السبت، 29 أكتوبر 2011

لم استطع تغييرها









حقاُ انا عنيد 
وعنيد لأبعد درجة 
ولدى اصرار عجيب ، قد يكون سبب فى يوم من الايام لنجاحى الباهر ......... او هلاكى العاجل 
ولقد اصررت كثيراً على اشياء صعبه ، بل وصعبه جداً
ودائماً ما كان يقابلنى النجاح فى النهاية مبتهجاً فاتحاً ذراعيه لى على مصراعيهما 
الا انى لم افشل مثل هذا الفشل المتكرر من قبل  ............ كمثل فشلى مع النساء 

لقد اثبتت لى التجارب والايام .... فشلى العظيم مع النساء 
فمنذ نعومة اظافرى وانا  ............. الواد .... الدون جوان ........ ..... هذا من وجهة نظرهن ......  وكثيراً ما كانت تقع فى غرامى فرست ليدى المكان اللى اتواجد فيه .............
واللى كان بيحفى عليها اتخنها شنب او بنطلون جينز ........... 
اما الحقيقه فقد كانت عكس ذلك ..............
 نعم ............
فما لم يعلمنه جميعهن ........
هو  اننى فـــــــــــــــاشل تماماً فى التعامل مع النساء 
فطبيعتى............ ضد طبيعتهن تماماُ تماماُ .............
فأنا عدو النساء الاول .............
 بالرغم عما يظهر علي فى اول تعاملاتى ............
 فقد يظننى الغريب عنى بل والقريب احياًناً انى اظهر كثيراً من الود إليهن ......
 ما قد يتهم دينى فى بعض الاحيان لديهم .......
فما من شك انه ان كان هذا اسلوبى فى العلن ، فماذا عن اسلوبى فى الخفاء ؟!! 
حتى زوجتى ( ولها الحق فى ذلك ) اظنها كانت تنظر بهذا المنظور إلى ............
اذا كان هو حسن المحيا والمقابله هكذا و بهذا الشكل من الود الزائد فى العلن وامامى ....... فماذا يكون سلوكه من خلفى ؟!! .......... ( والتفكير لها .......)
 واعذرها فيه .......... فهى لم تفهمنى جيداً الى الان ............ ولم تتعرف على زوجها جيداً ....... وهذا ما لم اعذها فيه و ألومها عليه .......
الا انهم جميعاً  ايضاً مخطئون .............. فهذا اقصى ما لدي ............ فأنا لا اجيد التعامل فى الخفاء ..........و ما لم تعلمه هى او هن او هم ............. انى اكثر جفافاً وعنفاً معهن فى الخفاء عكس العلن احياناً كثيره  ............. و قليل الذوق ........ احياناً اخرى ........... 

وده وبكل بساطه يرجع لعدة اسباب 
اعد اهمها لكم :
ضميرى ونفسى اللوامه - انى جلنف - ما عنديش خلق لدلع الستات المرق  - بكرههم لما تطلب معاهم غباء ببقى بعيد عنكم حماااار معاهم او طور - بتخنق وبيعصبونى بسرعه - لانهم غير منطقييين تماماً وانا منطقى جداً جداً ، فبنبقى زى المايه والنار مع بعض -
( بختارهم غلط )

وهى الاخيره دى مربط الفرس واصل الحكايه
بختارهم غلط .................... مقاييسى فى الاختيار غالباً غلط 
والدليل على كده ................. عدم نجاح اى علاقه ليا الى الان ........... ( ولا اقصد بعلاقه هنا انها حاجه غلط) ...........
لان انا اغلب علاقاتى كلها كانت بتنصب على جواز فى الاخر طبعاً ...... بغض النظر عن عدم مشروعيتها حتى ولو حسنت النيه ........ انا بتكلم عما مضى ............
 ( ايام الشقاوه يعنى ........ ايام على علكه واشرف كخه ) ............
والسبب انى بقول الكلام ده هو انى 

