انا نفسى افهم بجد ....
هو احنا ديانتنا ايه؟!!
لانى اللى قالولى عليه وانا صغير ... انى ( مسلم ) ....
مسلم ......( م . س . ل . م)
وكمان قالولى ان كل ما تدينت كل ما بقيت احسن وافضل .....
وما حدش قالى اى حاجه غير كده خالص والله. .... لغاية لما كبرت وبقيت اتفرج على التيلفزيون واقرا الجرايد الصفرا (والحمرا ) والزرقا طبعاً......
لكن اللى بدأت اشوفه او اقراه ......
حاجه مختلفه شويه ..........
فانا ملاحظ ان بقى فيه كلام جديد ......
ايوه جديد .......
مثلا: كل ما ماتقربشى من الدين اوى اوى يبقى هو ده الكويس والافضل ..... والوسطيه والاعتدال ....
قال ؟!!
فعلا؟!!
ولاحظت كمان ان الكلام برده بقى : ان فيه باستمرار 3 تيارات بيتخانقوا وما سكين فى شعر بعض .....
وعمالين يعضوا فى دراعات بعض لما دراعاتنا احنا اللى اتورمت ......
الاولانى : العلمانى " قطع وقطعت سيرته "
التانى: الاسلامى " او المتأسلم ، او الاصولى ، او المحافظ "
التالت : المعتدل "يا سلام يا سلام"
خلينا بقى ما نتكلمشى عنهم نفسهم ، لا
خلينا نتكلم عن الناس نفسها اللى بترغى فيهم.
بس الاول عايز اصرح بحاجه مهمه جدا ، انى لما بتكلم فى الموضوع ده بيجيلى العصبى وتهيج فى العقل واستبحس . وحاله من الجنون والهيجان والغثيان والحمام والدبان وكل الــــ الان او الام ..
وده ليه بقى ؟!!
لانهم بقر ...." الله عليكى يا ويكا ، اديهم ما ترحمهمش "
ايوه بقر ..... وخلينى ابقى سافل بقى شويه يا اخى وانفس عن اللى فى قلبى ..... لاحسن انا خلاص ......
المهم .... نرجع لموضوعنا .... كنا بنقول ايه ؟!!
ااه ، بقر
ايوه بقر
وعلشان بقر وامعه وما بيفهموش ..... وعاملين زى الفلاح اللى لما بيتمدن ....."بيفضح اهله"
او "كالقروى الساذج الذى بهرته انوار المدينه "
او زيي اللى بيشرب سجاير وعايز الناس كلها تشرب زيه .... علشان ما يبقاش هو اللى بيشرب لوحده....
عايزين يعملوا نفسهم متعلمين ومتحضرين وغربيين وهما اللى متماشين مع الثقافات المتقدمه ..... وهما فلاحين برده والله ....
مين دووول طيب يا عم انت ؟!
- العالم اللى كل حبه تلاقيهم نطين على دماغك وودانك وفلقينك بالعلمانيه ، والدعوه المستنيره .... والحريات ....
والمهلبيات طبعاً والاستعباطات ....
العالم اللى عايزينها تبقى مليطه وزعبطه .....اللى عايزين الستات يبقى عندهم الحريات مكفوله ...... وحق المرأه الضايع يعينى يرجع ....
وتعمل اللى فى نفسها ، كفايه قهر بقى وتخلف...... يلا ننطلق بقى .....
بس
بشرط يا معلم .....
ان يكون فى الاتجاه المطلوب ، مش حريه زى ما انت فاهم اوى يعنى .....
يعنى ما تلبسشى نقاب مثلا وتقولى حرية العباده او الحريه الشخصيه .....
لا طبعا ً ..... "كلمه اعتراضيه عيب " ..... احنا هنهرج ..... هو احنا هنتعب نفسنا وفى الاخر حضرتها تتغطى .....
امال هنكلم مين ؟!! ونصاحب مين ؟!! و سيكو سيكو مع مين ..... "نفس الكلمه الاعتراضيه الابيحه" .
ثوانى يا عم ويكا ، انت عايز تقول يعنى ان كل اللى لابسه "مش لبس" - ده نوع قماش جديد - وماشيه ولا فى دماغها , وقالعه الطرحه "الطرحه اهه ، مش النقاب " ،عايز تقولنا ان كل دوول صيع وبيعملوا سيكو سيكو ؟!!! لا لا ياعم ويكا انا تكتك ، وتوء توء كمان مش معاك.
ويكا يقول : اهدى يا عم الكتكوت ..... مين اللى قال الكلام ده ...... لكن انا بقول دوول هما اللى بيحصل معاهم كده بنسبه كبيره ....
هما : امسك ، قفشناك يا معلم .... اهه شفت ، علشان تعرف انك متطرف ، واصولى و متشدد وبترمى الناس بالباطل ، ومتخلف ... وووو ..... شنكوتى كمان .عايز تقول ان المحجبات هما اللى محترمين ؟؟!!
