانت بالفعل رجل نبيل ، وفارس بمعنى الكلمه ....

عندها فقط اعلم :

"الا ان نصر الله قريب"

سقط كل شئ منهم الا....

لا اله الا الله ، محمد رسول الله ..... نعم .... هذا فقط ما اجتمعوا عليه ...... وهذا فقط ما تبقى منهم جميعاً...... فلا لغة بقت ... ولا زي (ملابس ) تبقى ..... ولا جاه ولا سلطان ...... كله تساوى...... الملبس واحد .... النداء واحد ..... الكلمات واحده ....... الوجهه واحده ...... الرغبات واحده ....... الرغبه والرهبه تملأ المكان....... لا تسمع الا صوت الدعاء فقط.... لا ترى الا الوجوه التى عنت الى مكان واحد ووجهة واحده ..... يصطفون وقت الصف ..... يسعون وقت السعى .... يبكون وقت البكاء .... يسبحون وقت التسبيح ..... يدعون طول الوقت ....... اختلطت الدموع بالدعاء ..... والشكوى بالمزله ...... اختلط السر بالعلن ...... اختلط الرجال بالنساء ولا يهتم احد منهم بالاخر ... وكأنه يوم القيامه .... فلاحاجة منهم فى الاخر। استوى الجميع ... فلا ملابس غاليه ولا رخيصه ..... لا عطر ولا زينه ..... الكل يسعى .... الكل يهرول .......... الكل يطوف...... الكل يدعو ....... الجميييييييييييييييييييييييع يخشاه ، ويتمنى رضااااااااااااااااااااااااااااااه । انه الله...................... انه الله ................. انه الحرم ....... انها الكعبه...... انه الصفا والمروه ........... انها الرغبة والرهبه..... انه الخوف والرجاء .............. انها الذنوب تغسل ....... والجروح تندمل ...... والقلوب تطهر ....... انه الصفاء ..... انه النقاء ............. انه حب الله ورسوله ..... انه الاحترام والاجلال ......... انه ... لا اله الا الله ..... محمد رسول الله..... نطق بها العرب والعجم ..... لا فرق بينهما ....... اجتمعوا عليها وذابت كل خصائص اللغه ..... الزى ابيض ..... ممنوع التعطر ..... ممنوع الخيط ..... ممنوع التفاخر او المباهاه ....... كلنا هنا سواء .... كلنا هنا عباد الله ............. كلنا هنا فى رحلة باهره ............. الى الجنه ............الى صفاء الروح وطمأنينة الروح ..... انه الله ............ انه لا اله الا الله ................ والله اكبر ..........

فيها ايه؟!

فيها ايه لو : لو دخلت القسم : وقام امين الشرطه قالك: اتفضل يا فندم ارتاح؟!! لو دخلت المستشفى : طلع طقم دكاتره وممرضات جرى عليك وقالولك خير ايه الموقف وايه اللى حصل؟!وهما بيسعفوا فيك لو رحت تجيب عيش : ولقيت فيه طابور متنظم وماشى بطريقه منتظمه ووقفت شويه صغيرين وبعدهم اخدت شوية عيش من بتوع البنى ادمين؟! لو رحت اى مصلحه حكوميه : فقام الموظف خلصلك ورقك على طول وقالك شوية مصطلحات غريبه كده شويه (حاضر ، عنيه ، تحت امرك ، ولا يهمك ، ما تقلقش ، هيخلص ان شاء الله) ؟! لو رحت المرور تجدد رخص العربيه : وفوجأت ان المخالفات اللى موجوده هي بتاعتك فعلا؟! لو مشيت على الطريق بالعربيه : ولقيت الطريق متسفلت ونظيف ومش متكسر ولا فيه مطبات ولا خوازيق؟! لو رحت اى مصلحه حكوميه : وما قلقشى الموظف (فتح دماغك ياعم الحج)؟! وفتح الدرج بتاعه؟! عارفين هيحصل ايه؟! متهيقلى متهيقلى هندخل الجنه.

