كل عام و انتم طيبين

 

كل عام وانتم يخير

الساحل الشمالى

ما كنتش اتخيل انها هتبقى جامده كده 

ما كنتش اتخيل انها هتبقى رائعه كده

ما كنتش اتخيل انها كانت هتبقى ممتعه وساحره كده

لابد من مره كمان وبسرعه

كمــــــين

امبارح وانا راجع من الهايبر انا واصحابى ,...... بلف الصنيه فجأه لقيت كمين ..... فى مكان غير معتاد بالمره ...... المهم هديت وقربت من الكمين وكلى ابتسام .... ما البلد بقت بتاعتنا بقى :)) وكل ما ندخل كمين الظابط يقولنا عدى بكل ود واحترام ...... عكس ايام تانيه خاااااااالص 
المهم ..... الظاهر امين الشرطه اللى كان واقف مش من الظباط اللى كانوا بيقولولى ادخل دول .... ابسلوتلى 
واضح انه شفيق موووووت 
المهم انا هديت على اساس اديله فرصه يتملى فى سحنتى الطيبه السمحه دى فيعرف انى مش من اياهم فيقولى ادخل ( عدى يعنى) ..... بس الواضح انى توقعى كان فى غير محله ...ووقفنى 
وقالى الرخص ...... بينى وبينكم قلبى وقف ...... اصل اخوكم هايص مع الهيصه وما جددتش من فتره طويله ..... المهم قولت جالك الموت يا تارك الصلى 
فقلت اتلطف معاه كده ومش وقت تناكه لعل وعسى يطنش 
فقلتله انتوا واقفين كده ليه انا اتخضيت والله 
فقالى وانا حاسس انه بيكز على سنانه .... : علشان نظبط الامن ياباشا بقى ..... علشان المية يوم انت فاهم ...... قالها بكل غل كده ان مرسى نجح يعنى ...... المهم قلت طب والله لاغيظه  وبعدين دى فرصتى اغيظ حد بقى بقالى فتره ما حرقتش دم حد ..... قلتله : اه طبعاً ... ان شاء الله الامن هيرجع طبعاً وكل حاجه هتبقى تمام .... ورجعت افتكرت الرخصه ... فقمت كملت بسرعه ... ( وبيكم طبعاً معانا ) ..... هههههه .... بص فى الرخص وادهوملى تانى وقالى اتفضل 
اصحابى بقى لما عرفوا ان الرخصه منتهيه زعلوا وقالولى افرض يبنى كان سحبها ....
قلتلهم بكل ثقة اللى ( نفد بجلده خلاص ) .... ياخد ميييين يبنى .... دا كان زمااااااان ...... دول مباحث مش مرور ... كان يستجرى يسحبها او يكلمنى حتى ..... الطوارئ خلصت ياريس .....
فسكتوا الاتنين .... وانا بقول فى سرى ..... ( احمدك واشكر فضلك يارب .... اناه عدت على خير ) ههههههههههههههههه
البينى ادام دعيف أساحبى 

اوحش احساس

عندما ينتابك شعور ما 

لن يفهمه الا احد ما 

هذا الــــ ( احد ما ) هو الوحيد الذى لا تستطيع ان تحدثه 

انا مسامحكم .... سامحونى

قال صلى الله عليه وسلم:

"في ليلة النصف من شعبان يغفر الله لأهل الأرض، إلا لمشرك أو مشاحن" __ (حديث صحيح)
فاللهم إنا نعوذ بك من أن نشرك بك شيئا ونحن نعلم ، و نستغفرك لما لا نعلم ونسألك اللهم أن تصلح ذات بيننا وأن تألف بين قلوبنا وأن تغفر لنا ولجميع المسلمين ، آمين 

 

اقسم بالله العلى العظيم انى الان لا احمل فى قلبى اى شئ ... اى شئ ... لأحد مهما كان لا  شحناء ولا بغضاء او حتى  عُتب 

فأنا اليوم بل الان اسامح الجميع على اى شئ نالوه منى 

انا اليوم احبكم جميعاً ..... من كل قلبى واسامحكم .

