الاثنين، 9 مايو 2011

الى كل المصرين ..... لا تشربوا السم


ايه رأيكم لو فوقنا كلنا وبطلنا ننجرف زى الخرفان ورا اى اشاعه او اى حدث ونتناقل الكلام ذى البغبغانات وننقسم كل مره الى نصفين ، نصف يبيهاجم ويلوم والنصف الاخر بيدافع وبيبرر .
وما فيش حد بيقعد يحلل هو ليه حصل ده وبالذات دلوقتى او ليه تهموها فى دول بالذات .......... او ليه الحاجه دى بعينها؟!
ايه رأيكم لو رجعنا كلنا ايد واحده تانى .
بس المره دى ايد مُصره على البناء واستكمال المشوار ... ايد ناس وشباب واعى وسواعده شديده ؟؟


ايه رأيكم نقتنع ان اللى بيحصل ده لا مسيحين عادين ولا مسلمين ولا سلفيين ولا اخوان هما اللى بيعملوا اللى بيحصل فى البلد ده ..... 
وان دول هما هما اللى كانوا بيبعتوا ناس فى الشوارع ايام الثوره يروحوا فى اطراف الشوارع ويضربوا نار علشان يخوفوا الناس ويروعوهم ويكمل من الناحيه التانيه الاعلام الموجه (متمثل فى الزعيم انس الفقى ) بنشر الاشاعات والاخبار الملفقه عن انتشار البلطجيه ، اللى فى نفس الوقت كانوا هربوهم من السجون علشان يسهلوا انتشار وتصديق فكرة انهم فعلا بلطجيه اللى بيعملوا كده ؟؟؟


ايه رايكم لو  نقتنع انهم يا اما يهود خوفاً من توجه المصريين فى التعاطف مع الفلسطنيين وسعيهم للمصالحه 
او هما فلول ظباط امن الدوله المجروحييين اوى اوى ..... 
او انهم رجالة حزب دولة بورتو طره الموجودين متجمعين بكل قواتهم وادمغتهم الوسخه فى مكان واحد بشكل ما اظنوش اتكرر قبل كده  ( انهم ياتجمعوا بالشكل ده فى وقت واحد كل الوقت ده ....... 
او مثلاً علشان ننسى مبارك فعلا وعياله من المحاكمه  - (زى ما ده فعلاً حصل وتكون دى هديه من احباب مبارك فى الخارج امريكان او يهود او ايا كان)  -  (نظام اهه اى خدمه هنحميك هنحميك ، وهنخليها احكام عرفيه وساعتها الجيش ممكن ما يحاكماكشى ويطلعك بتشريفه كمان ..... مهى احكام عرفيه بقى ...... وان كان لو السيناريو كده .... غالبا هيبقى افضل طبعاً انا كاتبه اختصاراً بس وليس تفصيلاً) .........
ليه ما يكونوش شوية مندسين (بس مندسين فعلاً وعملاء للامريكان ) امثال مايكل منير ده ولا اسمه ايه مش فاكر ..... اللى عمالين يجروا على السفاره الامريكيه كل حبه  (بما يعد خيانه عظمى لمصر ويجب ان يحاسب عليها كل من فعلها او حرض عليها )

انا كنت قريت مره عن البرادعى انه كان فكر فى 2005 انه يقسم مصر لنوبه ومسيحيين ومسلمين ...... ايا كان هو فعلا ذكر كده او لا.... بس (كده ده ) فعلاً موجود  ......

يا جماعه انا ملاحظ ان فيه اشاعات تانيه كتيره بدأت تتناقل وتتنشر زى ما تفتحوش لاى حد ، فيه ناس بتخطف مش عارف ايه ... نصابين بتوع ايه ..... هدفها كلها لو ركزتوا زعزعت الشعب وتخويفه تانى وتفقيده الثقه فى بعضه البعض .......

اسرائيل قالت هنولع فى مصر لو فتحت معبر رفح ..... انتوا مفكرينا تقصد حرب ؟!! تبقوا فعلا غلابه وعلى نياتكم 


طبعاً يقصدوا فتن وشغل مخابرات وموساد ....... وده ان دل فيدل على انهم لهم ناس جاهزه ولهم نظام شغال تمام فى البلد ولهم جرايد ومجالات وقنوات كمان .......
 ليه ما نفوقشى ونقول لكل دول لأ ...... ليه ما نركزشى ونرجع  لكلمة  ( ايد واحده ) تانى ؟!


