احنا وهما

احنا : مفكرين اننا اللى فاهمين كل حاجه. هما: بيحاولوا يتعلموا كل حاجه ولو عجزوا بيجيبوا اللى بيفهم. احنا : معفنيييييييييييييييييييييين جدااااااااااا جدااااااااااااااااااااا هما : الدنيا عندهم نضيفهم جدا جدا. احنا : شوارعنا زباله ومفيهاش متيرن ورا بعض سلام. هما : شوارعهم بلاط يتفرش ويتنام عليه. احنا : المرور عندنا مش عارف راحوا فين. هما : المرور عندهم موجود ومستحيل تحصل مخالفه واحده مع انى ما شفتشى والله عسكرى واحد واقف فى اى مكان. (بجد ولا واحد). احنا : قلالاة الادب وهمجيين. هما : والله العظيم مؤدبين ومحترمين والسفاله لو عملهوا يبقى اتعلموها مننا. احنا : بنفتى فى الدين. هما : عارفين الدين. احنا : شطار بس بقينا ارخص عماله حتى ولو احسن ناس فاهمين. (بس اهه بلدك وحكومتك رخصوك) هما : مش فاهمين حاجه ، بس بيجيبوا منك واللى احسن منك كتيييير وبرده عزاز وتمنهم غالى. ( هنعمل ايه بلدهم كده وحكومتهم برده كده) احنا : بنبيع بعض وانتن ناس مع بعض . هما : رجاله مع بعض مع انهم بيغيروا جدا من بعض . بس ما يوريكشى. احنا : عندنا النيل. هما : ما عندهمشى حتى البرسيم. احنا : عندنا بحرين . هما: فيهم وفيهم. احنا : عندنا زراعه. هما : ما عندهم اراضى بس بقوا بيدونا من زكاة الزروع والحمد لله. احنا : عندنا بحيرات مالحه وعذبه. هما : البحر لو عندهم يبقى كويس. احنا : عندنا سياحه بسبب الفراعنه. هما :عملوا سياحه. احنا : عندنا جو جمييييييييييييييييل . هما : عندهم الجو اعوذوا بالله. احنا : عندنا جبال كلها خامات وثروات معدنيه. هما : عندهم جبال بس بتزود بوظان الجو بس. احنا : حكومتنا زباله وبتخرب فى البلد. هما : حكومتهم حكومه محترمه جدا وبيحاولوا على قد ما يقدروا ينهضوا بالبلد. احنا : جتنا خيبه . هما : ياريت نبقى زيهم . وكما انا قلتها قبل ذلك. جتها خيبه اللى عايزه خلف. واقعدوا بالعافيه. اتفووووووووووووووووا

اهم الانباء

من الفندق اللى مش فكر اسمه ايه ، احيييكم ..... واحب ان اقول لكم ، ا نى والحمد لله ............ وصولت الى مطار جده بامان الله ....... هو صحيح انا لغاية دلوقتى مش عارف انا جاى هنا ليه ...... بس الحمد لله عرفت اجى ....... واكيد هعرف انا جابونى على وشى ليييه ............ فيه حاجه اسمها انت مسافر كمان شويه جده ...... هو انا رايح شبرا البلد !!!! ما علينا ..... خير ان شاء الله ........ عموما ، هل الايام هتعدى كده؟! هل هتحصل مغامرات ؟!! هنشوف بس انا واثق ان فيه جديد اكيد عموما ، كان هذا الموجز وستأتيكم الاخبار بالتفصيل. كان معكم ويكا ابو العافيه .... من اللاب توب اللى مش عارف بتاع مين هو كمان والله (موجز بقى).,..... من الفندق اللى مش فاكر اسمه ....... وااعدوا بالعافيه اممممممه

كله بيلعب بكله

انا مش هتكلم عن اوباما ، اللى جاى يستعبطنا وياخد منا اللى هوه عايزه بمزاجنا من غير ما يصرف ولا مليم. ولا عن الحكومه اللى منفضالنا ...... واللى ناسيه ان فيه شعب من اساسه . ولا عن اى حاجه من دى ...... انا النهارده هتكلم عننا احنا ...... كلنا مفكرين اننا مفتحين ..... وفاهمين ...... وانا بقول.....

