الجمعة، 6 أبريل، 2012

هل ممكن تكون كده المكيده ؟!! تبقى مصيبه



هو للدرجه دى حازم صلاح واصل لاعلى مراتب الرعب للمجلس العسكرى والعلمانيين والامريكان ؟

 انا بداخلى ريب كبير فى مؤامره تكون بلونة اختبارها هذا الخبر الاخير ( جنسية والدة الشيخ حازم )  لجس نبض الناس هل سيتحولوا عن حازم للبديل الثانى الاكثر قبولا من وجهة نظرهم (  خيرت الشاطر  ) ام لا  ؟
 تبقى مصيبه سوده ومنيله بستين نيله لو كان فيه اتفاقات بالشكل ده  لان تحفظى على الاخوان ساعتها مش هيبقى تحفظ 
 فتباطئ الفصل فى الامر الى هذا الوقت بالرغم من سهولة الاجابه عنه ينبئ بشئ خطأ وغريب و تآمرى  
احداث متتاليه غريب حدوثها بالتوالى ده 
العفو عن الشاطر فجأه من قبل ايمن نور بحوالى 20 يوم بدون اى خبر يتسرب للاعلام والتركيز على ايمن نور بس وكأنه هو مرشح المجلس العسكرى  الجديد 
ثم الخناقه بين العسكرى والاخوان اللى على اثرها اعلن الاخوان 
 الترشح فجأه لخيرت الشاطر بعد الترشح بتاع ايمن نور 
ثم فجأه انتهاء البيانات والشتايم بين الاخوان والمجلس العسكرى  تانى فجأه و كأن مفيش حاجه
التوقف عن  مطالب بخصوص سحب الحكومه
ثم فجأه بلونة جنسية والدة الشيخ حازم لرمى بلونة اخراج الشيخ من التراك لكشف رد فعل الشارع هل سيتقبل الامر ويتحول للبديل اللى اتوجد فجأه  وهو خيرت الشاطر ( البديل الوحيد المتوقع لديهم ) ؟
ام ستحدث مشكله كبيره ( من رد فعل الاسلاميين ) فبالتالى يطلع ان الراجل امه مصريه خلاص وكأن شئ لم يكن لان ما حدش بالفعل رسميا قال حاجه  ؟؟!
ثم فجأه خبر اتنتور كده فى كل مكان ان اسرائيل انضرب عليها صاروخين ( مره واحده كده ) من سيناء 
لكن الخبر ما شدش اهتمام حد .... فطلع نتنياهو قال ( لن نسكت .... من انتم من انتم !!! ) فيما معناه يعنى هضرب سيناء .... وكام تصريح كده تانى من رجالتهم تهديد الامن بتاعنا يعنى 
وكأنهم كانوا بيتوقعوا ان هذا الخبر سيصرف اهتمامالمصريين اكثر من اهتمامهم بمشكلة المرشح الرئاسى المرعب 
الا ان الامر لم ينجح والمليونيه ستشتد ان شاء الله اليوم الجمعه ( 6 ابريل )

اتمنى الا يكون الامر هكذا
لاحسن ورب العزه ما هيبقى ورايا الا الاخوان ساعتها مش المجلس العسكرى
لانها هتبقى لله مش لحازم
لان يشهد الله بالرغم من انى احترم عقلية الرجل جدا ومعجب بها لابعد حد بغض النظر عن مشروعه الاسلامى اللى انا لازلت مش متأكد منه اوى برده
الا ان ولائى وبرائى لله وليس لاشخاص او شيوخ او جماعات او احزاب

والله المستعان على ما يصفون

هناك 7 تعليقات:

ابو المفاصل الواصل يقول...

سعدت بزيارة مدونتك
تحياتى

ابو المفاصل الواصل يقول...

سعدت بزيارة مدونتك
تحياتى

ابو المفاصل الواصل يقول...

سعدت بزيارة مدونتك
تحياتى

Noha Saleh يقول...

مكيدة ايه
اشمعنى هو اللى هيعملوله مكيدة
طيب لو مكيدة ده ممكن يفتح كلام للناس انها تقول الثورة مكيدة وخلع مبارك مكيدة
والشهداء كمان راحوا مكيدة
نظرية المؤامرة فى كل حاجة...يبقى عمرنا ماهنرضى بأى حاجة

ويكا يقول...

ابو المفاصل الواصل ‏

احنا اسعد يا فندم ومنور


نهى صالح ‏


ايه يا بنتى الكلام ده ‏،‏ انتى بتتكلمى جد ولا بتتريقى ؟؟‏!‏

Noha Saleh يقول...

لا مش بتريق
ليه الناس مش عاوزة تصدق ان فى سلفى ممكن يكذب
بغض النظر عن حازم او غيره يعنى
ما البلكيمى اهه ناس قعدت تقول مكيدة ودخلوا الموضوع انه اساءة للاسلام وطلع فى الآخر كذاب
والله لو ماطلعش كذاب لازم حقه يرجعله ويتعمله رد اعتبار كمان
لكن لو كذاب يبقى انتهينا

ويكا يقول...

نهى

موافق

Related Posts Plugin for WordPress, Blogger...