احنا مش اتفقنا ان بايدينا مصر بكره احلى ؟!!

ليه نخليها بايدينا مصر بكره اوحش ؟!!
دا لو حرب ارحم واحسن لكرامتنا على الاقل يبقى حد حاربنا واحنا حاربنا وخسرنا ... لكن نهدمها بايدينا بسبب اننا بنصدق اى حاجه فى اى حاجه
انا متهيقلى نموت بدرى واحنا اذكيه افضل بكتير ما نعيش طول عمرنا اغبيه

تعالوا نقول للاشاعات تانى لاء

تعالوا نبطل اتهام لبعض 
تعالوا نشغل بقى عقلنا
تعالوا نكمل ثورتنا

هناك 4 تعليقات:

محمد نبيل يقول...

ياعم برادعى ايه اللى فكر يقسم مصر، ابقى تثبت قبل ماتقول أى كلام، البرادعى انسان وطنى ومن أولاد مصر اللى شرفوها. اقرا المقال دة لوزير الخارجية نبيل العربى

http://www.shorouknews.com/Columns/Column.aspx?id=182900

أنا حرة يقول...

أخى الكريم
السلام عليكم ورحمة الله وبركاته
أشكرك شكرا جزيلا على تعليقاتك على مدونتى والتى ترفع كثيرا من روحى المعنوية
ربنا يبارك فيك يارب
اوافقك أن يفكر كل إنسان فيما يقول أو يكتب ولا يردد آراء معلبة جاهزة دون تمحيص أكيد لو كل إنسان تكلم عن قناعة وأسباب منطقية سوف يكون الأمر أفضل .. وكذلك إذا وجد رأى أفضل من رأيه فلا يكابر فى الحق
تحياتى وتقديرى

وجع البنفسج يقول...

اخي الكريم ..

يمكن هذه اول زيارة لي لمدونتك الكريمة ، ولكني سعيدة بها ..
بالنسبة لما قلت عن أحداث الفتنة الطائفية في مصر فهو صحيح مئة بالمئة ، ان لاسرائيل يد خفية في الموضوع ، فهي حاقدة على مصر لانها وقفت بجانبنا نحن الشعب الفلسطيني وقامت برعاية المصالحة واتمامها ، وايضا تفكر في فتح معبر رفح وتزويد القطاع بالكهرباء وغيره ،، وهذا مافتح النار على اسرائيل واعتبرته اسرائيل حرب مصرية عليها .. فهي تخطط لضرب امن واستقرار مصر " وهذا ليس جديد على اسرائيل " ، اسرائيل لن تشن حرب عسكرية معلنة على مصر لانها سوف تخسر الكثير ، ولكن الحروب أنواع في عصرنا الحالي ،، اسرائيل تحاول ضرب مصر طائفيا ، ولكني اتمنى من الله أن يرد كيدها في نحرها ان شاء الله ..
اتمنى من الله عز وجل ان يحفظ مصر وأن يفهم المصريون هذه الحقيقة حتى يستطيعوا أن يعدوا لبر الامان بمصر الحبيبة ..

سعيدة بمروري وتعليقي وان شاء الله من المتابعين.
دمت بخير.

افروديت يقول...

السلام عليكم /

كلامك معقول جدآ ياوئام

وأخطرمافي الأمر وأتعجب له كثيرآ تجمع كل روؤس الفسادفي مكان واحد وهذايقلقني كثيرآ
ولا أعلم كيف يحدث هذا أصلآ .

وبالفعل تعلم أنه تم القبض علي هذاالرجل الذي جاء بالفتنه من الصعيدلكي يشعلهافي أمبابة وعلي غيره من رجال الآعمال الفاسدين الذين يتحركوا حتي الأن لتهديد الثورة والذي يجب علينافهمهم جيدآ والتصدي لهم

ولكن بالفعل هناك تخاذل كبير الي الأن أري أن فلول الوطني محافظين ومديري أمن في عددمن المناطق كالجيزة مثلآ
لماذا لايتم سجن كل هؤلاء والتطهيريشمل كل شيء حقآ أتعجب من ذلك .

أمابالنسبة للملعونة أسرائيل فهي لن تهددنابشيء بأختصارشديد لأننالانخشي الموت ونعلم أن الحجارة ترعبهم وتجمعنايزيدهم خوفآ .


اتمني أن تصبح مصرفي أحسن حال عاجلا
تحياتي لك

Related Posts Plugin for WordPress, Blogger...