الاثنين، 6 سبتمبر، 2010

قشعريره




استشعر بشده عظمة ربى للحظات ..... عندما تفكرت باهتمام فى رأيه فيما افعل الان ......
فان لم اكن اخشاه فيما افعل ..... فمن اراعى ؟! وبمن اهتم ؟!!
اشعر بقشعريره تسرى سريعه خفيفة فى جسدى .......
تمتد بدأ من صدرى الى باقى جسدى الى ان تصل الى اطراف اناملى ......
تسرى كسريان موجة هادئة سريعه ..... او كنبضة كهربائيه منشطه .......
اتذكر سريعاً فى بنات لحظات ، فيما فاتنى من فضل ......
اندم .....
ابتأس .....
اشعر بفشل ......
فلطالما تكاسلت فى عمل الواجب المدرسى ....... وكل واجب .....
ارغب ان تدمع عينى لعلى اطمأن انه لازال بريق امل فى قلبى ......
تهرب منى الدمعه ...... وتتلاشى .....
فقد ضنت علي مقلتى بإعطائى بصيص امل في نفسى ......
سكنت كثير من جوانحى واستسلمت ...... ليس لرب الكون الذى ارجوه .... او اخاف من تقصيرى امامه .....
لا ......
بل انهزاماً امام ما فاتنى ...... ومما لم اُحَصل ...... كما حَصَل الكثيرون من حولى ......
قضى عليﱠﱠ حين اجابنى ...... "على الاقل ان لا نكون فى معصيه حينها " ......
فكان حديثى معه على فوات الطاعه .......
فاسقط قلبى فى يدى حين اجابنى ...... واشعرنى بمدى حقارتى ..... وخسرانى .....
فأنا لم اكتفى بفوات الطاعة فقط ...... بل اجترأت على شؤم المعصية ايضاً.......
لقد كسبت كل الفوت ....... واجتهدت على الا اترك منه شيئاً ......
هل ياترى يمهلنى ربى لأرجع ...... ام يمدد لى لأقرع .........
هل يا ترى فاتتنى الفرصه ........ام ...... برحمته تركها لى فى اخر لحظه ؟!!



وَآخَرُونَ اعْتَرَفُوا بِذُنُوبِهِمْ خَلَطُوا عَمَلاً صَالِحاً وَآخَرَ سَيِّئاً عَسَى اللَّهُ أَنْ يَتُوبَ عَلَيْهِمْ إِنَّ اللَّهَ غَفُورٌ رَحِيمٌ

نسأل الله ان نكون منهم


هناك 34 تعليقًا:

Ramy يقول...

ويكا

أزيك

عارف مجرد الأحساس دة جواك يدل أن انت لسه بتحب ربنا و خاشع منه

وصدقنى ربنا عمره ما هيسبك هيساعدك

لم تفت الفرصة

بل بدأت و وضحت

ويكا ربنا بيحبنا

ربنا معاك و يوفقك

Ramy يقول...

ما انا برضه على فكره عندى واجب بس مش عارف احله

من شخصين و نفس الواجب الحمد لله

يلى شد حيلك

و انا اهوا قدامى الوجب

و مش عارف احله مش عارف اغشه حتى (:

mrmr يقول...

انا مش ح اعلق كتير
لكن كل اللى عايزه اقوله ان ربنا قلبه كبير ورحمه واسعه
وديما يعطينى الفرصه فهى متاحه لنا بس المهم اننا نغتنمها قبل فوات الاوان

فالفرصه مازالت امامك ايها العبد ولك حريه الاختيار

ويكا يقول...

ملحوظه :

انا عارف ان عليا واجب ، وما كنتش ناوى اكتب اى شئ قبل ما احله ، بس معلش بقى طلبت كده.
وبما انى مش بحب عمايل الواجب طول عمرى وكنت بنفض ومش بكتبه.

فأنا برده ان شاء الله هحل الواجب ده (ولو انه صعب شويه).

قريباً ان شاء الله.

الحب الجميل يقول...

قشعريرة جميله بجد
ان الله غفوا رحيم
لم تفوتنا الفرصه طالما مازالت الروح موجوده
الندم على فعل أو شىء يقال دا فى حد ذاته شىء كويس
ربنا ينور لك بصرتك ويزيد التقوى فى قلبك
بارك الله فيك


وَآخَرُونَ اعْتَرَفُوا بِذُنُوبِهِمْ خَلَطُوا عَمَلاً صَالِحاً وَآخَرَ سَيِّئاً عَسَى اللَّهُ أَنْ يَتُوبَ عَلَيْهِمْ إِنَّ اللَّهَ غَفُورٌ رَحِيمٌ
نسأل الله ان نكون منهم
اللهم أمين
اللهم أمين

بت خيخة وأي كلام يقول...