والله عمار يا مصر

اسمحولى اقوم بنشر الموضوع ده تانى واللى كنت كتبته هنا فى اوئل بوستاتى مع اضافة شوية تعديلات بسيطه خالص خالص ........................ اوعى تقولى ........... "لاااااااااااااااااا ، مش انا ياباشا اللى ياخد على قفاه" والله بتاخد على قفاك ... وعلى فكره انا ماجبتش سيرة الحكومه ولا السلطه (ايوه ماحدش يوقعنى فى غلط)) انا اقصد بتاخد على قفاك من ناس تانيييييييييييين خالص (مش الحكومه)) المهم نرجع لقفاك ، سورى اقصد للقفا عموما. ازاى بقى بتاخد على قفاك ، اقولك انا دا لو انت قال مش عارف يعنى نبدأ طبعا باللى مفيش خلاف فيه و قسم الشرطه (اللى طبعا شغال فيه ناس من الشعب) مش حكومه يعنى. ده مش محتاج منى شرح ولا توضيح . دا ، انت عارف كويس لو رحته هتاخد فيه ايه بالظبط وفين. وياعم علشان اوفر عليك انا عارف انك مارحتش قسم قبل كده ولا اخدت اى حاجه (ده اكيد انا عارف ، مش انت اللى تروح القسم ) بس قولى يا فالح، انت عمرك ما وقفت فى طابور عيش (مجازا يعنى) على اساس ان فيه طابور يعنى . بلااااش الطابور لانى عارف برده انك عندك اشتراك والعيش بيجيلك لغاية عندك, خليها الباص (بلاش الباص دى برده لان اللى بيركب الباص مش بياخد على قفاه ولا حاجه)، اقصد اتوبيس النقل العام ، هاااا ؟!! فاكره ولا افكرك؟؟!! اكيد انت راجل عامل اشتراك مكيف ومش بتركب الاتوبيس الياي دة برده انا عارف. طيب الكليه يا فااااااااااااااااااااالح، اتكلم ولا اخلينى ساكت؟؟!! اقولك : انا هقولك كلمات مفتاحيه وانت هتفهم، ( الدكتور- المذكره – اعمال السنه – الدروس الخصوصيه ) فهمت ولا اوضح اكتر، ان الله حليم ستار. ايه؟ خلصت جامعه ؟؟!! ماشى خلاص يبقى الشغل يا فالح؟!! هتعترف ولا اتكلم؟؟!!!! (دى والله واضحة خالص زى الشمس) ايه؟!! بتقول ايه؟!! مظبط مديرك ؟! يابن الايه. طيب ماشى مهو انا مش هسيبك خد عندك طيب: المروووووووووووووووور الطرق اللى بتتعور (اقصد بتمشى) عليها. الضرايب. المستشفيات. الصرف الصحى واللى مش صحى. المصالح الحكوميه (اقصد طبعا اللى بيديرها ناس من الشعب). البطااااااااااااااله. اختصر..... ماشى يبقى (جمهورية مصر العربيه) وفى النهايه عايز اسيبلكم مشهد كمييييييييييييييييل اوى اوريكم فيه الدكوره بتوع الشرطه اللى تلاقى كل واحد فيهم وهو لابس البدله ورافع حاجب وشادد التانى وعامل فيها عم ابو جهل او خزاعه ، هما دووول رجالة وحماة مصر وبرده هرجع واقول انا مليش دعوه ياعم هما اللى بيعملوا كده مش انا اللى قلتلهم والله والله العظيم عارفين ؟!! خدوا ده كمان ........... وفى الاخر ،(((( انا اصرح واهيب بكل من قرأ الموضوع انه ما يفمشى ابدا ابدا انى اقصد الحكومه ده كلام مغرض))). ايوه بلاش توقعونا فى الغلط لحسن انا عارفكم। وعلى فكره كمان ، مش انا اللى كاتب المقاله دية؟ مع السلامو عليكو ههههههههههههههههههههه