ويكا : هههههههههههههههههههه ، انا فعلا شنكوتى ، مع انى مش عارف معناها ايه ، بس شكلها حلو .
المهم .... اللهى يخرب بيتكم ...... انا مش الكلام ده خالص . لكن تعالوا نتكلم بالعقل ......
ويكا برده : دلوقتى بالله عليكم ، لو واحده عريانه وواحده لابسه ، بالله عليكم انهى احسن ....
هما : مش شرط ، ممكن تكون العريانه احسن ومحترمه وما تعملشى العيب ..
ويكا : صح ، وممكن اللى لابسه اللى تكون هيه اللى احسن ومحترمه ؟! صح ؟!!
هما : ممكن " بامتعاض كده ، وكأنه اجبرهم يقولوا ايوه ومش نفسهم فيها"
ويكا : يبقى تعادل يا معلم ، هنعتبر ان الاتنين كويسين ، حلو كده؟!
ويكا برده : يبقى ايه اللى باقى ، الظاهر .. صح ؟!! تعالى بقى دى لابسه عريان والتراب عمال ييجى على شعرها ووشها وبطنها .... ولمو اخذه ....اها .....
يعنى معفره ومغبره ......
هما مقاطعين لويكا : لا ماهى هتبقى راكبه عربيه .....
ويكا بتبريقه شديده : احنا هنهرج؟!!
ويكا مكملاً: المهم مغبره ومعفره ، والتنايه متغطيه لا تراب ولا غبار ولا شمس ولا زباله.... يبقى انهوا انضف؟؟!!!
ش تتخيل هبقى اقلك بعدين
هما : وانت مالك دى حريه شخصيه ....
ويكا : ياعم اياكشى تولع ...... لكن ما تجيش تكلم النضيف انه يتوسخ هو كمان علشان انت وسخ .....
يا اما تنضف يا ام تتنيل وتتخرص وتسكت خالص ما اسمعشى صوتك ..... ولو عايز تفهم انا اقصد ايه .... تخيل لو عندك حاجه ثمينه ومهمه ..... هتعمل فيها ايه ؟! ولو ما عرفتش تتخيل هبقى اقلك بعدين.
بصوا انا عارف الموضوع ده مش هينتهى الكلام فيه ..تفهم ف.. وانا ما بقاش عندى خلق .... وبجد عايز قاعده وروقان علشان الواحد يركز مع ولاد اللذينه دول .
هكمل بعدين لاحسن انا تعبت ، مع انى لسه ما قلتش الموضوع اللى كنت عايز اتكلم فيه اساسا .... بس " هما" دووول عصبنى وعملى الاستبحس وخرجنى عن شعورى والموضوع اللى كنت هتكلم فيه ....
يالا اقعدوووا بالعافيه ....
نكمل بعدين ان شاء الله .....
امممممممممممممممممممممممه
هناك 5 تعليقات:
اولا انت فينك مختفى ليه كده؟؟؟؟
ثانيا: الراجل ده بيقول كلام زى الفل:)
اه والله لدرجة انى مش لاقيه حاجه اقولها:)
سلام عليكم اية يا فلة الكلام دى دى زى الفلة والله وفى الصميم والغويط بس يا رب يفهمو شوية ويحسو بالنضيف والغالى ويسبهم من الهبل والضياع الى اسمة التمدن وحرية المراة والصداقة البريئة والعرفى الى ودى الناس فى داهية والله كل دى بسبب تخلينا عن دنا واحتشمنا وحياءنا من امتلك الحياء امتلك الايمان والرسول علية الصلاة والسلام كان اشد حياء من العزراء فى خضرهاباى يا فلة السلام عليكم
يا شعب
اهه ،ادي نى فى الدنيا بس اتخنقت من العيشه واللى عايشينها .
هربت من مصر و سافرت ، قلت اخلص من القرف ده. بس شويه وقولت افتح التليفزيون اشوف ايه اللى بيحصل فى البلد بعد ما سيبتها . اتحرق دمى اكتر واكتر والله.
اما بالنسبه للراجل اللى بيقول كلام زى الفل ده لدرجة انك مش لاقيه كلام تقوليه .
عايز اقولك ، ........ وانا كمان.
واقعدى بالعافيه.
فله النوله كونوله :
والله انت اللى زى الفل ، وفعلا والله نضيف وغالى.
السلام عليكم
كلام جميل .. يقول المثل رمتني بدائها وانسلت .. وهكذا هم يخلعون ربقة الدين .. ويرموننا بكل نقيصة .. هم ديكتاتورين النزعة على من خالفهم ويزعمون الحرية ويستأثرون بها لانفسهم وفقط ..
تحيتي وشرفنا بمعرفتكم
إرسال تعليق