بتوع موقعة الجمل عايزين الاستقرار

 يوم السبت اللى قبل اللى فات انا لفيت على خيمه خيمه من خيم المعتصمين الصبح اصحيهم من النوم واقولهم لو سمحتم ما حدش يجيب سيرة حازم خلاص وقد كان فعلا ..... القضيه دلوقتى مش قضية حازم .... الموضوع دلوقتى موضوع بلد بحالها ...... والدليل على كده اعتراف البلطجيه انهم كانوا فى موقعة الجمل .... السؤال ايه مصلحة الفلول ان البلد تفضل ماشيه فى اللى هى ماشيه فيه ده دلوقتى ده ؟! ..... وان اللجنه تفضل متحصنه واللى بيحصل يفضل يحصل ؟!!!! ايه ؟ الحزب الوطنى عايز البلد تستقر ؟!!! .... ايه مصلحته ان اللى بيعمله العسكر يمشى ؟!!!!! وعايز ابشركم ولاد ابو اسماعيل كلهم بقوا مع الثوار فى الاعتصام خلاص متفقين .... اه صحيح فيه ناس ادراكها على قده شويه دماغهم شويه بتعصلج فى حاجات بس انا مبسوط لان حصل حاله من حالات الحوار بينهم ......... اخيراً تلاقوا  الابريلى مع السلفى وبقوا بيتناقشوا وجها لوجه امام عينى ، بيختلفوا ويتخنقوا وفى الاخر بيتفقوا ........... والجميل فى اللى انا شايفه بينهم انهم كل واحد بدأ يكتشف الخلل بتاعه ....... اه خلل
فعلا طلع كل واحد منهم عنده خلل وفهم غلط وتوقع مسبق غير صحيح .... الا انه بدأ يذوب دلوقتى خلاص وبقت الايد ايد واحده فعلا ...... لان الهدف واحد