بالعكس تماماً ابستلوتولى يعنى (absolutely) .......

كلنا مغفلين .............

كلنا بنضحك على بعض ..... كلنا بنخم بعض ......... كلنا بنشتغل بعض ........ مش مصدقين ؟؟؟؟؟!!!!!!! طيب الراجل اللى بيشحت وبتقابله فى الشارع ويقعد يعيطلك ويدعيلك ده!! فعلاً غلبان ؟! الاجابه : لاء ده كان فى الاول غلبان .... اما دلوقت ......... المحلات اللى لو انت دخلتها بعد ما ركنت عربيتك قدامهم علشان تشترى بنطلون الواد والبت عيالك يغيروا فيه مع بعض ......

وييجو لادعينك على قفاك ومدفعينك تمن البنطلون تلاته ......

بعد ما يعظمولك ويفندمولك .....

دول مش بيدبوك برده على لاموأخذه قفاك؟!! بلاش ده كله ، لان ده كله لعب عيال ............. تعالى بقى للى بجد الناس اللى فتحين مواقع ومنتديات ومدونات ...... وعمالين يعملوا استفتاءات وحوارات ....... وانت طبعاً الراجل المثقف اللى بتفهم فى كل حاجه ...... وبتعرف كل حاجه ....... وسى ابو العريف .........

والمسكين اللى مالكشى حضن يلمك ...... ولا اب كمان ......

فبتدخل تدب كل اللى فى نفسك وفى عقلك .......

وما انتش عارف هو هياخد الكلام ده كله ويروح بيه على فين!!! ده بقى مش بس بيدبك لا وبيدب اللى يتشددلك على قفاك كمان ......... انت عارف هو ده مين؟!!

ولا بيسأل الاسئله دى كلها ليه ؟!!

وهيعمل بيها ايه؟!! انا مشيت مره فى موضوع زى ده ، وللاسف ناس كتير مشيت فيه برده ........ انا مشيت فيه لاسباب معينه كنت عايز اعرفها ........ بس (بصراحه) ...... ما وصلتش لاى حاجه ....... ففرملت وقلت استنى بقى شوف اللى هيحصل ...... وفى النهايه ......

...................

.......... ما حصلشى حاجه ....... الناس كلها فضت اهم واعز اسرارها ، و فى الاخر ................... (نقط بجد) ما حصلشى حاجه ..... كل اللى حصل (انه حصل survey ) مسح كامل وشامل لكل اخوانا المدونين الغلابه اللى على نياتهم......

اللى للاسف كانوا معروفين واحد واحد مع انهم مش بيكتبوا اسماءهم ..........

لدرجة انى لو كنت عايز اكتب اسم واحد واحد فيهم مع انى ما اعرفوش كنت كتبته..........

احنا دايماً للاسف ، بنحب ناخد جنب المضحوك عليهم ......

لانهم هما الغلابه ....... لان الغلابه يدخلون الجنه.....

اقولكم حاجه .......

جتنا نيله فى حظنا الهباب.

ملحوظه : المقال ده انا عارف ناس كتير مش هتفهمه ، لكن فيها ناس تانيه كتير برده هتفهمه ........

وهو ده اللى انا عايزه................

ملحوظه كمان : علشان ما اظلمشى حد انا حاولت محاوله كده اتاكد بيها .

بس للاسف باءت بالفشل من كل المستويات اللى خلتنى فى الاخر اقول ......

الفقراء يدخلون الجنه ......

وجتنا نيله فى حظنا الهباب تانى مره

خدوا بالكم من قفاكم يا خوانا .

ويالااااا

ااعدوا بالعافيه .....

