الاثنين، 9 أبريل، 2012

انا قولت ... مفيش فايده ... ماحدش سمع كلامى





واحد بيتصل بمراته فى قلب الليل ... صحاها من النوم 
وبيقولها بكل رومانسيه وكأنه اول مره يتكلم مع واحده فى حياته :

انتى الانسانه الوحيده اللى حبيتها حب هادى ....

فترد عليه وتقوله بكل رومانسيه ......

اممممممممممممم .... ده معناه انك حبيت حد تانى قبل كده ....


اقوم انا اقوله :

اشربها يا معلم

و اقولها:

حسبى الله ونعم الوكيل
مفيش فايده ... مفيش فايده




هناك تعليقان (2):

بـت خـيـخـة وأي كـلام يقول...

السلام عليكم

اولا عندك غلطتين
فى العنوان انت كاتب .. ان ... وهي المفروض انا

وفى البوست انت كاتب "معنها" ... وهى المفروض معناه

معلش مش قصدى ابين لك اخطائك الاملائية
على اد ماهي مسألة تعود مني
فى متابعة ابنى لما يجى يكتب دروس العربي والإملاء



المهم ندخل في الموضوع

طبيعى ان الراجل يكون حب قبل ما يتجوز مراته
نادر جدا انك تلاقي راجل اتجوز اول واحدة حبها فى حياته

فالمفروض مراته تكون متوقعة كدة


اما بالنسبة للحب الهادي

اه لو تعلمون ماهو الحب الهادي

اسالنى انا عن الحب الهادى والحب العنيف



الحب الهادى قد يظهر انه حب ممل او عادي و مفيهوش اثارة
على عكس الحب العنيف
يهز الكيان والروح
وتحس انه بيجتاحك زى اعصار
بياثر فيك جداااا


لكن الحب الهادى رغم انه هادى الا انه الاقوى
لانه هدوءه ده معناه انه بيرمي الاساس فى القلب والعقل والروح
حب بيستمر
حب حقيقي بجد
مش سهل انه يروح ويضيع مع المشاكل

زي بالظبط لو قدامك بناياتين
عمارتين يعني

واحدة دورين فقط وشكلها تقليدي جدااا
والتانية برج من اربعين دور و واااااو تصميمها رهيب

لكن ممكن مع اول زلزال البرج ده هو اللي يقع

لان متحفرلهوش اساس كويس
مبنى فوق الارض
مالهوش جذور تمسكه وتخليه ثابت فى مكانه

لكن العمارة الصغنونة المكونة من دورين
هتلاقيها ثابتة لان ليها اساس كويس اوى
يمكن تلاقي اساسها يستحمل 100 دور

بس المالك مش مستعجل انه يبنى فوق الارض
هو المهم عنده انه يرمى اساس متين
يفضل العمر كله
اساس بيتوارثه الاجيال


ساعات الحب الهادى مش بيرضى غرور الكتير من الستات

الست بتبقى عايزة حب يزلزلها

بس فى الاخر بتكتشف ان اللى حبها حب هادى
هو اللى حبها بجد
لانه استحملها فى كل حاجة ولسة باقي عليها

وهى نفسها لما بتدور حواليها لما بتقع
مبتلاقيش غير اللى حبها حب هادى هو اللى جانبها

واللى حبها حب عنيف
راح مع المشاكل
وبخ مش موجود

بس خلاص

انا اسفة انى طولت
عارفة ان البوست لايت كوميدي
وميستحملش كل القدر من الفلسفة دى

بس البوست جاى فى وقت عندى اكتشفت فيه
ان الحب الهادى هو الحب الاقوى

فعلشان كان البوست
اثارنى انى اكتب كل الكلام ده



سلام

اختك خيخة

ويكا يقول...

نورا

البوست لايت كوميدى

وشرحه

تعليقك

Related Posts Plugin for WordPress, Blogger...