عايز اعلن على الملأ 
فشلى فى ترويد من احببت 

بالرغم من قدرتى ذائعة السيط فى عملى على  قدرتى على اقناع وتغيير الاخرين ..............
حتى اذا اعجز مديريى احد فى الترويد والتغيير كان يرسله لى تحت ادارتى ليحصل بعد وقت مقبول على شخص مختلف تماماً فى اروع صوره 
( بحسن المعامله وطول البال والمثابره طبعاً )
الا ان نتيجتى مع النساء على العكس تماماً فهى :

فشل ذريع ........... و النتيجه لم ينجح احد 

لم اوفق الى الان مع من هو بنفس الدرجه من ( الجنون  - الاحترام - الالتزام - الروح - التفكير - درجة التدين  - الهدف ) 

كلهن خذلوننى ولم يتغيرن ولو بعد جهد جهيد  حتى ولو تغيرت انا لهن بما يتناسب مع منطقية التغيير من المسموح .................... 

لذلك اعلن 

انهن لم يتغيرن ................... كما هن ............ وضاع جهدى هباءاً منثوراً 
وهما زى ما هما 

ضاع مجهودى وما ضحيت به هباءاً منثوراً
فليعشن حياتهن كما يرين 
وليلقوا بى خلف ظهورهن 
فقد 

فشـلت معهن

وبقين كما هن

فليعشن كما تعودن 

فش////////////////// ل







هناك 9 تعليقات:

mrmr يقول...

انت حاولت وشعرت ان النتيجه اخرتها الفشل لكن احب اطمنك واقولك يمكن يكون من وجهه نظرك انك فاشل لكن تاكد ان محاولاتك لم تتنهى بالفشل لكن انت زرعت ووقت الحصاد لم يحن بعد
فلا تتعجل الامور واعطى فرصه اخرى للتغيير

ويكا يقول...

كلامك مقنع يا مرمر وممكن يبقى صح فى غالب الاحوال


اما الحاله بتاعتى ، فللاسف ما اظنش ، ولو حصل هيكون فات الاوان خلاص

لقد اصروا على طريقهم .... بل لازالوا يمشونه خلاص

ويكا يقول...
أزال المؤلف هذا التعليق.
Ramy يقول...

أييييييييييييييييييييه يا عم ده كله بس

فشل فشل فشل فشل

ليه تعتقد بقى ده

أمال لو زى حلاتى هتقول ايه بقى هتضرب نفسك بالنار يعنى

(:

يا صديقى العزيز

انا مع مرمر فى رأيها على فكرة

نـوران الـشـامـلـي يقول...

المرأة مخلوقة من ضلع أعوج
فإن حاولت تقويمه .. إنكسر



ماتحاولش تغير حد علشان يليق بيك

يا تقبل اللي قدامك زى ماهو

يا بلاش منه خالص

P A S H A يقول...

فيه حد كان بيقول لك عامل الست وما تحاولش تعرفها
:)

ويكا يقول...

رامى

هههههههههه بصراحه كان زمانى ضربت نفسى من زمان فعلا

انت عارف يا رامى

انا لما بفتكرك يبنى بحمد ربنا :))


واحشنى يا رامى

ويكا يقول...

نوران

عندك حق ، وهو ده اللى اقتنعت بيه فعلاً

من الخطأ تغيير حد ، يا اما اختاره من الاول صح ، يا اما لو هو عرف يغير من نفسه ، زى ما انا كمان مطلوب منى لغاية ما نلتقى فى منطقه مقبوله من الجميع ، يا اما هو مش مناسب ليا من البدايه ، وده خطأ لابد من التوقف عن التمادى فيه

اصبتى

ويكا يقول...

باشا

وفيه حد ( انا ) قالك برده

ابعد عن الست وغنيلها :))

Related Posts Plugin for WordPress, Blogger...