امممممممممممممه

الست ، الست

الموضوع ده جالى على الايميل ، وكأن اللى باعته كان عارف انا كنت هكتب ايه بالظبط النهارده والله . علشان كده انا هنقله زى ما هو . وابقوا اعتبروه ان انا اللى قلته ، بس برده مش انا اللى كاتبه اهه ، علشان عارفكوا تموتوا وتهدو النفوس . يعنى ما حدش يعمل عليا اى اسقاط ، مش انا خالص انا مراتى الحمد لله ، عظيمه ، عظيمه ، عظيمه. اعظم عظمات الستات. ماشى؟!! عالله حد كده يجرئ ويفكر انى بتكلم على اى واحده اعرفها ، انا بتكلم على كل الستات اللى ما اعرفهمش طبعاً.

الستات من وجهة نظر واحد معقد من الستات

***********

الست زى عربية الإسعاف.. لما تفتح

السارينة لازم توسّع لها.

الست زى التليفزيون.. من النادر

انه يعرض الحاجة المناسبة في

الوقت المناسب..

الست زى الحكومة .. دايما محتاج

معجزة علشان تعرف تغيّرها.

الست زى الطريق الصحراوي .. الغلطة

عليه بحادثة.

الست زى نادي الزمالك .. جمالها في

ضعفها.

الست زى الشتيمة ... بتلف تلف و

ترجع لصاحبها.

الست زى الكتاب الحلو .. أول ما

تخلصه تبقى عايز ترجع تقراه من

الأول تانى.

الست زى العيد الكبير .. الاتنين

ماينفعوش من غير وقفه.

الست زى المسمار .. الأتنين مايجوش

غير بالدق.

الفرق بين الست زمان والست دلوقتى

.. هو نفس الفرق بين الجنيه زمان

والجنيه دلوقتى.

الست زى كتب الفلسفة .. كل ما تيجى

تدوّر على إجابة تتورط في أسئلة

جديدة.

الست زى جهاز الكمبيوتر .. ماحدش

يعرف هيا بتشتغل ازاى غير اللى

عملها.

الست زى شاحن الموبايل .. معظم

الوقت مالوش لازمه، بس فى لحظة

بيبقى كل حاجه.