احبكم .... بملأ قلبى ..... وروحى ..... فروحى تحلق بكم وبذكركم اعلى مراتب السماء الصافيه الخالصه

وأسأل الله ان تكونى لى بالمثل 

سامحونى .... وتصدقوا على ..... 

فما الدنيا ببعيده .... ولا غاليه 

 ولو انها تساوى عند الله جناح بعوضه ما سقى فيها مشرك شربة ماء 

سامحونى .... واعذرونى ..... وتصدقوا على 

ولو استطعت ان اذكر كل من اخطأت فى حقه واحداً واحداً لاستسمحه هنا على الملأ لفعلت ..... الا انه حفاظاً على حقهم وحيائهم فسألتزم الصمت وارجوهم بغيرما اسم ان يسامحونى 

جزاكم الله خيراً ..... وألحقنا الله برمضان وجعلنا ممن غفر لهم باذن الله تعالى 

والسلام عليكم ورحمة الله وبركاته

 

ويكا ...... وكلام انتيكا

ابتسم حتى تجعل للدنيا وجود

**********************

ضحوا من اجل غيركم حتى تشعروا بوجودكم وتجعلوا لحياتكم قيمه

**********************

 احترموا انفسكم بحسن الشيم .... ورفعة الهمة والشهامه 

حتى تستطيعوا ان تقفوا امام صوركم فى المرآه مبتسمين .....  شامخين 

**********************

لا تذبحوا رقبة الرجل بالثناء 

انه موظف لديكم 

ويجب عليه ان يكون من خياركم وليس تفضل منه 

فأعينوه ما اصلح ..... وقوموه ما اخطأ 

ولا تجعلوا صوره فى بيوتكم ولا امام اعمالكم 

فلسنا فى حاجه الى فراعين جدد 

ويكفينا ان نكون عباد الله مخلصين فى اعمالنا وان نتقى الله فيما امننا عليه

وان نصلح فيصلح الله علينا رئيسنا

وادعوا له بالتوفيق والسداد 

فتوفيقه يعنى توفيقكم وصلاح امركم

و خطأه يعنى فساد ذات بينكم 

فالله الله فيه 

ولا تعجلوا عليه فيفشل 

ولا تتباطئوا عليه فيتجبر ويهمل 

و اصدقوا القول والكيل 

ولا تبخسوه اشيائه 

واصدقوه النصيحة والعطاء

**********************

المرأه كائن ضعيف 

قادر على قهر اقوى الرجال 

**********************

ودان مراتك ..... ودان مراتك ..... ودان مراتك 

فهذا هو مفتاحها ..... وسر جنونها

**********************

الحاجه .... شئ صعب 

والدَين .... شئ اصعب 

**********************

المحبة فى الله ..... الاصدق و الادوم

المحبة فى الله ..... لا جزاء لها الا الجنه 

**********************

شئ جميل 

رائع 

مبهج 

خلاب 

عبقرى 

سعيد 

مضحك

ههههههههههههههه

ههههههههههههههههههههه
مضحك جداًُ 
الله 
رائع .... رائع  
:))
اريد ان ابتسم 
اكثر .... اكثر 

انا ابتسم الان 

وانت ايضاً 

هكذا سحر الكلمات الايجابيه 

انتقى ألفاظك 

تكن سفيراً للسعادة 

وتقتنى قلوب الناس 

**********************

امسك قلم دلوقتى حالاُ 

.

.

.

.

.

بقولك امسك قلم الله !!!

.

.

.

.

.

.

 برده ما ممسكتش قلم !!!!

انت فعلا كسلى 

 .

.

.

طب مش قايلك اللى كنت هقولهولك 

والله كانت حاجه مهمه 

 تستاهل 

بطل كسل بقى .... 

**********************

غمض عينك كده ..... اظن دى بقى سهله 

بس استنى ما تغمضشى دلوقتى حالا امال هتقرى المطلوب اذاى ؟!!