انا شايفة ان القشعريرة دى ماهى الا حالة من صحوة ضمير الانسان اللى عارف ربنا واللى طول عمره بيتحرى رضا ربنا فين ويروحله


عارف يا وئام
لو بتتكلم عن نفسك فاحب ابشرك انك من الناس النضاف
اصل البنى ادم النضيف من جواه
هو اللى اول ما يعمل غلط او خطا
تلاقيه بيحس بندم وقرف من اللى عمله
مهما كان صغير
بيبقى عنده حتة اسمها
يستعظم الذنوب


تعرف
انت فكرتنى بنفسي ايام شبابى
كنت مجرد انى اعمل ابسط الذنوب كنت بغرق فى حالة من تانيب الضمير رهيبة

دلوقتى للاسف
بغرق فى حالة تانيب الضمير بس بعد ما اكون عكيت الدنيا اوى


بوست جميل
وعامل زى القلم اللى بيفوق الواحد
علشان يلحق نفسه

تسلم ايدك


سلام
اختك خيخة

Noha Saleh يقول...

ارغب ان تدمع عينى لعلى اطمأن انه لازال بريق امل فى قلبى

فعلا ساعات كتير بيكون عندى الاحساس ده
لانه بيخلى عندى امل ان قلبى لسة كويس
ربنا يرحمنا برحمته ويجعل قلوبنا عامرة بالايمان

موجة يقول...

خير الخطائين التوابين يا ويكا
ربنا يجعلنا من التوابين يارب والمتطهرين
امين

ستيتة حسب الله الحمش يقول...

بوست حلو قوي
ورده هنا

عَنْ أَنَسِ بْنِ مَالِكٍ رَضِيَ الله عَنْهُ قَالَ: سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ: "وَالَّذِي نَفْسِي بِيَدِهِ أَوْ قَالَ وَالَّذِي نَفْسُ مُحَمَّدٍ بِيَدِهِ لَوْ أَخْطَأْتُمْ حَتَّى تَمْلَأَ خَطَايَاكُمْ مَا بَيْنَ السَّمَاءِ وَالْأَرْضِ ثُمَّ اسْتَغْفَرْتُمْ اللَّهَ عَزَّ وَجَلَّ لَغَفَرَ لَكُمْ وَالَّذِي نَفْسُ مُحَمَّدٍ بِيَدِهِ أَوْ وَالَّذِي نَفْسِي بِيَدِهِ لَوْ لَمْ تُخْطِئُوا لَجَاءَ اللَّهُ عَزَّ وَجَلَّ بِقَوْمٍ يُخْطِئُونَ ثُمَّ يَسْتَغْفِرُونَ اللَّهَ فَيَغْفِرُ لَهُمْ".
أخرجه أحمد ( 3 / 238 )، وحسنه الألباني (السلسلة الصحيحة 4 / 594 ).

هو الرحمن الرحيم سبحانه اللي أملنا في رحمته دنيا وأخرة

تحياتي

صاحبك يقول...

تسلم ايدك وحشنا الكلام اللي نعرف نعلق عليه ربنا اغفر لنا ولاخواننا الذين سبقونا بالايمان ولا تجعل في قلوبنا غلا للذين امنوا.ربنا اغفر لنا ولاهلينا ولمن دخل بيوتنا مؤمنا بك ولاصحابنا واصحاب الحقوق علينا

ويكا يقول...

رامى

شكرا كتير على الدعم النفسى

ويكا يقول...

رامى

الواجب ...... ااااه
ربنا يستر

ويكا يقول...

مرمر

نعم مازالت متاحه ، ان شاء الله

ويكا يقول...

الحب الجميل
غفوا ؟؟!
طب دى بقى (عفواً - ولا - غفوراً) ، ولا دى الاتين فى بعض.
هههه
الله يكرمك يارب

واللهم امين ... امين ... امين

جزاكى الله خير.

واللهم اجعلنا من التوابين الاوابين

ويكا يقول...

خيخه

مش عارف اقولك ايه.

بس انا عجبنى جدا فكرت استعظام الذنوب ، لانها هى المحرك الرئيسى للصلاح.
خيخه
انتى نسانه نضيفه جدا جدا من جوه وانا عارف ، وان شاء الله انا واثق انك هشوفك ارهابيه كبيره قد الدنيا قريب جداً :)

تحياتى لكى وحضورك وانصرافك هاخده بنفسى.