مصر العزيزه

تصدقوا بالله ...... انا ما اقتنعتش اننا بلد عالم تالت ... ويمكن خامس كمان الا قريب .... يدوب من كام سنه كده ..... اه والله ... اصل انا كان ديما عندى نظرية المؤامره ...فكنت شايف دايما انهم بيسموا مصر عالم تالت كذباً وافتراءاً. وكنت شايفها ام الدنيا ..... واحياناً ابوها كمان ....... وان العالم اللى بره دووول ما يعرفوش حاجه عنها .... وبيكرهوها وخلاص ...... لكن الحق يتقال ، مصر هيه امى ...... مع انى مش عارف ليييه ؟! بس هيه امى وخلاص...... بس للعلم انا عندى ام كمان والله تانيه احتياطى يعنى ، لو انها هيه اللى تعبت فيه ...... بس برده مصر هيه اللى امى وما حدش يقدر يقول غير كده لاحسن انتوا عارفين...... ما تقولشى ايه اديتنا مصر ..... وعلى فكره انا ليه عمام كتير كمان وابهات ، اه طبعاً مأمور القسم بتاعنا ، عمى . سيادة اللواء النقيب الرائد امن الدوله اللى بيحرس مصر من الاوباش اللى زى حالاتى فى منطقتنا ، برده عمى. حتة العسكرى اللى ماسك البتاع الراديو اللى فى ايده ده برده عمى . مديرى فى الشغل هو كمان من النهارده لازم يبقى عمى , دا حتى الا ده. الريس جد جدى مش عمى بس. شيخ مسجد الاوقاف اللى جنبنا ، اللى فى البلد بالذات اللى لما حبيت اقوله ان اللى بيعمله ده بدعه ولا يجوز ، ويقوم هو يهددنى من فوق المنبر يوم الجمعه بأمن الدوله ، ده يبقى برده عمى . مع اعترافه على المنبر برده ان اللى هوه بيعمله ده مكروه بس عادى يعنى هو احنا هنبقى احسن من النبى ؟!! ده كلامه والناس عماله تهز دماغها ومبسوطه ، ان ده مكروه ولا ايه مش عارف والله . مع انى مش فاهم ايه العلاقه بس برده عمى. العسكرى اللى شاورلى امبارح فى ميدان رمسيس من خلف القضبان الحديديه اللى بيحبسو فيها الناس علشان ما يعدوش ، علشان اعدى بعربيتى مع ان الاشاره حمرا ، ده برده يبقى عمى . بس لو رحت لقيت وانا بجيب شهادة المخالفات مخالفه اسمها كسر اشاره هيبقى مش عمى ، ولا حاجه ، هيبقى لموأخذه ابن ............. كل العساكر اللى شاورولى امبارح بصراحه انى اعدى بعربيتى والاشاره حمرا دووول كلهم عمامى. اساسا انا ماشفتش اى اشاره مش لونها احمر امبارح اساسا الا ما رحم ربى وكانت برده مقفوله او مفتوحه تبع الاسطى العسكرى برده مش تبعها. الاجمل بقى ان الكلام ده فى القاهره عاصمة مصر ، لاء وايه وفى اهم ميادين فيها. عموما القاهره دى بقى امى . وماما سوزان مبارك طبعا امى. والست بقى مشيره خطاب ، اللى محرمه ختان الاناث كده وخلاص ومصره ان الدين الناس كلها فهماه غلط الا هيه ، دى بقى عمت الكل مش عمتى وبس. مش دى اللى ناويه تولع البلد ، يبقى عمتنا كلنا ، يلا خليها تبقى مليطه. وفاروق بيه حسنى ( ابونا) وما ينفعشى اقول غير كده . مفيش حاجه فى الاسلام عجباه يبقى (ابونا) طبعاً. والغريب برده انه لسه موجود لا مات ولا اتعزل من منصبه. انا اطلع والله الاقيه. ووزيرالمواصلات المتكسره واللى عايز يغيرها بعربيات جديده كتر الف خيره ، بس طبعاً يكون نوعها شيفروليه . علشان دى احسن نوع بيحافظ على المظهر الحضارى .(ملحوظه ده اكيد كلامه مش كلامى لان شيفروليه شركته مش شركتى). برده عمى. ولا وزير النقل والمواصلات ولا الطرق والكبارى ، كلهم عمامى ، لان مع ان الطرق كلها فى مصر بقالها اكتر من 4 خمس سنين ما اترصفتش ولا اتعدلت ، الا ان العربيات كلها عارفه لسه تمشى عليه ، فده اكيد انجاز. شكرا مصر شكراً عمامى وما تقولشى ايه اديتنا مصر قول انت اديت ايه ، جتك النيله. لمصر اقلكم اقعدوا بالعافيه اممممممممه يا اخوانا: انا لو اتأخرت شويه ، يبقى رحت ازور العيله واقعد معاهم شويه واحتمال ما ارجعش. عموما ربنا يستر.