احنا وهما

احنا : مفكرين اننا اللى فاهمين كل حاجه. هما: بيحاولوا يتعلموا كل حاجه ولو عجزوا بيجيبوا اللى بيفهم. احنا : معفنيييييييييييييييييييييين جدااااااااااا جدااااااااااااااااااااا هما : الدنيا عندهم نضيفهم جدا جدا. احنا : شوارعنا زباله ومفيهاش متيرن ورا بعض سلام. هما : شوارعهم بلاط يتفرش ويتنام عليه. احنا : المرور عندنا مش عارف راحوا فين. هما : المرور عندهم موجود ومستحيل تحصل مخالفه واحده مع انى ما شفتشى والله عسكرى واحد واقف فى اى مكان. (بجد ولا واحد). احنا : قلالاة الادب وهمجيين. هما : والله العظيم مؤدبين ومحترمين والسفاله لو عملهوا يبقى اتعلموها مننا. احنا : بنفتى فى الدين. هما : عارفين الدين. احنا : شطار بس بقينا ارخص عماله حتى ولو احسن ناس فاهمين. (بس اهه بلدك وحكومتك رخصوك) هما : مش فاهمين حاجه ، بس بيجيبوا منك واللى احسن منك كتيييير وبرده عزاز وتمنهم غالى. ( هنعمل ايه بلدهم كده وحكومتهم برده كده) احنا : بنبيع بعض وانتن ناس مع بعض . هما : رجاله مع بعض مع انهم بيغيروا جدا من بعض . بس ما يوريكشى. احنا : عندنا النيل. هما : ما عندهمشى حتى البرسيم. احنا : عندنا بحرين . هما: فيهم وفيهم. احنا : عندنا زراعه. هما : ما عندهم اراضى بس بقوا بيدونا من زكاة الزروع والحمد لله. احنا : عندنا بحيرات مالحه وعذبه. هما : البحر لو عندهم يبقى كويس. احنا : عندنا سياحه بسبب الفراعنه. هما :عملوا سياحه. احنا : عندنا جو جمييييييييييييييييل . هما : عندهم الجو اعوذوا بالله. احنا : عندنا جبال كلها خامات وثروات معدنيه. هما : عندهم جبال بس بتزود بوظان الجو بس. احنا : حكومتنا زباله وبتخرب فى البلد. هما : حكومتهم حكومه محترمه جدا وبيحاولوا على قد ما يقدروا ينهضوا بالبلد. احنا : جتنا خيبه . هما : ياريت نبقى زيهم . وكما انا قلتها قبل ذلك. جتها خيبه اللى عايزه خلف. واقعدوا بالعافيه. اتفووووووووووووووووا

اهم الانباء

من الفندق اللى مش فكر اسمه ايه ، احيييكم ..... واحب ان اقول لكم ، ا نى والحمد لله ............ وصولت الى مطار جده بامان الله ....... هو صحيح انا لغاية دلوقتى مش عارف انا جاى هنا ليه ...... بس الحمد لله عرفت اجى ....... واكيد هعرف انا جابونى على وشى ليييه ............ فيه حاجه اسمها انت مسافر كمان شويه جده ...... هو انا رايح شبرا البلد !!!! ما علينا ..... خير ان شاء الله ........ عموما ، هل الايام هتعدى كده؟! هل هتحصل مغامرات ؟!! هنشوف بس انا واثق ان فيه جديد اكيد عموما ، كان هذا الموجز وستأتيكم الاخبار بالتفصيل. كان معكم ويكا ابو العافيه .... من اللاب توب اللى مش عارف بتاع مين هو كمان والله (موجز بقى).,..... من الفندق اللى مش فاكر اسمه ....... وااعدوا بالعافيه اممممممه