ويكا يقول...

نهى صالح


الانسان بلا دموع ، كصخر فى صحراء قافله ، لا يرجى منه خير

احسنتى واكرمنا الله واياكى بدموع الندم والتوبه

ويكا يقول...

موجه

اللهم امين.

على فكره ، انتى ضحكتى علينا كلنا ولسه ما نزلتيش البوست

ويكا يقول...

ستيته حسب الله الحمش

جزاكى الله خير على التذكره ، ونفعنا بها واياكى.

اسعدنى وجودك كثيراً

ويكا يقول...

صاحبى

هههههه
يااااااه يا اخى ، دا انت واضح انك كنت مستنينى بفارغ الصبر.
طب اقولك حاجه ، وانا بقرا كلمة تسلم ايدك دى ، سمعت صوت واحد صاحبى معين بس.
هههههههههههه ، شكلك هو.

عموما

اللهم امييييييين يارب العالمين

الحب الجميل يقول...

ان الله غفوراً رحيم
أكيد

بت خيخة وأي كلام يقول...

اسمها فكرة استعظام الذنوب

وليس فكرت

التاء تكتب مقفولة


انا بتشل من الغلطات الإملائية

موجة يقول...

على فكرة انا قلت انى مش هنزل التوضيح فى بوست
لكن فى تعليق
والتعليق موجود
ابقى ادخل شوف كده

أم الخــلـود يقول...

اصحى يا نايم ووحد الدايم

أرجوا من المدونين الموقرين أن يضعوا شعار الحملة واسمها فقط فوقها

(حملة الجسد الواحد)

في الشريط الجانبي لمدوناتهم كدلالة على وحدة صف أمة محمد

http://dndanh111.blogspot.com/2010/06/blog-post_14.html

ومن أجل قيام الولايات المتحدة الإسلامية

http://dndanh111.blogspot.com/2010/06/blog-post_17.html

جعله الله في ميزان حسناتكم .. آمين

عمرو يسرى يقول...

مادمنا مازلنا نشعر اننا مقصريين اذا قلوبنا مازالت سليمه

اسلام طه يقول...

كل سنة وانت طيب يا بشمهندس .خلصت اعتكاف ولا لسة .

ويكا يقول...

موجه

علم يا فندم ، وسينفذ

ويكا يقول...

عمرو يسرى

اتمنى ذلك يا عمرو

ويكا يقول...

اسلام طه
وانت طيب يا دكتور

بما انك بتتريق ، فأنا عايز ابشرك بشرى غريبه ، كل ما ابقى مخطط اقابلك بالليل ، ارجع افضل نايم لغاية الساعه 2 بالليل .

هل ده له علاقه بانك دكتور ، او اى بنج او اى شئ؟؟؟
وعلى سبيل المثال لا الحصر.
انا مخطط من 3 ايام فاتت ان ليلة 30 دى ، انا وانت هنتقابل ونخرج.

وبرده للساع 2 يا معلم.

ارجوا تفسير هذه الظاهره.

ويكا يقول...

خيخه انا مش قلت مليون مره انا براجع بالعافيه

كيــــــــــــارا يقول...

الاول قبل اما اقرا البوست وقبل اما اقول كل سنة وانت طيب
فاعلن من موقعي هذا اني مخمثاااااااااااااااااااااااااااك

كيــــــــــــارا يقول...

تعرف الواحد خايف من ربنا اوي رغم انه بيحبه بس .. مش عارفه اقول ايه


كل سنة وانت طييييييييب ربنا يغفرلنا ذنوبنا :)

ويكا يقول...

كيارااااا

مخمثانى ؟!!

يانهار مدوحس ، يانهار اثود ، يا نهار اثود ؟!!

ازى ؟!
لا ما ينفعشى طبعاً ، معاش ولا كان ، قوليلى عملت ايه بس وانا املصلك ودانى.

كل سنه وانتى كيبه يا باشا ، وبرده مخمثانى ليييه؟

حـــواديت يقول...

ادام الله علينا اعيادنا دهورا
بها ومنها سعادتنا
وكل سنة والف سنة واسرة المدونين دائما وابدا بخير ورحمه وحب واكرام

كيــــــــــــارا يقول...

عشان فرحان فيا عاااااااااااااااااااااا

Related Posts Plugin for WordPress, Blogger...