ياخى حاجه غريبه

- الحمامات العامه....... -نعم ؟!! اشمعنى ؟!! -انت هتخشلى قافيه .....ما علينا.... اقلك اشمعنى . عمركشى دخلتها وما لقتشى كلام مكتوب على قفاها؟! اقصد على ضهرها ؟! طبعا مكتوب ..... اساسى هتلاقى مكتوب تعليمات ارشاديه يا اما كويسه وتحض على مكارم الاخلاق ، يا اما زى الــ ..... بيبى (بحكم المكان يعنى ) وقليلة الادب ، بس فى النهاية بتبقى تعليمات . ثم هتلاقى تحت التعليمات "تعليقات" على التعليمات. المشكله ان مش دى الغريبه ، لان خلاص اتعودنا على وجودها لدرجة اننا ما بقيناش نستغرب .... الغريب فعلا انها نفس الكلام بنفس التعليقات سواء فى القاهره او الاسكندريه او السويس او الاسماعيليه او العريش او جمصه . الشركه او المدرسه او الجامعه نفس الكلام هو هو ..... ليه؟! انا ما اعرفش ، طيب ليه بيكتبوا كده ، مش فاهم .... بس اكيد عقده بلاش دى ..... اصل احنا يا مصريين عندنا مواهب وحاجات غريبه بصراحه .... وطباع اغرب واغرب يعنى مثلاً لما واحد يدخل عليك فجأه تلاقيك طوالى سأله سؤال تعجيزى وهو ( ايه ده ؟! انت جيت؟!) مع انه لسه هييجى . او مثلاً لو واحد بيرن جرس على حد وانت جيت عليه ، بتسأله هو مار دش؟! يقولك لاء تيجى انتى برده رانن الجرس على طوووول ، ( وكأنك بتقول للراجل اللى واقف اجرب انا يمكن يكون اللى جوه مستهفقق ولا حاجه). الاجمل والاجمل بقى لما تسأل واحد فى الشارع وبالذات فى القاهره على مكان معين (فيقوم يوصفلك ) فتسأل واحد وراه على طول بعد متر واحد او اتنين والله تلاقيه واصفلك حاجه تانيه خالص خالص ...... يعنى لو الاولانى قالك شرق يبقى التانى يقلك غرب ........ بلاش دى كمان الحته النفخ بقى لو قاعد فى اى مكان ولقيت حوار بين اتنين ورميت ودانك اللى هياكلهم الدود دول معاهم ، ويكون الحوار عن حاجه حصلت بين افندى منهم وبين واحد تانى ..... لازم تسمع كلمات ...... (بس على مين) ....( مش انا ) ..... (دا انا والله كنت .....). والغريب ان كل الشعب بيقول برده كده ..... واضح اننا مستوردين ناس من بره نضربهم على قفاهم بدل ما نضرب بعض ...... ( مهو اصل مش على حد فينا). بص ياعم الحج احنا شعب غريب .... وتصرفاتنا مع بعض اغرب. ايه اللى خلى" القاف" " الف " انا مش فاهم . يعنى بدل "القلم" يبقى" ألم" وبدل " الجيم" "قاف" مش ادر افهم بصراحه. عموماً اتمسوا بالخير . لحسن انا خلاص فصلت واحتمال اكلى كام حرف على كام كلمه انا كمان من شوية الحروف المتبقيين لى . اه صحيح بمناسبة الحروف : بيقلك مره واحد ألدغ فى كل الحرف الا اربع حروف (فينادى على حسام يقوله يا تامر) ااعدوا بالعافيه امممممممممممه

عزاء واجب

بكل الحب والتعاطف اعزى الجد وليس الرئيس / محمد حسنى مبارك لوفاة حفيده محمد اسأل الله ان يثبته ويثيبه ويهديه بفضل اخد اعز ما يملك . ولا نريد ان نربط ابداً بين حسنى مبارك الانسان وبين حسنى مبارك اللى سايبها تخرب لغاية ما الخراب نفسه زهق. نحن لا نشمت ابداً فى موت الاعزاء ولا المسلمين. بل نحن شعب اصله الشهامه ، وان كانت بدأت ان تتلاشى مع الزهق والقرف. الا اننا فى الاصل عرب ولم ولن نتخلى ابداً عن شهامتنا ، ولا اخلاقنا العربيه والاسلاميه. فلقد ورثنا الاخلاص والرجوله والوفاء فبكل الحب والاعتزاز والوفاء نرسل تحياتنا وامنياتنا بحسن الصبر والسلوان.