ملعون ابو مصر + تحديث + تحديث جديد

البوست ده انا كنت كاتبه فى 10/9/2011 ( تخيلوا )

لما جالى تعليق من مدونه عزيزه فى البوست اللى فات ، بتقولى " الناس بتتسحل ادام مجلس الوزراء وانت بتكتب فى حاجه تانيه " !!!!

فقعدت مع نفسى فكرت شويه ، وقولت : ايه ده ؟! هو معقوله فيه ناس متعاطفه مع العيال اللى ولعت فى المجمع العلمى دول وحرقوا اهم كتبنا وتراثنا ..... ولا محاولتهم هد سور مجلس الشعب و حاجات تانيه كتيره مش موضوعنا ؟!!

معقوله مش واضح اوى هما هناك بيعملوا ايه ؟ وقبلها فى محمد محمود ؟!! وقبلها عند السفاره ............. وغيره وغيره !!!!!!!!!!

عموماً انا هنقلكم البوست اللى كنت كاتبه ده زى ما هو بالظبط ، مش هشيل حاجه ولا هغير حاجه حتى الغلطات الاملائيه ان وجدت هسيبها 

، بس قبل ما تقروه عايزكم تعرفوا معلومه كمان مهمه ..... ان فيه قناه فضائيه محترمه اتكلمت عن حرق المجمع العلمى قبل حرقه بيوم 

افهموها انتوا بقى ( مع احتفاظى برأى الحالى ان التعامل بعنف غير مبرر ابداُ وكان اولى اعتقالهم وليس ضربهم وتركهم )ومش هتكلم واقول ان الفيديوهات اللى شفتها للجيش وهو بيسحل العيال كان واضح جدا ان الضرب فيها كان بشكل فردى جدا ( مش بتوجيه ، لانى فعلا شفت واد بيضرب بغل رهيب وكل اللى حواليه فى الجيش بيمنعوه وهو بيزقهم ويتخانق معاهم مما يدل على ان فيه حاجه كانت قبل الفيديو ده ما جاتشى .

عموماً هسيبكم مع البوست

ملعون ابو مصر

انا مش عاجبنى اللى بيحصل هناك عند السفاره ده والبلد هتخرب جدا الفتره الجايه 


ليييييه يا مجلس يا عسكرى ما سمعتش كلام العلمانيين رجال الاعمال اللى معاهم الفلوس ونفوذ وعلاقات ....... والاعلام ...... ليه ما سمعتش كلامهم واجلت الانتخابات ؟؟!!! او ما نزلتش المبادئ فوق الدستوريه  اللى احنا عايزينها وقولنالك عليها ؟!!!
اشرب بقى 


اهو بيخربوهالك خالص اهه ...... وورينا بقى هتسيطر على البلد ازاى ..... هتنشغل بالانتخابات ولا بعلاقتك اللى هتتوتر مع اكبر عدو لك على حدودك ؟!!


ورينى هتركز جوا ولا بره ؟!!


نصيحه ركز برا وسيبلنا جواااااا ............. يا علمانيه يا هنولعلك فى امها ...........
ملعون ابوا الديموقراطيه مادام مش هتجيبنا يا ولاد التييييييييييييييت ............ تولع 


احنا نجيب ساويرس بقلعته الاقتصاديه وعصابته المنظمه
احنا سته ابريل ............... اللى اول حاجه السفيره الامريكيه الجديده عملتها قبل ما تروح سفارتها كانت اجتماه مع المجلس العسكرى ونصحه بعدم التحقيق فى مصادر تمويل المنظمات الحقوقيه والحركات الشبابيه لان ده ضد التجربه الديموقراطيه ده كلامها بعد ما المجلس العسكرى قال انه هيفتح تحقيق فى مصادر تمويل مثل هؤلاء 


احنا اسامه الغزالى حرب والبرادعى وجبهة مصر للتغيير اللى ساويرس قال فى مؤتمره انا اللى بمولها من زمان فى السر 


احنا الاعلام (الحياه والمحور و اون تى فى واوه تى فى والمصرى اليوم واليوم السابع والشروق ...... وغيره اللى انا نسيت اكمله ............ هنقول اللى احنا عايزين نقوله والشعب يفهمه 


وورينى كده هتقدر تمد ايدك على حد فينا هنفضحك باعلامنا 


يعنى هنخربها وانت بتتفرج ومش قادر تفتح بقك 


ها نحرجكم النهارده يا ولاد التيييييت يا مجلس يا عسكرى ...... يا اما هنضطركم تعلنوا الاحكام العرفيه ويبقى مفيش انتخابات بمزاجكم او غصب عنكم ........... واعلان دستورى جديد 


هنولعه يا ولاد التييييييييييييييت .............. المره اللى فاتت كانت العباسيه ........ دلوقتى السفاره الاسرائيليه ووزارة الدخليه 


وهنعمل فوضى خلاقه ................. فوضى يا ولاد التيييييييييييييييت 


افهموا بقى يا ولااااد التيييييييييييييييييت .............. احنا البلد ...........
احنا الشعب 


هنقعد فى التحرير تانى ومش هنرجع وورونا هتمشونا ازاى 
ما بنشتغلشى ولا ورانا حاجه 
قاعدين وفى كل حته هتلقونا 
وما حدش يسأل بناكل ونشرب منين
وطظ فى مصلحة ام البلد 
يا احنا ............... يا من بعدنا الطوفان 




ملعون ابو مصر على المصريين غيرنا  


( طبعاً كل الكلام اللى فوق ده  لسان حالهم مش لسانى )




اعذرونى .............. فأنا ذهقت واتخنقت .............. ولازم نفوق بقى ...........

اللى بيخون ربنا ومش عايز يتحكم بشرعه ...........ز يبقى مش هيخون الديموقراطيه اللى هتجيب غيره ؟؟؟؟

ولا هيخاف على بلده
؟!!!!!!!!!!!!!!

تحديث

سؤال بقى مهم شويه هو قناة التحرير وقناة 25 يناير وقناة المحور و اون تى فى واوه تى فى جايبين حاجات تانيه خااااااااالص ليه ؟!! مسلسلات واغانى و برامج تسليه ، بالرغم من ان الدنيا والعه ؟؟؟!!وكل القنوات بتبث ؟!!!!!!!لو فهمتوا ليه ............. هقولكم انتوا متشددين زيى اكيد

ههههههههههههههههه ، المحور دلوقتى حالا جايبه فيلم عن الثوره البرتقاليه .......................

............ اللى مش فاهم موضوع الثوره البرتقاليه ...... كنت انا كاتب بوست قبل كده عن سته ابريل و واحد اسمه جوج سوروس ...... والثورات البرتقاليه ........... عموما ماعلينا

انا كنت كاتب عن الكلام ده والمهم ان الناس حسنى الظن والنوايا والطيبين المؤدبين قالولى لا الموضوع مالوش علاقه بالثورات البرتقاليه 

تحديث تانى :




عارفين اون تى فى جايبه ايه دلوقتى ................... بيتكلموا على المبادئ فوق


 دستوريه ............


ها ؟؟!!! صدفه ؟!!!!






لو صبرتوا شويه كمان هجبلكم رساله رابعه وخامسه ان شاء الله 


بس اتفرجوا بجد على اون تى فى دلوقتى شوف الكلام القذر اللى بيتقال 






هو ده وقته من الظاهر العام ؟!!!