غمض عينك 

وتخيل نفسك مديرك 

وشوف كده اول كام شئ هيجى فى بالك انك تعمله ايه كده ؟!

اتمنى اللى يقرا الكلام ده دلوقتى يسيبلى كومنت فيه ايه اللى جه فى باله يعمله 

 لو كان مكان مديره 

حتى ولو تعليقات بمجهول 

**********************

انتهى علشان اسيبكم تعملوا التدريب الاخير ده 

وتعليقاتى تابعوها عليه لانها مهمه شويه للى حابب يكتشف شئ 

سلام

سحر الكلمات

لا شك ان استخدام المفردات هو شئ حساس وله تأثير كبير فى تغيير مجريات الامور فقد تستخدم الكلمه ولا تأتى بالتأثير المرجو بل وقد تأتى بالعكس تماما. فى حين انك لو اجتهدت قليلاً فى انتقاء الكلمات فقد يكون لهذا بالغ الأثر فى نفس محدثك بل وقد تحصل على اكثر مما تريد.

قصه:

كان هناك رجل أعمى جالس على الرصيف يستجدى الناس المساعده كاتباً على ورقه بجوارة  :  " أنا رجل أعمى... فساعدونى "   فكان الناس يمرون عليه فمنهم من يتعاطف معه ولا يعطيه شئ غير التعاطف الخفى ومنهم من يتعاطف ويلقى له بالقليل من النقود , ومنهم من يعتبره أفاق قد يكون يدعى العمى.

فمرت به إمرأه فلمحت لافتته إلا انها تعلم مدى تأثير سحر الكلمات , فلم تقدم له النقود  بل قدمت له ما هو أفضل من النقود

( قدمت له سحر البيان وقوة التأثير على الأخرين بإنتقاء اللفظ).

فأخدت الورقه وكتبت عليها بعض الكلمات الجديده ووضعتها مره اخرى أمامه...

فإذا بالناس ينهالوا عليه بالعطاء والنقود طوال اليوم , و اذا بالمرأة تعود مرة أخرى أخر اليوم... فعرفها الأعمى.... فسألها ماذا كتبتى؟؟؟

قفالت له : " فقط .... كلمات مختلفه"

و إذا  بالمكتوب : " ياله من يوم جميل .... إلا إنى لا استطيع أن أراه".

فهذه الكلمات استطاع أن تنقل للناس مدى الخير الذى يرفلون فيه دون حقد منه ولا حسد, فما كان من الناس الا أن أرادوا تعويضه عن شئ يمتلكوه ولا يمتلكه مثلهم, فقد جعلهم يرون مالم يكونوا يرونه من نعمة يرفلون فيها ولا يعبئون بها بكل حب وصدق منه بكلمات بسيطه قليله.

فتحركت مشاعرهم نحوه .... واقبلوا عليه .... معوضين له عن نعمة الإبصار .... التى شعروا بقيمتها ايما شعور بمجرد قراءة تلك الكلمات .... عشرة كلمات ان صح التقدير الا انهن عبرن عن الكثير والكثير ...

عبرن عن مدى اشتياقه للاستمتاع بالألوان .... والحركات .... مدى رغبته فى مخالطة عقله لمظاهر الحياة كاملة دون نقصان عن طريق رؤية الاشياء هى كما هى دون جهد جهيد فى محاولة منه بائسة فى تخيل الامور و الاشياء أشكالها و ألوانها .....

لقد بعث لهم رسالة مفادها ..... كم ان يومكم جميل .......... و كم انتم محظوظين لقدرتكم على الاستمتاع به .....  الا انى لا استطيع ان اشارككم هذه البهجه ...... لفقدان اعز ما يملك المرء

فكانت الكلمات البسيطه القليله ذات معانى كثيره ملهمه

هذا هو سحر البيان .... و آثر الكلام

فإختاروا كلماتكم بعناية شديدة .....

فبالكلمة قد تفتح حصون وقلاع  .....

واصعب القلاع تحصيناً .... قلاع القلوب

وئام النجار 

 

تحريرا فى الخميس  21/6/2012